|
Re: النظام.. يريــد (دكـــــ الــــورق) (Re: أمير فتحي)
|
شكرا امير على المرور وحيثيات حتمية دك الورق اذا سقط النظام ستنكشف اختلاسات مالية مليارية متعددة الاسر والقبائل والاعراق واذا سقط النظام وجاءت حكومة اخرى ضمن دولة السودان سينكشف مالا اذن سمعت ولا خطر بقلب بشر وبنداء واحدة واحدة ونشوف لماذا يريد النظام دك الورق وإلغاء التوزيعة الفاتت ومر عليها 22 عاما من الفساد المتواصل
| |
|
|
|
|
|
|
Re: النظام.. يريــد (دكـــــ الــــورق) (Re: المكاشفي الخضر الطاهر)
|
صراحة الورق ما مدبل وكان كويس شديد بس فجاتن كدا الجماعة بقو يسرقوا ويدسو لمن ورقم زاد وبقى مافي طريقة يفتحو.
اول السرقات لمن شافو المرحوم بن لادن عندو كم جوكر قالوا نسرق العربي المطارد دا بعد داك نسلمو المشكلة مافي زول قبل يستلمو والجماعة كانو سرقو كل ممتلكاتو.. حتى الحصان باعوهو
طبعا في ملفات كتيرة اصعب من ملفات السرقات والاختلاسات يبقى الحل في الدك\
| |
|
|
|
|
|
|
Re: النظام.. يريــد (دكـــــ الــــورق) (Re: المكاشفي الخضر الطاهر)
|
Quote: يا علي انت العشرة الفاتت الحرق فيها منو ؟؟؟ |
عشرة دكاها المرحوم عبد الله خليل والتانية دكوها ناس الحزب الشيوعي خرخرة عديل كدا والثالثة كل الناس كانت جارية علشان تدك الورق بي تحت تحت قامو ناس الجبهة كانو اسرع
المشكلة انو كل المرات الفاتت الموضوع كان دك ورق وبس لكن المرة دي شكلو الموضوع حيكون قلب الطربيزة كلها
| |
|
|
|
|
|
|
Re: النظام.. يريــد (دكـــــ الــــورق) (Re: على ميرغني)
|
Quote: لكن المرة دي شكلو الموضوع حيكون قلب الطربيزة كلها |
ماأظن ياعلي ماأظن
قلب التربيزه صعب ...لأنو المقلوب عليهو حريف كتشينه ومقرم والتربيزه بتاعتو دافنا بعد تطويل كرعينا خمسين قدم تحت الأرض ....
والناس القالبون لا يملكون معاول الحفر عشان يجتثو التربيزه دي ...زيادة علي كدا يجهلون تماماً حكاية التجزر وعمقو دي جهلاً تاماً ...
يبقى من الأفضل الإستفاده من التربيزه دي كقاعدة إنطلاق ومحاولة ترويض هذا اللاعب والدخول جواهو خلسة وترميم مايمكن ترميمو...
ولهم في مولانا مثلاً طيباً
| |
|
|
|
|
|
|
|