|
|
|
 Re: حوار الطرشان.. (Re: الرفاعي عبدالعاطي حجر)
|
انتو السعودية دي موش بلد الرسول
طيب بتلفوا الافيال دي عشان تركبوها وين ؟
ياعمر صحبي بحكي لينا وكانو ساكنين مكه .. المهم اختلفوا مع سيد البيت .. جاهم قال ليهم تمرقوا من الشقة .. اصحابك عاملين فيها سودانيين شفاته قالوا يتخامسو السعودي .. اها قالوا ليه يا زول ما مارقين
قالوا عاين ليهم كده وقعد يضحك ... وقال :
ايش يا زول نحن اهل مكه خرجنا الرسول نفسه منها .. ما نقدر نخرجكم انتو من هادي الشقة
ومرقهم
| |
  
|
|
|
|
|
|
|
|
Re: حوار الطرشان.. (Re: عمر الفاروق)
|
طبعا يا وليد إنت سيد العارفين إنو قرايتنا الجنصصة والقشرة فيها ياها إختصاراتا دي :-) وإنجليزينا كلللو تامنو كلامات ومصطلحات الكمبيوتر دي..
أما بالنسبة للأفيال فيا زول الفيل هنا متاح ومحسن فيل هندي أصيل بيكون والله تركبو يلف بيك السوق العربي الشهدا صابرين وبالعودة..
يا وليد السعوديين ديل وصلو مرحلة إنهم بقوا يمشو يجيبو تراب ..التراب الواااحد ده ..مغلف من الصين ويبيعوهو ليك للحجاج على إنو إسمو تراب المدينة وإنت عارف ناس شرق اسيا ديل محبتهم للرسول تفوق محبة أي زول تاني فواقعين ليك شرا في التراب ده ويااا حليلهم ما عارفنو تراب صيني :-)
| |
|
|
|
|
|
|
|
|
|
Re: حوار الطرشان.. (Re: عمر الفاروق)
|
تعرفي يا رانيا عندي خالتي لذيذة جدا قالت لي يا عمر انا السبب الرئيسي الخلاني أسيب القراية حاجتين:
س ص حقت الرياضيات..
و منى وحمزة حقين الإنجليزي.. :-)
تخريمة
فييي ذمتك يا رانيا إنتي لحقتي أيام القراءة الصامتة؟!
| |
|
|
|
|
|
|
|
|
 Re: حوار الطرشان.. (Re: عمر الفاروق)
|
عمر الفاروق
سلام
دائما اقرأ بوستاتك في صمت رغم الضحك حد القهقهة
لكن دي قوية حفزتني على المشاركة
اتنين من جماعتنا عرب البطانة الفصاح نزلو ضيوف على ناس تانيين
بعد وجبة الضيافة والتي عبارة عن كسرة بموية( بدون كاشطاب ) ههههه وهنا كانت القهقهة السابقة
رأى احمدهما باقي كسرة على حنك الاخر فاراد ان يخبره
بطريقة لايفهمها المضيفين فقال له ود اب عيش يسلم عليك
فما كان من اخيه الا ان قش حنكو وقال ليهو الله اسلمو تحراهو لي لاسع قاعد ولا رحل
فرد عليه خويه رحل الله استر عليهو
| |
|
|
|
|
|
|
|
|
|
Re: حوار الطرشان.. (Re: عبدالله ود البوش)
|
ود البوش..
تعرف انا بتكيييف جدا لي بيقراني ويعمل نايم ويقهقه في حنانو ده..لكن بشيل هم لي البيجي يعلق لأنو بي فهم سودانيز الرد عليه فرض عين ويصر ليك كان ما جيت رديت ليهو على ردو..
أسة شوف التلتلة التلتلتني ليها دي ما كان أخير منها تقهقه في سرك ؟ :-)..:-(
لكن والله اب حنك بالغ..ربنا يستر عليهو:-(
| |
|
|
|
|
|
|
|
|
|
Re: حوار الطرشان.. (Re: سارة عيسى أحمد)
|
سارة عيسي البي العربي..أو سارة عيسي بي الجديد لأنو في سارة عيسى بالقديمبتقووم عجاج المنبر..
ما طلبتي غالي خيتي :-)
لكن صدقيني بيطير ليك..سودانيز اون لاين ده زيي لعبة الشطرنج المتفرجين بيكونوا شايفين بي تركيز ومستمتعين بينما البيلعبو بيكونوا ما فارزين أيييي شي:-)
| |
|
|
|
|
|
|
|
|
|
Re: حوار الطرشان.. (Re: سارة عيسى أحمد)
|
الفاروق
عمرنا :)
أنا ذاتي جايه أقهقة مع سارة و ود البوش...
عليك الله كان مارديت علي عشان ما أزعل
يعلم الله قلمك رشيق...
أول مرة قريت كلامك اللطيف ده
كنت بتحكي عن الحمام بالموية المسخنة في شمس الله
و صابون العدة البتستخدم لأغراض الحمام لما تبقى صغيررررررة
أها من ديل بقيت أحد الأقلام البتابعها هنا!
بس لما تنقد مرات بتصعبها شديد.
