|
Re: من رئيس مرتقب لمستشار قاعد كنب!!!؟ (Re: سفيان بشير نابرى)
|
و هذه هي البيعة الثانية التي اعقبت بيعة آنفاق القاهرة . ذاك الآتفاق الذي أنتهى تماماً مما يسمى بالتجمع الوطني الديمقراطي و قد بح صوتنا و ادمى السهر عيوننا و حفت اقدامنا و جفت محابرنا و نحن نناشد اهل التجمع أن لا يقدموا على ما فعلوه ولكن هكذا مكتوب لنا كشعب حائر مغلوب على امره تصدى بعض الاقزام للمسؤلية فيه .
لطفك يا الله لطفك يا الله يا مثبت القلوب ثبت قلوبنا.
بعد الشهداء فاضل أيه!!!؟
| |
|
|
|
|
|
|
Re: من رئيس مرتقب لمستشار قاعد كنب!!!؟ (Re: بدري الياس)
|
Quote: تعازينا يا صاحب، واليباري الشنو كدي ، يوديهو .... والله وين ما عارف.. لكن قالوا محل ما كويس... ،
|
بدري يا صاحبي
و الله ما عارف ارد عليك كيف!!! يابدر معقول نحنا ما عندنا صليح للدرجة دي!!! معقول نحنا كلنننننا غلط وهم صاح !!!
يا بدر من مؤتمر اسمرا لحدي يوم الليلة نحنا بتباع فهل دا صااااح!!؟
طيب هل الميرغني دا كان بالجد في المعارضة!!!؟ و هل جيش الفتح دا كان حقيقة!!؟ و هل ... وهل و هل !!!؟ هم يا صاحبي سودانيين و قلبهم على البلد و نحنا لا!!!؟ و الله حاجة تجنن !!
معقول هسي حاتم السر يرضى!!!؟
| |
|
|
|
|
|
|
Re: من رئيس مرتقب لمستشار قاعد كنب!!!؟ (Re: محمد المرتضى حامد)
|
Quote: تدري يا نعسان يا سفيان.. والله أنا هسه زعلان لي زعلك دا .. قلت لي مستشار قاعد كنب ؟؟ ألا تدري إننا نحن الشايلين الكنب؟؟
تسلم يا عزيزنا.. |
يا مرتضى يااااخ يا حليل ناس هم ناسنا شالوا نومنا و شالوا نعاسنا
بالجد يا مرتضى قطعت العشم حااااره و اهلنا ما كضبوا فيها.
| |
|
|
|
|
|
|
Re: من رئيس مرتقب لمستشار قاعد كنب!!!؟ (Re: زهير عثمان حمد)
|
Quote: مساء الخير تعال أفهم أنا منك حاجة أنت أخضر ولا أحمر ولا لون زينب ولا بتاع الشجرة داتو قصتك شنو أنت بالله خليك صريح معي |
سلام يا زهير و الله سألتني و ح اجاوبك بصراحة ، طبعاً ما ح اقول ليك الكلام بتاع أنا سوداني وخلاص لا يا صديقي أنا ناشط سياسي و منظم و منتظم ضد نظام الأنقاذ الوطني و المؤتمر الوطني ، نعم أنا غير محائد في موقفي مع هذا النظام و اعتبر من هذا المنطق أن كل القوى السياسية كتف شيل و مِرق و شِعبه تحمل امال و طموح و تطلعات الشعب السوداني و يسؤني و يقتلني و يحزنني أن ينهد الكتف و ينكسر المِرق و تتشعب الشعبه و يتشتت امل و طموح و تطلعات هذا الشعب المسكين الطيب البسيط . لكل الذي سبق قلبي دامي ومفطور بسبب العشم يا زهير انقطاع العشم ما حاجة هينة ياخ . أسرتي و عائلتى و اهلي و عشيرتي كلهم ختمية و أتحاديين و قمته و سط هذا الإرث الديني المعروف و قمت وسط التاريخ السياسي المشهود و وسط خطابات و تسجلات الشريف حسين الهندي فكان هي العتبة الأولى التي عرفت منها الوطن و الوطنية لذا أنا أشعر الأن بأنهم باعوا التاريخ بثمن بخس . نعم أنا غير اخضر لكن لا يعني هذا أن آرى هذا الحزب العظيم يحدث له هذا .
يازهير الحزب الأتحادي دا انحنا فترت التسعينات نضال معانا منهم شباب من داخل رأبطة الطلاب الأتحاديين و الله هسي أنا عارف تمام أن باطن الأرض خيراً لهم من ظهرها و هم يشهدون ما يحدث لحزبهم . أتمنى لهم الصبر العظيم و الجلد الذي هو حالهم و أتمنى أن يتخذوا الموقف الوطني الذي طالما علمونا له .
