اولا لازم نتعلم هذه الثقافة وهي افساح المجال للمراحل السنية والاشبال واوقفوا التجنيس وتسجيل المحترفين بكري المدينة وامثاله خير مثال . . اختلف مع خالد احمد المصطفى وصيقنا واخونا كابتن الساده حول اللاعب بكري المدينة
Quote: اختلف مع خالد احمد المصطفى وصيقنا واخونا كابتن الساده حول اللاعب بكري المدينة
بكرى المدينة لاعب ممتاز .. فقط يحتاج لتدريب اكتر حتى يستطيع معالجة عيوبه و المتمثلة فى انهاء الهجمة بشكل جيد و التنوع فى التهديف >> يعنى متين يهدف بالطريقة ده ومتين يهدف بالطريقة ديك ومتين يمرر ومتين يتخلص من الحارس وووووو وفى الاشياء ده بيحتاج ايضا لمدرب شاطر > على قاقارين مره بحكى قال : سليمان فارس كان بيدربهم فى ملعب السلة واى لاعب كان بيدربه كيف يدخل الكره فى السله بقدمه او براسه ...
... هلا ولى عيدك مبارك وكل سنة انت وجميع افراد اسرتك بالف خير
11-12-2011, 09:36 AM
khaleel khaleel
تاريخ التسجيل: 02-16-2002
مجموع المشاركات: 30134
ثقافة كرة القدم يتعلمها اللاعب منذ نعومة اظافرة اذا وجد الرعاية التي تعمل على تطوير الموهبة حسب مراحلة السنية وتدرجه ونتاسف كثيرا عندما نجد اولادنا وهم في مرحلة المنتخب القومي وهم يجهلون ابسط الاشياء التي تكون مقياس بين لاعب ولاعب ابسطها دقة التمرير والشوت ( التصويب ) وكما تعلمون لكل مهارات كرة القدم ثقافة بداية من الجري بكره ومن غير كره حتى القوه في الالتحام والرشاقة .. ولكن عندما تعتمد الاندية على تسجيل لاعبين اجانب بحجة التعويض سوف نحرمهم من تنمية المواهب الموجودة في البلد واهدار اموال الاندية في صفقات خاسرة وخير مثال امامكم بكري المدينة الذي كثيرا مايجلس احتياطي في فريق الهلال بسبب وجود الاعب الاجنبي سادمبا لان كثيرا من الاشياء اللاعب يتعلمها من تكرار الاحداث التي تواجهه اثناء المباراة لاعب سريع وقوي واذا كان وجد التوجيه والرعاية من بدري ونسبة لصغر سنه و في مثل هذه العمر كان يكون محترف خارج السودان له به مقومات اللاعب الكامل ووقت مايحتاجة المنتخب القومي يكون رهن الاشارة للمنتخب . . . اختلف مع الكابتن الساده وخالد المصطفى في موضوع بكري المدينة لايستقل سرعتة بل العكس المدرب لم يتسقل سرعة الاعب بكري المدينة وقوته وتغير اسلوب ايقاعه البطيء الى ايقاع اسرع ولا يكون ذلك إلا بوجود عناصر معه تلعب بنفس الرتم السرعة مع الانتشار وهنا ارى مجاملة للمدرب القدير مازدا الذي اعتبرة انسب مدرب في هذه المرحلة لان اصلا لايوجد بدائل او خامات ونوعية ممتازة من الاعبين ماقدمة منتخبنا القومي امس امام الكميرون رغم الخسارة الاداء كان فوق الوسط ودا برضو حاجة كويسة
11-12-2011, 10:00 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
وليد وضيوفه.. عيحكم مبارك.. ويا وليد عشان ما تمشي في سكة المحترفين دي كتير خليني أوقفك وتشوف حاجة غيرا أفيد للموضوع.. إيطاليا شالت كأس العالم 2006 والإنتر ميلان كان فيهو ال 16لاعب الأساسين أجانب وميلان فيهو تلاتة بس إيطاليين وروما 4-5 ومعظم الطليان كانوا غير أساسيين.. فرنسا شالت كأس العالم 98 ومعظم الفريق مجنسين وكل الدوري أفارقة والفرنسين كانةا 5.. ويا خليل معليش اخالفك في قصة مهارة قاقرين فقاقرين من وجهة نظري لاعب عادي وهو أقل مهارة من لاعبين كتار جو بعدو مالم تكون قاصد مهارة إحراز الأهداف.. بالمناسبة أنس النور يتفوق على قاقرين كتييير جدا انا شايف..
11-12-2011, 10:08 AM
khaleel khaleel
تاريخ التسجيل: 02-16-2002
مجموع المشاركات: 30134
Quote: ويا خليل معليش اخالفك في قصة مهارة قاقرين فقاقرين من وجهة نظري لاعب عادي وهو أقل مهارة من لاعبين كتار جو بعدو مالم تكون قاصد مهارة إحراز الأهداف
اكيد يا عمر مهارة احراز الاهداف
قاقرين ضرب كل افريقيا مصر تونس كينيا
وهداف القمة التاريخي بي 19 هدف
شوف مهارة الخطيب وحرفنته ومهارة حسام حسن في احراز الاهداف
11-12-2011, 10:09 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: بكرى المدينة لاعب ممتاز .. فقط يحتاج لتدريب اكتر حتى يستطيع معالجة عيوبه و المتمثلة فى انهاء الهجمة بشكل جيد و التنوع فى التهديف >> يعنى متين يهدف بالطريقة ده ومتين يهدف بالطريقة ديك ومتين يمرر ومتين يتخلص من الحارس وووووو وفى الاشياء ده بيحتاج ايضا لمدرب شاطر > او براسه ...
دا كلام سليم بنسبة مليون في المائة وسوف اقوم بتشريحة وتفصيلة هنا واحده واحده اها على الكابتن بكري الاستفادة من الروشتة التي قدمها اخونا طارق الكوتش وهي لازم يتعلم ودي اشياء لابد من وجود مدرب ماهر يعرف كيف يطور موهبة الاعب وكيف يستقل امكانيتة كما الاحظ طوال فترة مشاهدتنا له يعتمد كثيرا على قوة الضربة وغير معتمدا على التركيز في اين يضرب . ممكن من خلال التمارين ولو في كل تمرين عملوها ليهو عشرين مره وفي كل تمرين حقق نتيجة بنسبة عشرة في المائة سوف تكون النتيجة افضل في النهاية واهم اهم مهارة لازم يعرفها وواجب عليه كيف يستخدم رجلة اليسار لان كثيرا من المواقف تحتاج الى استخدام الرجل اليسرى في حال قفل الخصم بالرجل اليمنى ووضعة في الجانب الايمن من الجسم عند التهديف . . في مباراة امس كان علية بنفس السرعة الضرب بقوة في يمين الحارس لان حارس مثل كاميني لاتلعب معه بسلبية ولو كان يمتلك مهارة استخدام مهارة الرجل اليسرى كان بكون في كلام تاني لانه الجري كان صحيح وسليم مئه في المائة وكما يقول الكابتن وليد المبارك حامد بريمة كان يقف غلط ليطمع المهاجم و هو يبدع في تشتيتها او التقاطها
Quote: على قاقارين مره بحكى قال : سليمان فارس كان بيدربهم فى ملعب السلة واى لاعب كان بيدربه كيف يدخل الكره فى السله بقدمه
فعلا ياطارق اللعب في مساحات ضيقة يعمل تنمية موهبة التركيز في الاهداف زمان كنا كثيرا ما نتمرن في ميدان السلة وهذه الموهبة يمتلكها اثنان في السودان وهم الكابتن الطاهر حسيب و( ملى ) عم فايز نصر الدين السديد وحتى نحنا صغار كنا نستخدم فتحة لساتك العربية في نهاية التمرين . . . طارق الكوتش تشكر على الروشتة الكروية وكل سنة وانت طيب ياحبوب
11-12-2011, 10:24 AM
عبدالكريم أحمد الامين عبدالكريم أحمد الامين
تاريخ التسجيل: 08-04-2008
مجموع المشاركات: 6343
**الكابتن ود عبداللطيف .. ** سلام وعيدك مُبارك.. ## هو بكرى دا وينو المُدرب البيفهم عشان يوجهو ,, الحداشر لاعب لاعبين بالقريحه لاخطه ولاتكتيك زيهم وزى اولاد الحله لما يتلقطوا ويأجرو ليهم بوكس ويمشو يلعبو مع تيم من حله تانيه.. ^ ^ ## تعرف علتنا فى هذا الكائن المُسمى مازدا ,, لايصلح لتدريب فريق روابط ناهيك عن فريق قومى ,, لايمتلك الشخصيه لقيادة فريق . ## مُرتبك ,, متردد ,, ضعيف فى توظيف اللأعبين داخل الميدان ,, لايوجد إى تكتيك لبناء هجمات أو الإرتداد عند فقدان الكره ,, لايعرف كيفية إدارة المبارأه على حسب المُستجدات الميدانيه ,, ينظر الى اللأعبين بحسابات هلاريخ :- إذ لابد أن يتساوى عدد لاعبى الناديين فى الميدان خوفاً من جمهور الناديين والإعلام.. ## وبما أنو النسور تابع للشرطهوالخرطوم تابع لجهاز الأمن ,, بالله تبعو لينا الفريق القومى للجيش أو المؤتمر الوطنى وجيبوا لينا مُدرب أجنبى عندو شخصيه قويه بدل المرض دا البيرفع الضغط . (ودام الود بيننا) (ابو محمد فؤاد)
11-12-2011, 10:25 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
النقر وحموري وبريش وزيكو وطايشين وكاريكا والصادق وكمبا وصبري الحاج
وانس النور كلهم فشلو
خلي ياخليل ياخي كل سنة وانت طيب طبعا مهارة الاهدف واكيفية استقلال الفرص في احرازها من اصعب المهارات لانها كثيرا ماترجح كفة الفريق اذا وجد لاعب بهذه المهارة واستادا على كلامك وحسب متابعاتنا لجميع الذين ذكرتهم وليس تقليل من امكانياتهم ولكن كما تفضلت قاقا هو الافضل ولم اجد يويتوب كامل لاحراز هدف على قاقرين في مصر اي كيف تعامل مع الكره قبل احرازها في المرمى دي مابعملها اي لاعب وهي التي توضح الفرق بين لاعب ولاعب
وليد وضيوفه .. لكم التحية .. وكل عام وأنتم بخير ...
Quote: بكرى المدينة لاعب ممتاز .. فقط يحتاج لتدريب اكتر حتى يستطيع معالجة عيوبه و المتمثلة فى انهاء الهجمة بشكل جيد و التنوع فى التهديف >> يعنى متين يهدف بالطريقة ده ومتين يهدف بالطريقة ديك ومتين يمرر ومتين يتخلص من الحارس وووووو وفى الاشياء ده بيحتاج ايضا لمدرب شاطر > على قاقارين مره بحكى قال : سليمان فارس كان بيدربهم فى ملعب السلة واى لاعب كان بيدربه كيف يدخل الكره فى السله بقدمه او براسه ...
