|
Re: الله - نوارة البيت شالوها (Re: فيصل محمد خليل)
|
Quote: يا المسنوح ما تجيب لينا موية من عند الجماعة ديل |
اليوم باقي لي زايد عيارك يا مسنوووووووووووووووووووح
نرجو من البورداب الليليين مراعاة معايير الايزو الصادرة من مدينتي بعلبك وقاصرينا
هسع جايينا عشان تنزل البيرق بدون مصاريف ؟
| |
|
|
|
|
|
|
Re: الله - نوارة البيت شالوها (Re: الطيب شيقوق)
|
يا شيقا دي جريده مدهشة،
دفعني الفضول عساي أجد النسناس الخناس أو صورة أو رسما وطالعت الرابط فوجدت صورة طفل حيي مكتوب تحتها (شقيق الفتاة التي "التهما" المخلوق المفترس).. لها الرحمة والمغفرة ونسأل المولى أن يجمل أهلها بالصبر.
ورحم الله الصحافة والصحفيين.
| |
|
|
|
|
|
|
Re: الله - نوارة البيت شالوها (Re: نجلاء قرافي)
|
Quote: على حسب علمي ان النسناس فصيل من القرود والقرد علاقة بالموية مثل علاقة الماء بالنار |
شكرا يا نجلاء اختي - طيب فسروا لينا الظاهرة دي شنو؟
بالجد حقيقية
وين دكتور محمد عبد الله الريح؟
| |
|
|
|
|
|
|
الله - نوارة البيت شالوها (Re: الطيب شيقوق)
|
عم الطيب السلام عليكم غايتو يا عم الطيب انا ناس الدار ديل لو قالوا لي اسمك محمد عمر الفكي والله مابصدقهم، جريدة صفراء فاقع لونها لا يسر الناظرين، تعيش على الاثارة والليلة دي انا داير احكها مع ناس الدار ديل للطيش. من باقي حصص استاذ يحي بتاعة الاحياء بتذكر منها انه ادونا انواع الحيوانات فمنها الزواحف والثدييات والفقاريات والبرمائية وما عارف باقيهن شنو الهم، الدار الجابت الخبر ومن خلال وصفها للحيوان دا، ممكن تورينا الحيوان دا تبع ياتو نوع من انواع الحيوانات، تانيا النسناس البنعرفو هو القرد ولا ياربي دا قرد برمائي زيو زي الدبابة الامريكية ابرايم وال M2 ? ثم ثالثاً حاجة في ذمتك دي وذمة نار الدار (اذا توفرت الذمة اصلاً ولا اعتقد ذلك) حصل قابلك مخلوق عنده رجل فيهن تلاتة اصابع؟ ياخي دي في الدب القطبي مافي ولا ياربي كان شغال طلبة وقوع فوقن قدح مونة لصقهن ليهو سواء؟ وحاجة في ذمتك مخلوقك الراقي دا البيتغدى بالناس وبحلي بالفاكهة داما قاعد يشرب شاي بعد التحلية مالو؟ ويا عيب على اهل الدبيبية لو ما جابو ليهو شيشة زي حقت ود الصائم يجرها بمزاج على قيفة البحر بعد الوجبات دي؟هسي ياعم الطيب في عمرك المديد باذن الله دا حصل يوم لقيت لك اسد قاعد ياكل في برسيم ولا عنب؟ وبعدين تعال غايتو حيوانكم البيجي مارق الصبح والمغربية على القيفة دا الا يكون بتاع بنقو؟ فيصل خليل حقك على يافردة، تهموك في صمة خشمك.
