Quote: بسم الله الرحمن الرحيم اخوتنا في الكوكب الشبيه بنا و الذي اسميناه مبدئيا كيبلر 22-ب Kepler 22-b السلام عليكم ورحمة الله تعالي وبركاته هذه اول رسالة تكتب لكم من كوكب الارض بعد الاعلان عن اكتشافكم ب15 ساعة بواسطة وكالة ناسا وهي كالة في بلد جار لنا في الكوكب هذه الرسالة كتبتها نازك الطيب من السودان لتكون او رسالة لكم من كوكب الارض نحييكم فيها ونتمني ان تعرف عليكم وتتعرفوا علينا او تخبرونا ان كنتم تعرفوننا وستتلوها رسائل اخرى انشاء الله بعد حصولنا على ردكم
ودمتم بخير
اها يا جماعة اشهدوا انو اول رسالة تكتب لكيبلر كانت من السودان وعبر سودانيز اونلاين و من نازك الطيب اهو قلنا السودان يسبق في حاجة كويسة مادام طوالي جاي ورا وبعدين لو الامريكان اكتشفوكم اهو نحن اول من كتب لكم رسالة ولو في زول سبقني منهم حتكون اول رسالة باللغة العربية ولو دي برضو في زول سبقنا حتكون اول رسالة من السودان ولو في سوداني سبقني حتكون اول رسالة من موقع سوداني يلا كلكم اشهدوا يا ناس سودانيز اونلاين
سلام يا نازك و الله رسالة السلام و الترحيب ظريفه جداً وفكرة حلوه. قيقراوي طبعاً لانو بحب الكلام الكتير و مسيخ وخصوصاً من الدم و للدم ما بفهم ليك الرساله و طالما عمرو كلو مع الاعراب فهو بركز في الإنشاء و مابعرف الكلام المضغوط .
بس يا نازك كان بعد رسالتك الأولي دي تكتبيى ليهم المنجيات من الدمار كلهن اولاً الديمقراطية و حقوق الكائن بتاعهم.
تحياتى لك . و سلامي لقيقراوي (الرووووب)
12-06-2011, 11:38 AM
قيقراوي
قيقراوي
تاريخ التسجيل: 02-22-2008
مجموع المشاركات: 10380
Quote: قيقراوي طبعاً لانو بحب الكلام الكتير و مسيخ وخصوصاً من الدم و للدم ما بفهم ليك الرساله و طالما عمرو كلو مع الاعراب فهو بركز في الإنشاء و مابعرف الكلام المضغوط .
ما الفكرة ياخ رغم اعترافي بانو اللغة العربية لغة ثرثرة .. كلام كتير .. افكار قليلة
و هنا المحك
قصدت انو "فكرة" التعارف دي ذاتا "غريبة"!
------
في تسعينات القرن المنصرم-بعد اتخرجتوا انت وبقية الديناصورات بكمين سنة ضوئية- في الجامعات درج الكيزان على ارسال رسائل مشفرة عبر "فكرة التعارف" دي ذاااتا ..
ما تكونوا في لمة يجيكم كوز -داسيها طبعاً، او يعتقد ذلك- يقول ليكم نعمل تعارف .. و يبداهو هو:
اخوكم في الله ان شاء الله سوفي ناب ..
اها الشباب بقوا فاقسين النومة ..
من ن ن حتة " نعمل تعا ..." يقوم يفرنقع الجمع .. جااااكم هازم اللذات و مفرق الجماعات
امكن (الجيران) الجدد ديل -بالنسبة ليهم- نحن ما جدد .. ؤ يكونوا فاقسين النومة برضو .. و يفتكروا انو كل سكان كوكبنا دا كيزان يقوموا يفروا مننا فرار السليم من الاجرب ياخ!
شفت الرسائل السلبية!؟
12-06-2011, 11:56 AM
سفيان بشير نابرى
سفيان بشير نابرى
تاريخ التسجيل: 09-01-2004
مجموع المشاركات: 9574
هاهاهاهاهااااي و الله حايف اعلق تااااني تجي تشرح لووووول
ما ملاحظ نفسك الأيام دي هههه
اعمل حسابك اهالي كيبلر ديل يقوموا يفهموك غلط .
هسي يا قيقا عليك النبي (طه) سودانيز دا ذاتو ما كوكب عجيب !!!؟ ياخ دا لو لبسته ليهو فهامة عبقريونو ما تحصل فيهو شئ!!!! حوللللتن .
اما السودان (رضي الله عنه و ارضاه) فخلو ساااى زي ما قال بدر العربي هههههه ياخ السيد رئيس الوزراء السابق قال :- عبد الرحمن مرة لغم العاصمة و كان عايز (يفرقعه) !!! إي و الله قال يفرقعه طق طرق !! اخر مرة أنا سمعته يفرقعه دي اهو زي ما قلته أنت لما كانو الكيزان برسلو طاراتهم ديك و نحن نفرنقع لووووول .
كوووو كب النمرق من هنا دا .
يا صاحبي شرح البديهيات مضنئ عشان كدي اضحك ساااي و أنسئ العايز شرح .