فتكم بعافية
| |
|
|
|
|
|
|
|
|
|
Re: حوار الطرشان.. (Re: فردوس جامع)
|
طبعا الانقاذ جننت ليك الناس جن شديد بى تغيير
العملة قالوا المسطول فى الحافلة مدا الخمسة الف
للكمسارى .. داك بى نهره كدا قال العملة دى اتغيرت
هييييي ,,,
المسطول براحة كدا اتلفت لى الزول الجنبو قال لى ::
كم لبسنا فى نومنا هذا !!!
ــــــــــــــــ
لووووووووووووب اى زول ما بعرف قران
ما ح يفهم !! وتحسس دقنه ......
| |
|
|
|
|
|
|
|
|
|
Re: حوار الطرشان.. (Re: محمد البشرى الخضر)
|
فردوسنا المفقود..
أسة في ذمتك الواحد لو قرر يفطك ..بعد يشوف صورة الأمورة الفي بروفايلك عاد تاني بيقدر؟؟حجزنا حجزنا ومااا لي محمد لي أبو محمد :-)
يا قول الراجل مشى يخطب لي ولدو ..جات أختها الصغيرة قدمت العصير الأبو قال ليهم كدي ولدي خلوهو أسة ..دحين ما بتعرسو لي انا البت الصغيرة دي؟ :-)
وقد كان وبدل ما يخطب لي ولدوظبط أمورو هو..
عاد يا فردوس يا اختي ما بسألك ..إنتي من زمن بوست حمام الشتاء؟
أها التاريخ يعيد نفسو..أمشي جهزي جردل الطلس الح تختي فيهو الموية في الشمس لي حمام من جمعة لي جمعة داك..
| |
|
|
|
|
|
|
|
|
|
Re: حوار الطرشان.. (Re: عمر الفاروق)
|
طبعا يا ود البشرى أخوك شغال في حتة النضمي فيها كلو إختصارات والعجب أسامي الأقسام..ماشين ال الTSD وجاين من ال RDC أها زي ما إنت عارف المصريين يعجبوك أصلو ما بيقول ليك ما بعرف..أها لما ساتلتو من ال تل CBD وال ECD ديل قال لي واخد بال حضرتك..دول أوصاد مكتب العضو المنتدب في الدور الرابع...:-)
النبي فيك كان تحلفني تاني أرد ليك
| |
|
|
|
|
|
|
|
|
|
Re: حوار الطرشان.. (Re: عمر الفاروق)
|
أكيد يا عمر بتكون شاهدت شريط ( عودة البلابل ) ، تلك السهرة التي قدمها المرحوم الفكي عبدالرحمن في العام 1987 بأسلوبه المتفرد.
في ذاك الشريط
إلتفت الأستاذ الفكي فجأتن للأستاذ بشير عباس وسأله
" بشير... إيه حكايتك مع النسوان ... من حلفا لى بورتسودان
أصلو ما سمعنا أنو بشير إتبنى ليهو فنان .. مرة بشير متبني البلابل
مرة بشير متبني إلهام الشرق ..... ؟؟؟ "
وقياساً على ذلك
إيه حكايتك مع النسوان ... من الدهب لى قياس الفستان ؟؟؟
_________________
لكن، النصيحة لله
بتنجض شغلانيتك
| |
|
|
|
|
|
|
|
|
|
Re: حوار الطرشان.. (Re: عاطف عمر)
|
Quote: دينا آل خالد
إنتي لسة ما طردوك؟؟؟ |
غايتو يا بن فاروق .. ما بتتبلى فى خشمك الفووووولة ..
يا قول العلة .. بس ما عرفت ارصهم ليك بالطول ..
| |
|
|
|
|
|
|
|
|
|
Re: حوار الطرشان.. (Re: دينا خالد)
|
عاطف يا عمر..
يا زول ةلا تزعل نحول القصة لي بتاع الكاشير الواقف في البوتيك..
بالمناسبة انا مسجل سهرة البلابل في شريط فيديو
| |
|
|
|
|
|
|
|
|
|
Re: حوار الطرشان.. (Re: عمر الفاروق)
|
دينا بت خالد
طالما رحمتيني من لووووولب أو كما قال احدهم فانا مبسوط ..تختي وشوش خدرا تختي وشوش حمرا ىختي وشوش تمباك ما بيناتنا..
تخريمة :
الفولة دي كلام زول جيعااان عشا ما اتعشاهو..
| |
|
|
|
|
|
|
|
|
|
Re: حوار الطرشان.. (Re: عمر الفاروق)
|
| Quote: الفولة دي كلام زول جيعااان عشا ما اتعشاهو.. |
ياخ لووووووووووووب ولوووووووووب ولووووووووب
يادوب لوووب جاتك
وانا تووووبه تانى ... اخر مرة !
لكن الناس الجابوا ليك القواله عرفتهم صدق ؟
| |
|
|
|
|
|
|
| |
عمر الفاروق
الرفاعي عبدالعاطي حجر
وليد محمد المبارك
عبدالله ود البوش
سارة عيسى أحمد
فردوس جامع
دينا خالد
محمد البشرى الخضر
عاطف عمر
فيس بوك
تويتر
انستقرام
يوتيوب
بنتيريست