| |
|
|
|
|
|
|
Re: الله - نوارة البيت شالوها (Re: فيصل محمد خليل)
|
والله يا عم الطيب المغصة حمتني النوم عديل يا اخي قرود الطائف فصيلة البابون التي حين نقارنها بالنسناس كمن يقارن مازن بكوكو (مافي اي فهم غلط يا اخوان) لو شفتها قاعدة تشحد في طريق الهدا والله تحن عليها تجي تقول لي نسناس ياكل ليهو زول؟ غايتو العشر قام ليهو شوك
| |
|
|
|
|
|
|
Re: الله - نوارة البيت شالوها (Re: محمد عمر الفكي)
|
ما قلت ليك المغصة حامياني النوم زمان كان في برنامج اسمه عالم البحار للعالم الفرنسي جاك كوستو. الزل دا ما خلي ليهو محيط ولا بحر ولا نهر ولا بحيرة ولا ميعة ما غطس فيها، حيوانكم دا يشهد الله ما حصل لاقهو اللهم الا اذا كان حيواناً تاني جاته طفرة قياسية في ايام معدودات عشان ربنا يسخر للدار مصدر رزق. بعدين نصيحة لوجه الله تعالى من ود اخوك في مرة عجوز كدة زمان كانت سمحة سماحة عجيبة خلاص اسمها بريجيت باردو وبدلعوها بقولوا ليها بي بي (زي بي بي) البريطانية بتاعة البترول ديك مع اختلاف نطق الحروف طبعاً، المهم الولية دي بقت لا جنا لا تنا ماعندها شغلة غير مساككةالفارغة مباراة الناس الذين يسيئون معاملة الحيوان، وحاة الله تلم في ناس الدار ديل وفيك ، محاماتك دي تروح شمار في مرقة ويجي ود المحرب يفتل شنبو ويقعد يضحك ضحكته السمحة ديك قرقرقر. عاد يا عم الطيب نبقى في الكشف يا ناس سودانيز اون لاين عشان تخارجو عمكم الطيب؟
| |
|
|
|
|
|
|
Re: الله - نوارة البيت شالوها (Re: محمد عمر الفكي)
|
Quote: يا محمد عمر الفكي الدماسات دي حتى قوقل رضي الله عنه ما عرفها وشكرا لتضامنك معنا ضد اتهامات المسنوح المغرضة |
ياخ الدماسات هي ساعات المغربية يعني زمن مغيب الشمس قالوا الشواطين بيطلعوا فيها ياخ
انت مجنون ؟
| |
|
|
|
|
|
|
Re: الله - نوارة البيت شالوها (Re: محمد عمر الفكي)
|
Quote: يا كنوز محبتنا القصة دى والله حقيقية
جاني اتصال من الاهل مؤكدا تلك الرواية |
الطيب ، مداخلتي لم تعرض لصدقية الوقائع المزعومة من عدمه وإنما على أمر آخر لايحتاج بيانا. صديق منو؟تلاته أمتار؟ على أية حال إتصل بناس الجريده وطمِّنُم أو طمِّمم وقول ليهم خلاس المونستر دا راح فيها ووجد ميتا في الساحل الجنوبي لليبيا في الحدود مع فنزويلا أو كوستاريكا..
| |
|
|
|
|
|
|
Re: الله - نوارة البيت شالوها (Re: محمد المرتضى حامد)
|
ود الفكي
Quote: زمان كان في برنامج اسمه عالم البحار للعالم الفرنسي جاك كوستو. الزل دا ما خلي ليهو محيط ولا بحر ولا نهر ولا بحيرة ولا ميعة ما غطس فيها، حيوانكم دا يشهد الله ما حصل لاقهو اللهم الا اذا كان حيواناً تاني جاته طفرة قياسية في ايام معدودات عشان ربنا يسخر للدار مصدر رزق. |
شوف بطل الكضب وحاة النبي كلمة ميعة دي عون الشريف قاسم ما بعرفها - وحياتك غيري وغيرك والمحرب وود النعيم الله يديهو العافية وبت طلحة مافي حد بيعرفها .