قيقراوي ونابري اها انبشركم تم تسجيلكم في ملف المرحبين بجيرانا ناس كيبلر مع الرسالة والتي قررت ان انقلها الي شريحة ذاكرة صغنتوتة (ضََفر) واقوم الف الشريحة في كيس نايلون صغييييير ثم المونيوم فويل ثم كيس نايلون تاني صغيييير ثم بعد داك اخوتو في عجينة اسمنت عطبرة ثم احفر حفرة رفيعة في صخرة حجر جرانيت على عمق متر كدا بواسطة دربكين او جاك هامر ثم نضع الرسالة وتعليقاتكم ونقفل الحفرة بكل انواع المواد المقاومة للحرارة وندفن الحجر في الصحراء الليبية او المصرية او السودانية (ما بكلم زول وين بالضبط اصلو في ناس حاسدين وبتاعين مشاكل). اها قامت براكين زلازل حرب نووية الرسالة قاااااااعدة يجو ناس كيبلر بتقنياتهم المعقدة يقروها.
عبدالله عيدروس ...مارحبت مالك بالجماعة؟ رحب ياخ رحب ....الاحوال مما معروفة يمكن اول المرحبين يبقوا قناصل فخريين
12-06-2011, 01:23 PM
Nazik Eltayeb
Nazik Eltayeb
تاريخ التسجيل: 11-27-2007
مجموع المشاركات: 2357
Quote: بس يا نازك كان بعد رسالتك الأولي دي تكتبيى ليهم المنجيات من الدمار كلهن اولاً الديمقراطية و حقوق الكائن بتاعهم.
والله يا سفيان اقتراح وجيه لكن ما ملاحظ انو بنطلق من فرضية غريبة جدا جدا وغير مطروقة وهي (ان سكان الارض اكثر تقدما وفهما وقد وصلوا الي ان هذه القيم هي الحامية للانسانية والحياة) طيب لو كانوا هم سبقونا والكلام دا عارفنوا زي ماقالوا قيقراوي و عبدالله عيدروس البنطلقوا من الفرضية القديمة انو سكان الفضاء دائما متقدمين وعندهم اطباق طائرة وحاجات تانية كتيرة... بالمناسبة دي انا كمان بعتقد انهم متقدمين عننا....لكن برضو كلامك خلى الشك يتطرق لاعتقادي اها لو كانو متخلفين زي ما بتقول يبقا تمام التمام وممكن نمشي نعتبر كيبلر كوكب بلا سكان لسكان كتار بارض صغيرة و نستولى على كوكبهم استعمار وكدا لكن لو كانوا متقدمين ولابدين لينا ساي يبقى الرماد (قصدي الغبار الكوني) كال حماد.
----------------- يا ناس كيبلر هوي ها الكلام بالاحمر داما تاخدوا بيه اصلوا ما مقصود في ذاتوا وانما مقصود به تحذيركم من النوايا السيئة لبعض سكان الارض..بعدين سكان الارض ناس طيبين جدا (زيي كدا وقيقراوي وسفيان وعبدالله الفوق ديل) دا حتى انا اسمي نازك الطيب والله من شدة ما طيبين لينا 22 سنة ما عارفين كوعنا من بوعنا
Quote: مؤسس الديانة، رون هوبارد، قام بتأسيسها اثر نقاش مع صديق له على حافة حمام سباحة في الخمسينات حول أقصر الطرق للحصول على مليون دولار. هوبارد قال أنه يمكنه بناء ثروة شخصية قدرها مليون دولار عن طريق إنشاء دين جديد خاص به. النقاش تطور إلى رهان. ثم ما لبث هوبارد أن أنشأ الدين الجديد. هوبارد نفسه صرح بنفس الفكرة في حديث لمجلة ريدرز دايجست عام 1980.
تجي نكسب لينا مليون دولار؟ يا كمان نشوف لينا عقد عمل في خليج الجيران في كليبر المعايش بقت صعبة او كما قال الفاروق البلد ولّعت نار ..
و لّ اسهل الاستوزار و مشاركة السلطان جلسته الخليعة!؟
سئمنا و الله و قلنا الروووووووووووب عديييل كدا!! يا جيران شوفوا لينا حل بالله عليكم امكن جبارتنا تبقى بيكم
12-06-2011, 02:11 PM
Nazik Eltayeb
Nazik Eltayeb
تاريخ التسجيل: 11-27-2007
مجموع المشاركات: 2357
Quote: تجي نكسب لينا مليون دولار؟ يا كمان نشوف لينا عقد عمل في خليج الجيران في كليبر المعايش بقت صعبة او كما قال الفاروق البلد ولّعت نار ..
+
شوف يا قيقراوي يا ابو الافكار حاسة بيك بقيت تبحت لمن قربت تصل لفكرتي عشان كدا خلاص خلينا نتشارك زي زولك هبارت دا ونعمل وكالة سفر و سياحة مخصصة في السفر للكواكب الشبيه بالارض ونسجل فكرة السفر لي كيبلر حق ملكية فكرية خاصة الداير يجيب سيرة السفر ساي في تلفزيون ولا جريدة ولا كتاب ولا فلم لازم يدفع الوكالة التانية التي اعلن تاسيسها هي وكالة توظيف في كيبلر .اي زول داير يحرق روحوا زي البو عزيزي ولا مالا قى شغل يكتب لينا طلب ويرسل معاهو عشرة جنيهات سودانية او خمسة دولارات و يخلي لينا ايميله لو لقينا ليه وظيفة بنتصل بيه ...ممنوع الاتصال قبل ما نتصل نحن...طبعا حق التعيين لسكان الارض في كيبلر برضو حنسجلو ملكية فكرية كويس...
