|
|
 يقولليك مالاقي آكل وتلقاهو مشغل حبشيه في البيت
|
طفق يشكو سوء حاله وأحواله وغلاء الأسعار والحال المايل وووو مرجعاً سبب كل هذا البلاء للسياسات الحكوميه الخاطئه التي أوصلت إقتصادنا للحضيض وبين الحين والآخر يتوقف قليلاً ليلعن أحد الوزراء او القيادات الحكوميه
سألته : معقول وضعك يكون بالسوء ده
فأجاب : وأكتر من كده كمان
قلت ليهو طيب ماتطلع الحبشيه المشغلها عندك في البيت دي وتكون وفرت 400 او 300 ألف وبالمبلغ ده أكيد ميزانيتك حتتصلح
توقف عن الشكوى ورد قائلاً : لكن المدام حتزعل شديد
مثلنا بقول (من حمدو زادو) .. بصدق مؤسف أن ترى من لايحمد الله .. لاينظر إطلاقاً للنعم التي لديه بل فقط بنقم ويسب ويلعن
وضعنا أفضل من عشرات الأمم وبحمد الله مافي سوداني ببيت جيعان إطلاقاً ووضعنا الإقتصادي أفضل من امم كثيره جداً
|
|
 
|
|
|
|
|
|
|
 Re: يقولليك مالاقي آكل وتلقاهو مشغل حبشيه في البيت (Re: محمد فرح)
|
Quote: الناس ديل خليهم يتاوقوا على جيراننا في اثيوبيا وللا ارتريا وللا مصر وللا تشاد
وللا يعاينوا لي جيراننا في جنوب السودان عشان يعرفوا النعمه الهم عايشين فيها |
كمان الادهى وامر مناضلي الكيبورطات
اها ديل معظمهم ضاربين الفيش والجكن والمشروبات الغازية
و الروحية
وزهجانين كمان
شفت المحن دي كيف
وشكرا
| |
|
|
|
|
|
|
|
|
|
Re: يقولليك مالاقي آكل وتلقاهو مشغل حبشيه في البيت (Re: محمد فرح)
|
الاخ محمد فرح... تحية
وليه ما نعاين للعرب الزيينا .. ناس الاردن الما عندهم ربع الموارد العندنا.... ؟
بعدين، هل المقصود انه احنا وضعنا ببقي احسن لما الشغالات يمشوا...طيب لو المدام دي شغاله هي زاتها... يقعدوا في كوشه؟
هل الكلام ده بعني انه مافي ازمة اقتصادية وغلا.. وده كله مننا؟
بس الغلطان المرحوم والله!
| |
|
|
|
|
|
|
|
|
Re: يقولليك مالاقي آكل وتلقاهو مشغل حبشيه في البيت (Re: مريم بنت الحسين)
|
Quote: وليه ما نعاين للعرب الزيينا .. ناس الاردن الما عندهم ربع الموارد العندنا.... ؟
بعدين، هل المقصود انه احنا وضعنا ببقي احسن لما الشغالات يمشوا...طيب لو المدام دي شغاله هي زاتها... يقعدوا في كوشه؟
هل الكلام ده بعني انه مافي ازمة اقتصادية وغلا.. وده كله مننا؟ |
أخت مريم
للأسف الشديد انا بعرف بيوت بكون فيها قريب الخمسه بنات وبعد ده جايبين حبشيه
النسوان إكتسبوا كسل مبالغ فيهو بسبب الحبشيات
والمشكله إنو الناس بتدعي المعاناه وبتحسروا على الماضي بالرغم من إنو حاضرنا رغم معاناتو إلا أنو أسهل بمليون مره من الأمس
اما بالنسبه للأردن ياأستاذه مريم فديل لو كان عندهم معارضه مسلحه وعملاء ومرتزقه وأحزاب لاهدف لها سوى (مكاواة) الحكومه كان حق الرغيف يكون ماعندهم
لكن للأسف كثيرين لايريدون لهذا الوطن أن يلتقط أنفاسه أبداً
ما أن تطفيء الحكومة جهة حرب إلا وسارعوا بإيقاد نار بمكان آخر
مؤونة عام من الود
| |
|
|
|
|
|
|
|
|
|
Re: يقولليك مالاقي آكل وتلقاهو مشغل حبشيه في البيت (Re: محمد فرح)
|
محمد فرح وضيفه ود الباوقة :
أن نعترف بالأخطاء والقصور سيكون عملا جيدا في سبيل الحل ... ما ذكرت من دول ... كنا نبعد منها بعد مسافات وحقب وازمنة .... كنا نملك مشروع الجزيرة ومؤسساته من مطاحن ومحالج ومعاصر زيوت ، مشروع الرهد ، السوكي ، أبونعامة ألخ ... كم كان عدد العاملين فيها ؟ كم النازحين من قراها للخرطوم ؟ أين القمح والزيت والبقوليات المحلية الصنع ؟ فتح الرحمن البشير ، الشيخ مصطفى الأمين ، عليهما رحمة الله وآخرين ؟
أصبحنا فعلا وبفضل سياسات شيوخ اللا وطني أقرب للصومال ولا توجد أي مقارنة مع أثيوبيا الدولة الجاذبة للاستثمارات العملاقة .... شوفوا ناس ( أشرف الكاردينال) ....