Quote: بعدين نصيحة لوجه الله تعالى من ود اخوك في مرة عجوز كدة زمان كانت سمحة سماحة عجيبة خلاص اسمها بريجيت باردو وبدلعوها بقولوا ليها بي بي (زي بي بي) البريطانية بتاعة البترول ديك مع اختلاف نطق الحروف طبعاً، المهم الولية دي بقت لا جنا لا تنا ماعندها شغلة غير مساككةالفارغة مباراة الناس الذين يسيئون معاملة الحيوان، وحاة الله تلم في ناس الدار ديل وفيك ، محاماتك دي تروح شمار في مرقة ويجي ود المحرب يفتل شنبو ويقعد يضحك ضحكته السمحة ديك قرقرقر. عاد يا عم الطيب نبقى في الكشف يا ناس سودانيز اون لاين عشان تخارجو عمكم الطيب؟ |
الله يجازيك كتلتني بضحكة
| |
|
|
|
|
|
|
Re: الله - نوارة البيت شالوها (Re: الطيب شيقوق)
|
Quote: على أية حال إتصل بناس الجريده وطمِّنُم أو طمِّمم وقول ليهم خلاس المونستر دا راح فيها ووجد ميتا في الساحل الجنوبي لليبيا في الحدود مع فنزويلا أو كوستاريكا.. |
الله يجازيك يا المرتضى الخمشتو دا ياهو ذاتو باوصاف ناس الدبيبة ! لقيتو وين ؟
غايتو لو عرفوك ناس الدبيبة ! بدوك وسام صديق ناس الدبيبة البار
بختك غايتو انت
| |
|
|
|
|
|
|
Re: الله - نوارة البيت شالوها (Re: الطيب شيقوق)
|
المسنوح غطست وجيت نابل بحكاوي لا يستوعبها الا من عايشها لكن بيني وبينك نحنا بنسميه السحار يعني ساحر وجهاتنا ديك معروفه بالمصايب دي شيقا كلمة ميعه يعني شنو بلغة ناس الضهاري سلام ولي عوده
| |
|
|
|
|
|
|
Re: الله - نوارة البيت شالوها (Re: mona altom)
|
Quote: غايتو يا عم الطيب انا ناس الدار ديل لو قالوا لي اسمك محمد عمر الفكي والله مابصدقهم، جريدة صفراء فاقع لونها لا يسر الناظرين، تعيش على الاثارة والليلة دي انا داير احكها مع ناس الدار ديل للطيش.
|
ود شيقوق سلام ،انت عارف البنية دى تكون شالته القيفة والقرية مافيها سباحين ،، قالوا نسناس !!!
| |
|
|
|
|
|
|
Re: الله - نوارة البيت شالوها (Re: عبدالله ود البوش)
|
الدكتورة منى التوم
الف سلامة بالطلة - كنت فين يا مسنوحة
Quote: المسنوح غطست وجيت نابل بحكاوي لا يستوعبها الا من عايشها لكن بيني وبينك نحنا بنسميه السحار يعني ساحر وجهاتنا ديك معروفه بالمصايب دي |
يا زولة ما تخربي سمعة بلدنا - ناس الشيخ الصابونابي والشيخ فلاح ديل شيطان بجي بباري بيهم مافي - دا فعلا نسناس ياخ Quote: شيقا كلمة ميعه يعني شنو بلغة ناس الضهاري |
ميعة تعني عنكوليبة يا مولانا
| |
|
|
|
|
|
|
Re: الله - نوارة البيت شالوها (Re: الطيب شيقوق)
|
نجاة بت الشيخ
Quote: ود شيقوق سلام ،انت عارف البنية دى تكون شالته القيفة والقرية مافيها سباحين ،، قالوا نسناس !!! |
اولا بالتبادي عجبتني منك كلمة ( القيفة دي)
عليك ربك كدى شوفي حناكيش وحنكوشات سودانيز ديل كوووولهم اكان يعرفوا معناها
