|
|
 والله أنا يوم أجيكم ساي
|
أعمل كدا تقولوا كلاي
أعمل كدا تقولوا باي باي
ألبس خاتم تقولوا بكاي
ألبس سلسل تقولوا هناي
والله أنا يوم أجيكم ساي ..
...............
خانتني الذاكرة لإستحضار إسم سيد الكلام البليغ دا مع التقدير والأسف ليهو ..
يتبع .......
|
|
 
|
|
|
|
|
|
|
|
Re: والله أنا يوم أجيكم ساي (Re: ABUHUSSEIN)
|
إتذكرت الكلام الفوق دا وأنا أري بعين الغيظ الكلام الما كويس الحاصل من بعض ناس البورد دا..
تكتب منتقدا ومستنكرا حركات رئيس نادي الهلال وبونيته فيحمر ليك ناس الهلال ويطلعوك حاقد
حاسد جاحد لاحد..الخ الخ .
تكتب منتقدا مجلس المريخ فيتصدي لك المريخاب وأشباههم فيضغطوك ضغطا ضغطا ثم لا يكتفون بذلك بل
يطلعوك من جنة المريخ وسقطا بعد أن يقولوا فيك ما قاله وما لم يقله مالك وغير مالك في الخمر
والويسكي والبيرة أم جمل .
تكتب عن الفن معجبا بتلك الفنانة وشاجبا لذلك الفنان فينط لك الأدعياء والمنظراتية
ويتلموا فيك من كل صوب وحدب أسفيري ليبلعوك بموية وبدونها ما كتبته ثم يطرشوك ليهو تاني..
تكتب عن الحكومة في بيتكم فتأمر المعارضة بواسلها من الكومندانات ليرشوك أرضا وجوا ..
تكتب عن حاجة متعارضة ليك في حلقومك فيفتح فيك ناس الحكومة نيرانا لا تبقي ولا تذر وربما
فجروا فيك كم قرنيت وكم دانة وخمستاشر لغم للتأكد من أنو لن تقوم ليك قايمة بعد ذلك..
تقفل كيبوردك بالضبة والمفتاح وتتحول من عضو إلى قاريء مأسوفا على ما يجول بخاطرك من
أفكار ومشاركات قضيت الليل لترتيبها تمهيدا لطرحها فيتصدي لك الناس الساي ويطلعوك رمادي
وتركوازي وخاتف لونين وشيطان رجيم والرجل العنكبوت ثم بعد أن يفقلوك فلقا يمارسوا عليك
إستاذية ووصايا ما أنزل الله بها من سلطان ..
نسأل الله السلامة ..
يتبع .....
| |
|
|
|
|
|
|
|
|
|
Re: والله أنا يوم أجيكم ساي (Re: طلحة عبدالله)
|
والحمدلله الذي جعل في كيبوردنا حروفا نستطيع أن نرصها لتكون كلام لكل مقام :
كلام كبار
كلام دقاق
كلام حبكانات
كلام لرد الصاع صاعين وما فوق
كلام شفاتة
كلام رندوك بتاع صف السينما
كلام دبلوماسي فاخر
كلام سب
كلام شتم
كلام جرجرة
كلام عوك عاك
كلام أي كلام
كلام والسلام
كلام في الممنوع
كلام في الغرف المغلقة
كلام في الكونكان والحريق والوست والهارت
كلام معلمين
كلام زول فاكيها في نفسو
كلام للربط والحل
كلام كورة
كلامات أخري..
يتبع ....
| |
|
|
|
|
|
|
|
|
|
Re: والله أنا يوم أجيكم ساي (Re: طلحة عبدالله)
|
لبست لي فنيلة كت
جات قدري بالجر والمط
شكيت لي معاها شبط
وقلت الليلة ح أطلع زط
جيت كاسح بجمب الزلط
واحد كورك فيني قال لي
هووى يا مزعمط
كدا غلط
دا شنو يا ضكر البط
فنيلتك دي حقت سقط ..
مالكم ومالي
يا الشايلين حالي
يا الخاشين تووووش طوالي
إن شاء الله أتسوك بعد الشاي
إن شاء الله أدردق هنا وجاي
إن شاء الله أجيب حبوبتي معاي
إن شاءالله أخش في الصف
وأجر ليك نفسي من الصف
وأقول هووووى دا منو الجراني
وأدي ليك نفسي كف طاخ
وامرق من الصف
أمش البيت أكلم
ناس أمي وخيلاني وجيراني
ونمش نفتشني ما يلقياني..
..........
مع الاعتذار لسيد لكلام دا وتبا لذاكرتي الخربة ..
يتبع ......
| |
|
|
|
|
|
|
|
|
|
Re: والله أنا يوم أجيكم ساي (Re: طلحة عبدالله)
|
واحمدالله حمدا كثيرا كونه جعلني جاهلا أميا وتجم عديل كدا بحركات الدهنسة
والتلصق وشيل الأباريق وحرق البخور والمشي حافيا في زفة الحاشية للسلطان
وأصحاب الجيوب المنتفخة المكتنزة وإلا فقياسا على المقدرات المهولة التى
املكها ولا فخر لكان عندي كم عربية فخيمة وكم عمارة عالية وكم مرة جميلة تسر
ناظري وتغيط الحاقدين على نعمتو علي ..
يتبع ...
| |
|
|
|
|
|
|
|
|
|
Re: والله أنا يوم أجيكم ساي (Re: طلحة عبدالله)
|
طارق الامين زميل البورد وسيد ببت الفنون اظنه قائل هذه الارجوزه
المهم يا طلحه خليني انظر ليك شويه
هسه بوستيك ده زاتو انت كتبته قبل كده بعنوان مختلف
بس بنفس الفكره واوعك تقول ليك جيب رابط واقتباس وشنو ما بعرفوا داك
ذاكرتي السه ما بقت خربه متذكرها امتعاضك قبل كده من المنظرين والمنظرات
لكن يا معلم واصل ورش بدون فواصل
| |
|
|
|
|
|
|
|
|
|
Re: والله أنا يوم أجيكم ساي (Re: فدياس نجم الدين)
|
هلا يا فدياس
التحية لطارق الأمين إن كتب أو لم يكتب الكلام الفوق دا
لكن هو برضو عندو حركات ديش ..
بالنسبة لموضوع البوست فهو رد مكرر على كلام مكرر ومافيش شفت أشفت من شفت تاني..
يتلمذوننا فنجعلهم شفع روضة والرهيفة التنقد .
| |
|
|
|
|
|
|
|
|
|
Re: والله أنا يوم أجيكم ساي (Re: طلحة عبدالله)
|
يا طلحه
كده النسالك رايك ككاتب رياضي في لاعبي الاسماعيلي احمد سمير فرج واحمد صديق وبالمره في لاعب الوسط عبدالله الشحات وثلاثتهم مطلقي السراح
عند الاجابه رجاء لا تستحضر تجربه الممرن والهارب
| |
|
|
|
|
|
|
| |
طلحة عبدالله
ABUHUSSEIN
فدياس نجم الدين
فيس بوك
تويتر
انستقرام
يوتيوب
بنتيريست