|
Re: وَدَارْ (Re: ود الخليفه)
|
Quote: نحن من قوم زهجهم يفضل الخنفس
|
مين أخ خنفس دة ^_^
لسة زيي مااااااافي :)
Quote: وكيف الحال وكل سنة وانتي بخير |
وانت بالف خير وصحة وعافية يا ود الخليفة .. تسلم يارب
| |
|
|
|
|
|
|
Re: وَدَارْ (Re: نهلة محكر)
|
غيب في الحنين ما تفوق
ولعل الغرق في الحنين بمقدار سنين يوازي كُل الحياة
نهلة بت عمي مُحَكَر
عيدك سعيد
أمتعني هذا الحرف البديع أمتعني بحق
| |
|
|
|
|
|
|
Re: وَدَارْ (Re: ناصر يوسف)
|
Quote: كل الحروف ضلت
دربك دخل في الجُب
|
. . الجب اكثر عمقا من القبر لكن اخير يا نهلة . . ام شوائل طلعت من الجب وحكت ذكرياتها عن حياتها في الجب . . طبعا مستحيل ..... البرزخ شكرا نهلة بنيتي للكلام الدهشة وكل لما يبدو له
| |
|
|
|
|
|
|
Re: وَدَارْ (Re: نهلة محكر)
|
Quote: غيم الحزن يبراك
وجعك تشيلو براك
فك فك ضفيرة الهم
مشِّط شَعَر زهجك
قص قص شرايط الشوق
غيب في الحنين ما تفوق |
يا سلام يا نهله... صديقتي..
| |
|
|
|
|
|
|
Re: وَدَارْ (Re: naeem ali)
|
Quote: قص قص شرايط الشوق
غيب في الحنين ما تفوق
والريد درب محظور
مافيهو مين يقراك |
تسلمي يا استاذ نهلة انه من طراز السهل الممتنع
| |
|
|
|
|
|
|
Re: وَدَارْ (Re: الطيب شيقوق)
|
نظم بديع وأحاسيس مليئة بالصدق وتصوير فائق التعبير... يبدو لي أن قلمك أخت نهلة ، والغ في الإبداع بلا تحفظ ..
شكراً أخت نهلة ...وهي سانحة أنتهزها ... لأجدع بطاقة تعريفية قديمة وباهتة - مدارها الودار - على الطاولة حذو أول أقداح القهوة .. ..لو سمحتي يعني ...
Quote: دردرة...
.. تواريخك ..تباريحك تشاكيك .. وتبكي لك ودار أمسك ودار يومك ودار بكرة الموهيلك **** مواسيرك تحت زيرك تسقي الموية لغيرك وين مويتك ..وين زيتك وين بيتك وين جازك وإنجازك وجزولينك وبنزينك
*** نواعيرك .. مزاميرك تبكي الليلك في ليلك:
" ودار دومك ولالوبك ودار تمرك ونخيلك ودار قمحك وقضيمك ودار لبنك .. ودار نيمك ودار أمسك ودار يومك ودار بكرة المو هليك **** دارفورك .. دار جعلك دار شرقك دار غربك دار نيمولي ..دار واوك دار محسك ..دار بيجتك دار برك ..دار بحرك دار قصرك ودراديرك دار جدك .. ودار جيلك دار دعمك وتقديرك دار صبرك وصبيرك **** دار نصرة من غيرك دار لمة دولية دار نفشة وماشاكا دار بوجا .. يوم داكا دار حزمك .. وتتقيلك دار عسكر .. يا حليلك دار ناساً غير ناسك ودار أمسك .. ودار يومك ودار بكرة المو هيلك
****** دار زيتك وبترولك دار بخسك ونحاسك دار تبرك وترابك دار مويتك دار طينك دار زفتك وبنزينك دار نارك وتنويرك
****** ودار ..فورك ودار.. جعلك ودار .. محسك ودار.. ناسك *** ودار.. يومك ودار.. أمسك ودار.. بكرة المو هيلك ودار ..عمرك دار.. أمرك .. ودار .. أمرك عند غيرك دار..خيرك داريانكي دار ..صلحك ودار..صلحك **** دور أرضك دور طيرك دور ولدك .. دور بنتك دور مرتك دور لبنك .. دور عيرك دور.. دارك .. دور.. ديرك *** ودار.. دارك ودار ..ديرك ودار أمسك ودار يومك ودار بكرة .. المو هيلك ودار تعبك ودرديرك
11/6/2007م |
| |
|
|
|
|
|
|
|