يا كوتش بكري المدينة به عيب من أسوأ العيوب في لاعب كُرة القدم ... وهو عندما يركض بالكرة لا يرفع رأسه ويظل ينظر للكرة في الأسفل حتى تتم مضايقته ... أو يصل بها لمنطقة لا تمكنه من لعبها بالشكل المُريح ...
Quote: يا كوتش بكري المدينة به عيب من أسوأ العيوب في لاعب كُرة القدم ... وهو عندما يركض بالكرة لا يرفع رأسه ويظل ينظر للكرة في الأسفل حتى تتم مضايقته ... أو يصل بها لمنطقة لا تمكنه من لعبها بالشكل المُريح ...
احيانا وليس دائما يا صبرى ، وهذا العيب بشوية لعب مستمر وتوجيه من مدرب شاطر ممكن يتخلص منه تماما، والدليل كتير من اقوان الهلال فى الفتره الاخيره شارك فى صناعتها ( يعتبر الآن صانع لعب حقيقى فى غياب هيثم) وكتير من الهلالاب وانا واحد منهم بطالب باشراكه خلف المهاجمين كصانع لعب ...
عمر الفاروق سلامات و عيدك مبارك ودعنى اختلف معاك قليلا
Quote: وليد وضيوفه.. عيحكم مبارك.. ويا وليد عشان ما تمشي في سكة المحترفين دي كتير خليني أوقفك وتشوف حاجة غيرا أفيد للموضوع.. إيطاليا شالت كأس العالم 2006 والإنتر ميلان كان فيهو ال 16لاعب الأساسين أجانب وميلان فيهو تلاتة بس إيطاليين وروما 4-5 ومعظم الطليان كانوا غير أساسيين.. فرنسا شالت كأس العالم 98 ومعظم الفريق مجنسين وكل الدوري أفارقة والفرنسين كانةا 5..
الدول الاوربية التى ذكرتها هنا وكتير من الدول الافريقية لا تتاثر منتخباتها الوطنية بالمحترفين الذين يلعبون فى تلك الدول ، وذلك لسبب بسيط جدا وهو كتير منها بيمتلك لاعبين محترفين بيلعبون فى دول اخرى وهؤلاء اغلبهم بيلعبون لمنتخباتهم الوطنية وبشكل جيد لانهم يلعبون باستمرار كمحترفين خارج بلدانهم ... فى حالة السودان الوضع مختلف تماما وذلك لعدم وجود اى لاعب يلعب خارج السودان .. طيب اذا اى فريق من فرق الممتاز احضر 3 لاعبين محترفين واحد حارس مرمى و الاتنين التانين مهاجمين >> عليه عندما ناتى للفريق القومى ما حيكون عندنا مهاجم او حارس مرمى >> يبقى عليه ملف المحترفين فى السودان يجب ان يتعامل معه بشكل مختلف وبقانون مختلف : مثلا : حد اقصى 2 لاعب بشرط لا يلعبون فى نفس الخط يعنى : حارس مرمى ومهاجم او دفاع ووسط او دفاع وهجوم وهكذا حتى لاياتى لنا يوم ولا نجد حارس مرمى او مهاجم يلعب فى الفريق القومى من بين اندية فرق الممتاز ونلجأ عندئذ الى لاعبين اقل خبرة واقل احتكاك من بين اندية الدرجة التانية او التالته او الروابط ..
لكن اذا اتينا بلاعبين محترفين من العيار الثقيل ممكن العالم يتابع مباريتنا وهنا ممكن يكون هنالك لاعبين سودانييين يحترفون خارج السودان >> وعندها فقط ممكن تكتب >>
Quote: ويا وليد عشان ما تمشي في سكة المحترفين دي كتير خليني أوقفك وتشوف حاجة غيرا أفيد للموضوع..
لكن فى الوضع الراهن نو يا حبيبى نو
علية بطلب من الاخ وليد عبد اللطيف الفنان يحدثنا عن ملف المحترفين ... وماهو اللاعب المحترف الآن فى السودان والذى مستواه يسمح له بالاستمرار + الخانة التى بيحتاجها اى نادى من اندية القمة على الاقل ليشغلها لاعب محترف ليكون المردود للنادى جيد، وما هو اللاعب السودانى المظلوم والذى لايشارك بسبب وجود لاعب محترف فى خانته واثر ذلك على النادى من حيث الصرف المالى والمردود الفنى وايضا اثره على مستقبل الكره فى السودان >> حيث ان كتير من المواهب ممكن تضيع بسبب عدم وجود فرصة محلية و عدم وجود سوق عالمية
11-12-2011, 12:28 PM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: وليد وضيوفه.. عيحكم مبارك.. ويا وليد عشان ما تمشي في سكة المحترفين دي كتير خليني أوقفك وتشوف حاجة غيرا أفيد للموضوع.. إيطاليا شالت كأس العالم 2006 والإنتر ميلان كان فيهو ال 16لاعب الأساسين أجانب وميلان فيهو تلاتة بس إيطاليين وروما 4-5 ومعظم الطليان كانوا غير أساسيين..
وانت طيب يالحبيب عمر الفاروق طبعا ياعمر هذه الظاهرة ليها الاشياء السلبية والايجابية منتخب ايطاليا في تلك الفترة كان غير مرشح ووصل بكرامة البليلة زي مابقولو ولا تفتكر انها لم تؤثر في منتخب ايطاليا واعمل مقارنة بينه وبين المنتخب الذي حصل على الكاس بقيادة باولو روسي ودي ناس اصلا متمرسة وتملك ثاقفة الوصول الى النهائي ولاتنسي انها من المدارس المتفرده وتفرض اسلوبها على اي لاعب يلعب في الدوري الايطالي او كان مدرب يخوض تجربتة بالدوري الايطالي ... اكيد الاعب الاجنبي يؤثر على الاعب السوداني بتضييق فرص اللعب والمشاركة التي من خلالها يتعلم الاعب الكثير ولاتنسى للسن احكام وفي اشياء اصلا في كرة القدم لايتعلمها اللاعب السوداني الا بعد سن الخمسة وعشرون المشكلة ظاهرة اللاعب الاجنبي في جميع الفرق السودانية وهذا من ضمن الاسباب التي رجعت السودان للوراء في السابق ماكان تحتاج الفرق السودانية تسجل لاعبين اجانب نسبة للمواهب الموجودة بل بالعكس ابناء السودان كان يحترفون خارج ارض الوطن ولهم صولات وجولات مع الاندية التي يلبعون لها ولكن عندما جفت هذه المواهب وتوقف سيل الابداع بدانا بالحوجة على الاعب الاجنبي ودي من اول الاشياء التي اثرت بالكره السودانية وغير ذلك لم نستفيد من الكوادر التي احترفت خارج السودان امثال على قاقرين وقرن شطة والنقر والصياد وسليمان فارس والخ ياخي زمان السودان كان محتاج يجيب حارس مرمى اي بتاع بطيخ عادي بسد الفرقة لان امامه دفاع صلب .. ( مره حارس فلسطيني ومره مصري )
Quote: فرنسا شالت كأس العالم 98 ومعظم الفريق مجنسين وكل الدوري أفارقة والفرنسين كانةا 5..
اما بخصوص فرنسا هلى تصدق رغم حصولهم على هذا الكاس واجهتهم مشكله كبيرة جدا حتى كانوا يرددون بان لاعبي المنتخب ماحافظين النشيد الوطني ومن عام 98 ياعمر الفاروق للان فرنسا بتعمل على كيفية الاحلال والاستبدال وفكرتهم بتقول تعليم اكبر قدر من البيض وفتح مدارس لهم حتى يستطيعون تمثيل بلدهم في كرة القدم وباقي المناشط يازول دي اوربا العنصرية نفسها ... . . نرجع نقول ياعمر الفرق كبير بين اللعب والكره في فرنسا واللعب في السودان لان الكره في السودان تؤثر على الاعب الاجنبي بدل ان تستفيد منه يحدث العكس تنزل به الى اسفل المستوى لانو حتى المحترفين ليس بمواصفات جيده والدليل على ذلك اعمل مقارنة بينهم وبين المحترفين في باقي الدول وهل يستطيع لاعب سوداني الان الاحتراف خارجيا مقارنة بايام زمان
Quote: ويا خليل معليش اخالفك في قصة مهارة قاقرين فقاقرين من وجهة نظري لاعب عادي وهو أقل مهارة من لاعبين كتار جو بعدو مالم تكون قاصد مهارة إحراز الأهداف.. بالمناسبة أنس النور يتفوق على قاقرين كتييير جدا انا شايف..
عمر الفاروق ياحبيبي كونك تقارن الكباتن انس النور مع على قاقرين دا فرق الليل مع النهار غير مهارة اللاعب المهاجم وهي السرعة والقوه والتسديد اهم شيء الثعلبة وانتهاز انصاف الفرص ودي توفرت في على قاقرين امكن لم تشاهد على قاقرين كثيرا ياعمر خليك من الاهداف التي ذكرها ليك اخونا خليل ياخي اول مباراه لي ضد النجوم الدوليين في دار الرياضة امدرمان ودي كانت عام 1985م لعبت شوط مع نادي الاتحاد البحراوي وشوط مع النجوم الدوليين وليس لاني لعاب شديد بس لاني كنت صغير ونشيط طلبوا تحويلي معهم ولعبنا معهم شخصي الضعيف و ابو الجاز لانه كان صغير السن ايضا مهما اقول ومهما اوصف الجمله التي طبقها الدحيش وقاقرين في احراز اجمل واروع الاهداف والله لو الاحجار والمساطب تتكلم كانت شهدت بان منذ انشاء دار الرياضة امدرمان لم تشاهد مثل جمال هذا الهدف الفهم الفهم ياعمر الفاروق برضو لاتنسى كرة القدم لها اسرار واولادنا للان يبحثون عن مفتاح هذا السر وسبب ضياع هذا المفتاح الاجيال السابقة التي لم تعمل على تثبيت اسس رياضية بطريقة علمية واذا عملنا مقارن بين انس النور وقاقرين في الاحتراف خارج السودان نجح قاقرين ولم ينجح انس النور حتى في ربع ساعة خليك من شوط كامل مع الاسماعيلي .. مع مراعاة المناطق والفرق
11-12-2011, 01:20 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
طارق الكوتش يا حبوب.. أديني إسم تلاتة لاعبين س إيطاليين ةكانو محترفين خارج إيطاليا وشاركوا في كأس العالم2006 وانا مستعد أسحب المداخل.. البتتكلم عنهم ديل دول زي البرازيل والأرجنتين.. بالمناسبة حتى اللاعب الفرنسي عرف درب الإحتراف بعد 98 ومعظمهم كان إنتاج محلي..
