|
|
 الحسادة ليكم شنو
|
تعين عبدالرحمن الصادق مساعد تجيب ود الميرغنى دا مستشار ، تطلع البرير - سيد البونية -سفير ، تضع كمال شداد وزير اعلام تجيب جمال الوالى معتمد تلودى ، على كيفها ياخى ، على كيفها ، انا ما عارف الناس زعلانه فى شنو ، ناس الحكومة فى ناس منهم الزعل شاقيهم قال شنو الشفع ديل ورموز الطائفية وما عارف شنو كدا وناس المعارضىة انشقو اكتر ، يا جماعة كلامكم وزعلكم دا كلو بلوه واشربو مويتو ، وانا ما رويتو انتظرو التشكيل الوزارى ، كرع الموية الصح يوم داك
يا جماعة روووووووووووقو .
حكومة ومعارضة ، يعنى جماهير الطرفين وما تعارف بتسميته الانصار والكوادر والناس والمساندين والمناصرين كلكم حكومة ومعارضة ، كلنا يعنى المعاى والضدى ما ناقشين اى حاجة وكلنا قاعدين ساى ، فما تملو الانترنت فقر ، وخلو الحكومة والناس الفيها يعنى الجهة الاصدرت القرار تعين من تعين وترفت من ترفت ، على كيفها ولا حتقدم تفسير ولا حتديكم تبرير ولا الناس الجابوهم زاتو عندهم تفسير ولا تبرير
بعدين تعالو هنا الحسادة ليكم شنو ، مما الله خلقنا فى السودان الميرغنى والمهدى ديل رؤساء وبخشو القصر الجمهورى دا حكام ، فشن جد على المخدة يعنى ، فقومو بالله مارسو دور الشعب ، وخلو التراب يملا عيونكم الزائغة دى ، بلا ديمقراطية بلا احزاب معاكم
مخرج طؤارى :
( يا جماعة انا مهكر )
|
|
  
|
|
|
|
|
|
|
 Re: الحسادة ليكم شنو (Re: خدر)
|
يا خدر الحسادة دى كيفنها ، ياخ شوف النت دا مقلوب كيف ( طبعا اجمل حاجة بره يعنى فى واقع الناس فى الاحياء والبكيات والشارع العام مافى زول حك الحكاية كتير ) هسة شوف المساعد المسكين ود الميرغنى دا (اسمو بطش منى لسه ما حفظناه حفظه الله ) ياخ مسكو ليهو فى قصة الروضة دى ونمرة اتنين ، الشاب دا لو عارف الهجمة الاسفيرية دى كان خش كورس شفتنة فى صقع من اصقاع مدن الملح فى البلد دى ، وحاول يعمل فيها مفتح وكدا ، شوف زى هشام هبانى يقول ليك مريسة داشرة ، لا حولا
| |
|
|
|
|
|
|
|
|
|
Re: الحسادة ليكم شنو (Re: محمد حامد جمعه)
|
الفكرة يا ابو خدرة يا اخوى ، انو احسن الناس تدى الصالح ، وتنسى وتعيش ، هسة شوف ناس حزب الامة وما عارف مكتب سياسى يؤكد فصل العقيد عبدالرحمن الصادق ومكتب تنظيمى قال شنو ما عارف ، ياخ قومو اتلهو ، الزول دا حزب امه جوه عينكم ، وانصارى ، وود الصادق المهدى ورئيس حزب الامة واى زول بقول غير كدا ويغالط بما عارف راى المؤسسات وكيانات شنو بغش فى نفسو وببيع الوهم للناس
| |
|
|
|
|
|
|
|
|
|
Re: الحسادة ليكم شنو (Re: Kostawi)
|
يا محمد
أنا حمد المواطن الاغبش دا
ما كان عندي مانع أنو الصادق والميرغني ونقد والترابي يكون مساعدين أو مستشارين لرئيس الجمهورية
بس طريقة
مندوبين المبيعات دي حتفيد السودان بشنو؟
| |
|
|
|
|
|
|
|
|
|
Re: الحسادة ليكم شنو (Re: حمد عبد الغفار عمر)
|
يا شاب الحكاية ما عندها دخل بيك كمواطن ، انا وانت ولا حاجة ، كان معارض ولا من ناس السلطة ككوادر ولا بشر عاديين ، هسة نسالك بامانة وفى ذمتك ، ونقول فرضا فرضا يعنى الحكومة وجماعتنا ديل عاوزين عشان توسيع المشاركة والحنك دا عاوزين مساعدين يمثلو الحزبين ومسشتارين هسة فى ذمتك الحزبين ديل ما فيهم ناس افهم وافيد للبلد والرئيس ولى وليك من الشباب ديل ، اى عارفنهم شخصيات مقدسة وفيها بركة واى حاجة بس معليش نحن بننضم ، اها يا زميل النظرة ما كدا النظرة قسمة وقدر وسعادة دائمة مكتوبة لاولاد الاسياد ديل ، يعنة هسة العقيد دا فى كم عنقرة عسكرية ورتبة ضخمة فى حزب الامة افيد منو ، ناس جيشهم شطة ، نار لكن نقول شنو ... الله غالب
| |
|
|
|
|
|
|
|
|
|
Re: الحسادة ليكم شنو (Re: Kostawi)
|
محمد حامد جمعة.
