|
|
|
 Re: هكذا الحضارة والرقي ولا بلاش - توجد نماذج (Re: الطيب شيقوق)
|
Quote: اعتقد ان حضارة ورقي الانسان - إمراة او رجل - لا تقاس بإنتمائه لهذه الجهة او تلك وانما وفقا للمعايير الاتية :
اولا : ان تتحدث مع الاخر بصوت منخفض - والاكثر تحضرا هو الذى يتحدث بأطراف شفتيه يخلي المستمع يبحث عن الكلمة الصادرة اما برجاء تكرارها او يرخي اضانو قريب ليك عشان يسمع الكليمة الطالعة .
ثانيا: ان يكون الشخص جيد الاستماع للمتحدث والا يقاطعة في اثناء حديثه زى ما بيعمل اغلب إداريي الحوارات التلفزيونية .
ثالثا: ان يتمتع الشخص بثقافة multible يعني بيعرف حبة من كل ........ حاجة - بس لو عندك ثقافة متنوعة وبترفع صوتك فووق حقك راح من الحضارة .
رابعا : ان تختار الكلمة زمانا ومكانا - يعني ما تكون متنوع الثقافة وتبهل ثقافتك دي في الصقيعة ساي للناقش وما ناقش .
خامسا : أن تبحث عن معلومة جديدة كل صباح بدون مضايقة الاخرين الذين يملكون تلك المعلومة - والاكثر حضارة هو الذى يحاحيك ( من محاحاة الحمام) بجاى وبجاي دبلوماسيا - عشان يدررك ( من الحليب) عشان تبهل ليهو المعلومة الكايس ليها . بس اوع تفهموا المعلومة المقصودة هنا تقنية او فنية او كدا - ممكن تكون معلومة من مفردات ضهارية . -
سادسا : الا ترفع موبايل غيرك للرد على محادثة واردة اليه او تفتح رسالة وارده لجهازه الخاص .
|
يا سجم الرماد انت قاصدني انا ولا شنو ؟
بالله الذي نفس
الملامح بتاعت اخوك فيسل هليل
| |
  
|
|
|
|
|
|
|
|
Re: هكذا الحضارة والرقي ولا بلاش - توجد نماذج (Re: الطيب شيقوق)
|
| Quote: اولا : ان تتحدث مع الاخر بصوت منخفض - والاكثر تحضرا هو الذى يتحدث بأطراف شفتيه يخلي المستمع يبحث عن الكلمة الصادرة اما برجاء تكرارها او يرخي اضانو قريب ليك عشان يسمع الكليمة الطالعة |
سعادة المستشار شيقا:
الحتة الفوق دي يحاحوها (من محاحاة الحمام) كيف مع الحتة الجاية تحت دي:
"إذا تكلم أسمع وإذا مشى أسرع وإذا ضرب أوجع"
قول منسوب لعمر الفاروق رضي الله عنه يعدد صفات الرجولة..
شيقوق أجد متعة في متابعة كتاباتك فواصل الله يديك العافية
| |
|
|
|
|
|
|
|
|
|
Re: هكذا الحضارة والرقي ولا بلاش - توجد نماذج (Re: الطيب شيقوق)
|
Quote: واحد نص متحضر , عشان بوستيك ما غاطس بس أديناهو دفرة سقنتوتة
و فى الحقيقة ماعندك بوست بغطس يا سعادة المستشار |
دكتور حميد المقابل
ياخ انت كملت الحضارة وحيرتنا ذاتو تقول لي نص ؟
صاحبي الفاتح ميرغني بيكون شرب حضارات العالم دي كوووووووولها
| |
|
|
|
|
|
|
|
|
|
Re: هكذا الحضارة والرقي ولا بلاش - توجد نماذج (Re: الفاتح ميرغني)
|
ثانياً دي قمة التحضر ...إتقان فن الاستماع ...ولما تكون وسط مجموعه من الناس تدي فرصه للناس كلها تشارك في الكلام .. ما تستلم القعده على حسابك ..
قصه الشنطه والحذاء سمعت بيها ..لكن ما عارفة العلاقه شنو ...المظهر الخارجي ما دائما ..بعكس حقيقة صاحبه ...
كان عندنا زميله في الجامعه مصعباها شويه رفضت عريس لقطه - بمواصفات أغلب البنات - لما سألوها عن السبب قالت ما متحضر ..لابس ساعه رقميه...
وقام فجأه كده طلع
رجلو من الحذاء وطقطق أصابعو مع بعض ورجع لبسو- تاني :)))))
| |
|
|
|
|
|
|
|
|
|
Re: هكذا الحضارة والرقي ولا بلاش - توجد نماذج (Re: سارة عيسى أحمد)
|
توحي
Quote: جابتنا الأروما بتاعت بوستيك وعبق إمراة.
يقال بانه:قد تخطئ الأنثى في إختيار شريكها لكنها لا تخطي أبدا في إختيار العطر الجميل"!.