سبعة مليارات ممم ممممم بمتوسط بطالة 10 في المائة..ه مممممممم يبقي المتاح من السوق 700 مليون عاطل البقدمو طلبات منهم بعد حملة دعاية ممتازة مممم.. 250 مليون مضروبة في خمسة دولارات تبقي مليار و خممسائة مليون في يالسنة يا نازك نقول صرفنا بعدهااااااااممممم 250 مليون حملة داعية نصفي مليار غير قروش ناس الافلام وهوليوود وطلبات الرغبة في السفر دي بتعمل ليها 500 مليون لمليار اها يبقي مممم المجموع 2 مليار سنويا .
12-06-2011, 02:50 PM
محمد على طه الملك
محمد على طه الملك
تاريخ التسجيل: 03-14-2007
مجموع المشاركات: 10624
Quote: من كيبلر الى نازك سودانيز.. طبعا نحن ما من عوايدنا مقدمات السلام والشكر زي حالتكم.. لإنو ببساطة ما محتاجين ليها .. لإنه ما عندنا التضاض الثنائي زيكم.. عداء / سلم.. شكر / تقريع أو زي ما بتقولوا شتيمة.. نحن هنا بندخل في الموضوع طوالي.. قلت ماشا تحفظي الرسالة في حفرة ! هاهاااااا ! معليش دي طبعا طريقتكم في التعبير.. استخدمتها لتقريب الفهم.. أنتو اصلو ما عنكم حاجة تحفظو فيها غير الحفر! ؟ معنى كدا ذاكرة الحفظ عندكم محدوده جدا.. بالمناسبة قبال تنزلي رسالتك دي في البورد نحن عرفناها.. بعدين اي خاطرة /فكرة في ذاكرتنا بتكون محفوظة .. يعني عقولنا لا تمتلك استيكة زي عقولكم.. بعدين كل سكان كوكبنا دا بعرفوا كل ما يدور او محفوظ في ذاكرة بعضنا.. وبنتبادل الافكار بالتخاطر.. عشان كده لما تصلينا ما ح تشوفي حد معاه موبايل.. على العموم ردنا دا معناه قرينا رسالتك .. كيف؟ شرحها يطول وانتي ما ح تفهميها.. بس البنعرفه عنكم يا بنتنا نازك.. من زمان أهلكم فهموكم إنو الجنة ما بطولوها إلا تموتو.. فاحس خلينا نأجل المفاهمة لوقتها.
أها يا نازك الرد دا وصلني من جماعتك ديل.. طبعا هم قايلننا زيهم أي رسالة لواحد فيهم تكون معروفة للجميع.. على كل حال ما على الرسول إلا البلاغ.
12-06-2011, 03:14 PM
Nazik Eltayeb
Nazik Eltayeb
تاريخ التسجيل: 11-27-2007
مجموع المشاركات: 2357
محمد طه علي الملك......لا حول ولا قوة الا بالله امنت بقدراتكم يا ناس كيبلر وشغل رسائل بن لادن لقناة الجزيرة الوصل الرسائل للقناة شوف يا محمد طه الله يديك العافية انت شكلك كدا لاعب على كبير وانا كان صدقتك معناه حتطير المليارات ماصلو كدا انتا زولهم الرسلوه. بالله يا ناس سودانيز شوفتوا المحن دي من ما جبنا سيرت القروش اهو الاحتيال بدا.
دايرين يا محمد طه يا اخوي تثبت لينا الرسالةدي وصلتك كيف والا (شيل شيلتك)
انا غايتو رسالتي كتبتها براي ....اما انت المصدر المصدر المصدر وما تقول لي حركات ناس سودانيز اونلاين الميادية دي بتاعت (مثلي لا يسال عن مصدر)
---------------- لكن والله رسالتك دي فيها حاجات جميلة ياخ حكاية مافي اضاد ومافي تضاض دي ابداع عديل كدا ولا كمان قصة التخاطر دي براها تخلي الجماعة يصدقوك
Quote: قلت ماشا تحفظي الرسالة في حفرة ! هاهاااااا ! معليش دي طبعا طريقتكم في التعبير.. استخدمتها لتقريب الفهم.. أنتو اصلو ما عنكم حاجة تحفظو فيها غير الحفر! ؟
يعني اسي في داعي للفضائح دي مع ناس سودانيز اونلاين ما كان تشخبط الجزء دا زي شخبطة بكري للكلمات اياها ورسلها في الخاص ياخ هم معذورين قايلننا بنفهم بالتخاطر زيهم انت الفهمت زيهم وزينا ما كان تعالج الموضوع
12-06-2011, 04:30 PM
قيقراوي
قيقراوي
تاريخ التسجيل: 02-22-2008
مجموع المشاركات: 10380
Quote: شوف يا قيقراوي يا ابو الافكار حاسة بيك بقيت تبحت لمن قربت تصل لفكرتي عشان كدا خلاص خلينا نتشارك زي زولك هبارت دا ونعمل وكالة سفر و سياحة مخصصة في السفر للكواكب الشبيه بالارض ونسجل فكرة السفر لي كيبلر حق ملكية فكرية خاصة الداير يجيب سيرة السفر ساي في تلفزيون ولا جريدة ولا كتاب ولا فلم لازم يدفع الوكالة التانية التي اعلن تاسيسها هي وكالة توظيف في كيبلر .اي زول داير يحرق روحوا زي البو عزيزي ولا مالا قى شغل يكتب لينا طلب ويرسل معاهو عشرة جنيهات سودانية او خمسة دولارات و يخلي لينا ايميله لو لقينا ليه وظيفة بنتصل بيه ...ممنوع الاتصال قبل ما نتصل نحن...طبعا حق التعيين لسكان الارض في كيبلر برضو حنسجلو ملكية فكرية كويس...