ديل ناس كرنيش وشاطي وحاجات كدا حامياني
بس ناسنا ديلاك كووووووولهم بيعرفوا السباحة لكن المصيبة دي بتقلع قلع سااااااى
| |
|
|
|
|
|
|
Re: الله - نوارة البيت شالوها (Re: الطيب شيقوق)
|
Quote: امحمد ود عبد الرحمن - طرطوش
Quote: إحم إحِمْ
مالك الكلام غلبك ؟ |
هو اسمو المطرطش واغلبو النضمي ؟ المطرطش الكلام ما غلبو انت يا شيقا المافهمت كلام امحمد ؟ دا اخوي انا وبعرف نححتو وكان بزق في بطنو بعرفو امحمد بقول ليك كان وقعت في الميعة ولا الميضة جمبلغ دفرتك انا وهو قال واحد الله وانا قلت ليهو مالو تاني بعد شوية بجيك موسى الراجل اقوليك عدد تلاتة يا حليلك يا جدي امحمد والله يرحمك وانت تحسب الكيلات وكت العيش بقى بالملوات
| |
|
|
|
|
|
|
Re: الله - نوارة البيت شالوها (Re: الطيب شيقوق)
|
سلامات يا شيقا شقارى,,
القصة دى تشابه حجوة وردت فى كتاب الأحاجى السودانية للدكتور الراحل عبدالله الطيب و( سالى فو حمر)للأستاذ جمال محمد أحمد وجماعتك ديل شكلهه بقوا يجاروا قصص الحجى القديم..
وبهذا نوصى بربط هذا الشيقوق لأقرب عمى تيا تيا المصارينو ميا حتى ينجم قليلا...
| |
|
|
|
|
|
|
Re: الله - نوارة البيت شالوها (Re: أيمن الطيب)
|
ايمنوف
Quote: القصة دى تشابه حجوة وردت فى كتاب الأحاجى السودانية للدكتور الراحل عبدالله الطيب و( سالى فو حمر)للأستاذ جمال محمد أحمد وجماعتك ديل شكلهه بقوا يجاروا قصص الحجى القديم.. |
نعم نعم كلامك عين الصواب اصلا العنوان مستقى من قصة فاطنة السمحة وحكاية ود النمير
يا سلام عليك وانت قارئ لكتاب الدبلوماسي الرحال جمال محمد احمد (سالي فو حمر)
Quote: وبهذا نوصى بربط هذا الشيقوق لأقرب عمى تيا تيا المصارينو ميا حتى ينجم قليلا... |
جنّك قام عليك تاني؟
| |
|
|
|
|
|
|
Re: الله - نوارة البيت شالوها (Re: فيصل محمد خليل)
|
ود البوش ( الايام دي قالوا صحن البوش ما بنهبش)
Quote: هو اسمو المطرطش واغلبو النضمي ؟ المطرطش الكلام ما غلبو انت يا شيقا المافهمت كلام امحمد ؟ دا اخوي انا وبعرف نححتو وكان بزق في بطنو بعرفو امحمد بقول ليك كان وقعت في الميعة ولا الميضة جمبلغ دفرتك انا وهو قال واحد الله وانا قلت ليهو مالو تاني بعد شوية بجيك موسى الراجل اقوليك عدد تلاتة يا حليلك يا جدي امحمد والله يرحمك وانت تحسب الكيلات وكت العيش بقى بالملوات |
أمحمد دا اخوك ناقشو كويس لكن بتجانن عليهو يا البوش اخى
| |
|
|
|
|
|
|
Re: الله - نوارة البيت شالوها (Re: فيصل محمد خليل)
|
خلاص قمت للسناحة نسناس شنو البتجيبو الدار....عندي اعتقاد انو النسناس دا هو الصحفي بتاع الدار زاتوا ولا الزول بتاع الوابور القاعد ينقذ الناس في كل مرة