يجب أن نعترف بأننا جوعى ، مرضى ، وحكومتنا فاشلة هابطة .... وتعالوا للحل ..
الشفيع
| |
|
|
|
|
|
|
|
|
|
Re: يقولليك مالاقي آكل وتلقاهو مشغل حبشيه في البيت (Re: فتحي الصديق)
|
إختشى ياخى يا محمد فرح
أولا إنت كشفت حال زول أكيد عارفك بتكتب فى المنبر
وتانيا كلامك غلط
بل فعلا دليل تدهور إقتصادى
يعنى الزول دا لما عين الشغالة معاه فى البيت كان وضعه كويس
ولما البلد إتدهورت بسبب فظائع حكومتكم فشل يغطى حق الشغالة
دا معناهو شنو؟؟؟؟
إنت بتدافع عن كيزانكم ول بتكشف فى فشلهم زيادة؟؟؟؟؟؟؟؟؟؟
وثم تانيا 400 الف يعنى شنو؟؟؟؟
ياخى على الأقل خلى عندك تعاطف مع اللى ح تفقد شغلها دى
وكمان ود الباوقة جاي جارى فرحان
والله غايتو
فهم مغلوط
| |
|
|
|
|
|
|
|
|
|
Re: يقولليك مالاقي آكل وتلقاهو مشغل حبشيه في البيت (Re: سيف النصر محي الدين)
|
خلاص يامحمدفرح ...
ما تزعل ... أنا زاتي عندي شغالة حبشية وأخرى فلبينية .... واحدة للمدام والأخرى للعيال .... أها شفت الرفاهية كيف ؟؟؟ وعاشت الطماطم والعجور الهبطرش .... وما عاوزين سكر ولا زيت ولا دقيق ولا مضاد حيوي ... نأكل سلطة بس ...
أها أخبار جمهورية الكيزان (2) شنو ؟ إن شاء الله وجدتم شركاء .... يا أخ منتظرين النشكيل الوزاري عشان نبتهج ونفرح معاكم ....
الشفيع
| |
|
|
|
|
|
|
|
|
|
Re: يقولليك مالاقي آكل وتلقاهو مشغل حبشيه في البيت (Re: عمر صديق)
|
| Quote: يقولليك مالاقي آكل وتلقاهو مشغل حبشيه في البيت |
إذا كان أفقر من تعرف من السودانيين مشغل حبشية في البيت
ففي الجانب الآخر (الذين لا تراه إلا من خلف زجاج عربيتك المرفوع دوما)
هناك سودانيين يحسدون هذه الحبشية علي وضعها هذا
وهم (ووفقا للإحصائيات التي تصدرها حكومتك ذاتها) غالبية
(أنا خايف إنت ذاتك تكون مشغل حبشية من إسترزاقك ببيع مثل هذه الأوهام)
| |
|
|
|
|
|
|
|
|
|
Re: يقولليك مالاقي آكل وتلقاهو مشغل حبشيه في البيت (Re: Nasr)
|
فى نوعيه من الناس عندها وما بتحمد
وفى نوعيه من الناس ما عندها وبتحمد
اينعم الانسان مفروض يعاين للاقل منو عشان يحس بالخير العايشه
لكن دا ما بينفى اننا ما نعاين للاحسن منا ومفروض نكون احسن منهم لولا سوء الاداره والتنظيم والتخطيط والطمع وغياب الضمير
فى ابتلاءات من ربنا سبحانه وتعالى بنرضى بيها
لكن فى ظلم من اصحاب السلطه للشعب ما بنرضى بيه
| |
|
|
|
|
|
|
| |
محمد فرح
مريم بنت الحسين
فتحي الصديق
محمد النيل
فدوى الشريف
سيف النصر محي الدين
عمر صديق
Nasr
محمد أبوالعزائم أبوالريش
خالد عبد الله محمود
فيس بوك
تويتر
انستقرام
يوتيوب
بنتيريست