قبل عام ونيف صدق الكذوب السيد(ح) ودقس ود محجوب وابو الحسين

Quote: سنكات: محمد هلالي قطع رئيس الحزب الاتحادي (الأصل) محمد عثمان الميرغني بعدم مشاركة حزبه في أية حكومة في الوقت الراهن، مشيراً إلى انه توجد الآن مشاكل جسام تتمثل في وحدة السودان وإستقرار الجنوب وحل مشكلة دارفور قائلاً "المشاركة في الحكومة ليست أولوية وهي كلام فارغ"، مضيفاً ان الهيئة القيادية بالحزب الاتحادي هي المسئولة من أمر المشاركة في الحكومة أو عدمها، وقال الميرغني في تصريحات للصحفيين بسنكات انه وقع إتفاق مع الحركة الشعبية على ايام الراحل جون قرنق (يعني اتفاق الميرغني قرنق) على وحدة السودان ترابا وشعباً، مؤكداً عدم تراجعه عن. واعتبر الميرغني في سياق منفصل ان مفاوضات الدوحة أسهمت في إحداث الخلافات بين الدول العربية، مشيراً إلى انه يسعى لأن يتم التفاوض في الدوحة والقاهرة وطرابلس، كاشفاً عن اتصاله بالمسؤلين الليبين ليسهلوا إقامة أبناء دارفور في أرضيهم، مؤكداً على ان إتصالاته بالحركات المسلحة مستمرة بما فيها العدل والمساواة، واضاف الميرغني انهم لن يسعون لعقد إتفاقات ثنائية، مشيراً إلى انه اضاف لا رابع للاءاته الثلاث وهي لا للثنائية (على حد قوله)، مشيراً إلى ان كل القوى السياسية وقعت على مبادرته للوفاق الوطني والتزمت بها

Quote: كَشَف د. كمال عبيد وزير الإعلام، القيادي بالمؤتمر الوطني، عن تلقي حزبه طلباً من الاتحادي الديمقراطي «الأصل» يبدي فيه رغبة الحزب المشاركة في الحكومة، وقال: لكن للأسف جاءنا الخطاب مُتأخّراً عقب الفراغ من التشكيل الوزاري، بيد أنَّه قال: يُمكن أن يُنظر في الخطاب لتقارب الرؤى والأفكار بين الحزبين، في وقت اكدت فيه الحركة الشعبية الاتفاق مع الوطني للمشاركة في حكومات الولايات الشمالية والجنوبية، وأشار عبيد في برنامج مؤتمر إذاعي أمس، إلى أن الخلاف كان بين الحزبين حول القضايا الإجرائية، وأوضح أنَّ مشاركة الاتحادي كانت رهينة بالمراحل التي تمّت في العملية الانتخابية منذ السجل الانتخابي، وزاد: لكن أصواتاً داخل الاتحادي - وصفها عبيد بالعالية - ظلت تُنادي بعدم المشاركة في الحكومة. وعزا عدم مشاركة حزب الأمة القومي في الحكومة لانقسام وصفه بالحاد حول مبدأ المشاركة بالحزب.إلى ذلك نَفَى عبيد الحديث حول مُشاركة الحركة الشعبية في الحكومة بالصف الثاني من عضويتها، وقال إنّ حديث بعض قيادات الحركة في ذلك نتاج للصراع الداخلي بين مؤيد ورافض للمشاركة، وأضاف: الذين لا يودون المشاركة يطلقون على المشاركين بأنهم من الصف الثاني في الحركة،

ـــــــــــــ
كلو هين انا بس مستغرب في الورجغة الكان عاملها عبد المجيد الكونت الوقت داك