سبعة مليارات ممم ممممم بمتوسط بطالة 10 في المائة..ه مممممممم يبقي المتاح من السوق 700 مليون عاطل البقدمو طلبات منهم بعد حملة دعاية ممتازة مممم.. 250 مليون مضروبة في خمسة دولارات تبقي مليار و خممسائة مليون في يالسنة يا نازك نقول صرفنا بعدهااااااااممممم 250 مليون حملة داعية نصفي مليار غير قروش ناس الافلام وهوليوود وطلبات الرغبة في السفر دي بتعمل ليها 500 مليون لمليار اها يبقي مممم المجموع 2 مليار سنويا .
تعرفي يا نازك في السودان اشتغلت في شركة مياه غازية، في التسويق كانت في ممارسات ما حلوة بمارسوها البياعين . اها لمن يجي مندوب جديد، بطلعوهو مع واحد قديم بغرض التدريب .. مدير المبيعات كان بوصي المندوب القديم بـ: بالله علمو الحاجات الكويسة بس، الحاجات الكعبة برااااو بتعلما!
انتو طوالي عاوزين تفسدوا اخلاق الجيران ديل و لّ شنو!؟ شنو سوفي ناب جابو ديمقراطيتو العرجاء* و جانا يوصي! و انت بتعلمي فيهم السمسرة و سيادة قيم الاستهلاك لا و العجيبة عمك بتاع الساينتولوجي داك، حوالاااا!! يعني عشان يكسب (الرهان) ينجر ليو دين من كنكوجو دا!! و الكيزان يتاجروا لينا هنا بالدين!!
منو العوض و ليه العوض الحياة فسدت خالص في الكوكب دا .. كمان عاوزين تفسدوا بقية المجرات!؟
------
يا سفيان قليك واحد ديموقراطي جداً جدن حتى آدم همسلف جاهو عيا شديد اها قالوا ليو مافي غير الدعوسية، صاحبنا خرخر في الاول، تحت (دغط) المرض و الحاجة وافق اها واحد من طويلين العمر اتبرع بعلاجو من و الى .. و ربنا كتب ليو الشفاء ..
قام يتضارى وراء الدعوات :
" ربنا يخلي ليكم طويل العمر، و يبعد عنكم شر الديموقراطية ..."
اها ربنا يبعد الديموقراطية عن كوكب كيبلر 22 ب المسكين دا ياخ
Quote: من كيبلر الى نازك سودانيز.. آسفين يا ستي على دقستنا دي.. نسينا أنكم بتتعاملوا بوسائط خارجية.. وارسلنا رسالتنا في العام لاننا زي ما قلنا ليك ماعندنا الخاص.. فالطقطها الزول الاسمه محمد ده.. مش كتر خيره وصلها وما نام بيها وحول الميزه لصالحه؟ بعدين شنو حكاية الملكية الواقعين عليها دي.. انتو أي حاجه تعرفوها بالصدفة عايزين تتاجرو بيها.. شوفي جماعة (ناسا) خلفو قراع فوق قراع وقالوا الاكتشاف دا حقهم براهم.. مع إنه نحن قاعدين في بكانا دا من زمن الانفجار الكبير.. وعارفين انتو جيران.. كونكم يا داب عرفتونا دا ذمبكم.. إنتو فاكرننا دنيا جديده اكتشفتوها وجاين بى سفنكم تستعمروها؟ حيلكم..
الحمد لله يا نازك شايفه اهو جماعتك براهم ادوني براءة.
12-06-2011, 04:45 PM
الطيب شيقوق
الطيب شيقوق
تاريخ التسجيل: 01-31-2005
مجموع المشاركات: 28804
قبيل اخونا محمد على طه الملك ادانا النجيطة وانو القوم ديل بعرفوا اي زول مرحب ولا لا بالتخاطر عشان كده بيض النية ليهم و خلي السناحة وانشاء الله ما بنسوك
12-06-2011, 07:43 PM
الطيب شيقوق
الطيب شيقوق
تاريخ التسجيل: 01-31-2005
مجموع المشاركات: 28804
لانو لاول مرة برضك اضيف معلومات اكثر عن (طائفة الساينتولوجي) من خلال ما اوردته من روابط
طبعا تكوين فكرة اعمق عن الفلسفات والافكار والاديان عن طريق البحث في قوقل غير كاف لتقطع برأي او تحديد موقف مكتمل منها
ذلك لان معظم المواد الموجودة علي الانترنت تكون في احايين كثيرة عن طريق مؤيدي او معارضي هذه الافكار والاديان والفلسفات
وقد يستثني من ذلك الدراسات المتخصصة ومواقع المؤسسات الاكاديمية المحترمة
لكن بحسب القريتو في اللنكات التي تفضلت بجلبها مشكورا ... اصحابنا ديل ذمان انا كنت متكيف منهم ..لكن هسة رأيي فيهم اتغير
ياخي دي ديانة تنتمي الي ما اسماه (دريدا ؟) الماء ال###### للحداثة التي قال ان علينا الا نرمي بطفلها مع ماء الغسيل
ذلك عصر الانبهار بالآلة ومحاولة اخضاع الانسان لايقاعها .. وهو موضوع تطول فيه الكلامات ...