وليد يا حبوب.. لو لم تخني الذاكرة فالمنتخب الإيطالي 82 هو من فاز بكرامة البليلة بعد بداية بي تعادلات ثم الفوز في كل المباريات بعدها بفارق هدف..ولا شنو؟؟
11-12-2011, 01:43 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
حاجة تانية يا كوتش وبي لغة الأرقام زي ما إتعةدنا من البروف كمال شداد.. السودان غاب عن النهائيات منذ أكتر من 35 سنة وعاد للظهور مرتين في ظل وجود المحترفين وندرة المهاجمين وحراس المرمى بحسب زعمكم..!! صدقوني الأحتراف والمحترفين ملف شائك بس عمرو ما كان السبب في تدهور الكورة السودانية ولا عندوأي علاقة بي ندرة اللاعبين.. طيب سؤال تاني..كم عذ الحراس الأجانب حاليا في السودان ولي 15 سنة لي ورا؟؟؟بعد تجاوب هاك السؤال البعدو..كم عذ الحراس اللي برعوا في الفترة دي وممكن تقول عليهم شواذ؟؟؟الإجابة صفففر كبيييير.. السؤال اللي بعد بعدو..كم عدد الحراس المحترفين في ظل فترة السملح لي إحتراف الحراس زمان؟ الإجابة ما بيتعدو أصابع اليد الواحدة وكان أضعف.. السؤال اللي بعد بعد بعدو..كم عدد الحراس اللي أنجبتهم الملاعب في تلك الفترة.؟ الإجابة : -حامد بريمة أفضل حارس مرمى في العالم. - سليمان بمبي احسن حارس مر على الهلال.. - أحمد ادم.. - عبد العظيم الدش.. - يس.. - الرشيد فيصل.. - عيسى الهاشماب.. - لاميدو.. - ابشر.. -
11-12-2011, 01:58 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
ومعلومة طازحة من تصريح لي كابيلو مدرب إنجلترا بيقول فيها.. بالرغمن أن اللاعبين الإنجليز يمثلون فقط 33% من مجموع اللاعبين إلا أننا تأهلنا للنهائيات الأوروبية.. وعشان ما تقولوا لي ما هو ده زاتو البشت الإنجليز برجع وأذكركم إنو إنجلترا شالت كاس ابعالم مرررة واحدة وسنة 1966 وبي هدف مشكوك في صحته..
بالمناسبة لو في تجربة وحيدة ناجحة لي اللاعبين المحليين فهم الألمان اللي بيفضلو اللاعب المحلي على المحترف ومعظم الألمان يفضلو اللعب في بلادهم عشان وكده وعلى مر السنين ظل المنتخب الألماني ثابت المستوى مع سبب تاني برضو مهم بيقول إنو المنتخب الألماني ومند العام 1930 مر عليهو فقط 9 إلى 10 مدربين فقط..
11-12-2011, 02:10 PM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: وليد يا حبوب.. لو لم تخني الذاكرة فالمنتخب الإيطالي 82 هو من فاز بكرامة البليلة بعد بداية بي تعادلات ثم الفوز في كل المباريات بعدها بفارق هدف..ولا شنو؟؟
لالالالا ياعمر ياااااخ انت ما متذكر يظهر عليك ياخي الدورة دي الزات كنا بنحسب فيها عدد الباصات بالكعب وبعدها ظهر لعب الكعب في السودان ودي كانت ايام سقراط وزيكو وفالكو وفي هذه الدورة بالزات خزل الحارس لاعبي البرازيل بمستواه الضعيف في كاس العالم دا ياعمر تغير نظام المجموعات من 16 فريق الى 24 فريق لو تذكر البرازيل تصدر مجموعتة من غير اي هزيمة و ايطاليا بدت بداية هذيل وكانت تعادل في كل مبارياتها ولكن تعال شوف بعد ذلك باولو روسي لم يخيب ظن الطليان ضرب ليك البرازيل تلاته والارجنتين اتنين مالك مذكرنا الكوره دي يااااااااااااخ باولي روسي طبعا الجمهور هتف في ايطاليا وتم اخراجه من السجن مخصوص عشان يجي يبشع لينا بالبرازيل التي كانت تعزف موسيقى كروية وخرجت حزينة من هذه البطوله بعد ان كانت المرشح الاول لهذه البطوله وفي نصف النهائ هزموا بولندا برضو باولوروسي صاحب الاهداف وفي النهائي هزموا المانيا 3 الى 1 وشالو الكاس وبرضو باولو روسي احرز هدف ونال جائزة الهداف وافضل لاعب من الملاحظ من هذا التاريخ البرازيل تعاني في حراسة المرمى
11-12-2011, 01:48 PM
الصادق صديق سلمان الصادق صديق سلمان
تاريخ التسجيل: 07-11-2006
مجموع المشاركات: 4010
كل سنة وانت طيب يا وليد وكل سنة وانتو طيبين يا حبايب الكوتش وخليل وعمر الفاروق وصبري وكل المتداخلين
بكري المدينة موهوب ولكن وبكل أمانة اعتقد أن المشكلة عندنا هي مشكلة تدريب فقط وتخطيط إداري وانا اعتبر هذين الجهازين هما مشكلة الكرة السودانية. بكل بساطة بكري لاعب فنان وغيره من شبابنا ولكن من يوجههم ويدربهم بشكل صحيح من يأتي بشريط المباراة لهم في القاعات ويصلح اخطائهم ويقول لهم انت فعلت كذا ولكن المفروض تعمل كذا
أين الإداريين من كل هذا لماذا لا يفتحون رأس مدير الجهاز الفني ليعمل على تطوير واغلاق نقاط الضعف في الكرة السودانية التي لا زالت تأتيها النكسات تلو الأخرى ولو لم نكن قادرين على قلب الطاولة على رأس الكميرون والمغرب وتونس فلا فائدة في كرتنا ومن الأفضل أن تحبس نفسها داخل السودان وبس... وما حدث لهلال الملايين ليس ببعيد......
الصادق
11-12-2011, 02:12 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
يا وليد.. بالنسبة لي الأجيال السابقة والكنكشة في الماضي فأنا عندي راي مكنكش فيهو ومصر عليهو مفاده إنو الجيل الحالي ألعب من الجيل السابق.. زمان في فلتات كروية نعم ولكنها معدودة..واللقطات البيجيبوها لينا دي انا غير صديق منزول ما شوفت زول بيثبت وبيمرر الكورة صاح..
لمن جا هلال 87 حلفنا وقلنا ده أعظم هلال..وقبلو كنا مكنكشين في هلال النقر وقبلو كنا بنقول هلال ناس جكسا ..وكل ما يجي جيل نقول ده الأفضل لكن التاريخ الان بيقول أفضل هلال مر على السودان هو هلتل 2007 وده جيلنا وديل أوبادنا الأسة الناس شايفهم كعبين.. وانا على يقين إنو هلال 2025 حيكون أفضل من هلال 2007 لكن انا ح أجي أشبك محمد وصلاح أولادي وح أقول ليهم.. هيييه الله يرحم أيام الكورة..زمان كان في مدافع قاااطع إسمو برشم وطرف شمال نار إسمو موسى الزومة ومهاجم حريف إسمو بكري المدينة مش تقول لي أولادكم التاسة ديل..
11-12-2011, 02:29 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
يا وليد ياهو كلامي طيب..وذاكرتي في محلها مع إنو تصدق أو لا تصدق وقتها عمري لم يتجاوز ال 6 سنوات.. هي كرامة البليلة دي كيف؟؟؟فريق صعد بي تلاتةتعادلات وفوز بفترق هدف أو بي ضربات الجزاء وما تقول لي بليلة..هو نفس المنتخب يا وليد اللي كان فيهو روسي طالع من السجن ودي الحاجة الكانو مكنكشين فيها السةدانيين بل جاء التاريخ ليعيد نفسه وجابو إسكلاتشي العجباتي المغمور وكرر السيناريو في 90..
11-12-2011, 02:24 PM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: ## مُرتبك ,, متردد ,, ضعيف فى توظيف اللأعبين داخل الميدان ,, لايوجد إى تكتيك لبناء هجمات أو الإرتداد عند فقدان الكره ,, لايعرف كيفية إدارة المبارأه على حسب المُستجدات الميدانيه ,, ينظر الى اللأعبين بحسابات هلاريخ :- إذ لابد أن يتساوى عدد لاعبى الناديين فى الميدان خوفاً من جمهور الناديين والإعلام..
غايتو ياسعادة المستشار المردب يجب علية اصلاح مايمكن اصلاحة ولكن فعلا المدرب مازدا كثيرا مايشترها يعني قصة خليفة يلعبوه في الوسط ويرجعوه مدافع دي اضرت بالهلال لكن شنو يكررها في المنتخب مازدا الفهم شنو انا معارف خليفة في الوسط لم يقم بدورة على اكمل وجه والدليل عند دخول مهند اختلف الوسط وعند رجوعة الى الدفاع لم يقم بدوره الدفاع معقول من بداية المباراة لم يعكس ولا كره ولا يعمل حتى اوفر لاب انا بقول مازدا ماعشان هو افضل مدرب حالي في السودان ولكن عشان اصبحت هناك علاقة بينه وبين اللعيبة زي ود الحلة الكبير ولكن المشكلة الكبرى ياسعادة المسستشار لم يوجد لاعبون يؤدون مهامهم بطريقة صحيحة لعدم الانسجام وهنا طبعا اكيد بكون في نشاذ ودربكة ومشاكل داخل الملعب واتكالية ... . . ابو محمد فؤاد كل سنة وانت طيب شايف صاحبك المعز امس قلت غايتو الله يستر عليك ماتكون بتحضر المباراة
يا كوتش ... لاعب راسو على طول في الواطة دة معناها لاعب لسة ما جاهز ويحتاج للكثير ... وغير كدة بكري المدينة عندو نوع من الشتارة ...
بصراحة: بكري المدينة + خليفة = مكانهما ليس فريق الهلال
مقوّمات الكرة الحديثة = كنترول عالي ومهارة تصرّف وحلول فردية كثيرة ...
ـــــــــ بعض لعيبتنا يا كوتش الواحد بيلقى الكورة في خط مافي أو بيزنقوه في مساحة ضيقة ... الراس بضرب على طول وما بيعرف يتصرف !!! واللاعب مما راسو يضرب وما يعرف يودّي الكورة وين معناها مُحتاج لزمن طويل ... فكيف يصبر الهلال على أمثال هؤلاء وهو مواجه بالتحدّيات الخارجية قبل المحلية ؟!
11-13-2011, 07:10 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: يا كوتش ... لاعب راسو على طول في الواطة دة معناها لاعب لسة ما جاهز ويحتاج للكثير ... وغير كدة بكري المدينة عندو نوع من الشتارة ...
