تكرار الوجوه وتكرار الصيغة التي يقدم بها البرنامج اصابت جمهور المستمعين بالملل لا اشك اطلاقا في المقدرات التطريبة المتميزة لأي من الوجوه الاساسية بالبرنامج ولكن حتى لا يصاب المستمع بالملل والتكرار الذي افقد البرنامج كثير من محبيه, ارى ان يضم البرنامج في الموسم القادم بعض الاصوات التي تستحق ان يحتفى بها وكذلك احالة بعض اللاعبين القدامى للمعاش وافساح الفرصة لاصوات جديدة.
اولا يحال للمعاش الاجباري كل من الاتية اسماءهم
1- عاصم البنا 2- شريف الفحيل ( دي غايتو ارجى الراجيني فيها) 3- جمال فرفور والابقاء علي كل من عصام محمد نور ونادر خضر وطه الضرس
عاصم البنا يحل محله المبدع عمر جعفر شريف الفحيل يحل محله احمد مامون جما فرفور يحل محله عمار السنوسي
اما الاصوات النسائية فدي دايرة ليها شكة قوية ويحال فيها للمعاش كل من الاتية اسمائهن:
سنة سعيدة يا صاحب وان شاءالله معانا بي جاي في ايوا. اريزونا شنو ياخ ام حراية دي تعال هنا حيث اي حاجة سمحة ههههههه اما ود الصايم دا انا عارفو داير يمشي ارزونا لشنو داير يصاحب ابو صلعة ويستمتع بالصيف ...... ثم ما هو رايك يا صديقي في هذا العمر جعفر وفي تشكيلتنا التي سنرفع تقريرها النهائي لعمنا السر قدور قريبا باذن الله
11-15-2011, 04:36 AM
الخير محمد عوض الخير محمد عوض
تاريخ التسجيل: 10-25-2005
مجموع المشاركات: 3547
طيب كويس جداً جداً أنا ح اجيك من الأخر خالص من هنا :-
Quote: هل فعلا قل عدد مشاهدي برنامج اغاني واغاني بسبب ما ظل يتكرر فيه من اصوات
اما ان ( مع محمود ) كانت اقوى من تقاوم ويضحى بها من اجل اغاني واغاني !
لا ما اظن عدد المشاهدين اتراجع بس الناس زهجت و ملت لاسباب كتيرة اهمها تكرار الأغاني ذات نفسها مش تكرار الوجوه و برضو اسباب الاعلانات و القصص الميته دي . زيادة على اهم سبب هو انو البرنامج اصبح غير مبدع و غير متجدد في نواحيه الأعدادية .
يلا نجي علي كلامك واختياراتك ... شوف معاي صراحة لله كدا انا عصام البناء دا من انصاره القويين جداً جداً بس بشرط هو انو عاصم يغني أغاني الحقيبة فقط . عصام محمد نور أنا في وجهة نظري مردودو في البرنامج قله جداً جداً و يحتاج راحة و تغيير ضروري حتى يرجع لينا عصام الذي نعرفه . شريف الفحيل في وجهة نظري انو نجوميتو السريعة و تربعه في هذا البرنامج قد اضره ضرر بالغ جداً ولابد أن يتم استبعاده حتى يجد نفسه و يتألق بشكل كامل . جمال فرفور اتفق معاك بأن يتم استبعاده فمستواه ايضاً تراجع كتير و اصبح يشعرك بأنه ملّ البرنامج نهائي و يؤدي بدون نفس .