---- طبعا هي اصلهاتكون مرة واحدة يكون فيها قرد صغيروني نط يخطف ليهو حاجة من البت... والباقي كلو اضرب في 3
Quote: خذووووووووه فغلوووووووه |
هو حنس اخذ اليرجا الراجياهو
| |
|
|
|
|
|
|
Re: الله - نوارة البيت شالوها (Re: Nazik Eltayeb)
|
نزوكي
من فيضك يا مسنوحة
Quote: نسناس شنو البتجيبو الدار....عندي اعتقاد انو النسناس دا هو الصحفي بتاع الدار زاتوا ولا الزول بتاع الوابور القاعد ينقذ الناس في كل مرة |
ياخ بقولوا ليك نوارة البيت خطفوها يخطفك تمساح اب كبلو - هسع جاية تشككي في المعلومة ؟----
Quote: طبعا هي اصلهاتكون مرة واحدة يكون فيها قرد صغيروني نط يخطف ليهو حاجة من البت... والباقي كلو اضرب في 3 |
باقي لي كنت صحفية وبتعرفي حركات الاثارة الاعلامية صاح؟
Quote: هو حنس اخذ اليرجا الراجياهو |
هييييييييييييع انا برة في الصقيعة يا مسنووحة
| |
|
|
|
|
|
|
Re: الله - نوارة البيت شالوها (Re: الطيب شيقوق)
|
Quote: هو اسمو المطرطش واغلبو النضمي ؟ المطرطش الكلام ما غلبو انت يا شيقا المافهمت كلام امحمد ؟ دا اخوي انا وبعرف نححتو وكان بزق في بطنو بعرفو امحمد بقول ليك كان وقعت في الميعة ولا الميضة جمبلغ دفرتك انا وهو قال واحد الله وانا قلت ليهو مالو تاني بعد شوية بجيك موسى الراجل اقوليك عدد تلاتة يا حليلك يا جدي امحمد والله يرحمك وانت تحسب الكيلات وكت العيش بقى بالملوات
|
ينصر دينك آ ودالبوش و; يلّاك معاي نمشي الّلقيط*
_ * دي مهداة لي كبير الحناكيش شيقا
| |
|
|
|
|
|
|
Re: الله - نوارة البيت شالوها (Re: doma)
|
Quote: ا ود شيقوق وكل الجنيات الهنا سلوووووووم يا اخي من امس لمحت عنوان بوستك دا وقلت المسنوح يكون بتو عرسوها الندخل نباركلو |
اقسم بالله يا خالة دوما نفس الشئ الخلاني افتح البوست ، قلت عييييك زولك شالو بتو الكبيرة وجاته الفرصة الذهبية عشان يعمل احلال وتبديل ، فاتت البت الكبيرة من البت طوالي تخش محلها الضرة الصغيرة. بس بيني وبين نفسي قلت زولك دا لايمتلك من الجسارة ما يعينه على فعلها
| |
|
|
|
|
|
|
Re: الله - نوارة البيت شالوها (Re: mona altom)
|
دوما - منى بت التوم - ود الكامل - محمد عمر الفكي
سورييييييييييي والله ما شفت مداخلتكم الحلوة دي - كنت مشغول مع ضيوف ونسيت البوست دا خالص وهسه جيت افتش المنبر لقيتكم كابين فيهو كلام سمح
جاييكم بالمهلة
| |
|
|
|
|
|
|
Re: الله - نوارة البيت شالوها (Re: محمد عمر الفكي)
|
ود الفكي
سلام
Quote: الشي دا اختفى من بعد زيارة ناس الدار لشنو؟ خجا منهم مثلاً؟ |
ياخ ناس الدار ما بهمهم نسناس بياكل الناس ولا حاجة ديل عايزين ليهم راس خبير يكبروا بيهو بيعة الجريدة
جوا غطوا اليوم داك وانبهلت عليهم الفلوس ونسوا النسناس البيأكل الناس
| |
|
|
|
|
|
|
|