|
|
 تحالف كاودا وخطير لو نجح مشكله لو فشل مشكلتين الحل شنو طيب
|
فى البدء فكره ممتازه انو جميع حملة السلاح يتحدو فى تحالف واحد ضد النظام يعنى لو فى تفاوض ماحيكون منفرد يكون جماعى
حل سلمى
لو حل عسكرى وتانى يوم وصلو الخرطوم والضرب حصل وسقطت الانقاذ هل هناك اليه تحكم افراد جيش كاودا بعدم التعرض لاملاك الغير وتوفير الحمايه الكامله للمواطنيين
لو فشل هذا التحالف حيبقى اكبر مشكله السلاح حيكون عند كل مواطن فى الشارع
الحل شنو
الانقاذ قالت نحنا جبناها بالسلاح والعاوزه اجى اشيله بالسلاح لكن نحنا مانجى بالسلاح نجبرهم يمشو زى مامشى عبود ونميرى
فى راى الشخصى مافى حل غير الشارع
|
|
  
|
|
|
|
|
|
|
|
Re: تحالف كاودا وخطير لو نجح مشكله لو فشل مشكلتين الحل شنو طيب (Re: محمد عادل)
|
| Quote: لو حل عسكرى وتانى يوم وصلو الخرطوم والضرب حصل وسقطت الانقاذ هل هناك اليه تحكم افراد جيش كاودا بعدم التعرض لاملاك الغير وتوفير الحمايه الكامله للمواطنيين |
بعد كل عام وانتم بخير محمد عادل انته مفتكر الدنيا مهدية ولا شنوا 
فى اليات مش اليه وحده اول شئ يا محمد عادل لا اعتقد انوا فى زول بحمل حقد او انتقام من مواطن سودانى بسيط يعنى بعدين اليات اكتر منك انته
وانا وباقى الشباب فى التوعية والتنوير والارشاد والمساهمة فى خلق مجتمع مدنى تانى اليه كيف وزى ما قال ليك سيف مسعد الكيزان السجن والناس
تواصل حياته العايز يوصل فى الجيس اول حاجة طلعو لينا المعسكرات والقيادة العامة ديل من بطن البلد علشان تانى الدواس يكون بعيد وبالمرة لو شالوا
القصر الجمهورى ولاذاعة يكون احسن علشان الناس تعرف اخبار الحكومة فى الاخبار
وشكرا
-
| |
|
|
|
|
|
|
|
|
|
Re: تحالف كاودا وخطير لو نجح مشكله لو فشل مشكلتين الحل شنو طيب (Re: amir jabir)
|
يعني يا حبيب السودان دا لمان يحكمو المركز مافي عوجه لكن كان حكموه ناس الهامش يبقى نموذج رواندا و بورندي؟ حسي دي ما حقارة و عنصرية؟!
أنا عارف إنو دا راي صادق المهدي , لكن والله أنا حريص جدا أعرف رأي مبارك المهدي لأنه على أساس رده "عندنا قرارات هامة جدا"! عليك الله جيب لينا راي مبارك!
كل عام و أنت بخير يا حبيب!
| |
|
|
|
|
|
|
|
|
|
Re: تحالف كاودا وخطير لو نجح مشكله لو فشل مشكلتين الحل شنو طيب (Re: Omer Abdalla Omer)
|
Quote: يعني يا حبيب السودان دا لمان يحكمو المركز مافي عوجه لكن كان حكموه ناس الهامش يبقى نموذج رواندا و بورندي؟ حسي دي ما حقارة و عنصرية؟!
أنا عارف إنو دا راي صادق المهدي , لكن والله أنا حريص جدا أعرف رأي مبارك المهدي لأنه على أساس رده "عندنا قرارات هامة جدا"! عليك الله جيب لينا راي مبارك!
كل عام و أنت بخير يا حبيب! |
الحبيب عمر عبد الله عمر
تحياتي
ما كتبه يدل على فهم قاصر وسقيم في نظرتك للامور عموما من جهة ومن جهة اخرى يدل على انك انسان تغرد خارج السرب وتتعامل بقلبين في حياتك فتارة انت تنتمي لحزب الامة القومي وتارة انت تابع للحركات المسلحة وتحمل فهم عنصري وجهوي بغيض .... فان كنت لا تعلم ان حزب الامة قيادته من الهامش فهذه مصيبة وان كنت تعلم فالمصيبة اعظم.... الامين العام السابق لحزب الامة من دارفور والحالي من دارفور فاي منصب ارفع من ذلك يناله انسان الهامش؟ ونائب رئيس حزب الامة من جنوب كردفان واخر ديمقراطية كان كل حكام الهامش من الهامش وراس الدولة كان من الهامش .
حتى في عهد هذا النظم البائس كل حكام الهامش من الهامش والدباب خليل ابراهيم كان وزيرا انقاذيا فاسدا ومستبدا لم يتحدث سيادته وعلى الحاج عن الهامش الا بعد ان اختلف اللصوص على الاستبداد في السلطة؟
ارجو ان تسفعك الشجاعة والتي واضح انك تفتقدها بجدارة بدليل ما كتبت في هذا البوست وبوست الكونت نعم كن شجاع واختار اما الحركات المسلحة المشاركة في السلطة او التي كانت مشاركة في السلطة ثم حملت السلاح مرة اخرى او حزب الامة القومي الذي مواقفه واضحة وضوح الشمس واهل الهامش فيه يسدون عين الشمس وانت لست متحدث باسمهم من برجك العاجي خلف البحار .
| |
|
|
|
|
|
|
|
|
|
Re: تحالف كاودا وخطير لو نجح مشكله لو فشل مشكلتين الحل شنو طيب (Re: amir jabir)
|
امير ازيك كل سنه وانت طيب ليك وحشه ياخى
عاوزين لينا جلسه فى قهاوى البورصه بوسط البلد او البستان ياراجل
امير انت تتفق معاى الحل العسكرى مابجيب نتيجه بولد العنف ونحنا بنتعامل مع نظام عقائدى عندو ملشيات
امير الانقاذ عملت التفرقه العنصرية والقبلية واصبحت هناك احقاد مافى حل يامير
الا انا وانت وفلان وعلان ننزل الشارع سلميين ونحرج الانقاذ وعناصرهم ونفتح صدورنا للرصاص ونشهر هتافنا عالى ونعتصم فى الميدان
ويدوسونا بعرباتهم ونحلف نقول ماحنطاطى ماحنطاطى نحنا كرهنا الصوت الواطى
يامير السلاح ماحل شوف ليبيا يامير الليله الثوار بقاتلو بعض شوف العراق
خلينا نقدم النوذج السورى او اليمنى ابسط النماذج
يامير نحنا مافى مهدية المهدية نجحت
كاودا تحالف مصالح يامير
خلينا نتكلم بعقلية شباب متحضر السلاح ماحل الحل الشارع والاعتصامات
| |
|
|
|
|
|
|
|
|
|
Re: تحالف كاودا وخطير لو نجح مشكله لو فشل مشكلتين الحل شنو طيب (Re: محمد عادل)
|
عطفا على مداخلتي بعالة للحبيب عمر عبد الله عمر اضيف التالي
لا تنتظر الاجابة من اي قيادي فالباب يفوت جمل .... قال عشان نتخذ موقف ولا قرار من انتم يا حبيب ؟! حزب الامة لا يهدده امثالك ولا يستجيب لهذه الترهات الجهولة والمفاهيم العنصرية البغيضة هو حزب قومي مؤسساته منتخبة انتخاب حر ديمقراطي لا مكان فيه لدعاة الجهوية والعنصرية واي شخص كسبه الدنيوي يحتم عليه اتخاذ مواقف فهذا خياره ولكن لا يهدد حزب كبير كحزب الامة.
عذرا لهذه الشدة التي اجبرتني عليها رغم اني اقل منك في الحزب من كل النواحي ولكن الان انت عندي اقل قدرا وقيمة من اي جهوي شجاع اعلن موقفه صراحة .
| |
|
|
|
|
|
|
| |
محمد عادل
saif massad ali
amir jabir
Omer Abdalla Omer
عمر عبد الله فضل المولى
Elbagir Osman
Elhadi
فيس بوك
تويتر
انستقرام
يوتيوب
بنتيريست