نفهم لماذا تُعارض الانقاذ، فهل فهمتم لماذا نُعارض المعارضة والانقاذ؟

Quote: ولى...كيفنك....؟ يعنى يا وليد ممكن تتخزل المعارضة دى كلها فى حزب الامة والحزب الاتحادى........؟ وين باقى المعارضة العندها موقف ضدى من المشاركة فى حكومة الانقاذ.......؟ بل وتدعوا صراحة لاسقاط النظام....

Quote: تعرف يا وليد انا بفتكر لو دخل اي شخص مع الحكومة دي وقام من الداخل بالاصلاح وانحاز للجماهير التي يعلكها دولاب نار بيكون عمل فائدة المقاطعة والمعارضة الخايبة ما جيبة تمنها نعم للمشاركة وخدمة الشعب من المواقع الجديدة وما تبقى على الشعب الحكومة والمعارضة ومافي حاجة للشعب دا.

Quote: موضوع المشاركة .. مشيناهو ليكم المشاركة بابناء السادة دي نبلعها كيف ؟

Quote: ...عزيزنا / وليد كلام زى الورد يا مان...طيب انا افهم من كلامك انك ممكن تدعم الحركات الشبابية الداعية لاسقاط النظام........؟

Quote: مرحب نزار والله المشاركة بابناء السادة ده .. كف صاموتي لانصار الحزبين الكبيرين او .. ولينا نحن كمواطنين سودانيين بالعربي كده معناتو ما فيكم راجل يستاهل ده طبعا لو تجاهلنا مسالة الاختلاف حول المشاركة من اساسو ليه حق البشير يقول جبناها بالقوة .. والبقدر يقلعها مننا بالقوة يقلعوها كيف ؟ وهم ما قادرين يقلعوا مراكز في الصف الاول في احزابهم .. حتى في الممارسات الخاطئة خاتينهم درجة تانية او بالاصح درجة تالته لانو الدرجة الاولى للسادة والدرجة الثانية لابناء السادة بعداك نشوف

Quote: انا فوق قلت ليك الكفيت دا شغال فينا من ما ربنا خلقنا ما تقول لي...وكان القرشي شهيدنا الأول...واكتوبر ماسك كتف ابريل....الناس تهدر تهدر تمسك ابريل كتف اكتوبر...ويدخلوا بيوتهم...والحاكمننا من ربي خلقنا ياهم زاتهم...يفوت الجد يجي الولد...يفوت الولد يجي الحفيد...او ود عمتو... يفوت الحزب...يجي عسكري من الحزب...ويظهر لينا الحزب كلو بي عمموا وجلاليبو ويتقاسمو الشغلانة يا رجل ...في زمنا دا لو ما كنت كوز لو منقطا ما بتلقي زول ينضم معاك ساكت....الشغلانة ساقية يا حبيب.. وساقية محبطة.

Quote: عند مزاج تناقس الموضوع ده معاي بنفس طويل وبارد وبدون تشنج وبدون فرض سوء نية وتخوين لو اختلفنا لو بتقدر على الكلام ده حبابك

Quote: لاختلاف فى الرأى يا ولى لا يفسد للود قضية يامان عليك دينك كم مرة إختلفنا فى المنبر ده لكن أكن لك كل الود والإحترام وانت عارف كده يافرده...بس انت ذاتك طول نفسكمعاى ،أنا (حكاك) شوية ههههههه

Quote: قرب الناس للكيزان هو من يستخدم اساليبهم ويتفق معهم فيها ويستخدمها واحد من الاساليب دي الاقصائية والنظرة الاحادية للناس وتقسيمهم هلال مريخ من يرى الناس فيئتين كيزان وغير كيزان ويصنفهم على هذا الاساس هو الكوز فهذا هو اسلوب الكيزان في تقسيم الناس معهم وضدهم ولا ثالث من يتبع هذا الاسلوب ويفهم هذا الفهم هو انسان عاجز فكريا لا.. ولن .. ستوعب ان هنالك فيئة يحق لها ان تبغضكم الاثنين معارضه وحكومة وطبعا هذا الشخص يصادر حقوق هذه الفيئة ولا يعترف بها وينسبها حسب فهمة العقيم الى الصف الاخر عجزا منه .. والكلام ده من الاثنين حكومة ومعارض ناس الحكومة تقول على هذه الفيئة مخربين خارجين عن الصف ونفس الفهم تقوله المعارضة عالم بيض لا فرق بين احمد وحاج احمد ولا فرق بين كيزان اليمين وكيزان اليسار نفس الملامح والشبه البلد دي مشكلتها كبيرة