Quote: هذه الايام وهذه البوستات تذكرنا بأيام ماقبل الانتخابات حيث اشتعل هذا المنبر بكتاباتكم حول المقاطعة اسوة باحزاب جوبا ورغم كل المحاولات والضغوط التي مورست علي قيادة الحزب الا ان القرار جاء بالدخول في معركة الانتخابات وكان فيها خيرا كثيرا علي الحزب اقلها العودة الي قواعده بعد عشرين عاما وهذه من حكم مولانا السيد محمد عثمان الميرغني الذي يريد ان تكون جذوة الحزب متقدة في دواخل مناصريه وكان له ما اراد فزياراته الي معاقل الحزب ورغم انها لم تتحول الي بطاقات في بطون الصناديف الا انها جددت بعضاً من ولاء كاد ان يفتقده الحزب بفعل عوامل التعرية وتقلبات الازمان والان يتكرر ذات المشهد في هذا المنبر وفي صحف المعارضة تصطفون جميعا ضد قرار المشاركة وبعد هنيهة يأتي القرار الذي يرحب به الجميع . من حقكم كقواعد ان ترفضوا المشاركة ومن حق القيادة النظر الي ابعد من عواطفكم.

Quote: دى يحلها ليك مسيلمة البتقل منو دا. وانت عاوز تحلها ليه؟؟ فزتم باغلبية ساحقة لم تمر فى تاريخ السودان ولن تمر.؟ 90% من الشعب معاكم. ليه مضيعين وكتكم مع حزب سقط سقوطا شنيعا فى كل الدوائر؟ حزب لا ماضى ولا حاضر ولا مستقبل له؟ ليه كمال عبيد منتظرنوا الفترة دى كلها. عليكم الله القلتو وافقوا ديل غفير فى الوزارة ما تدوهم سمح.

المهم ما علينا بنواصل الفحص ونجيب الباقي قدام

الإتحادي الديمقراطي ( كراع في الموية وكراع ... وخايف من المسئولية


ــــــ
الاغرب من ورجغة الكونت محمد عمر الفكي الزول دا انا لغاية امبارح كنت قايلو حوثي وبيكون مشي عاشوراء في قم يطلع اتحادي الهوى

Quote: قبل عام ونيف صدق الكذوب السيد(ح) ودقس ود محجوب وابو الحسين

Quote: Re: قبل عام ونيف صدق الكذوب السيد(ح) ودقس ود محجوب وابو الحسين

Quote: يا ابومخ كرارة بضم الكاف وسكون الراء الاولي ملاح يعمل من الروب شبيه بالنعيمية لكنه ابيض

Quote: ووضع الحزب الاتحادي لا يسر عدو لا عضو ومهما حاولت الانقاذ تنفخ فيهو روح برضو حا تقعد به صغر همة اسرة المراغنة الاتحول حزب الآن لحزب حولية فقط وراقب العضوية من اقصاهم لاقصاهم الآن وهم بيحاولوا يورونا فعاليات الحزب الاتحادي الديمقراطي ويعكسوها هنا بتجدها لا تتعدي كونها صور.. صور.. مجرد صور لطائفة الختمية وهي في حولية او في استقبال الحسيب النسيب في زيارة للمزارات او المدن البتحوي المزارات التاريخية للطائفة الختمية . وفقط وفي اي فعالية تسمع حديث عن راعي الطائفة او رئيس الحزب .. بل مباركات وبوس ايادي..

Quote: ولو اتلحت الاسياد ديل بشتايمك التي تنزلها من مؤخرتك بجيبوا خبرك الليلة قبل باكر.

Quote: عشان كدة قلت بتكلم جادي في حتة طفوح الطائفية للسطح مرة اخري سواء كانت طائفة انصار او طائفة ختمية فكلها طفوحات يجب ان يتخلص منها بقية السودان قبال ما يصلوا مرحلة تغيير السلطة وما يدقسوا دقسة الاستقلال لانه دفن الطائفية وتحوليها لمزارات وحوليات وحفلات دق طبل ياهو دا الاستقلال الحقيقي للسودان...