في المداخلة الفوق طبعا حوارك مع طارق وحديثك عن اللاعب بكري زي ماقال طارق الكوتش دي اشياء من ضمن الثقافة الرياضية بان اللاعب يتحرك وفي كل مربع له طريقة حركة ولعب محدد غير الاحداث اللحظية التي تتطلب الحل الفردي واستقلال الموهبة خير استقلال وانت زول بتعرف كورة ياصبري اللعب من مربع الى مربع في الملعب يختلف تماما بالزات كل ما اقترب من المرمى بتحتاج الى تركيز اعلي حتى تحقق الهدف وليس لعب اي كلام زي مابعمل عمر بخيت احيانا او مهند الطاهر في وقت الناس محتاجة للدقيقة تركيز من اجل هدف يجيك جاري الواحد فيهم وشوووووت للكشافات ..... اها شتارة بكري البتقول عليها دي محتاجة مدرب يعمل على تطوير اللاعب ويحل له هذه المشكلة التي تعتبر ملازمة له وفعلا ياصبري كلامك احيانا بكري يتصرف تصرفات اثناء الكره ماعندها اي علاقة بالحدث او الموقف الذي به دا كله بالتمارين يتظبط غير انه يجد الفرصة الكافية في المنافسات اذا كان دوري او منافسات خارجية ودي في ظل وجود محترفين اجانب تضيق له الفرص في وقت لاعب امكانياته تمام وممكن البلد تستفيد منه من خلال فرص التجارب والاحتكاك واذا عملوا له وزنة كهرباء .. وختو ليهو الرحمن في قلبو ... بكري المدينه ميزاتة نشيط قوي سريع صغير لاتستطيع ايقافة إلا بالعنف اذا كان قانوني او غير قانوني
Quote: بصراحة: بكري المدينة + خليفة = مكانهما ليس فريق الهلال
بكري المدينة لاعب ممكن يستفيد منه الهلال اذا تطور في المستوى امكن لايوجد مثله الان في الملاعب اما خليفة على قولك لايشبه الهلال وكثيرا كنت اقول ذلك حتى قصة اشراكة مره في الوسط ومره في الدفاع في نفس المباراة دي شتارة بس من المدربين وهل لايوجد لاعب يؤدي هذه الوظيفة ولو انه اي خانة تحتاج للتخصصية مهما تكون ماهر لان الحثاثية تختلف من خانة الى خانة
Quote: واللاعب مما راسو يضرب وما يعرف يودّي الكورة وين معناها مُحتاج لزمن طويل ... فكيف يصبر الهلال على أمثال هؤلاء وهو مواجه بالتحدّيات الخارجية قبل المحلية ؟!
عشان كلامك السمح دا ياصبري انا فتحت البوست دا لابد من الثقافة الثقافة وهي تاهيل اللاعبين من المراحل السنية وتدريبهم حتى يأتون الى الفريق الاول في كامل الجاهزية تمارينا في السودان والمدربين يحاولون تقليد الكره العالمية والتمرين في شكل مربع صغير ومتناسين الاعب الان محتاجة الى البداية معه من الصفر لانه لايملك ابسط مهارات كرة القدم ..
11-13-2011, 09:38 AM
Sayed Bekab Sayed Bekab
تاريخ التسجيل: 09-21-2006
مجموع المشاركات: 1543
وليد و الشباب عيدكم مبارك و ربنا يحقق الآماني إن شاء الله
بصراحه كده و بدون مجامله بكري ممكن يكون مشروع مهاجم ممتاز و دائما تحس فيهو انو بلعب بفهم المهاجم القريب للدوريات المتقدمة من ناحية التحرك و الهمه و لكن ينقصه الكثير مثل التوقيت و تقسيم الجهد علي المباراة ..... مثلا ممكن الزول ده يجي ساكي الكوره من النص لخط السته و يهدف و ممكن تجيهو الكورة جاهزة في خط السته و يضيع ؟؟؟
يجب تدريبه ان يكون مهاجم صريح لانو مرات بنزل بيجيبا من النص و مدرب شاطر يظبط ليهو الزمن شويه .... متين يشوت، متين يهدي، متين يباصي، متين يقع، متين يعمل مشاكل مع المدافعين ، متين يمثل علي الحكم شويه
تخريمه طريقه احتفالو بالاهداف فيها نوع من التهور البدني و غير صحية . كل التوفيق للكابتن بكري المدينة إن شاء الله.
11-13-2011, 12:43 PM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
ابو السيد .... كل سنة وانت طيب دي اجمل رسالة صراحة نرسلها هنا للكابتن بكري
Quote: تخريمه طريقه احتفالو بالاهداف فيها نوع من التهور البدني و غير صحية . كل التوفيق للكابتن بكري المدينة إن شاء الله.
طبعا لاتنسى انها تنطوي تحت الثقافة الكروية وسبق تم ايقاف الاعب السوداني (قرن شطة ) في الدوري المصري بسبب الاحتفال بطريقة بهلوانية عند احرازه الاهداف ولو انه بهلواني درجة اولى ولكن النادي يريد منه ان يكون في كامل لياقتة وليس اكروباتي حتى ياخذ مقابل التسجيل له هو تحقيق الانتصارات لان ممكن بسبب هذه الاحتفالات تلحق به اصابه حتى ولو اوقفته مباراة واحدة في نظر الادارة الواعية انها خسارة تخيل للان مافي واحد قال للكابتن بكري كلامك دا غلط وبه تهور واسراف بدني في غير محلة ...
Quote: بصراحه كده و بدون مجامله بكري ممكن يكون مشروع مهاجم ممتاز و دائما تحس فيهو انو بلعب بفهم المهاجم القريب للدوريات المتقدمة من ناحية التحرك و الهمه و لكن ينقصه الكثير مثل التوقيت و تقسيم الجهد علي المباراة ..... مثلا ممكن الزول ده يجي ساكي الكوره من النص لخط السته و يهدف و ممكن تجيهو الكورة جاهزة في خط السته و يضيع ؟؟؟
كل الاشايء هذه يمكن علاجة بالممارسة والتدريب الناجح ولكن كيف يجد كامل الفرصة مايعجبني في بكرى استايلة غير الكره السودانية ولانشاهدها الا في الدوريات المتقدمة كما ذكرت والجميل في هذا الشاب اليافع به طاقة داخلية واصرار لاتجد مثله إلا عند الاعب الافريقي السرعة والقهوه وبنفس السرعة التهديف بقوه حتى ولو كان جاري من مسافة بعيده وهذه ليس من مواصفات اللاعب السوداني ولا تركيبته الوراثية لان الطاقة والقوه الداخلية تختلف عن الطاقة المكتسبة ممكن الاعب يجري من خط الوسط بسرعة ولكن عند وصوله خط الـ 18 الحيل يبرد والتصويب ضعيف لان ليس له طاقة وقوه داخلية من طبيعة الجسم مثل الاعب الافريقي وصراحة تشوف عضلات لاعبي الافارقة تقول دي يستحيل يستطيعوا الجري بها وكما تراها في اللاعب صمويل ايتو . .
اخي عمر الفاروق انا برجع ليك لسبب تدني المستويات والفرق بين امس واليوم وقصة الحنين للماضي والذكريات وكلامك به جزء كبير صحيح لان في فترة من الفترات تحسن المستوى افضل من سابقة لان ثقافة كرة القدم تطورة مع الامكانيات المتاحة عكس سابقة ولكن لي اساب كثيرة رغم امكانيات التطور الان لانستفيد منها لذلك تجد فرق كبير بين لاعب الامس واليوم ودي محطة توقف عندها الابداع الكروي السوداني .. برجع للاسباب والعلل لهذه المشكلة التي في نظري قبل كل شيء انها مشكلة دولة وليس لاعب ...
11-13-2011, 12:50 PM
يوسف محمد يوسف يوسف محمد يوسف
تاريخ التسجيل: 12-28-2006
مجموع المشاركات: 2368
عزيزى .. التدنى الواضح فى مستوى كرة القدم فى السودان أسبابه عديدة ، فأمر كرة القدم عندنا يحتاج إلى إعادة صياغة فى كل ما يتعلق بأمرها . كرة القدم فى العالم كغيرها من الأنشطة المختلفة فى الحياة نالت كغيرها من الاهتمامات الانسانية و المجتمعية الكثير من التطور .. سخرت من أجل هذا التطور المنشود كل الامكانيات المادية و العلمية و الذاتية ووضعت لها البرامج و الخطط المطلوبة للتطور .. لا اود أن اخوض بالتفصيل فى ما هو واجب و مطلوب من أجل نهضة الكرة عندنا تفاديا للاطالة .. ولان هناك ورقة سنتقدم بها للاتحاد العام السودانى .. عسى و لعلا !! لاعبى كرة القدم فى السودان و منذ بداية معرفتهم لكرة القدم فى هذا البلد و حتى الآن – ماعدا قلة موهوبة – ظلوا مفتقدين للإلمام بأبجديات كرة القدم المعروفة بالاتي : التحكم بالكرة و المناورة - Ball control & dribbling التمرير ، المدى ، الدقة - Accuracy passing & range النهايات ، مهارات الكرة - Finishing & Ball skills و لقد ثبت بالتجارب أن هذه الأساسيات ( الأبجديات ) المطلوبة للعب كرة القدم يسهل تعلمها و إتقانها فى الصغر فى سن ( 7- 14 ) و هى السن التى ثبت علميا سهولة تطوير المهارات المختلفة لدى الإنسان فيها . لذلك اهتمت الدول بإقامة الأكاديميات و المدارس المختلفة للألعاب و خاصة كرة القدم .. ما اود أن أقوله هنا .. لابد لنا أن نبدأ الإعداد لفريقنا القومى " المستقبلى " الآن ، و اقول الآن لان هناك فرصة ذهبية لابد من الاستفادة منها .. و اعنى بذلك الدعم المقدم من دولة قطر – 2 مليون دولار – للفريق القومى . حيث أرى أن يستخدم هذا الدعم فى ابتعاث عدد ( 22 لاعب ) تتراوح أعمارهم بين ( 10 – 14) إلى أحد أكاديميات كرة القدم بالبرازيل لتعلم أساسيات كرة القدم فيها و حتى يكونوا نواة لفريق قومى مستقبلى .. اقول ذلك و أمامنا تجربتين من دولتين آسيويتين فى هذا المجال هما ( اليابان / كوريا الجنوبية ) كيف بدأ لعب الكرة و اين هما الآن على المستوى الآسيوى أو العالمى ... اما الاجتهاد لتطوير بكرى المدينة و أخوته اللاعبين الآن فى الفريق القومى .. فهذا إهدار للمال و الجهد و سمعة الكرة السودانية ..
مودتى لكم
11-13-2011, 01:45 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
يا عمر انا عااارف الكلام الانت ذكرته هنا تماما بخصوص ايطاليا 2006 والدليل اننى لم اقل لك معلومتك خطأ ... انا اخدتها وعلقت عليها وياريت ترجع تقرانى تانى ,,, + الناس ديل لمن وصلوا للوصلوا ليهو ده كان بتخطيط جيد لجميع الملفات المتعلقة بالشغلانية ، وانا مثلك تماما فى حتة الاحتراف ده وانها بتساعد على تطور اللعبة فقط يجب ان تكون مدروسة و بقوانين تحكمها وبثقافة كاملة حتى فعلا يستفيد منها اللاعب السودانى و اللعبة ككل ... ومع تطور اللاعب والاندية فى كل الدرجات ممكن تزيد عدد اللاعبين الاجانب رويدا رويدا وعندها فقط ممكن يكون عندنا فريق وطنى ممتاز وغير متأثر بعدد اللاعبين الاجانب فى الاندية >> لانو ببساطة ممكن يكون عندك لاعبين من مختلف الاندية وليس لاعبين من اندية معينة وكمثال برضك ايطاليا 2006 : يوفنتوس 5- لاتسيو2 - ليفورنو 1 باليرمو4- ميلان 5 - أنتر ميلان 1 روما2 - أودينيزي 1 - فيورنتينا1 ليفورنو 1
2- وكمان شوف معاك التقرير ده >>
Quote: قواعد أوروبية لتعزيز مشاركة اللاعبين المحليين 1402 (GMT+04:00) - 10/05/05 طالين، استونيا (CNN) -- أصدر مؤتمر الاتحاد الأوروبي لكرة القدم قرارا بالإجماع الخميس يلزم الأندية المشاركة في البطولات الأوروبية بأن تضم قوائمها ما لا يقل عن ثمانية لاعبين ممن ترعرعوا ضمن صفوف النادي أو أندية أخرى بالدولة نفسها لمدة لا تقل عن ثلاثة أعوام خلال المرحلة العمرية بين 15 و21 عاما.
ويهدف القرار إلى زيادة عدد اللاعبين المحليين المشاركين في المسابقات الأوروبية، نقلا عن الأسوشيتد برس.
وسيبدأ سريان القاعدة الجديدة بدءا من الموسم 2006-2007 حيث سيتعين على الأندية المشاركة في دوري الأبطال وكأس الاتحاد الأوروبي ضم ما لايقل عن أربعة من هؤلاء اللاعبين في قوائمها، على أن يرتفع العدد إلى ستة في الموسم 2007-2008 وإلى ثمانية في الموسم التالي.
ولا ينطبق القرار على المسابقات المحلية رغم ان الاتحاد الأوروبي يشجع دوله الأعضاء على تبنى القرار محليا.
ويمثل القرار أساسا محاولة من الاتحاد الأوروبي لإيجاد طريقة للتصدي لقرار عام 1995 يلغي القيود على عدد اللاعبين الأجانب في كل فريق، نقلا عن رويترز.
وصدر القرار بعد شهور من المفاوضات مع الاتحاد الأوروبي والحكومات والسياسيين وكل الأطراف المهتمة بكرة القدم.
وقال الاتحاد الأوروبي في بيان "تدريب وتطوير لاعبين صغار أمر في غاية الأهمية لمستقبل كرة القدم. كل فرق كرة القدم في كل اتحاد يجب أن تلعب دورا في هذا النجاح."
وكان سيب بلاتر رئيس الاتحاد الدولي لكرة القدم (الفيفا) اتهم الأندية الكبرى بإيجاد "تجارة بشرية" من خلال محاولاتها المحمومة لاستكشاف مواهب من الدول الأقل تقدما والتعاقد معها.
وهذه "العولمة" المتزايدة تزيد مخاوف من تراجع قوة العلاقة بين الأندية وبين المشجعين المحليين. وتعتقد عدة دول ومنها ألمانيا التي تنظم كأس العالم 2006 أن تناقص عدد اللاعبين المحليين في الدوري يضر بالمنتخبات.
وكان الاتحاد الألماني لكرة القدم اتفق مع الهيئة المنظمة للدوري على تقليص عدد اللاعبين غير الأوروبيين المسموح لهم بالمشاركة في مباريات دوري الدرجتين الأولى والثانية إلى ثلاثة لاعبين من خمسة بحلول موسم 2006-2007.
لكن كثيرا من الأندية الكبرى يتقدمها بايرن ميونيخ تعارض أي قيود على عدد المحترفين، ويقولون إنهم يرحبون باللاعبين الاجانب ما داموا أقوياء.
وأظهرت إحصائيات لمباريات الدوري الألماني في احد الأسابيع أن أكثر من 60 في المائة من اللاعبين كانوا من الأجانب.
وقدم نادي انرجي كوتباس الالماني سابقة تاريخية في السادس من أبريل/ نيسان 2001 عندما بدأ مباراة بأحد عشر لاعبا أجنبيا.
من ناحية أخرى، أدان بلاتر ولينار يوهانسون رئيس الاتحاد الأوروبي لكرة القدم -اللذان ألقيا كلمتين أمام المؤتمر- حوادث العنف التي وقعت مؤخرا والفساد واستمرار العنصرية في الرياضة.
وقال بلاتر "تلوح في الأفق سحب سوداء. علينا جميعا أن نضطلع بمسؤولياتنا الاجتماعية والتعليمية."
وقال يوهانسون للصحفيين في وقت سابق إن الاتحاد الأوروبي لكرة القدم يدين بشدة أعمال العنف التي وقعت مؤخرا في ايطاليا وهولندا، وإن كل دول الاتحاد على وعي كامل بمسؤولياتها.
كما تم الاتفاق خلال المؤتمر على تأجيل موعد انتخابات رئاسة الاتحاد الأوروبي إلى عام 2007.
وأحدث القرار ارتباكا في حملة النجم الفرنسي السابق ميشيل بلاتيني للحصول على المنصب، وسيتعين الآن عليه تأجيل حملته الانتخابية الى العام المقبل على أقل تقدير.
ولم يستبعد يوهانسون خوض انتخابات الرئاسة المقبلة رغم أنه أشار بقوة لعزمه التنحي بعد انتهاء فترته الحالية.
.... ناسف للاطالة فالموضوع مهم ونشكر الاخ وليد عبد اللطيف لفتحه لهذا الملف الهام ولنا عودة ... كونوا بخير
11-13-2011, 02:22 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
Quote: طيب يا وليد السؤال البعدو وما هو معيار التدهور والتطور؟؟؟ بي البلدي إنت بتقيس بي شنو؟؟
عمر ياحبيبي حقو نمسك واحده واحده ونشرحها بالطريقة دي انت بتشتت لينا الكورة انت بتسال ونحنا بنجاوب ليك ماعرفنا كلامنا الاول عندك صاح ام غلط عشان نمسك حاجة تانية انا اعايز اثبت ليك اساب تدهور الكره في السودان وليه كانت فتره افضل من القبلها وليه البعدها لم تنجح او حتى تكون في مستوى القبلها ....
بس طبعا شغلانية كرة القدم ده بتقوم على مرتكزات اهمها - الموهبة الربانية وده تعريفها : الزكاء فى التعامل الجيد بكرة وبدون كرة - الموهبة المكتسبة : شغل تمارين مثل الاتقان فى استخدام الجسم ( صدر - راس - ارجل ) والتحكم فى الكرة والتعامل معها ومن ثم تطويعها و تطويع الجسم للتعامل معها و منها برضك تعلم رفع الراس والحركة الدورانية و على الطائر و الذى منه - لياقة بدنية مكتملة - لياقة ذهنية فى جو نفسى متقلب ولحظات عصيبة
اها
بعداك التطور
>>> لو رجعت لمستوى ميسى ممكن تلمس كتير من التطور و الموهبة التى يكتسبها يوما بعد يوم مثلا : ميسى زمان بيعتمد على التخلص و المحاوره و التهديف >> هسع ميسى بقى افضل من يمرر كرة القون >> صناعة 100 ال 100 >> فقط ممكن ينقصو الآن الاتقان فى التهديف من كره ثابتة
>>> هيثم مصطفى >> تطور مستواه كتير فى السنوات السابقة لانه بدأ يكتسب ميزة التمرير لحظة وصول الكره له ( اول باول )
>>> كاريكا بالمناسبة لديه نفس العيب الذى ذكرته عن بكرى المدينه و امكن بزيادة
تحياتى
11-13-2011, 04:20 PM
نادر الفضلى نادر الفضلى
تاريخ التسجيل: 09-19-2006
مجموع المشاركات: 7022
النقر وحموري وبريش وزيكو وطايشين وكاريكا والصادق وكمبا وصبري الحاج
وانس النور كلهم فشلو
خليل يا خى حرام عليك .. على قاقارين مهاجم ماهر !!!!!!
على قاقارين لاعب من عينة ناس ضربو رما يعتمد على القوة والجرى والحظ لا يجيد التسديد الدقيق نحو المرمى، ويعتمد على التسديد العشوائى القوى معظمه يتطاير بعيداً عن المرمى، وإن صدقت وجات بين الخشبات فلقوة الشوت فى الغالب هدف.
على قاقرين لعب فى الهلال منذ عام 1966 لم يكن له وجوداً يذكر فى الفريق القومى خلال الستينات وبداية السبعينات مروراً بالدورة الأفريقية، ومروراً بتصفيات اولمبيات ميونخ عام 1972 التى قاد فيها الفريق كمال عبد الوهاب الذى ضم للفريق القومى عام 1970 وهو لاعب ابوعنجة. فى بداية السبعينيات شكل كمال عبدالوهاب مع عزالدين الدحيش ثنائى خطير متفاهما لما يملكانه من مواهب كروية لا تخطئها عين أى متفرج أو مدرب حصيف وليست هى مواهب للمتعة والإستعراض ولكن لصنع الفارق وتحقيق الإنتصارت.
على قاقارين لم يصبح أساسياً فى الفريق القومى إلا فى الفترة ما بين 1974 ـ 1976 بسبب مدرب اللياقة يانكو الذى لا يفقه فى التدريب شيئاً وإعتمد على العضلات واللعب العنيف والخشونة الزائدة، لا فرق لديه فى وسط الملعب أن يلعب بشارة المعلم أو أحمد عدلان (المدافع) الغير حريف، فى رؤيته الإثنان أقوياء وبس! أبعد الثنائى كمال عبدالوهاب وعزالدين الدحيش وإحتفظ بالفاضل سانتو ليشركه فى خانة الجناح الأيمن من أجل الإستفادة منه فقط فى براعته الفائقة فى تنفيذ الضربات الثابتة بقوة ودقة (لاحظ على قاقرين رغم قوة شوتاته، لم يعرف عنه تنفيذ ضربات ثابته لعشوائية تسديداته، ليس مثل البارعان سانتو والدحيش). تحمل عبأ المباريات رباعى الدفاع ولاعبى الوسط الذين كان يسقطون من التعب مع نهاية كل مباراة، كما لعب الحظ ومستوى الفرق التى قابلها دوراً فى إستمرارية جوطة يانكو وعلى قاقارين والمطبلاتى ميرغنى أبوشنب والتى كانت تنذر بخواتيم سيئة
أول مباراة لعبت كانت أمام كينيا بالخرطوم فى تلك المباراة أشرك يانكو فى الهجوم الدحيش وسانتو وقاقرين (المباراة الوحيدة للدحيش).. فى صبيحة يوم المبارة كانت مانشتات الصحف الدحيش وسانتو يقودان هجوم السودان دون ذكر لقاقارين (بسبب الفارق المهارى). فى تلك المباراة لولا رعونة تهديف الكينيين وتهديفهم العشوائى لناءت شباك زغبير بالأهداف. إنتهت المبارة بهدف أحرزه على قاقرين بالحظً. الفريق المصرى كان متراجع ومتواضع المستوى، كان يعتمد فى مقدمته على الخطيب الذى تم تصفيته منذ بداية مبارة القاهرة بواسطة فوزى المرضى. الفريق التونسى كان فريقاًمكتملاً إلا فى ثغرة كبيرة فى خانة حساسة هى حراسة المرمى (عتوقة)، كانت السبب فى تخطيهم بفارق الأهداف فى المباريتين. ولكن كيف كانت الخواتيم. طار السودان من التأهل للأولمبياد، وتأهل لنهائى كاس أفريقيا بأثيوبية (ولم يكن ذلك إنجازاً فى ذاك الوقت) فماذا فعل فى النهائى، تجرع الهزائم وخرج من الدور الأول. حيث أمام الفرق المكتملة دفاعاً ووسطاً وهجوماً، لا تنفع عشوائية وحظ على قاقرين، ولعب ضربو رما!
