|
|
 "أسئلة ليست للإجابة" فيما يخص عبدالرحمن وجعفر
|
كانا ولا يزالا مغمورين وسط صخب وضجيج الحياة الاجتماعية والسياسية، وبنزوع الطغمة الحاكمة في الخرطوم نحو "جلبطة" الجميع ب وس خ ها وفسادها وتدميرها الحياة طوال أكثر من عقدين من الزمان،
وجد هذين المغمورين ضالتيهما، في تحقيق شيء مما لم يحققاه طوال سني عمريهما، ودعونا نستعرض في هذا الخصوص بعض الحقائق والأسئلة لنتأملها ونضحك على حالنا المايل:-
- من هو عبدالرحمن الصادق وماذا حقق في حياته على المستويين الشخصي والعام؟
- ومن هو جعفر الميرغني وماذا حقق في حياته على المستويين الشخصي والعام؟
- هل يوجد من بين قراء هذا البوست من لم يكن يعلم - مثلما لم أكن أعلم أنا - أن للميرغني ابن يدعى جعفر؟
- ألا يعلم كليهما أن الحكومة تعلم تمام العلم أنهما غير مؤهلين لقيادة ركشة ناهيك عن قيادة بلد في حجم السودان في هذه المرحلة المعقدة؟
|
|
 
|
|
|
|
|
|
|
|
Re: "أسئلة ليست للإجابة" فيما يخص عبدالرحمن وجعفر (Re: نادر)
|
في العسكرية عندهم تعبير "ضابط عظيم"
ياهو ذاتو عبد الرحمن الضابط العظيم
رفع ليكم معاييرها فوق يا عسكر
الله الله حرم تاني يا العسكرية جاك بلا بي عبدالرحمن ده "الضابط العظيم جا، اضابط العظيم مشا"
الضابط العظيم أكل
الضابط اعظيم شرب
الضابط العظيم مشى الحمام
الضابط العظيم قال يجيبو ليهو تلج للموية دي عشان حارة
الضابط العظيم قال يجيبو ليهو أم فتفت هسع ده
الضابط العظيم قال عايز شاشة بلازما 1000 بوصة
| |
|
|
|
|
|
|
|
|
|
Re: "أسئلة ليست للإجابة" فيما يخص عبدالرحمن وجعفر (Re: نادر)
|
اتخيلو الروعة دي:
أعلى سطة تجتمع وتنظر (تشديد الظاء) في شأن السودان
تشمل بجانب بشبش ونافع عبدالرحمن وجعفر،
وباقي الشعب ده كلو يعقد ينتظر نتائج تنظيرهم ده بي فراغ الصبر
عشن مشاكلنا تتحلحل بحكمة ورؤية ثاقبة وبعد نظر ،
من مشاكل الجوع لحروب شمال كردفان والنيل الأبيض
| |
|
|
|
|
|
|
|
|
|
Re: "أسئلة ليست للإجابة" فيما يخص عبدالرحمن وجعفر (Re: نادر)
|
Quote: - ومن هو جعفر الميرغني وماذا حقق في حياته على المستويين الشخصي والعام؟
|
اتعب المرحوم محمد عثمان احمد عبد الله مدير مكتب محمد عثمان المرغنى
الذى كان يشرف عليه تربويا ....
يتمتع بغباء ناااادر..ومنقرض...ممكن تقول دل دول....
| |
|
|
|
|
|
|
|
|
|
Re: "أسئلة ليست للإجابة" فيما يخص عبدالرحمن وجعفر (Re: نادر)
|
Quote: - من هو عبدالرحمن الصادق وماذا حقق في حياته على المستويين الشخصي والعام؟
|
ليوم الليلة ما شارك فى عمل عسكرى وحتى لامن اكان مسئول جيش حزب الامة
لم يطلق اى طلقة ...زول مدعى ...متوسط الذكاء....اسحن شوية من الدلمة التــــانى
التحية للاحباب الصامدين فى حزب الامة
| |
|
|
|
|
|
|
|
|
|
Re: "أسئلة ليست للإجابة" فيما يخص عبدالرحمن وجعفر (Re: معاوية عبيد الصائم)
|
سلامات يا معاوية
بالغت مع جعفر ياخي، غبي مرة واحدة؟
ياخي لو شفت الكلمة القالها بمناسبة اختيارو مساعداً لرئيس الجمهورية لما تجرأت وقلت أنه غبي،
كدي راجع نفسك وأمشي أسمع الكلمة وتعال قول كلام غير القلتو ده،
أما ضابطنا العظيم أكيد ضرب نار لمن النارولعت،
ده ما بضرب رصاصات بنادق عادية، أنت لو تأملتو كويس حتعرف إنو ده بشيل الدبابة أو الراجمة ويستعملها كبندقية، ومنصات الصواريخ دي عادي بقزقز بيها بالجمبة كدة في كتفو وهو ماشي،
أنت زول مغرض بس
| |
|
|
|
|
|
|
| |
محمد قسم الله محمد
معاوية عبيد الصائم
فيس بوك
تويتر
انستقرام
يوتيوب
بنتيريست