Quote: لكن الحمد لله الغيض ليهو اخونا الاتحادي كمال مبارك ليدافع عن كذب السيد(ح) وافترائه الحمد لله الحنن الاتحاديين والكيزان على بعض وجعل شهرهم عسل ممتد حتي يأتي كمال مبارك الاتحادي معترضاً على وصف الكوز السيد(ح) بالكذوب مخففاً عاتقه من حمولة ان السيد(ح) ادعي العلم الاذلي وبهت الله سبحانه وتعالي بانه يعلم علمه ويعرف من سيدخل الجنة ومن سيدخل النار.. بل وتدخل في خصوصيات الله فاقر الرزق لعباد الله ووضع نفس البشير الفانية في موضع الرازق المعطي وان البركات تتنزل بامره ... فسبحان الله ان غيض كمال مبارك الاتحادي للدافع عن الكوز ،، ولما الاستغراب فإذا كان السيد(ح) يعتقد في عطاء عمر البشير وبركته فمن يُدافع عن موقف الحسيب النسيب ود اهل الرسول عليه افضل الصلوات والسلام واشتراكه في حكومة اقصته وحزبه من الحكم المفوض شعبياً وشرعياً وقذفت به لاجئ ثم يعود مرة اخري ليُدافع عن ذات الحكم والحزب ويشترك به ولا يقول سوى قدر مولانا وما شاء مولانا فعل.. فلما الاستغراب منه؟

Quote: وهل تعتقد يا سفيان انه النظام حينها سيوافق او سينظر للاتحادي الديمقراطي لو طلب ذلك.. او هل تظن انه سيقبل حتي مجرد التفاوض معهم امال انت قايل قلة ادب نافع على نافع ونبذه للمعارضة وكلامو انه لا تفاوض مع القوي السياسية كان سببه شنو ما سببو قصة تحالف جوبا وانهم بيضغطو على السيدين الكريمين سي الصادق وسي الميرغني انه التفاوض يكون باسم جميع القوي السياسية .. والمؤتمر الوطني واقعة ليهو شغلة الوحدة دي وعارف نفسو بيروح وطي لو دخلوا فيها ناس الشعبي والشيوعي والشعبية الوجودهم وفهمهم السياسي بالتاكيد اكبر من حوليتي وخطبة جمعتك.. وسي البصادق وسي الميرغني طبعاً رضخو لشرط الوطني بالانفراد بالتفاوض وادارو ظهرهم لباقي القوي السياسية مراعاة لمستقبل الاولاد ناس عبدالرحمن وجعفر وكيف حايكون وضعهم في الورثة قدام لو ما اتدربو وعملو تريننج من هسع على قيادة الرعية.. وطبعاً عندهم حق بيني وبينك يآخ مش برضو مفروض يعاينو لمستقبل فلذات اكبادهم خاصة وانه الحديث الشريف بيقول - ان تترك ورثتك اغنياء خيراً من ان تتركهم عالة يستكففون الناس اعطوهم او منعوهم - او فيما معناه..

Quote: انا لم أدافع عن السيدح ولا حتى بعرفو ،، ولو لا انك ذكرت الاسم هنا كنت فاكر أنو كود لاسم انت بتعرفو