وللكاتب (الفين توفلر) كتابات جميلة عن هذا الموضوع في كتابه (حضارة الموجة الثالثة)
Quote: فكرتها
تتلخص فكرتهم أو هدفهم في مكننة الإنسان والعلاقات الإنسانية على جميع المستويات بدئا بالفرد ونهاية عند الدول ذلك لأن الخاصيات الإنسانية متغير غير قابل للحساب أو التنبؤ به في المعاملات يؤدي إلى أخطاء فادحة عند إتخاذ القرارات إلى حد إتخاذ قرارت غير منطقية (لكن أخلاقية في بعض الأحيان) فوجب إذن تخليص الإنسان من هذه الخصائص الإنسانية التي يرونها أنها موطن ضعفه والرقي به (حسب الساينتولوجي) إلى درجة إتقان عمل الماكنات. ويستدل أصحاب هذه الإتهامات على وجود العديد من القواعد والتمارين ضمن الحركة هدفها محو الإرادة الشخصية وتطويع الفرد في خدمة المؤسسة (الساينتولوجية) أو النظام عامة كضرب من ضروب الهندسة الاجتماعية كواجب الطاعة العمياء لمن فوقك في هرم المؤسسة وعدم حق النقد وعدة تمارين تتعلق بمكننة الحياة اليومية كتمارين على المشي والضحك والصراخ إلخ هدفها التخلص من التلقائية والمشاعر. ولعل الجدير بالذكر عند هذه النقطة أن الفكر الساينتولوجي هو امتداد للتيار الذي يرى أن علم الاجتماع والنفس يخضع أو يجب أن يخضع لنفس مقاييس العلوم الهندسية. وهنا تنشأ تعارضات مع بعض تشريعات الدول الديمقراطية التي ترى أن هذا التيار والفكرة أولا تسلب الفرد حريته وبذلك تتعارض مع دستور الدولة وثانيا تجعل إمكانية قيام نظام دكتاتوري أكثر احتمالا لتلك الأسباب تعتبر العلمولوجيا طائفة دينية سرية وحتى غير قانونية.
اعمل حسابك يا عيدروس عندك ضمان انو جيرانا الكيبلريين ديل ما آليين* -بالنسبة ليك- برضو!!
انا في توم كروز و كيت ما بوافقك .. لكن جون ترافولتا بكـchــنو من يومو!!
بعدين انا صراحة -مع تأميني على كلامك الناقد لتكوين الرأي في الفلسفات، الاديان، الافكار بناءاً على قوقلة ساي!- لكني في جزء انطباعي عميييغ في ذاكرتي الواحد قيقا دي، بتحسس من المبالغات اللفظية..
ترجم ساينتولوجي؟
العلمولوجيا = علم العلم = دراسة المعرفة
جمهورية السودان ما اضيفت ليها كلمة (الديموقراطية) الا في احلك مأساة الديموقراطية في البلد المنكوب دا
و حدث و لا حرج في الانظمة (الشعبية) المغيبة الشعب تماماً
علم غير قابل للدحض دا، من ياتو علوم في الاهل!؟
Quote: مبادئ العلمولوجيا* وصفها العلماء و الأطباء بأنها علم كاذب. ولعل دليلهم في ذلك نابع من فلسفة العلوم التي تقول أن أي نظرية تستند إلى أي نوع من العلوية الماورائية غير قابلة للتكذيب وعلى هذا الأساس ليست علما (حسب بوبر).
[تلخيص اللحظة]
Quote: * لفظ هجين مركب من سِيِنتيا "علم" باللاتينية و-لوجيا "علم" باليونانية. العلمولوجيا هجين كذلك وترجم جزئيا.
يعني بالبلدي كدا (قرعكوسة)
--------
*
Quote: مسلسل "ساوث بارك" الكارتوني الساخر..
أفرد حلقة للسخرية من أتباع الساينتولوجي ومعتقداتهم.. وقالوا إنهم يؤمنون بالتالي:
- منذ ملايين السنين "تحديدا 75 مليون!" كان هناك "اتحاد للمجرات" يحكمه جنرال جبار اسمه جنرال "زينو"! "انظر شكله الذي ظهر في المسلسل!"
لاحظ هذا الجنرال أن هناك مشكلة انفجار سكاني في مجرته.. فقرر أن يقوم بحل ذكي جدا..
جمع الكثير من سكان الكواكب.. وقام بتجميدهم.. وأرسلهم عبر سفن الفضاء إلى كوكب بعيد اسمه كوكب الأرض.. و ألقى بهم في بركان في هاواي!
"ملاحظ أن كتاب الداينتكس, غلافه عليه بركان؟"
طلعت روح هذه الكائنات الغلابة طبعا.. لكن جنرال "زينو" كان صايع جدا.. كان محضّر مركبات فضائية تانية, عشان تلقط هذه الأرواح إللي طالعة.. عشان ياخدها.. وبعدين حطها في مبنى لغسيل المخ, وعلمها كل حضارات الأرض.. وراح طالقها في كوكب الأرض..
الأرواح دي دخلت في سكان الأرض.. وهي السبب في الحزن والتعاسة والتردد والمشاعر السلبية اللي بيشعر بيها الإنسان!!!
انتهت القصة
بس ما حلوة من كروز عدم قبول النقد كمان، و السعي لايقافو بنفوذه!
