|
|
|
 Re: أعرف أنواع الشطوط قبل الأمور تجووووووووووووط... والله صحي (Re: maman)
|
ات عا رف يالبشارى الشطه دى انا استغرب الناس بتاكله كيف
الشطه هى التى تهزم الصديق عندما يقصد الوجهه التى تعرف
والكلام بكره فهى التى تعوس عوسه احححححححححح
اررررر طوووووووووووووت اها فى داعى للكلام دا
فى بلدا فيها الحمام معدوم دى نصيحه لى ناس السودان العندم
مراجعه والناس الماشين السوق
| |
 
|
|
|
|
|
|
|
|
Re: أعرف أنواع الشطوط قبل الأمور تجووووووووووووط... والله صحي (Re: maman)
|
Quote: الخواجة الشايفنو في الصورة دا إسمو بروفيسور ويلبور سكوفيل وللعلم فقد كان متخصصا في علم الكيمياء. الخواجة نحت مخو وعمل مقياس لحرورية الأنواع المختلفة من الشطة والمقياس سموه مقياس سكوفيل وذلك في عام 1912. يعني كل بلد بتزرع شطة مفروض تشوف فيها كم وحدة سكوفيل وزي ما إنتو عارفين كلما كانت الشطة حارة كلما سعرها زاد. أقل الأنواع حرارة هي الفلفلية الخضراء ومقياسها صفر. وأعلى نوع شطة أداها مليون وحدة واسمها شطة ناقا جولوكيا وعندها لقب كمان وهو شطة الشبح.بالمناسبة النوع ده غالي جداً والأهم أنه لامن تشتريه مرفق مع العبوة إقرار بإخلاء مسؤولية الشركة المصنعة عن أي أضرار تلحق بآكلها لازم توقعه ويعاد للشركة. إنتو قايلين الشطة هيني ولا مقطوعة ليني؟
بالنسبة لي أنا أعتقد إنو شطة الجناين عندنا وكذلك شطة جبال النوبة هي أحر شطة لكن ما أظن في زول عرضا على الخواجة عشان يعرف كم وحدة عندها... بالله عليكم هسع دا علم ولا فياقة خواجات؟ |
مامان شكرا على الرابط والاضافة المميزة للموضوع
وكل سنة وأنت طيب
| |
|
|
|
|
|
|
|
|
Re: أعرف أنواع الشطوط قبل الأمور تجووووووووووووط... والله صحي (Re: الامين موسى البشاري)
|
اللمين البشاري
العيد مبارك عليك
.
.
يا اخوي ات اتحنكشت على كبرك
شطة شنو ام قزاز دي
دي طماطيق وعواليق ساهي
يا اخوي الشطة قبانيت
ولا بديل للقبانيت الا القبانيت
وجبتي المفضلة لقمة بريدة ( يعني بايتة يا متحنكش ) بموية وملح وشطة قبانيت
ولو لقيت ليها بصلة ومكادة تدي ربك العجب وما تدي الجبنك تجيب ليهو طماطيق
.
.
ما تسمعوا كلام القزاز الفاضي دا اللكل من احفظوا في القزاز ابقى عولق
قبانيت من شوالا تاجرا اعبي واقح ... كح كح كح ... داير منها كم ؟
.
.
قال مؤخرة قال .... اسع من اسما دا باكلا .... تاكل الحمت رمت
.
.
كنا موظفين بنوك بنقول للزبون السلفة زي الشطة اكلا حلو لكن طليعا حار
.
تحاياي
-------------------------------
قبانيت بلدا ولا مؤخرة زمبابوي
| |
|
|
|
|
|
|
|
|
|
Re: أعرف أنواع الشطوط قبل الأمور تجووووووووووووط... والله صحي (Re: الامين موسى البشاري)
|
سلام ياللمين وكل عام وأنتم بخير
الأيام دي خاشي لي في مزاج شطوط ولميت ليك في النوع ده
معليش الصورة صغيرة لكين اسمها ناندوسNandos، والاسم لمطعم جنوب أفريقي مشهور، بقدم وجبات chicken خرافية جداً اسمها Nandos's Peri-Peri Flame-Grilled Chicken صحية جداً وأروع من الروعة لمحبي الدجاج.
للأسف المعطم ما عندو فرع في الشرقية (الدمام والخبر) لكن على ما أعتقد عندهم فرع في الرياض، حاول شوف موقعهم بتلقى خبر ولو لقيتو، زوروا ما بتندم، أو على الأقل جرّب شطتهم دي وأدعي لينا.
بالمناسبة السعر حنيّن. وأنا والله بشجع الناس عليهو لأننا نسمع المطاعم الأمريكية واليابانية وووو الخ أول مرة الواحد يلقى ليهو مطعم من دولة أفريقية بالحلاوة والرواج ده،
| |
|
|
|
|
|
|
|
|
 Re: أعرف أنواع الشطوط قبل الأمور تجووووووووووووط... والله صحي (Re: نادر)
|
Quote: شطة شنو ام قزاز دي
دي طماطيق وعواليق ساهي
يا اخوي الشطة قبانيت
ولا بديل للقبانيت الا القبانيت
|
ود البوش: والله صحي
وفي واحدي تاني، شِنو كدي طير، مِنّها والشفخانه
ـ
اللمين،
فيييي ضُمِّتك البوست ده كُت ناوي قبل العيد ولّه بعد حَصلّك ما حَصَل لي أخونا حسن الشايقي قَبُل ده ثمة عيد شطوط؟ إن بقيت ناسي، المحرب لمحتو هني،
-
سؤال لي جنا البوش:
إت الْحِمِتْ رِمِتْ ده يَشِنو؟
المطرطش
| |
|
|
|
|
|
|
|
|
|
Re: أعرف أنواع الشطوط قبل الأمور تجووووووووووووط... والله صحي (Re: محمد عبدالرحمن محمد)
|
Quote: سؤال لي جنا البوش:
إت الْحِمِتْ رِمِتْ ده يَشِنو؟
|
مصري دخل محل فواكه قال لصاحب المحل
عايز كيلو برتآل واتنين كيلو بستوني
الولد نادي المعلم الكبير .. يا معلم الزبون بقول
عايز كيلو برتآل واتنين كيلو بستوني
المعلم قال للزبون : برتآل يعني اييييييه
.
.
محمد عبدالرحمن كل عام وانتم بخير ياخي
زولك المطرطش دا بدل اعمل دعاية لشطتنا وملحتنا وادعو المغتربين
لشارع غبيرا العام عشان اشتروا الشطة والويكة والحرجل وام شعيفة
وايضا كذلك الحمت رمت اقوم اسوي دعاية للعولق دا
ناس اصلوا ما بتعرف تسوق منتجاتها .. والله صحي
| |
|
|
|
|
|
|
| |
الامين موسى البشاري
باسط المكي
maman
خالد المحرب
Dania Elmaki
أيمن مبارك أبو الحسن
عبدالله ود البوش
محمد عبدالرحمن محمد
معاوية المدير
فيس بوك
تويتر
انستقرام
يوتيوب
بنتيريست