|
كتب الكاتب الفاتح جبرا المتوفرة بمعرض الدوحة
|
|
 Re: اطـــــــــــــــــــــــــــــــــــــالب بجلد المواطن عمر البشير (Re: المكاشفي الخضر الطاهر)
|
اخونا المكاشفي مساء الخير...
فكرة النظام العام فكرة بدعية مقيتة فرضها نظام قهري وصل السلطة بانقلاب...يعني ماقانون تم تشريعه بواسطة جهة تشريعية محترمة...قانون نتاج هوس
طلبك ده كنت ح احترمو جدا لو جا قبل موقعة الحت الشهيرة...طلبك جا متأخر نيف وعشرين سنة ولمن اتزنق الريس بتاعكو
القانون ده ساري منذ المجئ المشئوم للانقاذ يبقى لمن الريس سقط السقطة دي ياخد حقو زيو وزي مواطنيهو ده لو في قضاة محترمين وبيطبقو المساواة في العقوبة والفكرة الاصولية بتاعت الناس سواسية امام القانون ...الريس ما انجلد بموجب القانون ده يبقى مافيش مساواة ومافيش اي عدالة والجهات العدلية صارت مشبوهة وبتكيل بمليار مكيال .....نحن الكلام ده عارفينو ما بيبقى لكن صارينو عشان نحتج بيهو قدام الرب بعدين ونقول انه محمد (ص) قال انما هلك أقوام كانوا اذا سرق الشريف تركوه واذا سرق الضعيف اقامو عليه الحد
المحور التاني ح اجاوبك فيهو
عمر البشير اول شي ما بتلزمو التوبة بس...ينجلد زي الترتيب ونشوف جلدو بعيونا ديل بعدين التوبة دي بينو وبين ربو...نحن محتاجين نطمئن انه بيتعامل كمواطن ما سوبر ولاحاجة
حكاية الحلال والحرام دي ما اظنك جاد فيها
انا دي الشينة دي بعتقد انه الرقيص ما حرام....الرقيص حلااااااااااال بس السيد ريسكم فكرتو غير كده فحا نكون ملزمين نطبق فيهو العملو في السودانيين وهم مامقتنعين بيهو
ليه انت ماكنت يوم حقاني وليبرالي وسألت السودانيين قبل ينجلدو بالقانون القمئ ده ....انتو بتعتقدو الجلد في الرقيص حلال ولا حرام؟؟ولا لبس البنطلون حرام او حلال...في زول سألوهو رايو؟؟؟الناس انجلدت زي الترتيب وشتت......... الريس يجي ينجلد اول بعدين نناقش الكان مفروض يتناقس قبل نيف وعشرين سنة
بي اختصار انا ملزمة الريس بالمنهج اللي اختارو هو لينا ولنفسو....انا لمن اختار بختار الليبرالية والديمقراطية والحياة الانسانية السوية
الرقيص حلاااااال لكن صدف في مرة كده الريس اعتنق الهوس وعمل نظام عام ودين مشوه فيفترض يكون ملزم بيهو نفسو موش يلزمنا نحن ويمشي يحتو
كل الاشياء حل لعمر الا ماحرم عمر على نفسه وعلينا نحن الشقيا ديل
نحن بنرقص وبنحب الحياة زيو ....يبقى الميز فرحو عن فرحنا شنو؟؟؟ولا داك حت اسلامي وفرح اسلامي ونحن فرحنا فرح كفار ساي؟
الزول ده سقط سقطة اخلاقية كبيرة جدا وربنا بيسألك عن دفاعك عنو
| |
 
|
|
|
|
|
| |
معاوية عبيد الصائم
هيثم التوم
ود العجمى
المكاشفي الخضر الطاهر
عمر عبد الله فضل المولى
Haju Muktar
معتصم مصطفي الجبلابي
فيس بوك
تويتر
انستقرام
يوتيوب
بنتيريست