|
|
 الشاعر محمد عبيد الفاضلابي
|
http://www.watchfomny.com/A-Tv-Soudan.php
شاعر ممتاز شاهدوه علي الشروق
اعيب عليه وعلي مقدم الحركة عدم الانتباه لما ادخله في القصيدة من لغة نوبية وصفها لهجات
وهي لغة اصيلة مثل لغات السودان الاخري مع العربية وعاميتها
اتمني من شاهد الحلقة وضعا
وهنا اتمني من الشاعر الفاضلابي الانتباه للفرق بين اللهجة واللغة
تحياتي الطيبة له واستمتعت بجمال صورته الشعرية ورمزيته وحسن القائه
|
|
 
|
|
|
|
|
|
|
|
Re: الشاعر محمد عبيد الفاضلابي (Re: Sabri Elshareef)
|
الطندية
محكومه بالاعدام شنق
قاضيها من نسج الخيال
شنّاقه ................ من ناقه وحصان
الطندبه الموزونه من قوس الفنون
الشاتيه صيف
الناصحه فى دعو النبات
رمق التوافيد البحد رص الدفين المنطلق
هيكل زمام السر تحدثبو المعابد والعيون
شرفة تلاوين الرسوم
للموضه والغصن المحّسن والبكاء
ما فيشه فى سقف البيوت
تلقاها فى
سقف القصايد....طندبه
اشكالها فى يوم القصاص:
لون الرصاص ما....
ذى تلاوين السنابل
والحبل... مبروم من اليافها الغزيره
وجمله من ناسها بتنق
سألونا: وين المحكمه؟
وشنو القضيه المولمه المرفوعه ضد المتهم؟
النيل رفض مرقت مياءهو على الارض
أبت السحابات النزول
نقصة فصول العام فصل
اتلمت الجهله وبكت عين البهايم وسرّبت فينا الحنين
جّلينا من حكماً قديم
ووقعنا فى حكماً اليم
اشمعنى ما بدت المداوس منم هنا ؟
اتلم فى اللون الغناء
وجواب دموع الغايبه بسأل عن ...
مزاد لوحه وطبق
ما....
كلنا الودران وواقف جوّه فيك
مستنى جيتك رسمى
شان
يتوزع............. السيف والدرق
لا اكلنا يوم
لا نمنا كوم
لا صحوه لا اتلمينا قوم
لا شفنا ضوء لا ضلمه شان نعرف نحوم
القاضى والجلاد
مكّتف فينا سرساراً يصوم من السكوت
من صباحاتنا البيض
الفاق كتل فينا النفس
الخايف المندس يحرّش فى الضياع
حاحا ويشّرك للضماير فى البيوت
ود ال............
حنود
ما أظن مظالمنا بتفوت
عن كل عقلاً جّل فى التفكير يسوط
وما أظن بكاء البنّوت
بيجرح فينا احساساً يموت
اتندل الهم فى الهموم
واتبشكر الليل السموم
واتلفّح الشارع الوجوم
نّبه النباه وضوء
ضوءت الشمس الهجوم
اتفتّحن بيبان محاكم الطندبه
وخّشت الناس النقاش
حّضروا الورق البدين القصه والنهج الغريب
حضّرنا نحنا عصينا ياخ
قنالا : عيب
جهّزوا القاضى البرتب للقصاص
جهّزنا حالنا
وشلنا فى جوانا ساس
قنالا: يا ام المحاكم كضبى
وسيبى الاصول فى حالها
ما تهبشيلنا زول
الطندبه المتهمه بى عدم التكاثر والشتول
قطعت لسانها الاغنيات
والمحكمه
اتهزّت تحوم جوانا ما لقت الثبات
الطندبه الزهد المخّمر من رحاب النافله
لى ارث التعادى على المعادى المحزنه
ماسوس خفوت الجدعه
يتلقّف تفاهات الشهاوى الواهنه فى عصمت خراب
نفس المحاصيل التنيص
لى كشة الندى واليباس
شن دلّ ديل ؟ قصبونا لى دّق النحاس
بندق على عكس الكلام
واللحن ساعة يبقى خاص
الطندبه الموعوده بى دعوة خلاص
ميدان بنات الحله فركه
وقطعه قبلانه الدواس
بندوس تحت ما يدوسوا فوق
المحكمه المصنوعه طوق للعامه فرّتاكا الدباس
جّل الكضب نهج الكضب
شيخ منصر الراكوبه
طّق من الزعل
فى المحكمه
اتطاير ورق
كل المعانى السمحه وال######انه..طق طق طق طق طق طقطق سريرك يابلد
خّلى السبق
خير الدراويش اليفيض
مكتوب زياده على الصفق
والباقى من سعر الذوات
قّلايه فى فصل المحاور والجنين
انسانى ما دّمع براو
وحيات غناك فنان مجّرتق بى غناو
قدّامى ذى خلّاك وراو
ما سكتين,,
1- سكة مراسل وانتفاض
2- وسكة محاسنا العراض
غشّاشه يا نسل الجراد
كل الوفود
الشارده من سخن النزيف
تلقانا كيف؟
ما نحل رباط المشنقه
وقلبت بقت غنّايه
غنّت لينا غنيات الفكاك المطلقه
الطير عقد عزمو ورفس
معنى المناصب
طلّقه.....
