|
|
|
 Re: يا صحيفة(الاحداث)ما ينشر بزاوية(كلام فارغ) فعلا كلام فارغ (Re: صبري طه)
|
كل سنة وانت طيب يا اخ صبري
| Quote: ممكن أمثلة لما يكتب بهذه الزاوية ... |
أمثلة لما يكتب دي ما عندي زمن ليها
لكن فكرة الزاوية هي مقتبسة من فكرة زاوية (شارع الصحافة) في صحيفة التيار
حيث تنشر فيها ما يدور من همس وكلام في اوساط الصحفيين والسياسيين من اخبار واقاويل
لا توفرها لك المصادر الرسمية للخبر
فكما قلت اول من سن هذه السياسة هي صحيفة التيار وما زالت حتى اليوم تحت عنوان (شارع الصحافة) وعادة تنشر في اخر صحفة
وللامانة صحيفة التيار سارت فيها بي مهنية عالية جدا
للدرجة التي اجبرت فيها صحف اخرى على ان تختط لنفسها مثل تلك الزاوية
مثال ما اقدمت عليه صحيفة السوداني بنشره تحت عنوان (في الشبكة)
وصحيفة اخر لحظة تحت عنوان (بيت الاسرار)
وصحيفة الانتباهة تحت عنوان (همس وجهر)
واخر من لحق هذا الركب هي صحيفة الاحداث
تحت عنوان (كلام فارغ)
وفعلا هو كلام فارغ لا يمت لمهنية الصحافة بصلة
ولا تضاهيها في هذا البؤس والفشل غير ما تنشره صحيفة اخر لحظة تحت عنوان (بيت الاسرار)
والاخيرة الكلام البتنشر فيها داير ليه بوست براه
لانو الكلام الفيها بس ياهو كلام القوالات والمشاطات(مع احترامي لمهنة المشاط)
واسلوب كتابته يصيبك بالاغماء عديييييييييييل
| |
  
|
|
|
|
|
|
|
|
Re: يا صحيفة(الاحداث)ما ينشر بزاوية(كلام فارغ) فعلا كلام فارغ (Re: Hussein Mallasi)
|
يا حسين ملاسي
سلام.... مع انك ما سلمت علي
وكل سنة وانت طيب... مع انو ما عيدت علينا وكده
المهم
نجي للتعليق بتاعك
صحيفة التيار نجحت في انها توطد لفكرة الزاوية البنتكلم هنا
وكتير منا يمكن (وانا ميادة منهم)لمن يشتروا الصحف الان بقو اول ما يشتروا التيار والسوداني اول شئ ببدوا يقروها من (زاوية الصحافة) و (من الشبكة)
حتى بعد داك بنقلب الجريدة ونرجع نقراها من الصفحة الاولى
ولا يختلف اثنان انو صحيفة التيار لحدي الان من بدات في نشرة تلك الزاوية
لم تنشر مهاترة او كلام خاص خارج اطار المهنية
وكما انو كتير من التسريبات اللي نشرتها في تلك الزاوية كان صحيحة بل واصبحت سبق صحفي
وما نشيت لعناوين في صحف اخرى في اليوم التالي
ويحمد على صحيفة السوداني انها نجحت في ان تحذو حذو التيار في تلك الزاوية
طبعا ملاحظة ليك متحامل على صحيفة التيار حبتين
لكن لو عندك ملاحظة موضوعية
اغير بيها تفكيري تجاههم
جيب العندك
| |
|
|
|
|
|
|
|
|
|
Re: يا صحيفة(الاحداث)ما ينشر بزاوية(كلام فارغ) فعلا كلام فارغ (Re: Hussein Mallasi)
|
| Quote: ولا يختلف اثنان انو صحيفة التيار لحدي الان من بدات في نشرة تلك الزاوية |
ميادة.. كل عام وانتي بخير
عشان ملاسي مايشمت فيك، انا بختلف معاك في الحتة دي..
نعم التيار نشرت بعض الامور الشخصية، لكنها عادت وصححت تجربتها
وتوقفت عن نشر اي تهاتر او شئ شخصي.. طبعا دا محمدة للتيار لانو اي تجربة تقبل الاخطاء..
لكن قليل من يقر بخطائة ويصححو
ملاسي ما واحد منهم... على الاقل لحدي الآن
ملاحظة:
ملاسي لا يفشي السلام ولا يقول كل عام وانتم بخير
ربما ما عندو زمن لحاجات زي كدا
| |
|
|
|
|
|
|
|
|
|
Re: يا صحيفة(الاحداث)ما ينشر بزاوية(كلام فارغ) فعلا كلام فارغ (Re: على ميرغني)
|
Quote: عشان ملاسي مايشمت فيك، انا بختلف معاك في الحتة دي..
نعم التيار نشرت بعض الامور الشخصية، لكنها عادت وصححت تجربتها
وتوقفت عن نشر اي تهاتر او شئ شخصي.. |
وانت طيب يا اخ على
ما نشرته التيار من امور شخصية
لا يرتقي الى المستوى الموغل في الضحالة اللي ما زالت تستمري فيه صحف اخرى مثل اخر لحظة
متخطية من خلاله الخطوط الحمراء اللي تفصل بين اخبار المسؤولين الشخصية باعتبارهم شخصيات عامة
وبين تفاصيل امورهم الشخصية اللي ينهي عن خوضها دينا الحنيف
| |
|
|
|
|
|
|
| |
mayada kamal
Hussein Mallasi
MOHAMMED ELSHEIKH
فيس بوك
تويتر
انستقرام
يوتيوب
بنتيريست