|
|
|
 Re: إحباط محاولة تهريب ذهب بمبلغ 3 مليارات عبر مطار الخرطوم (Re: نوفل عبد الرحيم حسن)
|
ياخي كمكمين من خلق الله عندهم من الذهب و الفضة و اليورانيوم و الخرفان ..
و جابت ليها أراضي و مزارع و عمارات ..
و 4 حريم .. و العين على الخامسة و السادسة و ( فحولة شديدة ) ..
و أرصدة برة بالشيكل ..
بقت على الكم رطل دي ؟
الحسادة في شنو ؟
خلوها تطلع .. أصلو البلد ( عايرة و أدوها سوط ) ..
و لّا عشان ما قسمت ؟ أو أدت النسبة ؟ أو إنها ما جميلة .. مثلاً أو ما ( فكت لعب ) ؟
ت خ ر ي م ة :
الشي دا لو صادروه حينتهي في جيب منو ؟
ما تقول لي ( خزينة الدولة ) !!!!
| |
 
|
|
|
|
|
|
|
|
Re: إحباط محاولة تهريب ذهب بمبلغ 3 مليارات عبر مطار الخرطوم (Re: انور التكينة)
|
أسافر عبر مطار الخرطوم مرة كل سنة فى العشرين سنة السابقة عمر غربتى .الا اننى لاحظت فى سفرتى الاخيرة بالظبط مساء الجمعة السابقة 11-11-2011 لو الواحد كان شايل معاهو طن ذهب و3شوالات قروش كان ممكن اطلعها.
المطار خلاء مافى اى تفتيش مقنع ورايت احد الاجانب يراجع فى نقودة الكثيرة جدا عدة ربط داخل اخر صالة منها والطائرة
Is There any currency restriction ,
ولا سائبة ساكت فى موضوع القروش وهنالك قيود على الذهب؟
| |
|
|
|
|
|
|
|
|
|
Re: إحباط محاولة تهريب ذهب بمبلغ 3 مليارات عبر مطار الخرطوم (Re: Mohammed Ahmed Saeed)
|
Quote: أسافر عبر مطار الخرطوم مرة كل سنة فى العشرين سنة السابقة عمر غربتى .الا اننى لاحظت فى سفرتى الاخيرة بالظبط مساء الجمعة السابقة 11-11-2011 لو الواحد كان شايل معاهو طن ذهب و3شوالات قروش كان ممكن اطلعها.
المطار خلاء مافى اى تفتيش مقنع ورايت احد الاجانب يراجع فى نقودة الكثيرة جدا عدة ربط داخل اخر صالة منها والطائرة
Is There any currency restriction ,
ولا سائبة ساكت فى موضوع القروش وهنالك قيود على الذهب؟ |
والله ما تطلعا شبر .. يا عمك القانون واضح في الذهب اي وزن اكتر من 300 جرام مصادرة طوالي .. وفي القروش اي مبلغ اكتر من 10 الف دولار يتم حجزه ومحاسبتك بسعر صرف بنك السودان .. اما الاجنبي ده حيرتني قصتو ..
وفي تشديد ورقابة شديدة في الصالات التي ذكرتها ..
| |
|
|
|
|
|
|
|
|
Re: إحباط محاولة تهريب ذهب بمبلغ 3 مليارات عبر مطار الخرطوم (Re: احمد محمد احمد عتيق)
|
عزيزنا معتصم
سلامات
غايتو يا معتصم
ناسنا قالوا حتي سنين الخمسينات
الناس بتسافر بالدهب والفضة الخام لتركيا والشام للتصنيع
ثم العودة بالبضاعة . وكانت تجارة معروفة .
شنو يعني لو طلعت سودانية بي بضاعة بي مبلغ 3 مليار ؟
هو المليار زاتو يا أخوي أصبح عويش ساكت .
الناس ديل لو خلو حركة التجارة بدون كعبلة يكون أحسن للبلد المكعبل أصلو .
الزولة المسكينة دي كان ممكن تدفع رسوم للبضاعة عند الخروج .
تحياتي
| |
|
|
|
|
|
|
|
|
|
Re: إحباط محاولة تهريب ذهب بمبلغ 3 مليارات عبر مطار الخرطوم (Re: معتصم محمد صالح)
|
طيب .. البلد دي ماشآ الله فيها قروش !!!
سؤال.. معقول الجراءة توصل بيها لحمل 15 كيلو دهب ؟
ودايرة تهربوا من المطار؟ كدا قوة عين ؟
ولا الحكاية مطبوخة... او الكاش ما حسم النقاش...
مسألة ما بدرجة من السهولة عشان تقنعونا انو في سيدة.. او آنسة,
حاولت تهرب هذه الكميةبراها...
الموضوع وراءه ناس ... وغير مستبعد تكون واصلة...
| |
|
|
|
|
|
|
| |
معتصم محمد صالح
نوفل عبد الرحيم حسن
عبداللطيف خليل محمد على
انور التكينة
Mohammed Ahmed Saeed
Al-Shaygi
Osman Musa
osama fadlalla
فيس بوك
تويتر
انستقرام
يوتيوب
بنتيريست