وين العلم هنا يا ساينتولجي!؟
12-07-2011, 12:05 PM
سفيان بشير نابرى
سفيان بشير نابرى
تاريخ التسجيل: 09-01-2004
مجموع المشاركات: 9574
يا معلمين بخسوس جيرانا انا يا نازك و يا قيقا ما عايز ابقى و صي ولا شى كل البذلتو بخسوس الديمقراطية بذلتو ظن كويس سااااي مني لانو لحدود هسي روحنا دي شقيانه و راها و ما لمين فيها و كل فهمي ليها انها حاجة كويسه و عايز خير ظني دا يكون من نصيب جيرانا بس و ما عايزه تطلع زي شنو وشنو و الخل الوفي ديك .. أنتهي..
بخسوس الساينتولجي و الله شعوب و قبائل لنتعارف و كل شي بس العقل كل ما يبتعد بأكد أنو مافي حدود لشى و دا البجيب لي خمة النفس و الضيق من حالنا دا ، بوبر كلاموا ما فيهو اى اتنين تلاته بس صراحة لما تعصلج و تضلم كلو كلو و نقعد نزح ونرح 56 سنة محلك سر ببقى الشكك في قصة العلوم منطقي و حدودنا بتبقي ياها الدكتاتوريات باشكالها المدنية و العسكريه و غاية احلامنا شباك اسمو السينما العالمية و متابعة اوهماتهم دي ببقي بالجد ياتو علم في الاهل!!؟.
المافي شنو!!!؟
يا جماعة ما تخلونا نفضفض و نفضح روحنا قدام الجيران ساكت.
يا عيدروس أنا جاي عليكم لو في وصية قول بس عليك الله حتينى الكتب.
12-07-2011, 12:44 PM
محمد على طه الملك
محمد على طه الملك
تاريخ التسجيل: 03-14-2007
مجموع المشاركات: 10624
عارفة يا نازك.. جماعتك ديل المرة دي دخلو علي تووش لامن اتوهمت.. اتونسوا معاي مسافة.. لاحظتهم بتكلموا بواو الجماعة.. أظنهم تجاوزوا حكاية الأنا دي.. قالوا هم مرحبين بك وباصدقائك .. بس قالوا أوعك تلمي عليهم ناس الشدرة.. الشدر ده قالوا هم اعدموه تماما .. من يوم سمعوا حكاية أبوكم وأمكم الدقوا الدلجة.. كمان قالو محرك البحث بتاعهم تأخر على غير العادة مسافة مليون كسر من الكيلوبت/ ثانية.. عشان يتعرف على لغتكم وطريقة كتابتها ويرد بمثلها.. سألتهم ده شنو؟ ضحكوا وظنيتم عاينو لبعض .. بعدين قالوا لي دي الوحدة البتقيسوا بيها انتو سرعة نقل البيانات.. كمان قالوا لقونا بنتكلم ونكتب بآلاف اللغات الحية.. أكتر حاجة أربكت نظمهم المعرفية .. قالوا كانت النقاط الكتيرة البنستخدمها دي.. لإنو النقطة عندهم بتعني مركز الأشياء.. دا كل الفهمتو منهم .. في كلام تاني كتير كان عن الشدر وكيف استعمر إرادتنا وسيطر على معيشتنا للأسف مافهمتو كلو كلو. .. يا شيخ العرب جماعة نازك مرحبين بيك لأنك من الضهاري.. قالوا هم بحبو ناس الضهاري لإنهم بهتموا بالحيوان وبرعو الشدرات.
Quote: مافي قيمة للقروش عندهم
يا عيدروس كلامك ده عجبهم شديد وقالوا فهموه بعد تعب.. وبقولوا ليك إنت الفيهم أو حاجة زي كده زي ما بتقول بتي.
.. يلا ادوني فرصة آخد تكية.. مين عارف .. يمكن يرجعو .
Quote: بعدين قالوا لي دي الوحدة البتقيسوا بيها انتو سرعة نقل البيانات.. كمان قالوا لقونا بنتكلم ونكتب بآلاف اللغات الحية.. أكتر حاجة أربكت نظمهم المعرفية .. قالوا كانت النقاط الكتيرة البنستخدمها دي.. لإنو النقطة عندهم بتعني مركز الأشياء.. دا كل الفهمتو منهم .. في كلام تاني كتير كان عن الشدر وكيف استعمر إرادتنا وسيطر على معيشتنا للأسف مافهمتو كلو كلو. .. يا شيخ العرب جماعة نازك مرحبين بيك لأنك من الضهاري.. قالوا هم بحبو ناس الضهاري لإنهم بهتموا بالحيوان وبرعو الشدرات
اسمع المافهمتو خلو .. اقرع الشدرات!
بعرفوا "يطاعنو" الناس ديل!؟
اتكنو (سمعت) قيقا .. او وصف اخدر كدا في الكلام دا المهم عاوزك تقولو ليهم-لو جوك تاني- وطنوا انفسكم و حددوا لينا موقفكم السياسي و الفكري و الايدولوجي من الشدر عاد! بطلوا زمزغة!!
اوع تقول لي ما عندهم الحاجات دي؟ طيب بتونسوا في شنو؟
------
حكاية "القروش ما عندها قيمة عندهم" دي .. ليسوا وحدهم فيها*
في ي ي ي ارضنا دي في ناس خاتين ليها القدرها .. و ما زهاد و لا نساك كلو كلو واحد (طيار)، و كابتن قديم، بحب العرقي جداً قال: " مسكينة ست العرقي دي، نديها قروش تدينا عرقي عدييييل!" عشان تشتري بيها شنو يعني!؟
بفهم انو العرقي اجود ما يمكن ان يشتريه المال ؤ كدا!