بي كدا ممكن اتفق معاك اننا نطلع عصام محمد نور و شريف الفحيل . و طبعاً تجدني اكتر خلق الله متفق معاك اننا ندخل بدلهم الصديق و الصاحب عمر جعفر و الجار الحبيب الغناي جداً عمار السنوسي فعمار و عمر من افضل الاصوات حالياً في هذه البلاد قاطبة وممكن يكون معاهم في نفس السرج اخونا و حبيبنا و الدفعة و زميل المنبر أبو بكر سيد أحمد . بخصوص أحمد مأمون جفون فهو فنان مافيهو كلام و مغني ممتاز لكني آرى ضرورة استبعاده من هذا البرنامج وعدم تقديمه لمثل هذه التجربة حتى لا يتعرض لما تعرض له شريف الفحيل. يبقي و جهة نظري انو المغنيين هم :- ( نادر خضر - طه الضرس - عمر جعفر - عمار السنوسي - أبو بكر سيد أحمد)
اها نجي علي المغنيات (قصتن قصة وحصتن حصة) طبعاً اصلاً ما ح اتذكر العملوا فينا ناس افراح و صباح السيزون الفات نهائي عشان ما يقوم علي العصبي و انضم برا من رأسي بس صباح و افراح ديل عليهم يسهل و يمهل و يمشوا طوالي يفتشوا رزقهم بعيد بعيد مننا و يقعوا الحفلات و الكاسيت و يشوفوا كان نجي عليهم . منار صديق دي يخلوها منار دي فنانة بالجد و زي ما قلته ليكم منار دي فيها حاجة كدا من بت الجيران او الزولة الدفعه الفي الجامعة او اختك المهم فيها سر و غير كدا بتعرف تغني تمام و بتحس الغناء مية المية . ربماز زولة غناية و مقعده محفوظ في البرنامج دا .
طيب يا الخير نجي للمغنيات الاخترتهم انت و هم نانسي عجاج ونسرين هندي وشموس. انا بتفق معاك في شموس ابراهيم ، شموس فنانة فنانة فنانة و تستحق انها تقعد في البرنامج دا . نانسي عجاج ابداً ما بتفق معاك نانسي دي تغني غناها البتغنيهو دا بي مزاجه هي و بي طريقته دي و ياريت تغنيهو في الحتات البيجها فيها جمهورة الخاص و ما تظهر لينا في برنامج نحنا متابعنوا و بنحرس زمنوا عشان في ناس بالجد بنلقى نفسنا مجبورين نسمعهم و ا؟حسن انها ما تكرر معانا تجربة صباح و افراح. اما نسرين هندي فيا الخير أخوي ارحم نفسك و ارحمنا و استغفر ربك ساكت .
يبقي في وجهة نظري المغنيات المفروض يخشوا البرنامج دا هم :- شموس إبراهيم - اسرار بابكر - وفي مغنية كدا اسمه ناسيهو بس جابوها في عدد من السهرات بتاعة حسين خوجلي دي زولة غناية جداً ممكن يجيبوها .
يبقى المغنيات من وجهة نظري هم :- ريماز ميرغني - منار صديق - شموس إبراهيم - اسرار بابكر.
اها يا الخير ما عندك رآي زي كدا نغير جدك السر قدور دا ؟ و الله عندي زول في رأسي قاااااعد و زول ملم وحاضر زيو زي قدور دا من سنة شخته ربنا يديهم طولة العمر .
الليلة طلعت كيشة بعد ان ظننتك سميع من طراز لا يضاهى ههههههههه
طيب يا صاحب انا برضو اجيك من الاخر كدا. نانسي دي في نظر اضاني دي انه ما مطربة متميزة بس نانسي دي صوت ملائكي ما بنقدر عليهو نحن زاتنا... دي من الله خلق الغنا في السودان ما جا صوت ( مثل الحرير نعومة ونداوة وتكسرا) زيها.... يا سفسف البتي فووووووق وانا لو ما خايف من طولة لسان صاحبي ود الصايم كنت داير ارشحها تكون براااااها بس في برنامج الموسم القادم... تقولي شنو وتقولي منو.
اما نسرين دي بس عليك الله اتخيلها شغالة دويتو مع عمر جعفر.... انييييي امنت بالله يا سفيان علي بالحلال شاشة التلفزيون زاتا حا تخش في حتة ضيقة.... عليك يا صاحب بتشنيف اذنيك المطايرات ديل باعادة كرة السمع لهذه النسرين..... غايتو دي اصصصصلي ما بتنازل ليك منها.. داخلة التشكيلة داخلة التشكيلة.