أنا مش قلت لك أنت ما بتجي البورد ده إلا للشديد القوي؟
واضح جدا أن رد الفعل كان قوي جدا، وهنالك حالة خوف وذهول تام وسط الكيزان.
يا محمد حامد. تعين الولدين ديل أكبر دليل على توهان وتخبط نظام الحكم في السودان.
فنهج الكيزان المهووس المريض يعتقدون بأنهم على الأقل يمكن لهم تحييد جماهير الحزبين، وحتى لو كان ذلك مؤقتا
ولكن يبدوا أن القصة فاشلة منذ بدايتها. تحياتي لك و لأولاد "الحجار الكريمة" في الجهاز.
| |
|
|
|
|
|
|
|
|
|
Re: الحسادة ليكم شنو (Re: سجيمان)
|
يا سعادتك لو ما خط الرجعة بتاع انك مهكر كان طوالي اعتبرتو خط الجريدة بكرة
(
ضابط رفيع بجهاز الأمن يتهكم علي مساعدي
عموما البوست دا بدي اشارات قوية على خلافات جوة الجوة
حول المشاركة البيض دي
| |
|
|
|
|
|
|
|
|
|
Re: الحسادة ليكم شنو (Re: على ميرغني)
|
ألمحت في البوست إلي إستياء داخل البيت الإنقاذي من تعيين السيدين الصغيرين وهو شئ متوقع للأسف وأتوقع أن يكون القرار يلقي معارضة كبيرة داخل الؤتمر الوطني وعلي كل المستويات ويبدو أن وراء القرار مجموعة نافع النافذة ومحيط البشير الضيق
سياسيا وتكتيكيا قد تبدو ضربة معلم وخلط أوراق وطوق نجاة علي المدي القريب ولكن إسترتيجيا ستكون نتيجتها كارثية علي المؤتمر وعلي تماسكه
أتفق معاك في القول بأن عبدالرحمن الصادق المهدي يمثل نفسه ضحك علي الذقون وأظن حكاية أن الصادق يعطي الضوء الأخضر لإبنه بينما يمتنع الحزب عن المشاركة يمكن تفسيره بأنه بالونة إختبار ثقة ليري ما ستؤول إليه الأمور بعد وبعدها سيكون لكل حادث حديث
عموما أخونا ود جمعة يا ريت أعرف رأيك الشخصي كصحفي ومهتم بالشأن السياسي وفوق ذلك كعضو في المؤتمر الوطني في هذه الخلطة العجيبة ومآلاتها
| |
|
|
|
|
|
|
|
|
|
Re: الحسادة ليكم شنو (Re: isam elzein)
|
| Quote: حكومة ومعارضة ، يعنى جماهير الطرفين وما تعارف بتسميته الانصار والكوادر والناس والمساندين والمناصرين كلكم حكومة ومعارضة ، كلنا يعنى المعاى والضدى ما ناقشين اى حاجة وكلنا قاعدين ساى ، فما تملو الانترنت فقر ، وخلو الحكومة والناس الفيها يعنى الجهة الاصدرت القرار تعين من تعين وترفت من ترفت ، على كيفها ولا حتقدم تفسير ولا حتديكم تبرير ولا الناس الجابوهم زاتو عندهم تفسير ولا تبرير |
ياجنابو كلامك الاخير ده منطقي 
الانقاذ جاطتها جوطة شديدة ....وتاني اليحلها ما حيتلقي
نصيحتي ليك شوف اقرب (اميرجنسي دوور) ونشن عليه
| |
|
|
|
|
|
|
| |
محمد حامد جمعه
خدر
Kostawi
حمد عبد الغفار عمر
Deng
سجيمان
أسامة البلال
خالد عبد الله محمود
isam elzein
فيس بوك
تويتر
انستقرام
يوتيوب
بنتيريست