فترة يانكو وعلى قاقرين هى فترة سالبة فى تطور مستوى وتكتيك الكرة السودانية، حيث أن فترة منتصف السعينيات وما بعدها شهدت الكرة عالمياً وأفريقياً تركيزا كبيراً على الخطط والتكتيك. ولعدم العلمية فى إدارة الكرة والتدريب بالسودان، فوجود اللاعبين المهرة والأذكياء كروياً هم من يحققون الفارق وبطريقة غير مياشرة تطوير أساليب وتكتيكات اللعب، وبما يتناسب مع إمكانيات اللاعب السودانى الجسمانية والمهارية والذهنية، والفوز بجدارة دون الإعتماد على الحظ. فيانكو فترته هى بداية إضمحلال مستوى الكرة السودانية، قبل الرياضة الجماهيرية.
يجدر الإشارة أن بعد الرياضة الجماهيرية قام فريق النصر الإماراتى بإجرا إختبارات للفاضل سانتو وعلى قاقرين وقام بجولة لعب فيها عدة مباريات إختبارية، كان الفارق واضحاً بين علو مستوى الفاضل سانتو وتواضع مستوى على قاقارين. فضم سانتو الذى حقق مجداً وتاريخاً ناصعاً له وللسودان بالإمارات. على قاقرين مثل الفنان إبراهيم الكاشف كلاهما سابق لآوانه مع إختلاف المقصود. فالكاشف سابق لآوانه بإبداعة الفريد فى موسيقاه وألحانه، فنافس من بعده من آجيال تطورت فى خلالها الموسيقى بالسودان. وعلى قاقارين بكورته بتاعة ضربو رما وسط عباقرة الكرة فى جيله فقد سبق آوانه، بينما آوانه اليوم حيث تواضع مستوى الكورة فهو نسبياً الأفضل من ناس ضربو رما اليوم أمثال كاريكا والمدينة، فخانته شاغرةً اليوم. والخطة ياها خطة يانكو الدفاع المستميت، بحارس ودفاع متواضيعى المستوى، والله كريم!
يا خليل ظلمت حمورى وأنس النور وربما غيرهم، هما الأفضل مع مراعاة تطور الكرة من حولنا وتدنيها لدينا مما صعب المهمة عليهما. كما أن إحصائية على قاقرين يعتلى هدافى القمة ب 19 هدفاً هذا لا يعنى شئ وقد علقت عليه فى بوست سابق لك، ذلك يعود لمواظبته طيلة 10 سنوات وكثرة المباريات التى شارك فيها خلافاً لماجد وجاد الله والفاضل سانتو وكمال عبد الوهاب على سبيل المثال. وستجد فى أهدافه عددا من ضربات الجزاء، وعددا كبيراً خرج فيها فريقه مهزوماً. فإحصائيتك غير علمية للمقارنة.
تقديرى
11-13-2011, 06:35 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
طيب يا وليد عشان ما تقول لخبطتك ومرقت من الموضوع..انا سألتك لأنو إجابتك في نظري غلط.. وانا عن نفسي بشوف الكورة السودانية في تطور وده ما كلام نظري لأنو عندي معايير التطور لكن إنت جاوبت كده خبط لزق زي ما بيقولوا.. انا لا أعرف كورة الخمسينات والستينات بل ما بعتبر دي فترة للقياس.. لكن تعال نمسك تلسودان في الفترة ما بين 75 لحدي اليوم ونقيس تطور وتدهور الكورة.. طبعا إنتو ماسكين في بيضة الديك حقت 70 واللي من بعدها ما قامت لينا قايمة.. تطور الكورة بيتقاس بي النتائج والمخرجات مااا أي شي تاني.. وعليه ما يحققه المنتخب والهلال والمريخ في الزمن الحالي لم يمر علي السودان في الوقت القريب وأخص هنا الهلال ثم المنتخب ثم المريخ.. الهلال نهائ87 ثم نهائي92 ثم دور الأربعة الكبار وعلى التوالي في 5 مناسبات..المنتخب لعب نهائيات أفريقية مرتين خلال 4 سنوات وكاد أن يصل لي نهائيات كاس العالم وهو على بعد مباراة واحدة.. المريخ لعب نهائي قبل تلاتةسنوات ودوري مجموعات ودوري أربعة.. عرفت ليه انا سألتك السؤال ده؟؟؟ وعرفت ليه إجابتك غلط..؟ مع إني متأكد إنك ح تكابر وح تقيس لي التطور والتدهور بي لعيبة زمان ولعيبة أسة ووو.. يا وليد أنصحك بي الإستماع لي البروف كمال شداد وهو يحكي مسيرة منتخبنا الوطني من الخمسينات وكيف إنو كان في فقاعة كبيرة عيشونا فيها ...
11-14-2011, 07:43 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: بكري المدينة موهوب ولكن وبكل أمانة اعتقد أن المشكلة عندنا هي مشكلة تدريب فقط وتخطيط إداري وانا اعتبر هذين الجهازين هما مشكلة الكرة السودانية.
كما تفضلت اي شيء من غير تخطيط حتى واذا نجح لم يستمر طويلا والعبرة الكرة السودانية منذ بدايتها لم يعملوا على تطويرها من حيث الملاعب والضوابط الادارية في السودان ولكن صراحة الان تغيرت الملاعب وطبيعة الارضية ولكن تنقصنا الادارة الواعية والتخطيط السليم من مدارس سنية وتاهيل مدربين وادارة وهذه الاشياء لم تكتمل ما لم نرجع نرمم ونعالج العلل
11-14-2011, 08:42 AM
ايهاب ايهاب
تاريخ التسجيل: 05-06-2002
مجموع المشاركات: 2878
Quote: .. فقط يحتاج لتدريب اكتر حتى يستطيع معالجة عيوبه و المتمثلة فى انهاء الهجمة بشكل جيد و التنوع فى التهديف >> يعنى متين يهدف بالطريقة ده ومتين يهدف بالطريقة ديك ومتين يمرر ومتين يتخلص من الحارس وووووو
طيب فضل شنو يخليهو لاعب مميز ما تقولو لي جراي
11-14-2011, 08:42 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: انا ما زول رياضة بس جيت اوريك اتصلت بالخال حسن طه والحمد لله وصل طاااااااااااب بخير وعافية وقال لي ما قدرت الم في وليد المسنوح
الشيق شيقوق ياريت كان تكون بتاع كورة ان شاء الله فرّاجة كان اليوم متعتنا بالحكاوي عنها اها ماعايزين ليكم مدرب زي صاحبك المصري الحتل معاك في الداخلية وضرب المشمر والمحمر وشرب اللبن . . تشكر على المرور الانيق ياشيقا
الريس الكوتش سعادتو / يوسف محمد يوسف ... كل سنة وانت طيب تعرف ياريس حديثك دا خلاصة لكل مايدور في عقلي وكنت اريد الحديث عنه والتدني الواضح دا اكيد له توابع ومؤثرات ولم تسلم الام ما لم نضحي بالجنين لذلك لابد من العلاج بسرعة لهذه المشكله حتى تكون هنالك اجيال تلعب رياضة بطريقة سليمة حتى اذا لم تحقق نتائج متروكه لظروف اللعب وكل حديثك اتفق معه بالكامل ...
Quote: كابتن ولى
كل عام أنت و اخوتى المتداخلين بالف خير
عزيزى .. التدنى الواضح فى مستوى كرة القدم فى السودان أسبابه عديدة ، فأمر كرة القدم عندنا يحتاج إلى إعادة صياغة فى كل ما يتعلق بأمرها . كرة القدم فى العالم كغيرها من الأنشطة المختلفة فى الحياة نالت كغيرها من الاهتمامات الانسانية و المجتمعية الكثير من التطور .. سخرت من أجل هذا التطور المنشود كل الامكانيات المادية و العلمية و الذاتية ووضعت لها البرامج و الخطط المطلوبة للتطور .. لا اود أن اخوض بالتفصيل فى ما هو واجب و مطلوب من أجل نهضة الكرة عندنا تفاديا للاطالة .. ولان هناك ورقة سنتقدم بها للاتحاد العام السودانى .. عسى و لعلا !! لاعبى كرة القدم فى السودان و منذ بداية معرفتهم لكرة القدم فى هذا البلد و حتى الآن – ماعدا قلة موهوبة – ظلوا مفتقدين للإلمام بأبجديات كرة القدم المعروفة بالاتي : التحكم بالكرة و المناورة - Ball control & dribbling التمرير ، المدى ، الدقة - Accuracy passing & range النهايات ، مهارات الكرة - Finishing & Ball skills و لقد ثبت بالتجارب أن هذه الأساسيات ( الأبجديات ) المطلوبة للعب كرة القدم يسهل تعلمها و إتقانها فى الصغر فى سن ( 7- 14 ) و هى السن التى ثبت علميا سهولة تطوير المهارات المختلفة لدى الإنسان فيها . لذلك اهتمت الدول بإقامة الأكاديميات و المدارس المختلفة للألعاب و خاصة كرة القدم .. ما اود أن أقوله هنا .. لابد لنا أن نبدأ الإعداد لفريقنا القومى " المستقبلى " الآن ، و اقول الآن لان هناك فرصة ذهبية لابد من الاستفادة منها .. و اعنى بذلك الدعم المقدم من دولة قطر – 2 مليون دولار – للفريق القومى . حيث أرى أن يستخدم هذا الدعم فى ابتعاث عدد ( 22 لاعب ) تتراوح أعمارهم بين ( 10 – 14) إلى أحد أكاديميات كرة القدم بالبرازيل لتعلم أساسيات كرة القدم فيها و حتى يكونوا نواة لفريق قومى مستقبلى .. اقول ذلك و أمامنا تجربتين من دولتين آسيويتين فى هذا المجال هما ( اليابان / كوريا الجنوبية ) كيف بدأ لعب الكرة و اين هما الآن على المستوى الآسيوى أو العالمى ... اما الاجتهاد لتطوير بكرى المدينة و أخوته اللاعبين الآن فى الفريق القومى .. فهذا إهدار للمال و الجهد و سمعة الكرة السودانية ..
