|
|
|
 Re: اليهود ونبش تأريخ قبائل الجنوب .. (قبيلة المادى ذات ثقافة يهودية) (Re: بريمة محمد)
|
الأخ بريمة السلام و التحية
المشكلة يا بريمة ما في القبيلة المسالمة ...و لا في البيحاولوا تهويدهم.
أنت كمسلم... إذا كنت مقتنع بأنك تبقى داعيه مثلاً...عملت شنو عشان تحقق أهدافك دي؟
عملت شنو للقبيلة دي عشان ما تتهود؟
قبل إسبوع تقريباً في إحدى القنوات التلفزيونية, كان في برنامج عن مساعدة الأثيوبيين اليهود
من شاكلة البرامج البتعرض مشكلة في منطقة ما و تجمع تبرعات .
و الناس المشوا هناك ...قاعدين معاهم في الأرض و متواضعين جداً جداً!!!
طيب ... ثقافة الإحتواء دي ليه ما بنعمل بيها نحن المسلمون؟
لاحظ أنا بتكلم عن مجهودات أفراد... مواطنين - ما دولة.
قبل أعوام كان في الجامعة الدرست فيها قروب إسمه Save Darfur
كنت بتطوع معاهم مرات...
كل الطلبة, بيتبرعوا من مصروفهم بمبالغ زهيدة - كل حسب إستطاعته
في ال Book store الطلبة يشتروا أدوات مدرسية لأنفسهم و لأبناء دارفور
المسلمين... الي ما بتربطهم بيهم أدنى صلة غير الإنسانية.
فقط عارفين إنه في مشكلة سياسية و أفرزت مشاكل إنسانية و حابين يساعدوا لوجه الله.
في نفس الوقت... كان الناس هنا في سودانيزأونلاين وفي السودان متشاكلين في الأسباب
السياسية و لا أذكر أن أحداً حرك ساكن (إنسانياً كان أو مادياً - أقبل التصحيح هنا)
أو قد تكون ضئيلة لا تضاهي حجم المشكلة الإنسانية و الحكومة رافضة تقر بالمشكلة الإنسانية حتى
ناهيك عن تقديم عون للمتضررين.
وناس الحكومة كانوا بيطردوا منظمات الإغاثة بحجج تحيرك!!!
نجي علي مستوى الأغنياء...
قائمة الأغنياء المهتمين بالشأن الإنساني في أفريقيا طويلة منهم أوبرا, جورج كلوني , ...الخ
بيل قيت مثلاً... أغنى أمريكي اليوم و معاه وورن بفت إتبرعوا بأكثر من %50 من ثروتهم
لمكافحة الإيدز و الملاريا و تركيزهم علي أفريقيا أكبر - من غير نظر للديانات.
و المسلمون الأغنياء من دول النفط أو غيرهم...
ترف, بزخ ,عنجهية و عنصرية... و أموالهم تصرف في الغرب في فسح و منثنى وثلاث ورباع و
مسيار وحاجات عجيبة.
طبعا من حقهم يعيشوا حياتهم كما أتفق مزاجهم
لكن حبيت أقارن بين أغنياء المسلمون و أغنياء من ديانات أخرى.
هذا ...قد يكون من الأغنياء المسلمين من يفعل ما أتحدث عنه و لكن أعتقد قلة.
خلاصة كلامي يا بريمة ...
إنه ما دايماً الناس بتعمل عمل الخير عشان تهود, تنصرن أو تأسلم
الكثير يفعلها من دوافع إنسانية , و أنا أعرف أمريكان كثر بيمشوا
أفريقيا من حر مالهم مع منظمات إنسانية عشان يبنوا مدارس أو مستشفيات أو ...الخ
و نحن بدل ما ننظر ونقول ديل هدفهم التهويد والنصرنه...
أحسن نعمل ,
فقل : ( اعملوا فسيرى الله عملكم ورسوله والمؤمنون )
سحب البساط ده كيف هو
| |
 
|
|
|
|
|
| |
بريمة محمد
فردوس جامع
فيس بوك
تويتر
انستقرام
يوتيوب
بنتيريست