* دي اجابة على السؤال الاثير Are we alone قطع شك بكون عندهم برضو
البياتي كتب ما معناه :
مملكة النمل كمثلها من الممالك تتكون من:
ملكـ/ـة جنود عامة و مفكرين .. يتساءلون : هل ثمة وجود لغيرنا!؟
المافي شنو؟
12-07-2011, 09:41 PM
Nazik Eltayeb
Nazik Eltayeb
تاريخ التسجيل: 11-27-2007
مجموع المشاركات: 2357
Quote: اسمع المافهمتو خلو .. اقرع الشدرات! اتكنو (سمعت) قيقا .. او وصف اخدر كدا في الكلام دا
حاج قيقا يا بتاع الضهاري.. تقبل الله منك يالحبيب.. إن شاء الله إسمنا ما وقع منك في الزحمة.. معقول مانقشت الفرق بين شدرة الفيل وشدرات الضهاري؟ رمزية شدرة الفيل أنا فهمتها من وصفهم بإنها شدرة هوام وسباع.. عشان كده حذروا وقطعو ناشف أهلها ما يعتبو هناك.. هم مبسوطين من ناس الضهاري لإنهم بفضلوا البهم على الشدرات.. هم متفقين معاهم في الحته دي.. لإنهم بعتبرو الشدر دا هو سبب الكارثة النحن فيها.. شفت المحن دي؟ مش كده وبس هم بجزموا إنو الشدر هو المسخرنا لمصلحته.. لإنو سيطر على بطونا من يوم أكلو منو أبونا وأمنا وجو مبارنو لي هنا.. حقيقة كلامهم في الحته دي أدهشني شديد.. كمان قالوا من شدة إنحيازنا للشدر والخدار .. بقى اللون الاخدر مميز خالص وبمثل الأمان في نفوسنا.. شفت كيف؟
Quote: بعرفوا "يطاعنو" الناس ديل!؟
ياخي إنت لسه تعاين للناس دي من ياي ي ي (الأنا) العليا بتاعتنا دي؟ إمبسبول.. الناس دي ما ناقشه Vs البنموت فيها دي نوهائي.. عشان يطاعنو ولا يتنافسو ولا يتحاربو حتى.. شفت كلام زولك بتاع الشربه داك قريب منهم.. لإنهم بقولوا مشكلتنا نحن إنو متعتنا في بطونا .. بينماهم متعتهم في أدمغتهم.. حوا المعاهم ذاتها قالت متعتها في دماغا.. يازول كلام كتييييير ما مذكره كلو.
Quote: قطع شك بكون عندهم برضوAre we alone
لا لا يا قيقا السؤال دا هم قاطعين الشك فيهو ومسيحين دمه.
12-08-2011, 09:21 AM
قيقراوي
قيقراوي
تاريخ التسجيل: 02-22-2008
مجموع المشاركات: 10380
Quote: معقول مانقشت الفرق بين شدرة الفيل وشدرات الضهاري؟
ما تقول لي شجرة الزقوم نان ياخ! لا كدا واااضحة .. انا البقيت اجليها ثابتة!
--------
يا نازك لازم تفكري اوت اوف ذا بوكس ياخ .. كدا استثماراتنا دي بتخسر! واضح لي انو كائنات كيبلر اكثر منا ذكاءاً .. و متقدمين علينا بي مساااافة .. مسافة تبقى قدر مسالك الريدة (القدال) ما يعادل 600 سنة ضوئية مما تعدون!
اهم حاجة انهم حسموا موضوع (القيمة) دا ياخ دي الاقتصاديين من لدن آدم سميث لي ريكاردو و ماركس رحيمو الله همسلف يلتوا و يعجنوا فيها .. و لي ي ي يوم الليلة الجدل ضارب فيها ما وصلنا لي حل!
الا حديث الناس المزاجا رااااايق زي صاحبنا (الطيار) المتقدم ذكره
ما هي (القيمة)؟ .. و شنو البحددا؟ اوع تقول لي (الندرة النسبية) .. او آلية السوق (العرض و الطلب) دي في مسطول ضربا ليكم زمااااان قال : النسوان مع انهن كتاااااار و ماشات يكترن، لكن بعد دا تكلفة الزواج ماشة مرتفعة! فتأمل!!
يا ملك ياخ ما عاوزين نستعين بصديق .. او اقلو نستعين بجمهور "كوكب" آخر اكتر تقدماً .. كوكبنا دا الحاجات جايطة فيو!
تحياتي ليكم غايتو فضفضنا الحمد لله .. فكينا سامتنا من كوكبنا دا مؤقتاً و الشكر لاهل كيبلر و لست الدار بت الطيب
12-08-2011, 11:03 PM
Nazik Eltayeb
Nazik Eltayeb
تاريخ التسجيل: 11-27-2007
مجموع المشاركات: 2357
غايتو يا ود الملك انا عجبتني قصة موضوع الشدر ده وكمان اتكيفت للاخر من فهمهم للمطاعنةالزقومية بتاعة قيقراوي
يا قيقراوي دا كلام شنو التحت دا
Quote: يا نازك لازم تفكري اوت اوف ذا بوكس ياخ .. كدا استثماراتنا دي بتخسر واضح لي انو كائنات كيبلر اكثر منا ذكاءاً .. و متقدمين علينا بي مساااافة .. مسافة تبقى قدر مسالك الريدة (القدال) ما يعادل 600 سنة ضوئية مما تعدون!