قلع الهدوم الخدره جدّعها فى المسيد
يا سيدنا هوى؟
يا حى وحى
يا حى وسيد
قنالوا جّدعها فى الجريد
قال لينا خلوها بتبيض
الطندبه الزرع الخصيب
بت موعد الشهر البصارع للوساع
غنية انابيب الشعاع
ارتاحى
حرّقنا المكان
كسّرنا فيو المطرقه
دلّينا من سدرك..... سوأل الازمه شقّنا المروق
وحلينا حبل المشنقه
دّلينا من سدرك سوأل الازمه
شققنا المروق
وحلّينا
حبل المشنقه
مع شديد احترامى لكم
محمد
عبيد
الفاضلابى
6-7- 2004م
من بوست قديم للصديق علاء الدين نصار
و نواصل...الاحد 22/8 و الشاعر الشاب محمد عبيد الفاضلابي
| |
|
|
|
|
|
|
|
|
|
Re: الشاعر محمد عبيد الفاضلابي (Re: سفيان بشير نابرى)
|
الاخ الاستاذ صبرى الانيق الشريف
ــــــــــــــــــــــــــــ:
اولا:
شكرا على حسن المتابعه العمليه والعلميه
وشكرا على الانتباها الكامله والصادقه ما يخص خطأ ارتكبناهو فى زحمة الحديث عن شأن اللهجه واللغه
وانا طبعا سعيد جدا بالاشاره واسطتك للموضوع اعلاه.
الامر الثانى:
اللغه أو اللهجه... فى السودان وهذا واقع ولنا منه نمازج, كثير من الناس بيفتكروا انو اللغه البتتحدث بيها مجموعه من القبائل والاجناس أو مجموعه من الامم فى السودان ان لغاتهم لهجات وهذا غير صحيح... على سبيل المثال لغة الامم النوبيه فى شمال السودان هى عباره عن لغه كامله فى زواياها وقانونها وقواعدها... ولغة اهلنا الدينكا فى السودان القديم هى لغه ناضجه بذات خصوصيات وامتيازات الاخيره.
ولغة الامم الاخرى من الشرق(شرق السودان) هى ايضا لغات ذات صله بالموضوع ولها شخصيتها وقواعدها ايضا... ومن وجهة نظرى اننى ارى ان اللغه فى الاساس هى اداة من ادوات التعبير عن كل حالات وكتل الاشارات الكثيفه واللطيفه التى تتواتر بتبايناتها داخل الانسان.. ما يجهله ناطقا ومعبرا عن حاله باللغه التى تعلمها فطره ومارسها معرفيا فى سياق التطور العلمى فى اشكال الدراسه أو الممارسه الخ. اكثر من ذلك فان اللهجه ايضا ذات صله ولا تنفك ان تكون موازيه تماما لما ذكر.
لكن الفرق بين اللغه واللهجه هو ان اللغه ان كانت عربيه أو غيرها من اللغات الاخرى امثال اللغه النوبيه او لغة البجا او لغة الامم النيليه وغير النيليه امثال( الكاكوا, الاندقو, الكريش, الزاندى, والمورو,والبلندا, والاشولى واللاتوكما والمندو والدينكا والشلك والنوير) كل هذه القبائل فى مختلف جهاتها الجغرافيه وتبائنها الاثنى والدينى والجنسى وتباين اللغه بينها , ان لغة تعبيرها لغه قواعد وضوابط لغه موروثه وليست مشتقه ولا مؤلفه عن مقتبس وليست مقتبسه, انها لغات تحمل كل مضامين اللغه الكامله وهى لغات مكتوبه ومحفوظه ولنا نمازج عنها.
اما اللهجه فهى فى العاده مجموعه من المشتقات ان صح التعبير, واعنى هنا ان اللهجه (اللهجه) كلمه غير منتميه الى لغه معينه وهى غير مضبوطه فى اتجاهاتها بمعنى من كل لغه يمكن ان تكون هناك لهجه تعبر عن اللغه نفسها, وهى قد تكون( اللهجه) ذات فوائد عديده تخدمم خطوط اللغه الامه, فمثلا ... الاختزال اسهل ما يكون استخدامه باللهجات التى تعبر عن لغه معينه يرجى منه الاختصار.
انا اعترف اننى وقعت فى خطأ غير مقصود ولكن هذا هو تقديرى التقريبى لمعرفتى القليله فى هذا الاتجاه.
وانا اشكر جدا حسن المتابعه وطريقة التعبير خاصتك فى تناول الامر.
مع تقديرى لعرفانك وعظيم الامر.
اخوك محمد عبيد الله الفاضلابى.
ولا يفوتنى ان اشكر فى ذات الزاويه اخى وصديقى الجميل سفيان بشير على التوضيح والمتابعه ايضا
| |
|
|
|
|
|
|
|
|
|
Re: الشاعر محمد عبيد الفاضلابي (Re: Tumadir)
|
الاخ الشاعر محمد عبيد الفاضلابي
تحية احترام واعجاب بالقصيد الذي يدخل للقلب والعقل
سعيد بطلتك وبالله خليك قريب ابقي ركيزة للمنبر مع شعراء وشاعرات
المنبر في طليعتهم الاستاذ فضيلي جماع والاستاذ بشري الفاضل
والاستاذ اسامة الخواض والاستاذه صفاء فقيري والاستاذه اشراقه مصطفي
والاستاذ محسن خالد والاستاذ عثمان بشري واخرون واخريات
خليك قريب ويا ريت لو تنزل قصائد الحلقة اياها
لك الحب والسلام
| |
|
|
|
|
|
|
| |
سفيان بشير نابرى
Tumadir
فيس بوك
تويتر
انستقرام
يوتيوب
بنتيريست