اما اخانا ود البنا يا سفيان فعلا زول غناي لكن ما عشان بغني حقيبة يقعد... الحقيبة هو بغنيها بالطريقة الاقرب لاهلها ودي المشكلة يعني القدرة التجديدية فيه ما كبيرة.... هسي شوف الباشكاتب لما يغني بدور القلعة او من قليبو الجافي لقليبي الحان بجهبظهم جهبظة السنين ليه لانه ختى فيهم نفسه هو وبصمته هو ما نفس غيرو وما بصمة غيرو..... عليه لا سبيل لارجاع عاصم .... فلستتنا اختيرت بعناية فائقة يا هذا هههههههه وااااذا اتفقت معاك بتفق معاكي احلال ابوبكر وابداله بمامون جفون وما عدا ذلك تجدني معك من المختلفين
وراجي جيتك
11-15-2011, 06:37 PM
الخير محمد عوض الخير محمد عوض
تاريخ التسجيل: 10-25-2005
مجموع المشاركات: 3547
Quote: من المناسب اضافة وجوه جديده واصوات جميله وخبيره مثل سميره دنيا
او ارجاع اسرار بابكر بالاضافة الي وجه شابه مثل عافيه حسن" ثلاثه كفايه"
لا اؤيد الابقاء علي عصام محمد نور بل الابقاء علي عاصم البنا لحفظه لكل الاغاني القديمه والحقيبه
وصوته المتميز واداءه القوي بعكس عصام محمد نور بادائه الضعيف رغم جمال صوته
الابقاء علي طه سليمان ونادر خضر وازاحة فرفور لعدم جديته في الاداء
اؤيد اضافة صوت متميز وجميل واداء سليم مثل
ابوبكر سيد احمد
مقترحك قريب من مقترح طه لكن نحن دايرين نعمل ترميم في الاول وبعدين نشوف الطريقة التي يمكن بها تقديم البرنامج بصورة جاذبة لجمهور هذا البرنامج الذي بدأ في الانحسار الشديد اما بالنسبة لاضافات الفناين الذين ذكرت فسنضمهم للقائمة الى ان ترسى علي التصفية الاخيرة ونقوم بعدها لرفع التقرير لعمنا السر قدور ودي والله انا جادي فيهاساخاطب عمنا السر قدور سخسيا واطلعه علي راي لفيف مقدر اجتمع في منتدى سودانيز اون لاين وواجمع علي هذا التصور المحدد ونشوف رايو بعدين.
Quote: اها يا الخير ما عندك رآي زي كدا نغير جدك السر قدور دا ؟ و الله عندي زول في رأسي قاااااعد و زول ملم وحاضر زيو زي قدور دا من سنة شخته ربنا يديهم طولة العمر .