قلته ليك العشم يا زهير و الله العشم . ولا حول ولا قوة إلا بالله.
| |
|
|
|
|
|
|
Re: من رئيس مرتقب لمستشار قاعد كنب!!!؟ (Re: سفيان بشير نابرى)
|
سفيان لا يا حبيب الخاسر الوحيد في هذا الإتفاق هو الميرغني و حزبه .. لا نعول على أحزاب مثل الإتحادي و الأمة و الشيوعي و غيرهم من الأحزاب في التغيير القادم لكن نعول فقط على شباب هذا الوطن .. الحزب الإتحادي حزب شيوخ عفي عليه الدهر ربما فقط كان يمكن أن يلعب دور الموجه للشباب بعد إنتصار ثورتهم لكن بعد مشاركتهم المشئومة هذه لا أعتقد ..
| |
|
|
|
|
|
|
Re: من رئيس مرتقب لمستشار قاعد كنب!!!؟ (Re: خالد عبد الله محمود)
|
Quote: لا يا حبيب الخاسر الوحيد في هذا الإتفاق هو الميرغني و حزبه .. لا نعول على أحزاب مثل الإتحادي و الأمة و الشيوعي و غيرهم من الأحزاب في التغيير القادم لكن نعول فقط على شباب هذا الوطن .. الحزب الإتحادي حزب شيوخ عفي عليه الدهر ربما فقط كان يمكن أن يلعب دور الموجه للشباب بعد إنتصار ثورتهم لكن بعد مشاركتهم المشئومة هذه لا أعتقد .. |
ياخالد يا حبيب المشكلة شباب و شابات الحزب ياخ ديل شباب زي النار ياخ معقول دا يحصل فيهم!!؟ و معقول القيادة دى ما هاميها البلد !!!؟
| |
|
|
|
|
|
|
Re: من رئيس مرتقب لمستشار قاعد كنب!!!؟ (Re: احمد محمد احمد عتيق)
|
سفيان يا زميل ،، نفهم ونقدر تكرار الكلام الغير هادف من ( الفلوتر )
لكن من أشخاص مثلك ببقى الموضوع أكبر من كلام ساى ،، لانو عشمنا فيك وفى غيرك
من المنظمين أن يكون تداول الموضع بطرح يحمل شئ من العقلانية وفيه ما نستفيد منه
لخير الوطن وحزبنا الاتحادى الديمقراطى ،،
ببقى تجاوزنا لهذا القرار الخطير بطريقة علمية ومؤسسة هو هدفنا فى هذه المرحلة ،، وهذا
يتم بتوحيد الصف وبمساعده الاخرين من امثالكم .
| |
|
|
|
|
|
|
Re: من رئيس مرتقب لمستشار قاعد كنب!!!؟ (Re: كمال مبارك)
|
Quote: سفيان يا زميل ،، نفهم ونقدر تكرار الكلام الغير هادف من ( الفلوتر )
لكن من أشخاص مثلك ببقى الموضوع أكبر من كلام ساى ،، لانو عشمنا فيك وفى غيرك
من المنظمين أن يكون تداول الموضع بطرح يحمل شئ من العقلانية وفيه ما نستفيد منه
لخير الوطن وحزبنا الاتحادى الديمقراطى ،،
ببقى تجاوزنا لهذا القرار الخطير بطريقة علمية ومؤسسة هو هدفنا فى هذه المرحلة ،، وهذا
يتم بتوحيد الصف وبمساعده الاخرين من امثالكم . |
شكراً اخوى كمال علي الآطراء و تصدق كل كلامي دا حقيقي ومن العشم و من المفاجأة لانى بعرف الحزب دا كويس و زاملته فيهو ناس ياكلوا النار و من يوم حصل الحصل دا يومي بلاقي ناس من الحزب كبار و صغار لحدي هسى ما لقيت زول قال أنا و افقته علي الحصل دا!!! طيب الحاصل شنو ياخ!!!؟ يا مبارك بشكل شخصي جريت لما كرعينى و جعوني و قابلته أشقاء من داخل الهئية القيادية و قسماً بالله كلهم قالوا ما وافقنا و رافضين رفض قاطع للبحصل دا !!! طيب الحاصل شنو !!!؟
يا مبارك انت بس أمشي اسمع عمنا حسن أبو سبيب و بتعرف الحاصل كلو .
و بالجد هذه المشاركة ما ستفعله داخل الحزب الأتحادي أمر كبير نترقبه بعين الحرص لكنا نعلم أنه في اخر الأمر الإرادة للجماهير .
محبتى الخالصه لك .
| |
|
|
|
|
|
|
Re: من رئيس مرتقب لمستشار قاعد كنب!!!؟ (Re: احمد محمد احمد عتيق)
|
Quote: امكن لخير الاتحاديين اخي .. واحتمال لوحدة الاتحاديين بعد التخلص من هؤلاء .. ويجوز لصالح الشعب السوداني ...
فكل شئ وارد ..وربنا يكضب الشينة ..
فاصبرو وصابرو وهنالك من الاتحاديين من هم اقوى وانفع ...
اولئك الذين يهتفون في وجوههم ... |
و هو كذلك يا عمنا عتيق و هو كذلك
ففي الأمرين خير لكنا كنا لا نريد أن يطول علينا الطريق بأن ياخذ هذا النظام عمر جديد .
| |
|
|
|
|
|
|
|