|
|
 (النشوف آخرتا مع الجنوبيين)ورطة حكومة(الجنوب)بإيقاف(الشمال)تصدير النفط
|
صبرت الحكومة كثيرا على تلكؤ ومماطلة حكومة الجنوب
واخيرا اثلجت صدورنا بقرارها القوي والجرئ
بايقاف تصدير نفط الجنوب عبر الشمال
الى حين الوصول الى اتفاق نهائي بين الدولتين حول رسوم عبور النفط والموانئ
ودفع حيكومة الجنوب المتاخرات اللي عليها (البالغة 727مليون دولار) لحكومة الشمال
والتي ظلت تتلكأ فيها منذ التاسع من يوليو 2011م(ياربي كان قايلانا كيشة ولا ما بتعرفي يا حيكومة الجنوب ان الصبر ليه حدود)
إن الخاسر الوحيد والاكبر من قرار الايقاف قطعا هي حيكومة الجنوب
فلا شركات النفط الاجنبية العاملة في تلك الحقول ستتأثر بذلكم القرار لأنها تاخذ نصيبها اللي بيساوي (50%) من الكمية المنتجة فعليا في الجنوب... ولا دخل لها بالتصدير ومشاكلة وكيفيته
ولا حكومة الشمال ستتاثر كثيرا لاننا رفعنا فعليا اعتمادنا عن بترول الجنوب منذ الانفصال
وليس لدينا مشكلة في البنزين والجازولين
لان حاجتنا من الاستهلاك ظل يغطيها الانتاج النفطي من حقول البترول الشمالية في الحقول الي شمال خط 1956
حيكومة الجنوب الان هي الخاسر الاكبر لان اقتصادها هي الذي يعتمد بنسبة 98% على بترولها الذي بدوره ليس له منفذ للوصول الى الاسواق العالمية الا عبر الشمال(سبحان الله لحكمة يعلمها الله وحده)
والا فلتجاذف حيكومة الجنوب بمد خطوط انابين جديدة عبر يوغندا او كينيا
بتكلفة تتواضع امامها قيمة العائد من بترولهم
ولن تقدر على تغطية تكالفيه سنين عددا مقرونة مع فتور الذي اصاب الدول الكبرى والاوربية في دعم فكرة ان شاء خط تصدير جديد بخلاف الشمال
فلنرى كيف ستحل حكومة الجنوب هذه الورطة
|
|
  
|
|
|
|
|
|
|
 Re: (النشوف آخرتا مع الجنوبيين)ورطة حكومة(الجنوب)بإيقاف(الشمال)تصدير ا (Re: mayada kamal)
|
هههههههه شحادين ما بندفع ولا مليم لكم ..بلو ديونكم الخارجية واشربوها لوحدكم...
شئ اخر جمهورية جنوب السودان دولة حرة ذات سيادة لن تعتمد على دولة اخرى ..عندنا اصدقاء واشقاء
يستحقوا ان يمر نفطنا عبر اراضيهم وياخذوا رسوم عبور خير لنا..
دايرن حدود باسلاك شائكة ولا رعاة من الشمال تجينا صيفا الي مراعينا الخضراء..
شئ اخر سنقيم سدود على نهار النيل كما نشاء وتجف النيل شمالا علشان تتادبوا شويه..
| |
|
|
|
|
|
|
|
|
 Re: (النشوف آخرتا مع الجنوبيين)ورطة حكومة(الجنوب)بإيقاف(الشمال)تصدير ا (Re: طارق عبد اللطيف نقد)
|
ميادة كمال:
Quote:
نفسي اعرف رد فعل حيكومة الجنوب
وخاصة البائس باقان اموم
شايفاهم ساكتين لحدي الان
|
لو ما جوكم راجعين ... يكون الضحك شرطكم !!
يا ميادة .. بترول الجنوب و الذي هو جاهز للتصدير في أي لحظة هو اكبر ضمانة مالية لدولة الجنوب.
يمكن لدولة الجنوب و بضمانة بترولها ان تستدين من البنوك العالمية و شركات البترول الضخمة 5 او ستة مليار سنويا و تمشّي امورها الي أن تبني خطوط الانابيب عبر كينيا ...
مصيبتكم أنكم لا تقرأون ..... و عايزين تشوفوا آخرتا ...
Quote:
واشنطن: عبد الفتاح عرمان
أعلن إزيكيل جاتكوث، سفير جمهورية جنوب السودان لدى الولايات المتحدة الأميركية عن إكتمال ترتيبات مؤتمر واشنطن للإستثمار في بلاده الذي يعقد بواشطن في الفترة من 14 إلى 15 ديسمبر المقبل تحت رعاية وزارة الخارجية الأميركية.