Quote: عودة لبوست ملوك الطوائف ... ومداخلة الاباريقي السديح ذكرتني بجدل مسخن بين قريب لى الله يرحموا واخرين والموضوع برضوا عن الأسياد وحكاياتهم الظاهر زعل واحد منهم فتوعدوا انو الاسياد ديل بغتسوا حجروا فجاوبوا وهو بضحك لو عندهم كرامات ز ي دي كان عينو وبينو في عبود ونميري ....... وقبل يومين تابعته في اورينت برنامج عن المهاتما غاندي ( الروح السامية ) بحكي عن سيرتوا الذاتية المحامي الشاب من الأسرة الهندية العريقة والميسورة البتلقي تعليموا في بريطانية وبداية نضالوا في جنوب أفريقيا ضد الاستعمار والفقر والتفرقة العنصرية ثم عودتو لبلادوا ومسيرة نضال طويلة بتنتهي بتحقيق الاستقلال لبلادوا في 1948 م ثم مسيرتوا في التقريب بين الطوائف الهندية وخصوصا المسلمين وحزنوا الشديد بفشل مساعيهوا وانفصال باكستان عن الهندي وتأسيس صديقوا ورفيق كفاحوا محمد جناح للجمهورية الجديدة وبدأ الأزمة في كشمير الى ان تم اغتيالوا عيد يد واحد من المتطرفين الهندوس . البنستفيدو من سيرة زي سيرة غاندي بنعرف الأسباب البتخلي الناس تحترم وتقدر نضالات زعامته الوطنية , غاندي عش وسط الهنود الفقراء ودافع عن حقوق المزارعين والبسطاء وكان بلبس لبسهم وبياكل أكلهم وفي كل المواقف كان بيكون معاهم وبدافع عنهم مواقف غاندي دي ومواجهتوا للإدارة البريطانية في الهند طوالى أعمل ليها مقارنه بموقف السيدين _ الهم مفروض زعاماتنا الوطنية _ بموقفهم المخزي من مذكرة الإدارة البريطانية في السودان بخصوص موضوع الرق !!!!!!! أو موقف السيدين من ثوار 1924 م على عبد اللطيف وعبد الفضيل الماظ ورفاقهم ووصفهم ليهم بمفردات عنصرية وغير لائقه واعتبارهم خارجين عن القانون !!!!! مع انو يا ود الزين لو ما اختلال في مقياس الوطنية عندنا بعضنا كان على عبد اللطيف وعبد الفضيل الماظ وضباط 1924 م هم البستحقوا وصفهم بالزعامة والوطنية باعتبارهم الناس القدموا ارواحهم رخيصة لاجل الوطن ... ثنائي النغم ( السيدين ) ماكان عندهم بالوطنية أي صلة كل واحد منهم بخدم مصالح تاج من التاجين ( البريطاني والمصري ) الحكم الثنائي بجانب مصالح البيت البنتمي لي لا أكتر ولا أقل ......... نموذج تاني الإمبراطور الفي بروفيلي _ هيلاسلاسي _ وفي سيرتوا قصة مقاومتوا وصمودوا من اجل حرية بلدوا أيام حرب الطليان في 1935م وفترة نضالوا ضد الاستعمار الايطالي الاستمره 7 أعوام لبلادو وخطاباتوا وكلماتوا قدام المجتمع الدولي ... ودعوه مواطنيه للصمود والاستمرار في مقاومة المستعمر وعدم التعاون معاهو ...... طوالي لما تقارنه بمواقف ملوك الطوائف عندنا من مستعمرنا بتلقاها بالجد مخجلة ...... ولحدي ما انسحبت بريطانية ومصر من السودان في إطار سياسات بريطانية ما بعد الحرب العالمية الثانية وتخفيض مستعمراته ماظن سمعنا لزعمائنا أي مقاومة للمستعمر بالعكس إستكانه كاملة وتعاون مثمر مع المستعمر , وزعيم منهم من شده عمالتوا واحتقاروا للبلد وناسه وحقهم في الاستقلال والحرية ما عوز استقلال عوز اتحاد تحت التاج المصري _ لاحظ تحت التاج المصري يعني نبقي زي أي محافظة مصرية _ مع ده برضوا زعيم وطني كبير ويوم رفع العلم لابس قفاطينو وقاعد جم السيد التاني وكأنهم ضاربهم في الاستقلال ده حجر دغش والبنستفيدو من سيرة ملك الحبشة الكانت اعصابو بايظة ونفسوا قائم أيام حرب الطليان وماظن ارتاح الا بعد انزاحت الغمة وملوك طوائفنا الماظن عملوا أى مجهود ولا حتى خطاب او رسالة في شان الاستعمار الثنائي لبلادنا وحتى لما الحرية جاءت منحة وأحد منهم ما عوزه بالجد بتلقي برضوا المقارنة ما في صالح ملوك الطوائف ولو أتجنينا عليهم البعرفوا كل الزعماء الوطنيين عندهم سيرة نضال الناس بتقيف عندها ثنائي النغم ما عرفته ليهم أي سيرة ولو عارف يا ود الزين ياخي اكتبه ...أو يجي أي وأحد من الهلالاب او المريخاب يعني من جمهور ديل ولا ديل يكتبه يورينا سيرتهم ومواقفهم الوطنية المفروض الأجيال تحفظه ليهم ومن خلاله كانت وطنيتهم وزعامتهم