|
Re: مصر : تراشق مبكر بين الجيش والاخوان (Re: الشامي الحبر عبدالوهاب)
|
الطبع يغلب التطبع ديموقراطية شنو ودين شنو والتزام شنو العند الكيزان اينما حلو؟ ديل حدهم مع الشعب البيختارهم الجنة راس، بدخلوها ياهو بالصبر ساهي. تونس واول ما فازوا ما عاينو للاقتصاد وقامو على الهيئة، الجزائر وبلحاج يفرزوا في الصناديق قال لهم الديموقراطية وسيلة للوصول الى السلطة وليس للتخلي عنها، السودان يخجوا في الانتخابات نص نهار وما مفارقنها باخوي واخوك مش لو طلبتم المحاكم الدولية ولو اتقسم السودان! اللهم الا اذا نطق الغراب، هنية المؤمن البيصلي بالناس الجمعة قتل من انصار عباس في تلاتة يوم ما لم تقتله اسرائيل في 3 سنوات، طالبان افغانستان لولا التدخل الامريكي لكانت جاثمة على صدور قوم مؤمنين حتى كتابة هذه السطور، محاكم الصومال لولا القوات الافريقية لمات الصومال كله من الحروب والمجاعة. اغرب ما لاحظته في تجارب الناس دي في الحكم انها دائما بتنتهي بمصيبة يا عليهم يا علي البلد وانهم غير التوافه غير الجلد والرجم وتوزيع العمالات والخياناتما عملوا حاجة وان كان اكثر من فلح فيهم هنية الذي بلغ تبادله التجاري مع اسرائيل ضعف ما كان عليه ابان حكم الضفة لغزة وهاك الاسلاموية دي ومعاها بالمرة حصار غزة دا. الشامي يا اخوي حلفتك بالله عشان ما تعمل لي وجع قلب ما تشكر لي الراكوبة في الخريف
| |
|
|
|
|