وكشف السفير جاتكوث أن الرئيس سلفاكير ميارديت سيترأس وفداً عالي المستوى من حكومته لحضور المؤتمر المعني. وبحسب جاتكوث فإن وزيرة الخارجية الأميركية هيلري كلينتون ستحضر المؤتمر إلى جانب شخصيات رفيعة المستوى من إدارة أوباما.
وأشار سعادته إلى أن كبريات الشركات الأميركية العاملة في مجال النفط والزراعة والبنى التحتية ستحضر المؤتمر الذي يهدف إلى تشجيع الإستثمار في جمهورية جنوب السودان في كافة المجالات.
|
| |
|
|
|
|
|
|
|
|
|
Re: (النشوف آخرتا مع الجنوبيين)ورطة حكومة(الجنوب)بإيقاف(الشمال)تصدير ا (Re: JOK BIONG)
|
| Quote: هههههههه شحادين ما بندفع ولا مليم لكم |
يشحدوكم انتو!!!!!!!!!!!!
خاص انتو اللاقين تاكلو مواطنينكم!!!!!!!!!!!!!!!
الـ 727 مليون دولار دي دي يون مستحقة على حيكومة الجنوب
نظير رسوم تصدير البترول عبر الشمال
وفق الاتفاقيات المعمول بيها عالميا
يعني تدفعوها ولاااااااااا كتر خيركم
Quote: شئ اخر جمهورية جنوب السودان دولة حرة ذات سيادة لن تعتمد على دولة اخرى ..عندنا اصدقاء واشقاء
يستحقوا ان يمر نفطنا عبر اراضيهم وياخذوا رسوم عبور خير لنا.. |
ههههههههههههههههههه
يا حليلك يا المسكين
نحن هنا بنتكلم كلام منطقي وعلم وموضوعي
يا بشر انت لا قريت لا باريت
من ناحية علمية وجغرافية
لا يتمكن الجنوب تصدير نفطه الا عبر الشمال
ولو فكرتوو تتهوروا وتصدروا عبر كينيا ويوغندا
تكلفة وصوول بترولكم لحدي موانئ كينيا
تصبح اعلى من قيمة عائد البترول الراجينه
والله الدول الصديقة حقتكم دي الا تعلبوا بترولكم دا في اكياس وعلب وترسلو ليهم بي قطار
حتى يصدروه ليكم
هههههههههههههه
| Quote: شئ اخر سنقيم سدود على نهار النيل كما نشاء وتجف النيل شمالا علشان تتادبوا شويه.. |
ودا ما حياثر كتير على الشمال
لانو لدينا رافد النيل الازرق اللي بجي من اثيوبيا
| |
|
|
|
|
|
|
|
|
|
Re: (النشوف آخرتا مع الجنوبيين)ورطة حكومة(الجنوب)بإيقاف(الشمال)تصدير ا (Re: isam elzein)
|
القرار دا اصلاً ما قابل للتطبيق.. لماذا؟
لان القرار سمح بتصدير نصيب الدول المشاركة في ساتخراج النفط
طيب حكومة الجنوب ممكن جداً تشترط تصدير المنتج كلو او وقفو كلو
وهنا حكومة السودان ح تلقى نفسها في ورطة
وياميادة.. عليك الله اقري خبر تاني منشور في سودانتربيون امس
مفادو انو حكومة الجنوب استوردت (6.5) مليون طن عبر المواني الكينية
نقول انو كان ممكن استيراد نصف الكمية دي عبر بورتسودان، ونقول انو السودان ممكن يفرض
جمارك ترانسيت (دولارين) على الكيلو... نشوف الناتج كم
ونضيف ليهو الناتج الهامشي لترحيل الكمية دي عبر البر الى ميناء كوستي
شوفي كم سواق وبتاع بنشر وميكانيكي وبتاع كهرباء سيارات زايد العتالين في كوستي وبورتسودان
ميادة ساهل جداً اصدار القرارات العنترية... وصعب جداً التفكير بافق واسع للاستفادة من كل الفرص
| |
|
|
|
|
|
|
|
|
|
Re: (النشوف آخرتا مع الجنوبيين)ورطة حكومة(الجنوب)بإيقاف(الشمال)تصدير ا (Re: على ميرغني)
|
دي ورطه ياكيزان
مافي طريقه تطلعوا منها الا بلحس الكلام
كالعاده وطبعا ده بيحصل في الشهر مرتين
عمر البشير بيتعنتر في الاعلام
وبيلحس كلامو وراء المكاتب المغلقه
وبعد اسبوع حانقرأ خبر ان الجنوب قام بتصدير كذا برميل عبر ميناء
بورسودان بعد ان توصل الطرفين لاتفاق شنو كدا ما عارف
وما بيكون في اتفاق ولا يحزنون .... ولكن الكحة ولا صمت الخشم
........................