الزول دا منو يا سفيان احتمال يكون نفس الزول الخاتيهو انا في راسي
____________________________________
صبري يا حريف
11-17-2011, 07:28 AM
ياسر السر ياسر السر
تاريخ التسجيل: 08-06-2010
مجموع المشاركات: 3204
اخونا الخير كل سنة وانت طيب وربنا يحقق امانيك ،،، ياخ برنامج اغاني واغاني ده كثر فيه الجدل والحديث في الفترة الاخيرة لكن لا يضر إذا تحول البرنامج لحلقات توثيقية للغناء السوادني لانو في جيل جديد لم يسمع بالملهمة ولا بطيور السلام ولا بالعزيزة ولا بهوج الرياح ولا بلون المنقه ولا بيا حنوني ولا بيا عيون المها يا عيون ولا بوطن الجدود انا هنا ولا بخاف من الله على قلبي ولا ولا ولا ببب .... الخ ،، فانا اؤيد ان يتغير البرنامج لعمل توثيقي لكي لا يضيع هذا الفن والتراث السوادني الجميل والاصيل ،،، وانا ما عايز اقترح بان يتم إزاحة فنان معين وهذا شي انا لا اقدر ان افتي فيه ولكن انا ارشح لكم بعض الوجوه والاصوات التي لو اتيحة لها الفرصة في هذا البرنامج سينال حظه من المتابعة المتواصلة من الجمهور بعد ان فقد كثيرا من محبيه ومعجبية ومتابعيه والاسماء هم :
1- الاستاذ صاحب الصوت الطروب الفنان عمار السنوسي ( فعمار مدرسة في التطريب الجميل وصوته جميل لابعد الحدود ) 2- الفنان الشاب ابو بكر سيد احمد ( صاحب امكانيات صوتيه عالية وجميلة وله ايضا تطريب خاص ) 3- الفنان المبدع والمظلوم اعلاميا ياسر عبد الوهاب جابر ( ياسر سيد خليفه ) ( ياسر فنان ملتزم و متمكن جدا من صوته ومن اداءه ) 4- الفنان المبدع ياسر تمام فلا مانع ان يضيفوه في هذا البرنامج لأن ياسر ايضا له لونية خاصة واداء متميز ويحفظ الكثير من الغناء الجميل
وهذه مجرد اقتراحات اما الاصوات النسائية فاتمنى ان تظل ريماز ميرغني بإضافة اسرار بابكر ومطربة ايضا لا اذكر اسمها ولكن على ما اذكر مين كده فتحي ...
ولك التحية ولكل المتداخلين الكرام ...
ياسر العيلفون
11-17-2011, 08:05 AM
الخير محمد عوض الخير محمد عوض
تاريخ التسجيل: 10-25-2005
مجموع المشاركات: 3547
وفيما يبدو ان الرؤية العامة بتصب في خانة تغيير طريقة تقديم المادة نفسها وزي حاصل اتفاق انه يكون برنامج ذات ملامح توثيقية لكن اختلافي مع هذه الرؤية سببه انو البرامج التوثيقة الاتناولها التلفزيون كانت كتيرة ومثال لذلك (ايام لها ايقاع) و ( اسماء في حياتنا) وهذه البرامج تطرقت لكل ما يمكن ان يتطرق له (اغاني واغاني) وكدا بكون البرنامج اعاد انتاج افكار طرقت قبلا وتم تناولها و ( اغاني واغاني) برنامج فكرته الاساسية بتستند علي الغناء بينما انو البرامج التوثيثة فيها ( نقة) وكلام كتير عشان تعرض لجمهور المشاهدين معلومات تاريخية لمغني او كاتب او اديب وبكدا بنكون نسفنا الفكرة الاساسية البتأسس عليها البرنامج... المهم هو طرح ومشروع جيد للمحاورة.
اما فيما يختص بالقائمة الاوردتها هي نفس القائمة التي تطرقنا لها قبلا بس انت اضـفت الياسرين ( ياسر تمام) و ( وياسر عبد الوهاب) وهم طبعا ما فيهم كلام بس بالنسبة لياسر تمام ما اظن انه حا يكون اضافة نوعية للبرنامج لانه حا يكون كوبي بيست من عاصم البنا ياسر فنان ما عنده مقدرة التلوين الصوتي ياهو صوت وااااااحد يعني ياسر ما بقدر علي الغناء الحديث واذا غناهو بغنيهو بصوت اهلنا ناس الحقيبة يعني القدرة التجديدية عنده ضعيفة جدا لكن خامة صوته في محدودية لونها دي ممكن نعتبرها خامة جيدة لكن لا اظن انها ستفيد البرنامج كتير
اما اخانا ابوبكر سيد احمد فيبدو انه في اجماع عليه ( سمعت مرة اشادة الهرم الكبير محمد وردي به) ووردي في قصص الغناء دي معروف ما بجامل
ونقوم نختم مداخلتنا دي بــ : ياناس انتو وين انتو
وتسلم يا ياسر يا ود العيلفون
11-17-2011, 03:56 PM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
الليلة طلعت كيشة بعد ان ظننتك سميع من طراز لا يضاهى ههههههههه
طيب يا صاحب انا برضو اجيك من الاخر كدا. نانسي دي في نظر اضاني دي انه ما مطربة متميزة بس نانسي دي صوت ملائكي ما بنقدر عليهو نحن زاتنا... دي من الله خلق الغنا في السودان ما جا صوت ( مثل الحرير نعومة ونداوة وتكسرا) زيها.... يا سفسف البتي فووووووق وانا لو ما خايف من طولة لسان صاحبي ود الصايم كنت داير ارشحها تكون براااااها بس في برنامج الموسم القادم... تقولي شنو وتقولي منو.