فيلم كامل لآل باتشينو بعنوان " Scent of a woman". |
ياخ انت متحضر نامن غلط - بيعجبني في حديثك تهجينك لكلام الضهاري بثقافة آل باتشينو ذاتهم
آل باشينو ال ....
Quote: عشان كده قالوا" لو مر نسيمك على الف ميل يخلي العالم طربا يميل..."
يا شيقا تخت المعايير دي كلها عن التحضر وتقول متحضر نص كم؟. |
اخخخخخخخخخخخ ياخ بتبالغ بقيت الكلام بتراكبو مراكبة زي ود المرتضى حتة من هنا وحتة من هناك ويطلع حاجة مسبكة زى حلاوة مولد ام جضيمات
| Quote: غايتو" تتواضع وقدرك عالي ارفع من سمو ومعالي. |
متواضع انا ولا اتا الجالستا كوندا وجاى تتحوم معانا بجاى ؟
ياخ تضحك في دلاقينك
| |
|
|
|
|
|
|
|
|
|
Re: هكذا الحضارة والرقي ولا بلاش - توجد نماذج (Re: الطيب شيقوق)
|
السارة بت احمد
ازيييييييك
| Quote: ثانياً دي قمة التحضر ...إتقان فن الاستماع ...ولما تكون وسط مجموعه من الناس تدي فرصه للناس كلها تشارك في الكلام .. ما تستلم القعده على حسابك .. |
ايواااااااااا دي نقطة جوهرية فاتت على الله يخليك لحقتيها لينا
| Quote: قصه الشنطه والحذاء سمعت بيها ..لكن ما عارفة العلاقه شنو ...المظهر الخارجي ما دائما ..بعكس حقيقة صاحبه ... |
نعم يا السارة المظهر الخارجي ما اي حاجة لكن بديك انطباع مبدئي بأنو هذا المتهندم هكذا متحضر الى ان يظهر العكس من خلال حديثه شفت هيك؟ يقال إن كان الرجل مهتما بحذائه فمن باب اولى ان تكون البقية عنده سكين في ودكة يعني ظبط وكدا
| Quote: كان عندنا زميله في الجامعه مصعباها شويه رفضت عريس لقطه - بمواصفات أغلب البنات - لما سألوها عن السبب قالت ما متحضر ..لابس ساعه رقميه... |
وكمان عندي صاحبي ساخر جدا تأخر زواجو وسألتو قلت ليهو مالك ما مفكر في نصفك التاني ؟ ضحك قال لي والله يا الطيب لقيت لي واحدة مناسبة جدا وبدينا نتواصل مع بعض عشان نعمق معرفتنا ببعض ولما إكتشفت اني ما بعرف برسل SMS موبايلية قالت لي سوري انت ما بتنفع معاى لانك ما متحضر تقنيا .
| |
|
|
|
|
|
|
|
|
|
Re: هكذا الحضارة والرقي ولا بلاش - توجد نماذج (Re: الطيب شيقوق)
|
| Quote: والاكثر تحضرا هو الذى يتحدث بأطراف شفتيه يخلي المستمع يبحث عن الكلمة الصادرة اما برجاء تكرارها او يرخي اضانو قريب ليك عشان يسمع الكليمة الطالعة . |
غايتو يا مولانا زمان كان عندنا واحد جنينه كده بيعمل نفس حركه يتحدث باطراف شفتيه دى
والمشكله بيعمل الكلام ده للجكس النضيف .... عارف الواحده لم تقرب منو شديد يقوم عمك يقطع فيها بوسه ليها صوت وفى الشلوفه دايركت
المشكله العويصه دايما بكون خاتى ليه سفه
غايتو منظر الجكس بعد البوسه دى بيكون حلاوه حربه بس شى تفيف وشى مسح شلاليف
دحين ابعد الشى ده من التحضر والترقى
| |
|
|
|
|
|
|
|
|
|
Re: هكذا الحضارة والرقي ولا بلاش - توجد نماذج (Re: عبد اللطيف بكري أحمد)
|
لطفي
ازيييييك
| Quote: هسة عليك الله في حضارة اكتر من هديتي لي للمنبر : الفاتح ميرغني وأولاد المقابل الاتنين؟ |
ياخ انت ذاتك مسجم كدا وحياتك يلفخوك ويلفخوهم بعين طوالي معاك
| Quote: الفططان عكس الحضارة، شفت كيف؟؟؟ |
حاجة غريبة خلاص - في واحدين بفطوا فاكرين الفططان دا حضارة - لكن بيني وبينك قالوا هو اسلوب عصري لاحتصار حنان الجكس الجافي
| |
|
|
|
|
|
|
| |
الطيب شيقوق
محمد المرتضى حامد
فيصل محمد خليل
الزاكى عبد الحميد
عبد الحميد المقابل
الفاتح ميرغني
سارة عيسى أحمد
حيدر حسن ميرغني
عماد الشبلي
محمد سنى دفع الله
Gaafar Ismail
Ahmed Yousif Abu Harira
فيس بوك
تويتر
انستقرام
يوتيوب
بنتيريست