كنت اعلم أن مداخلتى ستكون خارج النص و ليست خارج مضمون ( البوست ) .. لقد درجنا أن ندلو بدلونا اينما كان الحديث فى الشأن الكروى عندنا .. فنحن جزء لا يتجزأ من المجتمع الكروى .. فان توقف الاسهام البدنى فلا بد لنا من اسهام بالفكر و الرأى و النقد و المقترح .. طمعا فى اصلاح ما آل اليه حال الكرة السودانية... والخروج عن النص هنا كان مقصودا .. فقد درج البعض فى نقاش تدنى مستوى كرة القدم اجترار الماضى الكروى - المتواضع - فى سجل تاريخنا الكروى اقول المتواضع احتكاما لما حققناه من نتائج على مستوى الفرق القومية و الاندية و اللاعبين .. فبعد اكثر من نصف قرن على انضمامنا الى الاتحاد الدولى لكرة القدم ( الفيفا ) و مشاركتنا فى تأسيس الاتحاد الافريقى و المشاركة فى كلا البطولات العالمية و القارية فعلى مستوى النتائح بالنسبة للفرق القومية و الاندية .. الحصيلة هى على المستوى العالمى .. مشاركة واحدة اولمبيا ( دورة ميونخ ) و على المستوى القرى .. بطولة افريقيا ( 1970 م ) بالخرطوم .. اما على مستوى الاندية .. بطولة واحدة .. كأس الكؤوس الافريقية ( المريخ – 1989 م ) .. اما على مستوى اللاعبين ففى نفس الفترة .. لم يحترف لنا لاعب واحد – رغم بروز الكثير من المواهب - فى نادى عالمى و اقتصر الاعتراف على دولة واحدة تتفوق علينا فى مستوى الكرة و هى مصر .. اما باقى الدول العربية و التى اعترف فيها العديد من اللاعبين السودانيين .. فهى دول كنا متقدمين عليها فى كرة القدم بل و ساعدنا فى انتشار اللعبة فيها – نتائج منتخبنا القومى فى الدورة العربية منتصف الستينات من القرن الماضى – تثبت تفوقنا على كل الدول الغربية ما عدا مصر ... لذلك محاولة اجترار الماضى كما اسلفت مع تواضعه لا يفيد فى شىء ولا و لن يعذى تخلفنا الكروى الآن .. فى الوقت الذى تطورت الكرة فى الكثير من الدول العربية و التى تقل مساحتها عن مساحة ولاية الخرطوم .. بل و تفوقت علينا فى الكثير من المواجهات ... بمثل ذلك فان محاولة اصلاح الحاضر الكروى على مستوى الفريق القومى او الاندية او اللاعبين .. و فى ظل وطن يعانى ازمة فى كل نواحى حياته .. هى اشبه بسراب يحسبه الظمآن ماء .. فما تعانيه الرياضة عموما و كرة القدم خاصة من ازمة لا تنفصل مما يعانيه الوطن من ازمات فى السياسة و الاقتصاد و التعليم و الصحة .. و المجتمع !! لذلك فلننظر للمستقبل و نطرح له من الدراسات و الافكار و الخطط و البرامج التى يمكن أن تخرجنا من هذه الازمة الكروية علما بأننا نمتلك اهم مقومات الخروج منها وهى " الموهبة الكروية " .. و .. " الخامة " التى يمكن أن تطوع و تصقل لينتج منها لاعب الكرة المطلوب ... عسى ان يأتى زمن ينصلح فيه حالنا و نكون فيه اكثر استعدادا للحاق بما فاتنا من ركب كرة القدم مع غيرنا من الشعوب ,,,,,,,,
و الحديث يطول يا ولى
لك معزتى
11-14-2011, 01:30 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
الأخ يوسف.. تحياتي كذبة أخرى صدقناها وكنكشنا فيها كنكشة الماضي..كذبة إسمها الموهبة الكروية!!!!وما أدراك ما كنا نسمعه ونقرأه من تصريحات لي أي مدرب خواجة يقول ليك إندهشت لفطرة اللاعب السوداني!! لكن والله يا كابتن يوسف ما رأيته انا من فطرة ومهارة عند اللاعب السعودي واللاعب المصري تفوق بمراحل فطرتنا وموهبتنا -ديل الجنسيتين السمحت لي الظروف بي مشاهدتهم والإحتكاك بيهم.. وانا متأكد لو فريق من الحواري بتاعت الرياض مشى السودان ممكن يشيل الدوري مرتاااح..الشعب السعودي موهوب كرويا للحد البعيد وانا هنا بتكلم عن موهبة الحواري والزقاقات وليك في تجربة فريق الشباب أسوة.. نحن فاكنها في روحنا وواقفين في حتت نتكلم فيها عن أمجاد وفطرة وخامة والناس ماااشة
11-14-2011, 02:27 PM
يوسف محمد يوسف يوسف محمد يوسف
تاريخ التسجيل: 12-28-2006
مجموع المشاركات: 2368
Quote: ما رأيته انا من فطرة ومهارة عند اللاعب السعودي واللاعب المصري تفوق بمراحل فطرتنا وموهبتنا
اخى عمر
لك ودى
اتفق معك فى رأيك .. انا اقيم فى المملكة العربية السعودية لاكثر من 22 عاما .. و انا متابع لصيق للتطور السريع للكرة السعودية و اللاعب السعودى بصفة خاصة .. و يقينى بأن ذلك لم يك بالموهبة او الفطرة فقط ، و انما بتنمية هذه الموهبة بتوفير كل مستلزمات النماء المطلوبة .. خذ كل سبيل المثال : المدارس على مستوى المراحل مجهزة بمختلف ميادين الرياضة و هناك حصص للتربية البدنية يشرف عليها اساتذة مؤهلون .. على مستوى الاحياء توجد ملاعب اهلية مجهزة باحدث الوسائل للالعاب المختلفة .. الكثير من الميادين وسط الاحياء تم اعدادها و تجهيزها بالانارة للنشاط الاهلى - الرابطة الرياضية بالجالية السودانية بمنطقة مكة المكرمة - تمارس نشاطها بسهولة فى ميدين عديدة مجهزة بكل وسائل المنافسات .. على مستوى الاندية توجد اكاديمية النادى الاهلى لكرة القدم و نادى الاتحاد و مدينته الرياضية - و تعال شوف العجب - فى كيفية اختيار المواهب و اعدادهم ليكونوا لاعبى المستقبل .. نادى " البنك الاهلى " عبارة عن مدينة رياضية لكل الالعاب مزود بكل المرافق للاعداد البدنى و النفسى و الاخلاقى - يعمل فيه عدد من المدربين السودانيين - المشهود لهم بالمؤهل و الخبرة و الخلق الرياضى ... هذا على سبيل المثال فى مدينة جدة فقط .. و ينطبق ذلك على كثير من المدن السعودية .. يساعد فى كل ذلك الميزانيات المهولة المخصصة للرعاية العامة للشباب السعودى .. و الخطط و البرامج التى تنفذها الرعاية العامة للشباب ، اضف الى ذلك العم الكبير الذى تحظى به الرياضة و خاصة كرة القدم من الشرركات و رجال الاعمال و الشخصيات العامة .. هم يدعمون بلا حساب .. توفر المعدات الرياضية من حيث الجودة و السعر مما يجعلها فى ايدى اى طفل و شاب فى المملكة .. وفوق ذلك الاستعانة بالمدربين العالميين على مستوى الفرق القومية و الاندية .. و اللاعبين المحترفين ... هذه هى اسباب التفوق .. الامكانيات و التخطيط السليم .. و الحصيلة هى التطور اليومى لمستوى الكرة و الرياضة عموما ..
فهل وفرنا لابنائنا 0.1 % مما اراه هنا ؟؟ لا ... يا اخى عمر !!
مودتى
11-14-2011, 02:28 PM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: وانا متأكد لو فريق من الحواري بتاعت الرياض مشى السودان ممكن يشيل الدوري مرتاااح..الشعب السعودي موهوب كرويا للحد البعيد وانا هنا بتكلم عن موهبة الحواري والزقاقات وليك في تجربة فريق الشباب أسوة.. نحن فاكنها في روحنا وواقفين في حتت نتكلم فيها عن أمجاد وفطرة وخامة والناس ماااشة
ياعمر الفاروق ماعشان كدا انا بقول ليك الكره بتاعتنا بعد ان تطورت في مرحلة رجعت تاني للتخلف واهو الكلام الانت بتقول فيهو دا زمان اي فريق سوداني بيصقع ليك ناس العودية 13 لو حصل يوم ونسك واحد من عجائز كرة القدم ناس الحواري ديل بدايات تعليمهم كانت من المحترفين السودانيين ابوهيوت عماد خوجلي 0 معتمد خوجلي ومتوكل عبد السلام واخرهم عاكف عطا .. ودا صراحة شرفنا خير تشريف لعب للوحدة ثم ام الحمام زي ماقلت الان وانا اتحدى اي فريق في السودان بداية من هلال مريخ لو يستطيعوا هزيمة اولاد حواري جده عشان كدا عمر لفيت ورجت تاني لكلامي برااااااااااك بالمناسبة اشياء كثيرة فوق عايز اوضحها ليك لاني اتفق معك في اشياءواختلف معك اختلاف كبير في اشياء اخرى بالزات قصة كان زمان والمباراة الوحيدة بتاعت ناس المحينة في التلفزيون والبوليس اللابس ردا وحصان السواري اها انا الحتة دي مابجهلها وبختها في مقارنه زيها وزي عجائب الدنيا السبعة والطابية والدرويش الكتلو غردون لازم نشوف الرياضة زمان كيف والان كيف ونعمل ليها مدرج تكراري متين صعدت ومتين نزلت
11-14-2011, 03:10 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
والله والله يا وليد وانا بكتب في مداخلتي دي قلت وليد ح يجي يشيل الحتة دي ويقول لي بببس يا عمر لفيت وجيت لي كلامي..لكن تاني قلت إمكن تفهمني وتفهم قصدي..نووووو يا وليد نحن زمان بندي الناس ديل 13 لأنهم ما كانو خاتين الحاجة دي في بالهم مش لأنو نحن كويسين..بالمناسبة انا لسة عند رأيي كورتنا في تطور بس قدر شنو ده المحك !! نحن الكريف حقنا ماشي لي قدام بسبي بطء والناس التانين ماشين لي قدام بس بي سرعة الصاروخ..انا ما بقارن ليك كورتنا مع التانين بقدر ما بقارن ليك بين كورتنا زمان وكورتنا أسة..