اما نسرين دي بس عليك الله اتخيلها شغالة دويتو مع عمر جعفر.... انييييي امنت بالله يا سفيان علي بالحلال شاشة التلفزيون زاتا حا تخش في حتة ضيقة.... عليك يا صاحب بتشنيف اذنيك المطايرات ديل باعادة كرة السمع لهذه النسرين..... غايتو دي اصصصصلي ما بتنازل ليك منها.. داخلة التشكيلة داخلة التشكيلة.
اما اخانا ود البنا يا سفيان فعلا زول غناي لكن ما عشان بغني حقيبة يقعد... الحقيبة هو بغنيها بالطريقة الاقرب لاهلها ودي المشكلة يعني القدرة التجديدية فيه ما كبيرة.... هسي شوف الباشكاتب لما يغني بدور القلعة او من قليبو الجافي لقليبي الحان بجهبظهم جهبظة السنين ليه لانه ختى فيهم نفسه هو وبصمته هو ما نفس غيرو وما بصمة غيرو..... عليه لا سبيل لارجاع عاصم .... فلستتنا اختيرت بعناية فائقة يا هذا هههههههه وااااذا اتفقت معاك بتفق معاكي احلال ابوبكر وابداله بمامون جفون وما عدا ذلك تجدني معك من المختلفين
وراجي جيتك
اهو جيتك لووووووووول و لا ح اتغالط معاك ابداً لانو مسألة السمع و الزوق دي مسألة متفاوته من واحد للتاني لكن بشكل خاص أنا نانسي عجاج دي ما بسمعه نهائي مش عشان ما عايز او بكره او كدا لا لا نانسي دي انا حضرته ليها 4 او 5 حفلات لايف (السودان - القاهرة) و وصلته لقناعة شخصية أني ما اسمعه نهائي و لو حصل أني سمعته فيبقي صدفة و صدفه ابداً ما سعيده . السبب ببساطة اني سمعتها بتغلط في اغنية الجابري (ما نسيناك) بتغير كلمة و بتخت بدله كلمة من رأسه هي الشاعر ما فكر فيها و لا قاله و الحركة دي عملته في حفلتين و تاني سمعته بتغلط في اغنية الكحلاوي (شقي ومجنون) و بتردد كلمة مرتين الكحلاوي ما بردده ابداً بل الكحلاوي بقول الكلمة و ياتي بكلمة تانية مغايرة لكنها تدي نفس المعنى والمفهوم و برضو سمعتها بتعمل الحركة دي في حفلتين و في كاسيت ، ومن الوكت داك قررته ما اسمعه . بختلف معاك نهائي في انو نانسي افضل صوت نسائي مرة على السودان فيا عزيزي الخير قصة القياس الزي دا قياس غير مبني على حقائق علمية و اهو ممكن اقول ليك فهيمة عبد الله من اجمل الاصوات المرت على السودان و انو نانسي عندها ضعف قوي في صوتها لذا نجدها تتحايل عليه بالفايبريشن و الاستلاف و دي نقاط تحسب لصالح نانسي طبعاً لانو هي عارفه تمام امكانية الضعف عندها وقادر تسيطر عليها .
