|
|
 شوفوا المصيبة البقت علي البلد، كان بلعنا تعيين الوليدات دى تنبلع كيف؟؟
|
بعد تعيين محمد الحسن محمد مساعد مستشاراً للرئيس البشير
عن كوتة الحزب الاتحادى وبما أننا لم نسمع بإسم
الأخ الكريم محمد الحسن فى مؤسسات الحزب، وحتى إن وجد
لم يكن من الاسماء اللامعة أو الفاعلة، سألنا عنه
ومن يكون؟ فجاءت الاجابة الصاقعة، قالو سيدى بعد أن استعرض
الاسماء كلها فأعتذر من إعتذر ورفض من رفض، جزء كان رفضه مبدئياً
وجزء حردان لأنه يعتقد ان المشاركة جاءت أقل من حجم الحزب الاتحادى.
فرشح السيد محمد عثمان الميرغنى الاخ محمد الحسن وهو
المصوراتى الخاص للسيد واحياناً يرسله السيد للبنوك لاستلام مال
او صرف شيكات.
فما دام هذا قدرنا و جزء من ابتلاءتنا نتمنى من السيد الرئيس ان
يستشير المذكور فى زاوية التصوير المناسبة حتى لايظهر رئيسنا
بتكشيرته المتجهمة، او تلك التى يكجم فيها خشمه ويكرفس نخرته
فيظهر رئيسنا متلشاً..
كان الله فى عون السودان مادام هذه حكومته وهولاء مستشاريه،،،
|
|
  
|
|
|
|
|
|
|
|
Re: شوفوا المصيبة البقت علي البلد، كان بلعنا تعيين الوليدات دى تنبلع ك (Re: صديق الموج)
|
| Quote: أما الوجه الجديد بين المستشارين فهو الاتحادي محمد الحسن محمد والمعروف بـ «حسن مساعد» وسط الاتحاديين وقد ظنه البعض نجل الميرغني محمد الحسن سيما وأن الميرغنى وبحسب مصادر اشترط على حزبه منصبي القصر واعتبرهما ملفاً خاصاً به وقد صدق الأمر بعد أن أتى بمساعد الذي يعتبر من الشباب وهو نائب رئيس قطاع المال بالحزب وعضو المكتب السياسي وعضو الهيئة القيادية وهو مقرب جدًا من الميرغني وظل مرافقاً له بحسب القيادية بالحزب شذى عثمان الشريف التي قالت لـ «الإنتباهة» مساء أمس «مساعد من ضمن رجال المكتب الخاص لمولانا وهو محل ثقة وجدير بالمنصب» وأشارت إلى نضاله بالتجمع الوطني. |
ده غايتو يا ود الموج على ذمة سيئة الذكر الانتباهة.
| |
|
|
|
|
|
|
|
|
|
Re: شوفوا المصيبة البقت علي البلد، كان بلعنا تعيين الوليدات دى تنبلع ك (Re: صديق الموج)
|
| Quote: ده غايتو يا ود الموج على ذمة سيئة الذكر الانتباهة. |
دكتور سيف النصر.... سلام
غايتو ما عليك تكل !!
الله لا ولاك على ايتام، بموتوا بالجوع
انا مجندك لى يومين عشان تجيب لى سيرة شارعة لى ناس القصر
تقول لى دى على ذمة "الانتفاهة"
ياخى "الانتفاهة" دى عندها ذمة عشان تعتمدها مصدر ليك؟ لوووووول
هاك جريدة السودانى:
إليكم ....... الطاهر ساتي
** أول البارحة، لم يجد شباب قسم أخبارنا أية صورة للسيد محمد الحسن محمد مساعد - مساعد رئيس الجمهورية- لتصاحب خبر تعيينه في هذا المنصب، ولقد بذلوا جهدا خارقا في البحث عن صورته في أرشيف الصحف والمواقع الإلكترونية، ولم يجدوها، والآن هم في انتظار وصوله من القاهرة ليؤدي القسم، وبالتأكيد لحظة أداء القسم بمثابة فرصة ذهبية لصحف الخرطوم وكاميراتها لتصور السيد المساعد محمد الحسن، ثم تقدمه للرأي العام بلسان حال قائل (ياهو ده المساعد الجديد)..وهذا يذكرني بمواقف طريفة كنا نمر بها في صحيفة ألوان قبل عقد ونصفه تقريبا، إذ كان يرسلنا رئيس أو مدير تحريرها إلى أرشيف وزارة الثقافة والإعلام عند كل تشكيل وزاري، وكثيرا ما كنا نعود من أرشيف الوزارة بلا صورة أو صور، وكانت إدارة الصحيفة تقابل عدم توفر صورهم في أرشيف الوزارة باستياء من شاكلة : (ياخ الناس الماعندهم صور في أرشيف الدولة ديل، الحكومة بتجيبهم من وين ؟) ..!!
** المهم، أي صورة المساعد الجديد- بل كل المساعدين الجدد - ليس مهمة، فهم كما كل أهل السودان (عيونهم عسلية وشعرهم قرقدي)، ولكن السيرة الذاتية هي المهمة جدا، إذ في ثناياها يتجلى المؤهل والخبرة وما قدمه من عطاء لهذا الوطن وشعبه .. ولذلك، كما اجتهد قسم أخبارنا في البحث عن صورة المساعد محمد الحسن المساعد، اجتهدت في البحث عن سيرته الذاتية وكذلك سيرة السيد جعفر الصادق بن السيد محمد عثمان بن السيد الميرغني .. وبصراحة لم أتوفق في الحصول على كامل السيرة الذاتية للمساعد محمد الحسن المساعد، وما تحصلت عليها - بالهواتف والإيميلات والرجاءات والتوسلات - لم يتعدّ محتواها تعريفا عاما لا يتجاوز سقف تفاصيله إنه (كان سكرتير مولانا الميرغني)
| |
|
|
|
|
|
|
|
|
|
Re: شوفوا المصيبة البقت علي البلد، كان بلعنا تعيين الوليدات دى تنبلع ك (Re: صديق الموج)
|
يا موج ياخي المسألة عادية جدا ولا (غبار) عليها ...
المؤتمرجية وبعد أن خربوا كل شيء بتعيين من يتميزون بحلاوة الصوت في تلاوة القران من أعضاء حزبهم ..قاموا بالتعدي على النكرات وذوي الصفات التي لا تقدم ولا تؤخر في العمل السياسي ..من خارج زريبتهم
--------------------------------------------
التعيينات الأخيرة لن تفيد السيدين وأبناءهم ولن تحمي المؤتمرجية مماهو قادم ..
| |
|
|
|
|
|
|
|
|
|
Re: شوفوا المصيبة البقت علي البلد، كان بلعنا تعيين الوليدات دى تنبلع ك (Re: صديق الموج)
|
Quote:
فالمال عند بخيله والسيف عند ########ه
|
السيف عند منو؟؟؟؟
غايتو يا موج مع الرقيب اللغوي بتاع بكري دا...
الزول بالرااااااحة ممكن يقراها ليك كالآتي:
فالمال عند بخيله والسيف عن سلالمه..
وفي رواية عند فلنكاته...
طبعاً هنالك رواية شاذة شوية وغير متداولة..
وهي : والسيف عند "قضيبه"
طبعاً قضيب السكة حديد يا كعب..
والله تعالى أعلم..
ياخ المختصر...أبلع معانا وإنت ساكت ساي..
لأنه الخيارات التانية ما مناسبة
خيارات عدوك يا موج..
شي حقن..وشي مع المحاليل الوريدية..
وشي تحاميل..
..
.
| |
|
|
|
|
|
|
|
|
|
Re: شوفوا المصيبة البقت علي البلد، كان بلعنا تعيين الوليدات دى تنبلع ك (Re: صديق الموج)
|
Quote: صديق الموج حبيبنا
فعلا كثرت مصايبا
لما جا النظام ال######## دا واعوانو
من شاكلة ود الباوقه وخلافه من المرتزقه
والذين لايهمهم امر رئيسهم الفاسد
والمطلوب من قبل العداله الدوليه
باختصار اتوقع كلو شئ ياخال
الله يديك الصحه والعافيه |
خضر الطيب العزيز كيف حالك
هذا زمان الحزن الكبير ياخضر
السودان ليس لديه وجيع والانقاذ صارت لاتختشى
ولا نستبعد من البشير ان يعين حماراً واليا فى حد
الجهات كما فعل كاليوقا الحاكم الرومانى قديماً
لك الله يا بلدى،،،
| |
|
|
|
|
|
|
|
|
|
Re: شوفوا المصيبة البقت علي البلد، كان بلعنا تعيين الوليدات دى تنبلع ك (Re: صديق الموج)
|
| Quote: هو قالوا مصوراتى المصوراتى دا هنا فى امريكا فوتوغرافر بدرسهاالواحد دراسة وعندها صوفت وير ابلكيشن وفوتوشوب وكده لكن بالله هوكان مصوراتى جيب لينا النجيضة يا ود امى هههههههه يجازى محنك يا ود الموج |
ايمان بدر الدين ...ازيك
ياخى ما على قدر كده!!
فوتوشوب وفوتجنك بتاع رأسك لوووووول
زول بقولو ليه سيدك معاه ضيف يجرى يطب الكامرا وخلاص،،،
| |
|
|
|
|
|
|
|
|
|
Re: شوفوا المصيبة البقت علي البلد، كان بلعنا تعيين الوليدات دى تنبلع ك (Re: محمد عبد الماجد الصايم)
|
Quote: الأخ الكريم / صديق الموج ..
.. ليس دفاعا ، وإنما شيء من رؤية وروية .. ، فالمصوراتى
هو صاحب العين الرقيبة الفاحصة واللاقطة وما تحسه من
أشياء حولها فإن كان مصوراتى مصوراتى فاليكن قولا ، ويصور لنا
كل عيب ، لكيلا ينطبق عليه قول الإمام الشافعى :
وعين الرضا عن كل عيب كليلة .. وعين السخط تبدى إليك المساويا
ولسـت بهيـاب لمن لا يهـابني .. ولست أرى للمـرء ما لا يـرى ليا
تحيتى يا بروف . |
محمد مختار جعفر.......سلام
ده ما مصوراتى بصور العيوب
ده مصوراتى ساكت ياخى!!
هو كان بصور العيوب بوافقو عليه ناس الانقاذ؟
انت ما سمعت قالوا لى كل حزب يرشح تلاته ويختارو من بينهم هم.
على طريقة الدول فى قبول اوراق السفير المرشح،،،
| |
|
|
|
|
|
|
|
|
|
Re: شوفوا المصيبة البقت علي البلد، كان بلعنا تعيين الوليدات دى تنبلع ك (Re: صديق الموج)
|
Quote: تحية الي العزيز دكتور سيف...
باطلاعك علي هذه المداخلة يكون المذكور قد وصل من قاهرة المعز لاستلام مهامه وبتالي تحصل الصحافة علي ما تريد عن سيرته ولكن وبحكم معلوماتي عن المذكور اود ان اصحح انه لا يعمل كمصور ...بل يعمل في المكتب الخاص ومحل ثقة تامة...والده الحاج محمد احمد مساعد يرحمه الله معروف في الختمية كاحد كبار مشايخ وخلفاءالختمية ومن المقربين جدا للسيد علي الميرغني -عليه الرحمة... |
محمد الكامل ....سلام
وهل هذه مؤهلات كافية ان تجعل من الشخص مستشاراً لرئيس بلد؟؟
| |
|
|
|
|
|
|
|
|
|
Re: شوفوا المصيبة البقت علي البلد، كان بلعنا تعيين الوليدات دى تنبلع ك (Re: صديق الموج)
|
الاستاذ الفاضل صديق الموج
لك التحية الطيبة و التقدير
اذكر انه فى انقلاب البشير حضر الى منزل اقرب لنا رجل و قد بلغ منه الخوف مبلغا كبيرا
و كان يعتقد انه سوف يقبض او يقتل او يرمى فى سجن الا ان المفاجاة كانت انه اسمه كان من بين الوزراء
الذين عينهم البشير فى اول حكومة له يعد انقلابه المشؤم و لم ذلك الرجل معروفا لدى العامة
فعلا و كما قلت كان الله فى عون السودان .
| Quote: كان الله فى عون السودان مادام هذه حكومته وهولاء مستشاريه،،، |
| |
|
|
|
|
|
|
| |
صديق الموج
عاطف مكاوى
سيف النصر محي الدين
saif massad ali
فتحي الصديق
Mohamad Shamseldin
Hisham Ibrahim
Mahmoud Mustafa Mahmoud
Amani Al Ajab
Abdlaziz Eisa
اسامه خليفه
فايزودالقاضي
خضر الطيب
ايمان بدر الدين
محمد مختار جعفر
محاسن أحمد محمد
MOHAMMED ELSHEIKH
محمد عبد الماجد الصايم
الطيب رحمه قريمان
فيس بوك
تويتر
انستقرام
يوتيوب
بنتيريست