|
Re: علي محمود حسنين راح في الكازوزة يا رجالة ....... (Re: محمد مختار جعفر)
|
تعرف يا ودالباوقه يا قريبى .. البوست ده ممكن يكون تلخيص واقعى وإحترافى جدا للمشكلة فى البلد الظالم أهلها الليلتنا دى !! يعنى يا عزيزي .. لا شيء يعدل فقدان البوصلة بالنسبة للذاكرة الجمعية بتاعت الناس .. فالنتيجة واااااحده .. الجـــــــوطه.. وهى ذات ما ترتكبه هنا من فعل الكتابة عن على محمود حسنين ..
طيب ياخى إحترم سنواتو القضاها فى معتقلاتكم .. والأدنى من الأدنى من مثله قضوها فى وزاراتكم .. مالك الليلة عاوز تخلينى أقوم على ملاواتكم ..
يا قريبى .. عندك ناس كتااار .. وعندك ها الباسويرد ..
أكتب .. طبل .. دبج .. طقطق الاصابع هرطق ..
ومثلما تشاء .. وكيفما تريد .. وأينما يكون ان شاء الله فوووووق فى العناوين الماسخه الليلت بكرى ابوبكر ده ..
بس عليك الله زح من الزول الجميل ده ..
خليهو .!! خليهو سااااهى ..! هى فارقه معاك شنو ؟!
النبى خليهو .. ما تزعل ناس زعلهم بالدنيا وأقرب للوطن ..
صلى على النبي يا قريب
| |
|
|
|
|
|
|
Re: علي محمود حسنين راح في الكازوزة يا رجالة ....... (Re: Elbagir Osman)
|
Quote: عفوا (عدل بواسطة ود الباوقة on 08-12-2011, 03:06 AM
|
الأخ ود الباوقة
لك التحية
الفكى قال لى التعليق فى البوست ده بيخصك
وكشف لى المكتوب سامحك الله أخى ود الباوقة
حكومتكم غرقانة غرقانة ومتضايقة وعايزه ليها أى قشه
عشان تتعلق فيها فهل أنقذت القشه غريق من قبل .
بطلوا جرسة وما تضايقوا الناس أكتر من كده فى أرزاقها
100 مصنع يغلق أبوابه فى الباقير نتيجة للعوائد الباهظة
فشل الموسم الزراعى فى القضارف وبقية مناطق الزراعة المطرية
الغلاء طحن الناس والخرطوم بقت أخطر من شيكاغو لازم تتحسس مسدسك
من حين لآخر الوضع خطير يا ود الباوقة .
| |
|
|
|
|
|
|
Re: علي محمود حسنين راح في الكازوزة يا رجالة ....... (Re: ود الباوقة)
|
Quote: علي محمود حسنين راح في الكازوزة يا رجالة |
الاستاذ علي محمود حسنين شامخ ورجل مواقف لا يخاف قول الحق من يعرف الرجل عن قرب يعرف معدن الرجل فله الف تحية وربنا يشفيه ان كان مريضاً .
باودالباوقة ان كنت تسخر من مرض الاستاذ علي محمود فأنت مخطئ لان المؤمن مصاب والمرض هو ابتلاء رباني . اما كانت سخريتك من علي محمود حسنين المناضل فلك الحق في ذلك لان الرجل لم يسرق ولم يقتل ولم يكذب كالذين يتسلقون اسوار الوطن من بوابة الدين .
تحياتي
| |
|
|
|
|
|
|
Re: علي محمود حسنين راح في الكازوزة يا رجالة ....... (Re: يوسف السماني يوسف)
|
Quote: باودالباوقة ان كنت تسخر من مرض الاستاذ علي محمود فأنت مخطئ لان المؤمن مصاب والمرض هو ابتلاء رباني |
اخي يوسف
لم اقصد السخرية من حسنين او اي شخص اخر
فانا لا علم لي بانه مريض فان كان كذلك نسال
الله له الشفاء العاجل
لكن تناولت الجانب السياسي بعد ان انضم
الحزب الاتحادي لحكومة المؤتمر الوطني
وهو كان بمثابة نائب الرئيس كما تعلم
بس..
| |
|
|
|
|
|
|
Re: علي محمود حسنين راح في الكازوزة يا رجالة ....... (Re: ود الباوقة)
|
Quote: لم اقصد السخرية من حسنين او اي شخص اخر |
شكرا الاخ عمر علي التوضيح لان الحق ابلج .
Quote: لكن تناولت الجانب السياسي بعد ان انضم
الحزب الاتحادي لحكومة المؤتمر الوطني
وهو كان بمثابة نائب الرئيس كما تعلم |
مايدور من صراع داخل الحزب الاتحادي الديمقراطي هو صراع بين السيد محمد عثمان في طريقة في ادارة شئون الحزب وبين المنادين بمبادئ حزب الحركة الوطنية صراع قديم تفاقم بعد رحيل القيادات الصلبة من الاتحاديين وتفاقم بعد انقلاب الانقاذ والاستاذ علي محمود حسنين ومجموعة السبعة في الحركة الاتحادية كانوا اكثر الناس شراسة لمعارضة الانقاذ في كل مراحل تقلباتها وكان منهم الراحلين الوالد الحاج مضوي والشقيق محمد اسماعيل الازهري وسيداحمد الحسين وظل هولاء علي مواقفهم الصارمة تجاة الانقاذ ساندهم في هذا الموقف ازرق طيبة الشيخ عبدالله العركي واختار اخرون محاورة المؤتمر الوطني . الاستاذعلي محمود حسنين هو نائب رئيس الحزب رفض التفاوض مع الانقاذ وترك المنصب من اجل الدفاع عن قناعاته فيستخق الاحترام والتقدير .
| |
|
|
|
|
|
|
Re: علي محمود حسنين راح في الكازوزة يا رجالة ....... (Re: يوسف السماني يوسف)
|
لاستاذعلي محمود حسنين هو نائب رئيس الحزب رفض التفاوض مع الانقاذ وترك المنصب من اجل الدفاع عن قناعاته فيستخق الاحترام والتقدير .
..............................................................................................
اخي ابورامي
طالما ان مرجعيته مولانا الميرغني رئيس الحزب مافي حاجة اسمها قناعته
وشكرا
| |
|
|
|
|
|
|
|