بخصوص نسرين ... اصلي ما بناقشك ههههههههههه موت موتك و قوم لف .
بخصوص عاصم البنا يا سيدي عاصم دا انا ما عايز اخليهو ساكت كدا لا عايز اخليهو لانو عاصم بالجد بيغني الحقيبة وحافظه بشكل رائع بعدين البرنامج دا يا الخير ما برنامج للتجديد في الاغاني البرنامج دا للزكريات و لترديد الأغنيات و عاصم افضل من يفعل ذلك في مجال الحقيبة حالياً.
Quote:
الزول دا منو يا سفيان احتمال يكون نفس الزول الخاتيهو انا في راسي
هم تلاته يا الخير و اصلي ما بقول ليك الفي نفسك لكن رايك شنو مثلاً في عمنا ميرغني البكري ؟
محبتي التي تعلم .
11-17-2011, 04:36 PM
omer osman omer osman
تاريخ التسجيل: 06-09-2007
مجموع المشاركات: 15218
ترشيحاتك يا صديقي جيدة فيصل الصحافة والطيب مدثر فنانين رايعين مافي كلام لكن الناس ديل رغم سنين الله البغنو فيها دي الا انه من الواضح تماما بانه حضورهم غير جيد في التعامل مع الكاميرا وما اظن فيهم نفس وروح البرنامج دا.... عندي احساس انهم النوع البكون مصرصر وشو داك لما يكونو بسمعو في فنان تاني يعني ما رشيقين بصراحة كدا بس غنايين والله مافي اتنين تلاتة انا شخصيا لا استطيع ان اعيش اسبوع كامل من غير ما اسمع ( العزيزة) وللا ( الصورة) بصوت المبدع الطيب مدثر....... اما نسرين فيا صديقي مافيش اي كلام عشرة علي عشرة.
تحيتي يا حبيب وتشكراتي للمساهمة
11-17-2011, 08:35 PM
الخير محمد عوض الخير محمد عوض
تاريخ التسجيل: 10-25-2005
مجموع المشاركات: 3547
Quote: السبب ببساطة اني سمعتها بتغلط في اغنية الجابري (ما نسيناك) بتغير كلمة و بتخت بدله كلمة من رأسه هي الشاعر ما فكر فيها و لا قاله و الحركة دي عملته في حفلتين و تاني سمعته بتغلط في اغنية الكحلاوي (شقي ومجنون) و بتردد كلمة مرتين الكحلاوي ما بردده ابداً بل الكحلاوي بقول الكلمة و ياتي بكلمة تانية مغايرة لكنها تدي نفس المعنى والمفهوم و برضو سمعتها بتعمل الحركة دي في حفلتين و في كاسيت ، ومن الوكت داك قررته ما اسمعه
تعرف يا نابري سببك دا بتاعا انك خليت سماع نانسي عشان بتلت وتغير بعض كلمات الاغاني دا سبب زي الكديسة لما قالت للفار ما تكتحنا وهم في مركب في وسط البحر ههههههههه. يعني اديتني احساس انك اصلا ما ردتها وقمت لقيت ليك سببا تبستفها بيهو..... يا سفيان ( الحوت ) الحوووووت اكتر زول في الدنيا بلت وبغير كلمات الاغاني وشوف جمهوره ومحبيه واظنك انت احدهم.... طبعا دا ما تبرير لانه الفنان يغير كلمات الاغاني عشان محمود بغيرها بس يعني مو سببا كدي قوي بخليك تحرم نفسك من امتاع اذنيك بتغريد هذه العصفورة التي في النافورة ههههه....
ودي الكثيف
11-18-2011, 00:43 AM
الخير محمد عوض الخير محمد عوض
تاريخ التسجيل: 10-25-2005
مجموع المشاركات: 3547
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
الخير محمد عوض
haroon diyab
سفيان بشير نابرى
ياسر السر
omer osman
فيس بوك
تويتر
انستقرام
يوتيوب
بنتيريست