يا قيقراوي ياخ ماتفهمني... منو القال ليك انا عايزة اتاجر في ناس كيبلر ياخ...ديل طلعوا اذكياء جداً جدأً وفاهمينها مش وهي طايرة قبل ماتفكر تطير ذاتو بل بسرعتهم دي قبل سيد الفكرة ما يكمل فكرتو هم بكونو كملوها
افهمني انا عايزة اتاجر في ناس الارض الاغبياء ديل ياخي دا غباء عجيب جدا خلى الملايكة تستعجب لمن جو يخلقوهم وخاطبوا ذي الجلال والاكرام قالوا ليه اتريد ان تخلق فيها من يفسد فيها و يسفك الدماء اسي عليك الله افتح اي نشرة اخبار و لا تلفزيون غير قتل يقتل قتلا شايف شنو غير سرق يسرق سرقات غير افسد يفسد افسادا قاعد تسمع حاجة ياخي ديل سخنوا الكرة الارضية العايشين فيها هم شفت ليك غباوة اكثر من كدا يعني غرق و حريق وجفاف واعاصير ودا كلو كوم والكنكشة في الحكومات في دول العالم الثالث كوم الواحد يكنكش لمن يكنش
اها ناس بالمواصفات دي خلينا نتاجر فيهم ياخ ونبيع استماراتنا دي ...عنهم ما سافروا ياخي ديل الواحد لمن يفهم طريقة السفر و شروطه نكون نحن استمتعنا بالدولارات ولفينا في دائرة الفساد وبعدين نمشي نحج و نعمل فيها محسنين
12-09-2011, 04:44 PM
Nazik Eltayeb
Nazik Eltayeb
تاريخ التسجيل: 11-27-2007
مجموع المشاركات: 2357
Quote: افهمني انا عايزة اتاجر في ناس الارض الاغبياء ديل ياخي دا غباء عجيب جدا خلى الملايكة تستعجب لمن جو يخلقوهم وخاطبوا ذي الجلال والاكرام قالوا ليه اتريد ان تخلق فيها من يفسد فيها و يسفك الدماء اسي عليك الله افتح اي نشرة اخبار و لا تلفزيون غير قتل يقتل قتلا شايف شنو غير سرق يسرق سرقات غير افسد يفسد افسادا قاعد تسمع حاجة ياخي ديل سخنوا الكرة الارضية العايشين فيها هم شفت ليك غباوة اكثر من كدا يعني غرق و حريق وجفاف واعاصير ودا كلو كوم والكنكشة في الحكومات في دول العالم الثالث كوم الواحد يكنكش لمن يكنش
اها ناس بالمواصفات دي خلينا نتاجر فيهم ياخ ونبيع استماراتنا دي ...عنهم ما سافروا ياخي ديل الواحد لمن يفهم طريقة السفر و شروطه نكون نحن استمتعنا بالدولارات ولفينا في دائرة الفساد وبعدين نمشي نحج و نعمل فيها محسنين
بدات الخطئة بآدم همسلف نزلنا مرقنا من الجنة و سقطا .. ثم ابنه الذي سفك الدماء
و جا تماها لينا آدم سميث .. و الله صحي!؟
كل الحاصل دا من (القيمة) .. و القراية الخاطئة (اخلاقياً) لآدم سميث و من تبعه بغير احسان!! اها جونا ناس نظرية العمل و من لف لفهم .. لحدي ما ماركس - و المرحوم كان شاعراً ثورياً رقيقاً- تاني قام جاب سيرة (القيمة) و اضاف ليها (الزائدة) .. جابا ضقلا يتلولح كلو كلو! نظريتو دي كانت سبب في فناء ملايين عدييييل!!
ما بين دا و دا .. ما بين الاقتصاد و السياسة ضاع الكوكب الجميل شمار في مرقة الضعف الانساني الاثير احتباس حراري .. تلوث بيئي .. ثقب طبقة الاوزون .. حروب .. دمار .. فوضى .. سمسرة/ استثمارات/سرقة نهب .. استعمار .. و عييييييييك يا قول بشاشا
انت عارفة لو الزول استمر في التفكير بالطريقة دي بكون نهايتو يمش يحفر ليو قبر مقاسو-اها حتى في النومة الابدية دي ما عاوزننا نرتاح!؟- و يتمدد طوييييييل و يرجى يومو بس!
-------
وريني رايك في اقتراحي بهناك:
Quote:
Quote: كده يا فردوس أحسبي لينا الستماية سنة ضوئية دي لو الواحد سافر على متن سودانير حيوصل بتين؟! عشان نعمل حساب الزوادة ما تبوظ وكده!
امممم!!!
ستمية على اربع و اربعين .. نخت الواحد نطلع بالاتين اخمساس على اسداس!!
تللللللك!!
ح تصل يوم القيامة العصر يا دكتور!
و بي كدا - كمحاسبكم الخاص- انصح السودانيين الراغبين السفر الى Kepler-22b بـ (التونسية) هي اسرع، و لا تحتاج زوادة .. الا التقوى ( ودي ما النوع الببوظ) اها كل زول و ما كسبت يداه .. ناس الجنة ممكن يطلبوا الزيارة ..
اما ناس النار فهم في شغل، و آخر حاجة ح تشغل بالم الكوكب دا عامل كيف!؟
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة