كتب الكاتب الفاتح جبرا المتوفرة بمعرض الدوحة
|
|
 يوسف الموصلي:مكانتي في الموسيقي السودانية أرفع وأعلي من عثمان النو !!
|
الموسيقار يوسف الموصلي في إفادات جرئية لفنون:
لودخلت مع بشير عباس في معركة فهو الخاسر الأول (لأنه ما بقدر علي)!!
(لزمة) واحدة من توزيعي تساوي الدنيا وما فيها ناهيك عن ألحان بشير عباس!!
مكانتي في الموسيقي السودانية أرفع وأعلي من عثمان النو ولا يحتاج مثلي للجلوس علي مكانه في عقد الجلاد!!
ناصر عبدالعزيز (كارثية لحنية تمشي علي قدمين) وهذا الفنان خدمته بعض الظروف!!
يوسف الموصلي يظل شخصية مثيرة في كل أحواله وفي حله وترحاله ..دائماً ما يكون مثار جدل ونقاش وذلك لصراحته المعهودة ..فهو من العينة التي لا تترك باب الأراء موارباً بل يصدح بكل ماعنده ولا يخشي من ردة الفعل مهما كانت ..ورغم إختلاف البعض حول ما يقوله ولكن تظل أراؤه ذات قيمة وثقل فني لا يمكن تخطيها أو تجاوزها بإعتبار أنها صدرت من ذهنية عالم في مجال الموسيقي وعلومها ..(فنون) ذهبت للموسيقار يوسف الموصلي في عودته الأخيرة قبل أيام قلائل وأدرات معها حواراً حول الكثير من القضايا الفنية التي تحتاج لأن يقول رايه فيها ..وكعهدنا به كان واضحاً وجرئياً كذلك ..فتعالوا نقرأ معاً ماذا قال لنا في هذا الحوار.
جلس معه : سراج الدين مصطفى
أرجو أن تحدثنا عن عودتك للسودان هذه المرة وماذا في حقيبتك للشباب؟
عودتي للسودان هي عودة للبيت الكبير ..ولكني أعود هذه المرة مثل الكثير من المرات وفي حقيبتي الغناء الجديد للفنانين الشباب كما وعدتهم من قبل وأنا في صالة المطار .,وأنا قدمت العديد من الأغاني لبعض الشباب أمثال أبوبكر سيد أحمد وعمر جعفر وياسمين أبراهيم ونسرين إدريس وعافية حسن ..
وماذا عن عافية حسن تحديداً؟
عافية حسن فنانة مهيبة وذات قدرات مهولة وكان توقفها عن الغناء بمثابة خسارة للغناء ..لذلك كنت حريص للجلوس معها للعودة للغناء لأن في عودتها (عافية الغناء) وأنا حينما تحدثت معها توافقت الرغبة وهي أصلاً كانت ترغب في العودة ولكن من خلال نمط معين من الغناء الديني والإجتماعي وذاك الغناء الذي يناقش القضايا الحياتية اليومية.
الأستقرار في السودان والوعود البراقة:
الموصلي حتي الأن مهاجراً رغم الوعود بالبقاء والأستقرار في السودان؟
أنا بطبعي أحب السودان وأتمني الإستقرار حتي أخدمها وخصوصاً الأجيال القادمة من الفنانين ..والحمد لله هذا البلد ملئ بالمواهب الخارقة ..وهذا البلد أنجب العباقرة ومازال ينجب ولن ينضب معينها ..وأنا كما معروف خرجت لظروف خاصة جداً وهاجرت في أمريكا وأسرتي مستقرة هناك وأصبح من الصعب تركهم هناك لوحدهم ولكن كان لدي رغبة أن أعود ومعي أسرتي ولكن الوعود الكثيرة والبراقة لم تفلح في إبقائي ..ولكن هذا ربما يعود لرجعتي السريعة وعدم متابعة تلك الوعود.
الموصلي أصبح جزء من أزمة الساحة الفنية حتي أنه وصف بأنه يصطاد في المياه العكرة؟
الغناء السوداني أصلاً يعيش أزمة ..والأزمة واضحة في الإجترار الذي تنضح به القنوات التلفزيونية.
الفنانين في حوجة لأعمالي الموسيقية:
أنت أصبحت منظراً وكثير الحديث دون ألحان وأفكار موسيقية جديدة؟
هذا الكلام مضحك جداً ومثير للسخرية وأنا يا صديقي سراج لست في حوجة لأي فنان أو ملحن بل بالعكس الفنانين بحوجة لأعمالي الغنائية والموسيقية ..والقدرة التي أملكها في تقديم أعمال موسيقية جديدة من حيث الأفكار لا يستطيع أي موسيقي وأي كان أن يفعل مثلها ..لأن ذلك هو تخصصي الذي أعرفه وأجيده وهم لا يعرفونه مثلي ..أقول ذلك بدون ذكر أسماء.
علاقتي مع البلابل قديمة وإجتماعية:
خلال أزمة البلابل وبشير عباس لم تساهم في تقريب المسافة والصلح بل أنت صببت الزيت علي النار وزدت من الفجوة من خلال تقديم أغاني جديدة لهم لتحل مكان أغاني بشير عباس؟
حينما كان بشير عباس يقدم الألحان والأغاني للبلابل كان هناك العديد من الموسيقيين قدموا أعمالهم للبلابل أمثال موسي محمد أبراهيم وأنس العاقب وغيرهم ..فهل أصبحت المشكلة أن يمنح الموصلي أغنيات للبلابل؟ودعني أقول لكم جميعاً أن الزمن الذي عشته معهم لم يعيشهم معهم بشير عباس ..فهو كان يلحن لهم فقط ولكن هادية طلسم زميلتي منذ عام 1974 ومنذ ذلك التاريخ لم نفترق مطلقاً ..والجانب الإجتماعي الذي بيني والبلابل أقوي من العلاقة التي تربطهم مع بشير عباس
لماذا لم تحاول أن تزيب الخلاف بينهم وتعيد المياه لمجاريها؟
يا صديقي أقول لك مجدداً العلاقة التي تربطني بالبلابل تمنحهم حق أن يطلبوا مني الأغاني وأنا بحكم العلاقة لن أرفض أبداً ..,هل تنتظرون مني أن أقول لهم لن أمنحكم أغاني لأن بشير يلحن لكم؟ هذا حديث لا يمت للمنطق بصلة ..وأي فنان يطلب من أغاني سيجد يدي ممدودة له.
بشير عباس ما بقدر علي:
ما رأيك في تصريحه الذي قال فيه (لزمة من بشير عباس تساوي كل غناء الموصلي)؟
هذا الكلام من شاكلة (ضربو رما) ..وهو لا يليق بمكانة موسيقار في مستوي بشير عباس!! وهو يعلم تماماً بأنني لو دخلت معه في معركة علي ذات نسق ذلك الكلام غير المسئول فهو الخاسر الأول ,وأقولها صراحة أن (بشير عباس ما بقدر علي) ولكن يجب أن يعرف بأنني (أحترمه) وأحترم مجمل ما قدمه من غناء وموسيقي ولكن (الأنا بعملو في الموسيقي هو ما بقدر عليهو).
أرجو أن توضح أكثر؟
بشير عباس عازف عود ممتاز وأنا ليست مثله في قدراته علي عزف العود ..ولكن التوزيع الموسيقي الذي أقوم به لا يستطيع بشير عباس أن يعمل (لزمة ) واحدة مثلي و(لزمة) واحدة من توزيعي تساوي الدنيا وما فيها ناهيك عن ألحان بشير عباس!!
مجرد واسطة خير :
وماذا عن ذات التشابه في خلاف النو وعقد الجلاد ودخولك كطرف ثالث أجج من الأزمة؟
أزمة عقد الجلاد مختلفة تماماً عن أزمة عقد البلابل مع بشير عباس .. لأنني في أزمة عقد الجلاد مع عثمان النو كنت (واسطة خير) ..وما يجب أن يعرف أن كل أعضاء عقد الجلاد كانو طلابي في معهد الموسيقي والمسرح ..ودرجة صداقتي مع عثمان النو أكبر من درجة صداقتي مع الآخرين ..فهو كان صديق لأسرتي وكنت صديق لأسرته ..وكان من (طلابي) وكان أيضاً من العازفين الذي عملوا معي في الحفلات وكل المناسبات ..وأي عامل من عوامل التقارب كان بيني وعثمان النو.
ولكن فشلت في الوصول لحلول؟
في بداية الأزمة حينما إنفجرت كنت متحاملاً علي عقد الجلاد وكتبت ذلك في بعض المنتديات الألكترونية علي الإنترنت وقلت أن عثمان النو هو (الأصل) في عقد الجلاد ولا يستحق المعاملة التي وجدها من بعض الأعضاء الحاليين ..وحينما جئت كواسطة خير وجدت قبول من الطرفين في الأزمة وكانت في طريقها للحل بعض أن وصلت لبعض الحلول التي ترضي طرفي الأزمة والخلاف
عثمان النو لا يريد العودة لعقد الجلاد:
ثم ماذا حدث بعد ذلك؟
كان يبدو واضحاً أن عثمان النو لم يكن راغباً في العودة ويبدو أنه كان يخطط منذ ذلك الوقت لتكوين فرقة جديدة وهو ماحدث فعلاً ..وبالمناسبة دعني أهنئ عثمان النو بالفرقة الجديدة وأعتقد أن الفرقة يجب أن تجد فرصتها ولا تعتبر فرقة مضادة لعقد الجلاد وأذا قدمت الفرقة أعمال جديدة وجيدة ذلك سيساهم في رفعة مستوي عقد الجلاد لأنها ستحاول حينها تقديم أعمال جديدة ذات مستوي رفيع.
ماهو العيب في تكريم الموصلي:
التكريم الذي تم من الفرقة من خلال سهرة عقد الجلاد كان سبباً في زيادة نيران الخلافات؟
ماهو العيب في أن تكرم عقد الجلاد يوسف الموصلي؟ وعقد الجلاد لولا يوسف الموصلي لما كانت في الوجود ..لأنني كنت السبب في أن يترك عثمان النو فرقة السمندل ويعود لعقد الجلاد ولولا ذلك الموقف لما أستمرت عقد الجلاد حتي الأن!! فهل ذلك الموقف لا يستحق التكريم خاصة أذا علمنا بأنهم كلهم من طلابي ويكفئ جداً أن يكرم الطلاب أستاذهم ..ويا صديقي أنا لم تكرمني فقط عقد الجلاد بل كرمني إتحاد الفنانين ودار فرقة الخرطوم جنوب .
ولماذا لا ترفض التكريم حتي لا تثير المشاكل؟
التكريم لا يرفضه الا الإنسان المتعجرف والمتكبر وتلك الصفات لا أعرفها ولا تعرفني لذلك لن أرفض أي تكريم ومن أي جهة أو إنسان.
النو ليس أرفع من مكانة:
بصراحة متناهية هل يمكنك الإعتراف بأنك كنت تريد الجلوس علي مكان عثمان النو في فرقة عقد الجلاد؟
سؤالك غريب ومضحك!! هل يا صديقي مكانة عثمان النو في عقد الجلاد أعلي وأرفع من مكانتي في الموسيقي السودانية؟؟وماذا ستضيف لي مكانة عثمان النو في عقد الجلاد أذا جلست فيها؟؟ لا شئ ..فهل بعد توزيع أغاني لمحمد الأمين ومحمد وردي والبلابل وغيرهم أرجع لمكانة عادية في فرقة عقد الجلاد!! ومن يقول مثل ذلك الحديث لا يعرفون يوسف الموصلي جيداً ولايدركون قيمته.
يوسف الموصلي لا يستطيع أن يقيم حفل جماهيري لوحده بل يتحامي بالفنانين الجماهيريين ..هكذا قال النو في مقالته التي كتبها عنك؟
هذا هو رأي عثمان النو ولا يمكننا أن نحرمه من أن يقول رأيه ..ولكن عثمان النو الذي يقول ذلك كان من العازفين الذي عملوا معي في حفلات جماهيرية والعديد من الحفلات التي لا تحصي ولا تعد عمل فيها معي عازفاً ..وماقاله يعتبر (كلام زعل).
أنا أحب عثمان النو وسأظل أحبه ولكني بطريقتي:
قلت بأنك تحب عثمان النو علي طريقتك الخاصة ..ماهي تلك الطريقة الخاصة في الحب؟
أنا بالفعل يا صديقي سراج (أحب النو) وسأظل أحبه ولن أترك محبتي له بصرف النظر عن ما يقوله ويصرح به في الصحف وهو يعلم تماماً بأنه يغالط الحقائق ..وهو حينما قال بأن الموصلي غير (علي قدر الشوق) ليست لديه أغنية ..كان يعلم تمام العلم بأن ما يقوله غير صحيح ويجافي الواقع والحقائق ..لأنه يعرف جيداً من هو يوسف الموصلي ويعرف قدراتي ويعرف ما قدمته للموسيقي والغناء
وماهو دليلك في ذلك؟
الدليل واضح ولا يستطيع أن ينكره عثمان النو أو غيره ..فهو حينما تم تكريمه طلبني بالأسم حتي أتحدث عنه وعن تجربته وأذا كنت لا أملك أغنية غير (علي قدر الشوق) فكيف طلب أن يتحدث يوسف الموصلي عن عبقرية عثمان النو؟
هل توافقني بأننا نحتاج منكم لغير الذي يحدث بينكم؟
أنا سعيت للخير والمصالحة والتقريب ولا أريد الجلوس في مكانه كما يعتقد هو أو غيره وأقرب دليل علي ذلك بعد ذهابه عن الفرقة لم أحاول أستغلال الموقف للجلوس علي مكانه في عقد الجلاد.
عثمان النو شخصية مهذبة:
هل تعتقد بأن عثمان النو (مشوش) من قبل بعض الجهات؟
من المحتمل أن يكون عثمان النو وصل لدرجة لا يريد بعدها العودة لعقد الجلاد وهو يريد بوابة جديدة من خلال فرقته الجديدة..ودعني أقول بصراحة أن ماقاله عثمان النو لا يشبه عثمان النو لأنه غير ذلك تماماً ..فهو شخصية مهذبة وغاية في الأدب وأنا متأكد تماماً أن ما يقوله النو ليس رأيه وهو يتبني أراء أخرين ..من هم الله أعلم !!وعثمان النو يا جماعة لا يمكن أن يقول ماقاله عن يوسف الموصلي وأذا أحضرته أمامي الأن لن يقول مثل هذا الكلام. أؤكد لك جازماً أن ماقاله عثمان النو في الصحف قبل فترة هو ليس رأي عثمان النو في يوسف الموصلي!!
حصادة كانت ثورة في عالم الكاسيت:
أعود بك قليلاً لشركة حصاد وتلك الثورة في عالم الكاسيت؟
ماقامت به حصاد كان بالفعل ثورة في عالم الموسيقي والتوزيع الموسيقي ومن حيث الجودة وهي أعادة الرؤية للأغنية السودانية وهي بالعكس علي ما يقال عنه والدليل أن بعد حصاد قامت 56 شركة كاسيت علي طريقة المحاكاة المألوفة في السودان.
صلحنا الوجدان السوداني:
البعض كان يري بأنكم شوهتم الوجدان السوداني من خلال طرق التوزيع الموسيقي ؟
بالعكس نحن (صلحنا) الوجدان السوداني وقدمنا له رؤية موسيقية جديدة!!
مشروع مصطفي سيد أحمد :
بحكم قربك من الراحل مصطفي سيد أحمد هل تري مشروعاً موسيقياً يقترب منه من حيث الفكرة والطرح؟
قبل مصطفي سيد أحمد كان هناك طرح جديد وأعتقد ان محمد وردي ومحمد الأمين وأبوعركي البخيت كسروا الحواجز من حيث فكرة النص وأقرب دليل علي ذلك حينما تغني أبوعركي البخيت لسعد الدين ابراهيم الذي قال (عن حبيبتي أنا بحكي ليكم وضل ضفايرها ملتقانا) كان ذلك سبقاً في الشعر السوداني ..ولكن أعتقد أن مصطفي سيد أحمد الظروف السياسية والإجتماعية والإقتصادية جعلته يفكر في مشروع غنائي مختلف ووقتها كان الجميع يبحثون عن( بطل) ووجدوه في مصطفي سيد أحمد.
نادر عثمان جمال الدين صوت أدهشني:
من من الأصوات الجديدة التي لفتت نظرك؟
بالأمس فوجئت بصوت شاب أدهشني هو نادر عثمان جمال الدين وهو من أعضاء كورال كلية الموسيقي وهو أيضاً أبن الفنانة حياة طلسم ..فهو صوت أذهلني وقررت أن أتبناه وإتصلت علي والده وقلت له ذلك ..وأعتقد بأنه صاحب مستقبل كبير وأجمل مافيه أنه شاب مؤدب ومهذب.
الثلاثي الخطير والأضافة المطلوبة:
ومن غير نادر عثمان جمال الدين؟
أنا أصلاً مهموم ومتهم بالفنان أبوبكر سيد أحمد والفنان الشاب عمر جعفر والفنان الجميل عادل مسلم وأعتقد بأن هذا الثلاثي خطير ويمكن أن يعتمد عليهم في إحداث تغيير وإضافة جديدة.
ناصر عبدالعزيز كارثية لحنية:
ومن الملحنين الذين تري في ألحانهم أفكار موسيقية جديدة؟
أعتقد أن الجزار ملحن موسيقي ممتاز وأعتبر أن الملحن الشاب ناصر عبدالعزيز (كارثية لحنية تمشي علي قدمين) فقط يحتاج لأن يعتني بأدواته وسوف يكون ملحن كبير يرجي منه في تقديم نماذج غنائية جادة وجديدة.
|
|
 
|
|
|
|
|
|
|
 Re: يوسف الموصلي:مكانتي في الموسيقي السودانية أرفع وأعلي من عثمان النو (Re: haroon diyab)
|
الاخ سراج ، تحياتى وشكرا على هذا البوست الهام ، الفنان المبدع يوسف الموصلى مبدع أصيل يجرى الفن والابداع فى عروقه ، عشق الفن منذ الصغر ،وواصل الموهبة بالدراسة فى ارقى معاهد الموسيقى فى امريكا، وحقق انجازات موسيقية مميزة شرفت السودان ، ومع التقدير لفن الموسيقار عثمان النو فأن مكانة يوسف الموصلى كبيرة ومحفوظ والرجل ساعد ويساعد كثير من الشباب فى تجويد اعمالهم الموسيقية وصقلها، مودتى .
| |
|
|
|
|
|
|
|
|
|
Re: يوسف الموصلي:مكانتي في الموسيقي السودانية أرفع وأعلي من عثمان النو (Re: haroon diyab)
|
الوداكم تهابشو الموصلي شنو؟
زول يباري في أحدث علوم الموسيقي
ليه أكثر من اربعين سنة...تسألوه اسئلة زي دي؟
والله بفتكر انو برضو جاملك يا سراج الدين مصطفي
وتواضع بعض الشيء...ولو كان قال كل الحق...كان
انت زاتك قمت جاري صوف...
قلت ما قلت ..ويحضرني تسجيل حلقة مع الموصلي
في اذاعة البحرين كنت احد اطرافها...وكان المحاور
بحريني...متطلع جدا للموسيقي ومتخصص في تقديم
البرامج الموسيقية...
الموصلي بهل ليه...سي دي...فيه شلال موسيقي موزع
لما الرجل اندهش....وتم تم...وربما لا يتذكر الموصلي
هذه التمتمة...لأنه كان يتحدث ويشرح وانا رفيقه في
المنصة...وكنت متابع لرد الفعل لأننا اصلا هنا متهمون عندهم
بأن موسيقانا رتيبة...ومكررة...لكن ما خرجت به من ذلك اللقاء
انه غير هذا المفهوم والي الابد...بل ظل المقدم مندهشا...
من مقطوعة الي الاخري....وافتكر ان الموصلي لم يعرض هذه
المقطوعات بالسودان بعد...مع انه عرضها هنا في البحرين
قبل اكثر من خمس سنوات...
الموصلي دا في الموسيقي والتوزيع الموسيقي غير...
وقد وزع اعمالا عالمية عديدة...فقط يعترضه تواضع العلماء
السودانيين...
ولو فرغ نفسه لاعادة صياغة وتوزيع الموسيقي السودانية
بعلمه الغذير....فصدقوني...سنكون رقم كبير في خارطة الغناء
والموسيقي...العالمية...
| |
|
|
|
|
|
|
|
|
|
Re: يوسف الموصلي:مكانتي في الموسيقي السودانية أرفع وأعلي من عثمان النو (Re: Shawgi Sulaiman)
|
ما وردي دا... وردي الذي هو وردي بكل تاريخه الفني الذي لا ينكره اي انسان, برررررضو مرق من مزاج ناس كتار
بسبب الغطرسة والاستعلاء ولغة الانا التي لا تشبه الفنان الحقيقي بشيئ.... الفنان دا كم متكامل من الحاجات
الجميلة لما ينقص شي فقد كتير.... الموصلي فنان كبير من خلال ما سمعناه من الناس ... انا شخصيا بقول كدا
لاني وبكل صراحة عن نفسي ما شفت ليه داااااك يا الشي الكتير. وكل الذي اعرفه عنه هو ما مسعته من بعض الناس
عموما ما علينا.... نقطتي الداير اقولها انه الموصولي لو مشي في درب المحاحاة بتاع انا احسن منك وانت احسن
مني دا طرفنا منو..... لانه سبق ان رمينا طوبة وردي قبلا ... وردي (كان) عندي شي فوق الوصف اصلا....هسي بسمعه
مسارقة.
| |
|
|
|
|
|
|
|
|
|
Re: يوسف الموصلي:مكانتي في الموسيقي السودانية أرفع وأعلي من عثمان النو (Re: محمد سنى دفع الله)
|
ثلاثتهم أساتذة كبار، لهم الاحترام والتقدير..
لكن القبول لدى الناس، والصدى الذي تجده الأعمال الموسيقية لكل منهم لدى الجمهور هو الذي يحدد من منهم هو الأرفع والأعلى مكانة وليس التصريح للصحف هنا وهناك..
من الناحية التانية فإنني وكمستمع من جيل هو أقرب أو تفتحت آذانه على أعمال الموسيقار عثمان النو خصوصاً تجربته الثرة والغنية والحافلة مع عقد الجلاد..
فهذا يجعلني بلا أدنى جدال أضعه في مرتبة أعلى وأمنحه تقدير أرفع ..
مع أكيد إحترامي للتاريخ الطويل لبقية الموسيقيين، والذين أعتقد أنه كان عليهم الأخذ بيد الجيل أو الأجيال التي تليهم وتسليمهم الراية بدلاً عن محاربتهم
| |
|
|
|
|
|
|
|
|
|
Re: يوسف الموصلي:مكانتي في الموسيقي السودانية أرفع وأعلي من عثمان النو (Re: Elhadi)
|
Quote: لكن القبول لدى الناس، والصدى الذي تجده الأعمال الموسيقية لكل منهم لدى الجمهور هو الذي يحدد من منهم هو الأرفع والأعلى مكانة وليس التصريح للصحف هنا وهناك..
|
الأخ الهادي لك تحياتي
نعم جميعهم قامات موسيقية ما فيها كلام بس اعتقد شعبية وجمهور عثمان النو اكبر وذلك نسبة لغياب الموصلي الطويل عن الساحة الفنية بمعني لو سألت جيل هذه الأيام قد لا يعرف من هو الموصلي ولكن يعرف عثمان النو جيدا وذلك من خلال فرقة عقد الجلاد.
| |
|
|
|
|
|
|
|
|
Re: يوسف الموصلي:مكانتي في الموسيقي السودانية أرفع وأعلي من عثمان النو (Re: محمد زكريا)
|
.
"الصحافة الفنية" في السودان تعاني من تبني الخط بتاع (كابو) و هو إثارة الشحناء بين المشاهير في المجال ذاته، هذا الخط يعتبره (بعض) رؤساء التحرير مدخلآ لزيادة التوزيع!! هذا بؤس يدفع ثمنه الأستاذ موصلي في هذا الحوار، على سبيل المثال، فهو لو ردّ على سؤال (هل تسعى لاحتلال موقع عثمان النو؟) و أجاب بأن مكانته أرفع من أن يسعى لذلك، و هذه حقيقة، يقوم الصحفي يطلع بالمين شيت:
(الموصلي يقول أنا أفضل من عثمان النو)!!..
الموصلي ما صحا من النوم و شرب الشاهي و مشى لناس الجريدة و قال ليهم (أنا أفضل من عثمان النو)..
لا..لا...لا.. هذه دردقة و الكلام إتاخد out of context
.
| |
|
|
|
|
|
|
|
|
|
Re: يوسف الموصلي:مكانتي في الموسيقي السودانية أرفع وأعلي من عثمان النو (Re: الطيب بشير)
|
Quote: أبدى الفنان كمال ترباس إستنكاره الشديد لتصريحات الموسيقار يوسف الموصلي، التى أدلى بها على صفحات (فنون)، مهاجماً خلالها الموسيقار الكبير بشير عباس ، وأبان ترباس ، الذى زار الصحيفة مساء أمس الاول أنه لن يقف مكتوف الأيدي وأحد الفنانين المغمورين ينال من أستاذه بشير عباس الذى لا يستطيع الرد على الموصلي هذه الأيام لكونه طريح الفراش الأبيض فى كندا ، مشيراً الى انه خط احمر واصفاً الموصلي بأنه مجرد طفل يحبو بالنسبة لقامة بشير عباس السامقة ، مضيفاً : (بشير عباس يا موصلي هو رمز الأغنية السودانية وصانع البلابل ، الذي جعلك تجلس بجوارهن فى التلفزيون و"تطنقع").
وطالب ترباس الموصلي بالالتفات لتقديم الأعمال الجديدة بدلاً عن المهاترات ، مشيراً الى أنه سمع بأن الموصلي يود هذه الأيام أن يقدم للوسط الفنى فنانة غير معروفة أسمها عافية ، مبيناً أنه ينصحه بأن يبحث عن العافية لنفسه : ( أحسن ليك يا الموصلي تشوف العافية لى رقبتك ، وربنا يعافيك من الهجوم على الكبار ، و أنحنا يا أخوي بنعرف زيت العافية ولا نعرف فنانة بهذا الاسم ، بعدين عافية دى مش ياها الحرمت الغناء ، رجعتها كيف ان شاء الله بى فتوى يا موصلي).
######ر ترباس من حديث يوسف الموصلي عن حفلاته قائلاً : (الموصلي يقول ليك حفلاتي ، حفلاتي .. هي حفلاتك دي عملتها وين الما بحضروها ستة أنفار دي ، ياخي أخجل العنقريب بشيلو اربعة) ، وطالب ترباس الموصلي بالتواضع : (أنت يا موصلي متكبر على شنو وأطربت منو ، أمال الناس الأضافو للغناء ناس برعى والعاقب يعملو شنو وكمان الناس الأضافو لى مسيرتك الفنية دا طبعا لو عندك مسيرة فنية و يا ولد مد كرعيك على قدر لحافك والبيتو من قزاز ما بطقع الناس بالحجار). |
المصدر
http://www.sudaneseonline.com/news-action-show-id-38154.htm
| |
|
|
|
|
|
|
|
|
|
Re: يوسف الموصلي:مكانتي في الموسيقي السودانية أرفع وأعلي من عثمان النو (Re: دينا خالد)
|
والله دي مصيبة لكن ...!!
Quote: أبدى الفنان كمال ترباس إستنكاره الشديد لتصريحات الموسيقار يوسف الموصلي، التى أدلى بها على صفحات (فنون)، مهاجماً خلالها الموسيقار الكبير بشير عباس ، وأبان ترباس ، الذى زار الصحيفة مساء أمس الاول أنه لن يقف مكتوف الأيدي وأحد الفنانين المغمورين ينال من أستاذه بشير عباس الذى لا يستطيع الرد على الموصلي هذه الأيام لكونه طريح الفراش الأبيض فى كندا ، مشيراً الى انه خط احمر واصفاً الموصلي بأنه مجرد طفل يحبو بالنسبة لقامة بشير عباس السامقة ، مضيفاً : (بشير عباس يا موصلي هو رمز الأغنية السودانية وصانع البلابل ، الذي جعلك تجلس بجوارهن فى التلفزيون و"تطنقع").
وطالب ترباس الموصلي بالالتفات لتقديم الأعمال الجديدة بدلاً عن المهاترات ، مشيراً الى أنه سمع بأن الموصلي يود هذه الأيام أن يقدم للوسط الفنى فنانة غير معروفة أسمها عافية ، مبيناً أنه ينصحه بأن يبحث عن العافية لنفسه : ( أحسن ليك يا الموصلي تشوف العافية لى رقبتك ، وربنا يعافيك من الهجوم على الكبار ، و أنحنا يا أخوي بنعرف زيت العافية ولا نعرف فنانة بهذا الاسم ، بعدين عافية دى مش ياها الحرمت الغناء ، رجعتها كيف ان شاء الله بى فتوى يا موصلي).
######ر ترباس من حديث يوسف الموصلي عن حفلاته قائلاً : (الموصلي يقول ليك حفلاتي ، حفلاتي .. هي حفلاتك دي عملتها وين الما بحضروها ستة أنفار دي ، ياخي أخجل العنقريب بشيلو اربعة) ، وطالب ترباس الموصلي بالتواضع : (أنت يا موصلي متكبر على شنو وأطربت منو ، أمال الناس الأضافو للغناء ناس برعى والعاقب يعملو شنو وكمان الناس الأضافو لى مسيرتك الفنية دا طبعا لو عندك مسيرة فنية و يا ولد مد كرعيك على قدر لحافك والبيتو من قزاز ما بطقع الناس بالحجار). |
فعلا لسان ترباس أطول من عمتو ..!!
أخر الزمن ترباس ينصح الموصلي بالتواضع ..!!
وفي تاني سطر طوالي ترباس بي تعالي وتكبر قال ما بيعرف عافية حسن ..!
يا خي طخ ..!!
| |
|
|
|
|
|
|
|
|
|
Re: يوسف الموصلي:مكانتي في الموسيقي السودانية أرفع وأعلي من عثمان النو (Re: الخير محمد عوض)
|
سلام الخير ..
| Quote: الزول دا انا في رايي القدمو لينا كسودانيين الموصلي ما قدمو ولا يستطيع |
دا كلام أنا بعذرك فيهو يا الخير لأنك ما موسيقي ..
القدمو الموصلي للأغنية السودانية عبارة عن إنقلاب متكامل في طريقة صياغة الألحان والتوزيع الموسيقي .. عشان كدة ا الخير إنت كمستمع ما بتحس بي كدة .. حا تسمع أغنية مثلا لإبراهيم عوض وحا تقول ... يا سلااام يا خ أغنية حلوة ولحن جميل .. لكن الما حاتحس بيهو فعلا إنو لولا زول خلف الستار وفي الكواليس صاغ كل الجمل اللحنية والموسيقية دي وقدما للمستمع بي طريقة مستساغة وعلمية ما كانت حا تطلع بالشكل دا من غير الزول داك ..
عظمة الموصلي وعبقريتو تتجلى في مطربين عظام قدموا للفن السوداني الكتير وبالرغم من دا إستعانوا بالموصلي عشان يوزع ليهم أغنياتم وكمان يلحن ليهم أغاني جديدة ..
عبقرية الموصلي بتلاحظا في ألبومات التسعينات الصادرة من شركة حصاد ..
قلت ارحل لمحمد وردي ..
الحزن النبيل والبت الحديقة لمصطفى سيد أحمد
.. اعز عزيز لإبراهيم عوض
... يا قلب لي أبو عركي البخيت ..
زولي هوي لي عمر احساس
.. من جديد لي خالد الصحافة (من جديد دا بالذات كان ثورة في عالم التلحين والتوزيع)
.. أوليني أهتمامك لي عابدة الشيخ
.. الفرح المهاجر لي حنان النيل (دا كمان عالم تاني) ..
خلي بالك لي محمود عبد العزيز
.. كل النجوم لي هادية طلسم ..
المشاوير لي علي السقيد ..
جيت مهاجر لي الخالدي ..
الساقية لي حمد الريح ..
كفاية ولا نزيد ؟!!
الموصلي يا الخير لمن طلع ألبوم شوق الهوى في مطربين كتار وملحنين راجعوا مفاهيمم عن الموسيقى والتلحين ..
ترباس دا قدم شنو للأغنية السودانية ؟
في فرق بين الزول البيقدم للأغنية السودانية والبيقدم للمستمع السوداني ..
إنت كمستمع ترباس قدم ليك أكتر من الموصلي وفي د معاك حق ..
ترباس قدم ليك من (حلاتك يا تيتي) ولا شنو ما عارف لحدي (اللبن الأبو ليو بيو) ..!
ترباس بي مطاعناتو و تطاولاتو على الفنانين ما قدم اي شي للموسيقى والألحان السودانية غير عمة طولا تسعة أمتار ولسان طولو طمنطاشر متر ..
كتيرين ما سلموا من لسات ترباس .. سيف الجامعة .. محمد وردي .. عبد الوهاب وردي .. جلال الصحافة .. عبد القادر سالم .. حمد الريح والقائمة تطول للناشئين الشباب زي عافية حسن المحتاجة لي تشجيع يقوم ترباس يحبطا بالطريقة دي ..!
عشان كدة أنا مستغرب كمال ترباس بي جهلو التراكمي دا يتطاول على قامة زي الموصلي ..!! .. ما في شي يبرر كدة ولا حتى صداقتو لي بشير عباس ..
وجهل ترباس يتجلى في عدم معرفتو للقدمو الموصلي للفن السوداني .. ترباس لو قعد ساي في جلسة نقاش عادية مع الموصلي وبشير عباس وسمعم بيتكلموا عن ابسط شي في الموسيقى والتوزيع حا يكون قاعد زي الطيرة والبيقولوهو قدامو ييبقى ليهو زي اللغة الهيروغلوفية القديمة ..
ترباس دا بالذات لمن يقعدو العمالقة زي الموصلي وبشير عباس يتكلموا عن الموسيقى والتوزيع والالحان مفروض يعمل رايح ويطلع موبايلو يطلع برة الغرفة يعمل فيها جاتو مكالمة عشان ما يتحرج وكدة ..! ..
ويجي كمان يقول للموصلي شنو ؟!! يا ود يا موصلي ..!!
دي أنا بسميها قلة أدب .. لا أكتر ولا أقل ..!
مشكلة ترباس غير جهلو المطبق إنو ناصب روحو فاتية في الوسط الفني .. والفنانين بيتجنبوهو ما خوف ولا إحترام .. بس بيتجنبوهو عشان لسانو الفالت دا .. لسانو زي مكنة الجاز .. قدر ما يمطوا ويتكلم في النانين بيفتح زيادة وما زول بيسلم منو ..
أنا متاكد الحاصل بين بشير عباس والموصلي سوء تفاهم أو حتى خطأ في نقل الحوار أو إستخدام غير سليم لي جملة أخرجت من سياقا .. وكلها كم يوم والعلاقة بترجع زي ما هي بين العملاقين الموصلي وبشير عباس ..
الحشيشة ترباس دا هو الحا يكون شايل وش القباحة براو بعد داك ..!
| |
|
|
|
|
|
|
|
|
|
Re: يوسف الموصلي:مكانتي في الموسيقي السودانية أرفع وأعلي من عثمان النو (Re: ناذر محمد الخليفة)
|
طيب ابو النذر النبدا ليك بشي يمكن يكون فايت عليك وهو ادانتي الكاملة لاي نوع من التطاول
والاستعلاء من اي زول فنان وفنان دي يا ناذركلمة شاملة ما ممكن نطلقها كدا بعواهنها لأي زول
الفنان يا ناذر لا يعرف لغة الشتيمة والتطاول علي الزملاء مهما بلغ علوه... الفنان دا زول طيب
ومسكين وبحب الناس والحياة وبحب العطاء المستديم من غير من ولا اذى.... الفنان هو الزول البجود
شغلو لانه بحبه وبحب يشوف نفسه والناس فيهو.... الفنان يا ناذر لا يمكن ان يكون بذيئ وجلف اللسان...
وقبل ما نمشي بعيد انا طبعا لا اقصد اي كائن علي وجه التحديد بكلامي دا الا اذا ذكرت اسم....
ترباس مدان ومدان جدا بالنسبة لي ولاي انسان بعرف قيمة الفن وما يجب ان يكون عليه اهل قبيلة الفن من
توادد وتلاطف ومحبة وادانتي لاستعلاء الموصلي لا تنفي ادانتي مطلقا لتصرف ترباس الاهوج في محاولته
لانتقاص حق زميل له..... الموصلي يا ناذر قال كلام ما بشبه الفنانين بشي مباشر وغير مباشر بالاضافة
لرايي الشخصي في اعماله التي بلغت من التخضخيم مبلغ لم اره انا ولم يشنف اذاني بذات التضخيم
ودا رأي شخصي طبعا.... يا ناذر اخوك مفطوم بحب الموسيقى والطرب منذ امد ههههههه سمعنا زاتو اتعتق
لانه سمعنا غنى صاح غنا من بيت كلاوي الغنا لاساطين الطرب والتطريب في بلدنا المكلوم هذا سمعت لابو علي
وابو عفان والباشكاتب ووردي واحمد المصطفى والكاشف وخليل اسماعيل وزيدان وابن البادية وابو داؤود
واييييييييييك القائمة تطول وتطول يا صديقي.... العمالقة ديل كللللللللهم ما سمعنا منهم ما جرى علي
لسان الموصلي باني سويت كدا وسويت كدا وانا الخلقت الفرقة الفلانية وانا لو ما انا ما كان شنو وفلان
داك انا بلحن احسن منو وانا فلان دا كان عازف عندي واستصغار لأناس شهد كل الناس لهم بالتجويد والاضافة
الحقيقية في عوالم الموسيقى في السودان ودا الشي الخلاني انتقد الموصلي واضيف رايي الشخصي كمستمع
عتيق لموسيقانا واغانينا السودانية والموصلي حاول ينمق كلامه ويديهو بولش عشان يكون شكلو مقبول ومسك
عصا التقريع لزملائه من النصف وارجو انك تعيد قراءة ما بين الاسطر لما جرى به لسان الموصلي وبعين محايدة
وسترى مرأي عيانا بيانا.
لك ودي
| |
|
|
|
|
|
|
|
|
|
Re: يوسف الموصلي:مكانتي في الموسيقي السودانية أرفع وأعلي من عثمان النو (Re: الخير محمد عوض)
|
والله يا الخير اخوي أنحنا ما مختلفين كتير ..
بس في حاجة مهمة ..
إنت بتتكلم من ناحية إنتقاد لي طريقة الموصلي في الكلام ..
وأنا بتكلم من منطلق تعامل ترباس مع الأزمة ..
يا خي ترباس زاتو السألو منو ؟ ومالو مدخل لسانو في الموضوع ؟!
بعني هسي بي نفس فهم ترباس القال بشير عباس صحبو ولا معلمو ما عارف .. يقوم الوسط الفني كلو ينقسم لي إتنين ويكيلو في الشتائم لي بعض ؟!
محاولة الظهور على حساب التانين واضحة جدا من ترباس وعملا كتير بالوكالة ..
قبل فترة بسيطة عبد الوهاب وردي انتقد عثمان محي الدين وانتقد كم فنان .. ترباس طوالي نط وشبكم ليك في الجرائد : ما في زول يتدخل .. عبد الوهاب أنا بضقل بيو .. عبد الوهاب انا كفيل بيو ..! عبد الوهاب أنا بوريو ..!
يا خي دا فنان ولا رباطي ؟!
بعدين يا الخير يا خي والله أنحن في السودان ما في شي مضيعنا الا تواضع علمائنا .. الموصلي ياخي بيتكلم بي حقو .. قد تكون إنت أحسست بي نبرة استعلائية من الموصلي تجاه بشير عباس .. وأنا أحسست أنو الخبر دا فيهو تدخل جراحي من حبيبنا سراج مصطفى .. وعلى كل حال كلام الموصلي فيهو حقائق مثبتة وما في زول بقدر ينكرا .. وعدم معرفتك يا الخير بأعمال الموصلي دا ما بينفي إنها موجودة ..
بس ترباس دا مالو بيقابض ؟!
أنا أشهد للموصلي بالأحترام للأخرين .. وأتذكر مرة محمد وردي (ترباس تلميذ بالنسبة ليو) برضو هابش الموصلي في لقاء وقال كلام ما طيب في حقو .. الموصلي عمل شنو ؟!
طوالي صرح إنو وردي فنان عظيم وهو بيتقبل كلام وردي لأنو وردي بمثابة أبوهو الفني وحاجات زي ديي ..
الموصلي ما غالبو يهاتر أو يرد على المتطاوزلين لكن الكبير كبير يا معلم وللا شنو ؟!
تسلم
| |
|
|
|
|
|
|
|
|
|
Re: يوسف الموصلي:مكانتي في الموسيقي السودانية أرفع وأعلي من عثمان النو (Re: ناذر محمد الخليفة)
|
Quote: العملوهو والقدموهو للفن السوداني ترباس السليط ما عمل واحد في المية منو ..
|
ناذر شكلك شايل من ترباس تقيل عصرت ليهو شديد. أوعا يكون طرف لسانو وصلك!!
بغض النظر عن كل الحاصل لكن أظنك ظلمت الراجل ظلم شديد. غايتو أنا كمتذوق عادي بعتبر الزول دا عبقرية فنية. إبداع وإلتزام وإحترام لفنه وتطور وإستمرار ودا قمة الإحترام لمعجبيه
بعدين لولا الأصوات الجميلة وعبقرية زي ناس وردي وترباس غايتو المؤلفين الموسيقيين والملحنين إلا ينشروا غناهم في حبل الغسيل
الفنان هو البيشهر الشاعر والملحن والموزع والعالم بعرف الفنان وما بعرف الناس الوراهم رغم أهمية دورهم
| |
|
|
|
|
|
|
|
|
|
Re: يوسف الموصلي:مكانتي في الموسيقي السودانية أرفع وأعلي من عثمان النو (Re: طارق زروق)
|
اعيب على استاذنا الموصلى الانخراط فى مثل هذا النوع من سجالات لاقيمة لها. فهى سجالات تابلويد رخيصة.
وأعيب عليه أن يجلس مع (صحفى) تابلويد يطرح مثل هذه الاسئلة الهايفه والسطحية.
مساهمات الاستاذان عثمان النو والموصلى فى مسيرة الموسيقى السودانية وماقدماه لمحبى فن الموسيقى والغناء لايمكن الحكم عليه وتقييمه بأحادية فى الرؤية وسطحية قيمية ساذجه كما حاول تقديمها هذا الصحفى الساذج من خلال الاسئله (الثنائية التفضيلية) التى طرحها فى هذا اللقاء المكتوب.
ماذا يعرف هذا الصحفى عن التجربة الموسيقية والرؤياالموسيقية لكلا من الاستاذ عثمان النو ويوسف الموصلى وغيرهما من المستدرجين فى التعيس من الاسئلة حتى يجلس ليحاور عن موسيقاهم؟
أولا يعرف هذا الصحفى الفقير ان بديهيات إجراء (لقاء صحفى) حول أى موضوع يتطلب دراسة الموضوع والالمام بجوانبه أيا كانت؟
وهل هذه الاسئلة التى طرحها على الاستاذ الموصلى تقول أن هذا الصحفى يعرف شيئا عن الموسيقى أو عن تجربة أى من الموسيقيين الذى إستخدمهم (لتحريش) بعضهم على البعض؟
الموسيقى لاتناقش هكذا يا(صحفى) والموسيقيين لايحاوروا هكذا!
مع التحية!
| |
|
|
|
|
|
|
|
|
|
Re: يوسف الموصلي:مكانتي في الموسيقي السودانية أرفع وأعلي من عثمان النو (Re: طارق زروق)
|
غايتو ابو النيذ فرجت همي وفشيت غبينتي في المغني ترباس الذي لا أري أي فرق فيما يقدمه من فاطمة كسلا ودينا كوستي وأمنة باوقة إضافةالى الفنان الفلتة حاتم حواته.
Quote: الموصلي نفسه سيتردد لو فاجأته بسؤال طالبا منه ان يذكر لك
ثلاثة اعمال من اعماله (اللحنية) والتي يعتقد بأنها خالدة في
كيان الشعب السوداني. |
بعد أن أحي صاحب المقتبس أقول له أنك قد ظلمت نفسك أولا قبل أن تظلم القامة الموسيقية الموصلي وإذا لم تسعفك ذاكرتك الغنائية يمكنك الأستفسار من الآخرين(وناس ابو النيز قاعدييييين).
من بداية مداخلاتك لاحظت تحاملك بدون مبرر وأنا أري أن الأمر برمته ليس الا عنوان استفزاي يشبه صحف الأثارة ولا أظنه يشبه كاتب الموضوع.
ياخي انا بحثت كلمة كلمة وحرف حرف فيما قاله الأستاذ الموصلي فلم أجد كلمة واحدة يشتم منها روح التعالي او استفذاذ الأستاذ النو بل كلما ذكر الموصلي شيئا لم افهم منه غير التقدير والأحترام والود وحتى محاولة ايجاد المبررات لهفوات النو!
أو أكون انا فهمي قاصر.
أعود للفنان كمال كسلاوي (ترباس) بالمناسبة هو من أطلق على نفسه لقب كسلاوي في أول لقاء معه في الأذاعة في منتصف السبعينات(ان لم تخنني الذاكرة العجوز) وبذا يكون هو من أول من أحدث انقلابا في نسبة اسماء الفنانيين لمناطقهم وهذا ليس عيبا طبعا.
تحياتي للجميع
| |
|
|
|
|
|
|
|
|
|
Re: يوسف الموصلي:مكانتي في الموسيقي السودانية أرفع وأعلي من عثمان النو (Re: MOHAMMED ELSHEIKH)
|
لا اظن باني اسأت فهم ما قاله الموصلي في حق زملائه وابتداءا اقتبس ما جاء في
صدر الخيط
| Quote: يوسف الموصلي:مكانتي في الموسيقي السودانية أرفع وأعلي من عثمان النو |
هل هذا الكلام مقبول ؟ ان يتحدث زميل عنزميله بان مكانته الموسيقية ارفع منه ماهو مفهوم الرفعة
هذه الذي تحدث عنه الموصولي؟
ثم
| Quote: لودخلت مع بشير عباس في معركة فهو الخاسر الأول (لأنه ما بقدر علي)!! |
هل هذا كلام عادي يمكن ان يصدر من فنان ؟ ولماذا العراك ياموصلي اما وجد خير من هذه الكلمة(العراك)
هل ترون ان مثل هذه الكلمة كويسة في حق المتفرد بشير عباس... اليس هذا باستعلاء؟
| Quote: (لزمة) واحدة من توزيعي تساوي الدنيا وما فيها ناهيك عن ألحان بشير عباس!! |
رغم تزاكي الموصلي هنا والذي يعلم تماما بان بشير عباس ليس بموزعموسيقي وانما ملحن هز بالحانه
اركان دنيا الموسيقى في سوداننا بالحان خلدت ايما خلود في وجداننا بل واقامت ثورة موسيقية كان
ميلادها في سبعينات القرن الماضي وما زالت حتى الان كما الذهب لا تصدأ ابدا في وجدان كل الشعب السوداني
اليس هذا تكبر
| Quote: مكانتي في الموسيقي السودانية أرفع وأعلي من عثمان النو ولا يحتاج مثلي للجلوس علي مكانه في عقد الجلاد!! |
اليس هذا باستعلاء حتى ولو فرضنا انه الحقيقة بما اني لا ارى انها الحقيقة كمستمع استمع لكل او جل اعمال الطرفين
| Quote: وأنا يا صديقي سراج لست في حوجة لأي فنان أو ملحن بل بالعكس الفنانين بحوجة لأعمالي الغنائية والموسيقية |
اها دي امكن اكون قريتا باضنيني.... انتو رايكم فيها شنو؟
| Quote: وعقد الجلاد لولا يوسف الموصلي لما كانت في الوجود ..لأنني كنت السبب في أن يترك عثمان النو فرقة السمندل ويعود لعقد الجلاد ولولا ذلك الموقف لما أستمرت عقد الجلاد حتي الأن!! |
وهذه بدون تعليق
| Quote: السودانية؟؟وماذا ستضيف لي مكانة عثمان النو في عقد الجلاد أذا جلست فيها؟؟ لا شئ ..فهل بعد توزيع أغاني لمحمد الأمين ومحمد وردي والبلابل وغيرهم أرجع لمكانة عادية في فرقة عقد الجلاد |
هل في هذا الكلام احترام استاذ لتلاميذه؟
هذا ما اخترته علي مضض من بعض المقتبسات التي جرى بها لسان الموصلي في حق زملائه وربما اكون مخطئ في قرائتي لهذه المقتبسات
ولكن سيظل رايي هو رايي ان الموصلي استعمل لغة حادة وتقريعية بها استعلاء وتكبر لا يمكن ان تصدر من فنان الا ان يقنعني بمن يستطيع بغير ذلك
مودتي
| |
|
|
|
|
|
|
|
|
|
Re: يوسف الموصلي:مكانتي في الموسيقي السودانية أرفع وأعلي من عثمان النو (Re: Zomrawi Alweli)
|
Quote: اول ما استوقني في هذه المداخلة حرب الباء بتاعك دا كان وين
وكيف اكتشفت ان حرف الباء يكمل المعنى
كدى خلينا نحاول نقرا الجملة بدون حرف الباء
والله حاجة عجيبة يا الخير
|
بس يعني حرف الباء دا الاستوقفك. حكمة والله وحكاية تشغل اذهان العباد ههههه
طيب يا سيدي ما تهتم للموضوع دا كتير وما تخلي الصغائر تستوقفك.... خش
في لحم الموضوع الحي وسيبك من حرف الباء بتاعي دا
| |
|
|
|
|
|
|
|
|
|
Re: يوسف الموصلي:مكانتي في الموسيقي السودانية أرفع وأعلي من عثمان النو (Re: Elmosley)
|
Quote: الزميل العزيز ضياء
شكرا لك فقد اثبت بانك لاتؤثر فيك صلة القرابة ولكي افيدك افيدك
أكثر فان خلك العزيز واخانا الاكبر
كان قد سبق انا قال عني الاتي
"الزمة واحدة من أغنياتي تساوي تاريخ الموصلي كله"
وذلك قبل عدة شهور وارجو أن يخفف ذلك مالحقك من الم لما حدث |
همم هممم همم همممممممم ..؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟[/re
ماعجبتني .. لو سكتا في ناس بردو عنك ( صاح ام غلط المهم رد والسلام )
عندنا كلام بتقال ..
ممكن ..
| |
|
|
|
|
|
|
|
|
|
Re: يوسف الموصلي:مكانتي في الموسيقي السودانية أرفع وأعلي من عثمان النو (Re: Abd-Elrhman sorkati)
|
Quote: تحياتي لكم جميعا ونحترم ماتقولونه
بس لاحظت الخير ده لم تفتر له عزيمه في أن
يحاول ويحاول
لك ياعزيزي لن تتعب مايشاء لك في المحاوله
التعب مادام هذا يريح ضميرك |
والله يا موصولي لا يريح ضميري ابدا ان اغضب كائن من كان وبمراجعة لمداخلاتي وجدت اني احتديت
في بعض المداخلات وارجو ان تقبل عذري في هذه الحدة ولكن موقفي ما زال كما هو وهو انك دافعت
عن ما تظنه افتراء وتنقيص لمكانتك الموسيقية بلغة حادة لا تليق بفنان له جمهوره ومعجبيه وفي
حق زملاء لا يستطيع كائن من كان ان ينكر عليهم ما اثرو به سوحنا الفنية. هذا مع تثبيتي لنقطة
ربما تجاوزها الكثير ممن مروا علي هذا الخيط وهي ادانتي الكاملة لكل فنان يعمل للنيل من
زميله حتى وان كبى جواد لغته في حقه.
احترامي
| |
|
|
|
|
|
|
|
|
|
Re: يوسف الموصلي:مكانتي في الموسيقي السودانية أرفع وأعلي من عثمان النو (Re: الخير محمد عوض)
|
الذي يقارن او يفاضل ما بين فنان وآخر، كالذي يقارن ما بين نوعين مختلفين من الفواكه أو أي شيئين آخرين مختلفين. الموسيقار بشير عباس والموسيقار الموصلي والموسيقار النو، كل منهم اسهّم اسهام كبير في تطوير الأغنية والموسيقى السودانية، ولا يختلف في ذلك شخصان؛ أعيب عليهم هذا الإنزلاق مهما كانت المبررات، وكان عليهم أن لا يجاروا صحفيِّ الإثارة، وأن لا يردوا على الأسئلة التي لا تفيد الفن ولا تفيد الجمهور في شيء، وأن يتعاملوا مع صحافة الإثارة بنفس الصرامة التي يتعاملون بها مع الفن، وأن يتخيروا الصحافة والصحفيين، حتى لا يقعوا في مثل هذه المواقف المحرجة..
| |
|
|
|
|
|
|
| |
سراج الدين مصطفي
ضياء الدين ميرغني
محمد سنى دفع الله
haroon diyab
هاشم محمد الحسن عبدالله
nazar hussien
الخير محمد عوض
Shawgi Sulaiman
Elhadi
خال فاطمة
Abuzar Omer
nadus2000
محمد زكريا
الطيب بشير
دينا خالد
ناذر محمد الخليفة
أسامة البلال
طارق زروق
Khalid Kodi
Shams eldin Alsanosi
Abd-Elrhman sorkati
Elmosley
Zomrawi Alweli
محمد ميرغني شاطر
ALGARADABI
Yassir Tayfour
فيس بوك
تويتر
انستقرام
يوتيوب
بنتيريست