وده بقي
عادي
زي
الزبادي
| |
|
|
|
|
|
|
|
|
|
Re: (النشوف آخرتا مع الجنوبيين)ورطة حكومة(الجنوب)بإيقاف(الشمال)تصدير ا (Re: عمار نجم الدين)
|
كوزة مجلس الوزراء ميادة كمال.
شايفك اليومين ديل أستعدتي الباسورد بتاعك الكنتي مسلفة لزول معاك في الشغل.
لأن كتاباتك البتشبهك رجعت تاني.
يا ميادة. زنقة وورطة الحكومة الحالية لن تستطيع الخروج منها أبدا ودي النهاية الحقيقية لهذا النظام المجرم.
أسعار رسوم تصدير النفط عبر الدول المجاورة لها قوانين تحكمها وليس مجرد بلطجة بتاعت كيزان.
وين الفصاحة بتاعتكم الكنتو مالين بيها أجهزة الأعلام وبتقولو فيها أن دخل البترول لن يؤثر عليكم بعد الإنفصال؟
أها الأن وقف حمار شيخكم في العقبة. وحار بكم الدليل وكل يوم تصدرون قرار يكشف لنا عن الأزمة التي يمر بها هذا النظام المجرم. حاولي أن تتفهمي المشكلة الحقيقية التي يمر بها هذا النظام ولا تفرحي بمثل هذه القرارات المبلوعة أصلا.
| |
|
|
|
|
|
|
|
|
|
Re: (النشوف آخرتا مع الجنوبيين)ورطة حكومة(الجنوب)بإيقاف(الشمال)تصدير ا (Re: Deng)
|
Quote: شايفك اليومين ديل أستعدتي الباسورد بتاعك الكنتي مسلفة لزول معاك في الشغل.
لأن كتاباتك البتشبهك رجعت تاني. |
وانت شااااااااايفاك مستمر في ضلالك القديم
ولسع معلق في شماااااعة انو في زول بكتب لي
| Quote: أسعار رسوم تصدير النفط عبر الدول المجاورة لها قوانين تحكمها وليس مجرد بلطجة بتاعت كيزان. |
ودا اللي نحن بنطالب بيه حيكومة الجنوب
مووووش صلبطة وتلكؤ ومماطلات
والحساب ولد بيناتنا.......... ومافي أيييييييي مجاملات ليكم بعد دا
| |
|
|
|
|
|
|
|
|
|
Re: (النشوف آخرتا مع الجنوبيين)ورطة حكومة(الجنوب)بإيقاف(الشمال)تصدير ا (Re: صديق الموج)
|
Quote: بهذا القرار المتهور تريد الحكومة ان تجييش
المسيرية وان تضعهم فى وجه حكومة الجنوب.. |
دا حنككم في الحركة الشعبية!!!!!!
بالله افرزوا اليكمان
الحبة ما بتجيبهم ناس المسيرية
حكومة السودان طلبها مشرووع ...
فلتدفع حكومة الجنوب متاخرات رسوم العبور اللي عليها
قبل الاستمرار في التصدير
شكلهم الجنوبيين اتعودا على الدين (والجرورة) بالدين
زي ما كان بعملوا في الحلة ومع ناس الدكايين
هههههههههههههه
| |
|
|
|
|
|
|
|
|
|
Re: (النشوف آخرتا مع الجنوبيين)ورطة حكومة(الجنوب)بإيقاف(الشمال)تصدير ا (Re: صديق الموج)
|
Quote: هههههههه شحادين ما بندفع ولا مليم لكم ..بلو ديونكم الخارجية واشربوها لوحدكم...
شئ اخر جمهورية جنوب السودان دولة حرة ذات سيادة لن تعتمد على دولة اخرى ..عندنا اصدقاء واشقاء
يستحقوا ان يمر نفطنا عبر اراضيهم وياخذوا رسوم عبور خير لنا..
دايرن حدود باسلاك شائكة ولا رعاة من الشمال تجينا صيفا الي مراعينا الخضراء..
شئ اخر سنقيم سدود على نهار النيل كما نشاء وتجف النيل شمالا علشان تتادبوا شويه.. |
تخيل ان مثل هذا الشخص كان قبل كم شهر يحمل الجنسية السودانية
واحتمال ...(احتمال) يكون شايل جوازنا لحدي الآن
وبرضو يقول عنتريات
نطالب بقفل ماسورة الزيت فورا
| |
|
|
|
|
|
|
| |
mayada kamal
علاء الدين يوسف علي محمد
عمار محمد ادريس
أيمن الطيب
JOK BIONG
طارق عبد اللطيف نقد
Mohamed Suleiman
isam elzein
عمار نجم الدين
Deng
صديق الموج
علي الكرار هاشم
Abureesh
علاء الدين صلاح محمد
فيس بوك
تويتر
انستقرام
يوتيوب
بنتيريست