كابتن يوسف كلامك صاح وميةمية وانا شخصيا عندي تجربة طممت بطني..ففي أول يوم لي في الرياض شباب عزموني تمرين فقمت إعتذرت ليهم وقلت ليهم ما عندي لسة هدوم كورة..قبل ما أتم جملتي دي كانت العربية وقفت في محلات الفالح للرياضة والكدارة والشورت والفنيلة والشرابات قدامي والجماعة بيتحالفو منو البيدفع...زنننن راسي ضرب وسرحت في أولاد الحلة هناك وكيف كان العندوكدارةيصنف ود عز.. والعايز يشتري هدوم كورة بيخش صندوق ويشيل الصرفة الأولى.. بس برضو يا كابتن انا إتعمدت أقول ليك الحواري دي لأنو هنا برضة في ناس تعبانة وساكنة في جخانين حالهم حال أولاد حلتنا ةزقاقاتنا ويكفي إنهم بيلعبو في شوارع ظلط ةمسفلتة وما متاحة ليهم زي ملاعبنا..
حقيقة بالرغم من كل هذا الكم من المداخلات و النقاش ... الا ان هذا اللاعب مستواه عادي جدا ولا يستحق هذه الهالة الاعلامية الكبيرة... وهي مشكلة اللاعبين الان ,لا يستحقون ولا 0.0000001 من هذا الاهتمام والزخم الاعلامي بكافة انواعه ... رغم الطفرة الكبيرة والاهتمام الذي توليه الدول والاندية لهذه اللعبة , الا ان الوضع عندنا في السودان مغاير تماما, ولا نننكر المردود الايجابي للهلال في بطولة رابطة الابطال ( بالرغم من عدم احرازه للقب او حتي بلوغ المبارة النهائية) كذا تأهل المنتخب للنهائيات الامم الافريقية, وكذا بلوغ المريخ لنهائي الكونفدارلية ... الا ان ذلك لا يعني اننا نسير في الطريق الصحيح ...
مطلوب عمل جاد ودؤوب وبتجرد ونكران ذات وقبل ذلك خطة عمل للانطلاق .. بكري المدينة من الصعب ان يتعلم بعد هذه المرحلة السنية.. واين كان هو من قبل ؟ يعني المدربين اللي اشرفوا عليه ما انتبهوا لهذا العيب ؟
11-15-2011, 07:41 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: والله والله يا وليد وانا بكتب في مداخلتي دي قلت وليد ح يجي يشيل الحتة دي ويقول لي بببس يا عمر لفيت وجيت لي كلامي..لكن تاني قلت إمكن تفهمني وتفهم قصدي..نووووو يا وليد نحن زمان بندي الناس ديل 13 لأنهم ما كانو خاتين الحاجة دي في بالهم مش لأنو نحن كويسين..بالمناسبة انا لسة عند رأيي كورتنا في تطور بس قدر شنو ده المحك !! نحن الكريف حقنا ماشي لي قدام بسبي بطء والناس التانين ماشين لي قدام بس بي سرعة الصاروخ..انا ما بقارن ليك كورتنا مع التانين بقدر ما بقارن ليك بين كورتنا زمان وكورتنا أسة..
عمر ياحبيبي انت الماقادر تفهم كلامي للان والله انت الان بتقول نفس كلامي وترجع تختلف معاي مع انو كلامي واضح وبسيط ولو ملاحظ بكتب حتى بلغة الشارع والمدرجات والمساطب ودا كلامي لو متابعني بكل البوستات 1- كرة القدم علم وكنا نجهله ... معناها ياعمر كرة القدم متطورة بتطور علمها وثقافتها في كل انحاء العالم ونحنا لم نستفيد وتطورنا بطي جدا لم نحصل هذا الركب اذا فضلنا نتغالط الديك من البيضة ولا البيضة من الديك 1- كرة القدم في السودان تقدمت من زمان وتوقفت في مرحلة معينة من السنين 2- ومايحدث الان للرياضة لاسباب غير انها فنية وادارية مشكلة دولة معناها مفروض تعامل الرياضة معاملة التعليم والصحة 4- التدني لا يحدث في الرياضة فقط ممكن يحدث حتى في الاخلاق وهوية الشخصية السودانية وليس بتقدم السنين لازم التطور يحدث بالعكس ممكن يحدث تخلف زي ما حاصل الان 5- كرة القدم تطورت من زمان في السودان وحتى عام 95م ودا جيل هيثم والعجب الى ان وصلو عام 2007 م وبعدها استوب ياعمر مشيت السودان لعبت دافوري في الحلة مع الشفع ازهلوني من الامكانيات ولكن من يطور هذه المواهب ومن يفسح لها المجال لو الشغلة احزية زي مابتقول الان الاولاد ديل بيلبسوا احزية صفراء وحمراء وبرتقالي وفنايل جوفنتوس والريال وبرشلونه وملاعب نجيل صناعي لالالالا ياعمر التطور يعني غير ذلك ودا كلامي ياريت نمشي نقطة تانية 1- ياريت تكون اتفقت واقتنعت بكلامي وكلام طارق الكوتش في قصة اثر الاعب الاجنبي في الملاعب السودانية 2- وقصة تطور الكرة السودانية الى ان وصلت فترة معينة وتوقفت
11-15-2011, 07:56 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
صباحك خير يا وليد.. كده يادوووب ح أقول إتفقنا وجاوبت على سؤالي لأني لقيت الكلمة البفتش ليها والبتنصف جيلنا ده.. كورتنا تتطور لكن ببطء... وده ما إسمو تدهور مش؟ يلا كده ممكن أمسك معاك في الخط.. وده والله العايزك تفهمو من مداخلاتي الكتيرة دي
11-15-2011, 08:20 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: كورتنا تتطور لكن ببطء... وده ما إسمو تدهور مش؟
ياااااااااااااا عمر ياااااااااااااعمر المره الجاية بفلقك لما تكون مره جيت الرابع في الفصل والمره التانية جيت الثالث والبعدها جيت التاني والبعدها جيت الاول والبعده جيت الثالث معناها هنا حصل تدهور في مستواك بعد ان كنت ماشي في تطور شكلك ياعمر انت فاهمني لكن بتاحول تراوغ وتحاور بس ... نقطة سطر جديد خليك معاي في مباراة الكميرون والسودان ونشوف موضوع الثقافة الكروية في هجمة للمنتحب السوداني ومن كره معكوسة من خارج خط الـ 18 في داخل خط ستة وفي مستوى الراس واحد اسمو تقريبا عبد الرحمن عمل قفزة وهو جاري نحو المرمى و رفع رجلة واضاع هدف مؤكد للسودان سؤلي ليك من الافضل كان يتصرف كيف ؟
11-15-2011, 09:09 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
والله يا وليد تفلقني ولا تطير لي جوز زي حق بلة جابر ما بخليك في النقطة دي... وبي مفهومك ده زاتو انا بسألك.. أحسن ليك تجي أول الطيشة ولا طيس الاوائل؟؟؟ بالنسبة ل مفروض تعمل دايفينق زي ما عمل زيكو في هلال مريخ وجاب قونو الخرافي داكي سؤالك ما قدرت أتخيلوا لكن أي كورة على مستوى أو أقل من الراس بي شوية في حتت زي دي
11-15-2011, 09:31 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: والله يا وليد تفلقني ولا تطير لي جوز زي حق بلة جابر ما بخليك في النقطة دي... وبي مفهومك ده زاتو انا بسألك.. أحسن ليك تجي أول الطيشة ولا طيس الاوائل؟؟؟
تعرف جوز بله جابر دا مرات بخليني اخل في هدومي عديل واكنكش جسمي العنف مطلوب بس العنف القانوي زي بتاع كافو في مباراة المانيا حشاها لي واحد ودهو المستشفى مباشرة واحد في مباراة الكميرون لابس نمره ستة صاحبنا جاري ونط للاعب الكميرون في ركبينو من الخلف لاعب الكميرون دخل مره اخرى واللاعب السوداني اخد كرت اصفر يعني يفقد الفريق لاعب ليس من الاهمية له و دي مامن ثقافتة الله في وربنا يصلح الحال برضو تقول لي متطورة ياعمر يااااااااااخ
Quote: بالنسبة ل مفروض تعمل دايفينق زي ما عمل زيكو في هلال مريخ وجاب قونو الخرافي داكي سؤالك ما قدرت أتخيلوا لكن أي كورة على مستوى أو أقل من الراس بي شوية في حتت زي دي
وهو كذلك اختصار للزمن مع سرعة الكره ودا التركيز الافضل لاحراز الهدف دي مشكلة الاعب السوداني الان ممكن يجري ويدخل الصندوق ويعمل زي ماهو عايز كمان لو مدافع الناس تجد له العذر ويقولو ما مدافع بالله شفت كيف خليفه عمل دخل الصندوق و لعبو ليهو ( تو ) داخل خط سته ضرب الكره بسن الكدارة وابعدها عن رجله وبعدها اتحسر ومسك راسو (تأمل ) وهذه اهم ثقافات كرة القدم اللعب من مربع الى مربع في الملعب يختلف من حيث التعامل مع الكره
11-15-2011, 09:36 AM
يوسف محمد يوسف يوسف محمد يوسف
تاريخ التسجيل: 12-28-2006
مجموع المشاركات: 2368
Quote: كده يادوووب ح أقول إتفقنا وجاوبت على سؤالي لأني لقيت الكلمة البفتش ليها والبتنصف جيلنا ده.. كورتنا تتطور لكن ببطء...وده ما إسمو تدهور مش؟
الاخ وليد
أخى عمر
التطور فى كرة القدم فى الدول يقيم بما تحرزه من نتائج ( راجع تقيم الفيفا )
نتحدث شوية عن حكاية " كورتنا تتطور لكن ببطء "
1970 م ( الخرطوم ) فزنا بالدورة الافريقية لاول و آخر مرة ، بعدها لم نشارك فى النهائيات الا عام 2008 م ( غانا) و خرجنا من الدور الأول. و سنشارك فى الدورة القادمة بنتجة احسن عدم المتأهلين " يعنى تمومة عدد!! "
1972 م( ميونخ ) شاركنا فى الدورة الاولمبية - خرجنا من الدور الاول - و لم نشارك مرة اخرى حتى الآن .
كاس العالم .. طبعا لم يحصل لنا الشرف حتى الآن ..
فيا أخ عمر .. البطء فى التطور الذى تتحدث انت عنه غير موجود .. و لو كان فى تطور تقوده " سلحفاة " .. لكن وصلت به الآن البرازيل و انتظرت باقى الدول لتنافسهم فى كأس العالم 2014 م بالبرازيل ..
ياخ عمر .. انت و الله " لذيذ.. و.. رايق "
مودتى لكما
11-15-2011, 10:07 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
اخونا يوسف.. انا طبعا بتكلم عن تطورنا بي لغة جيلي وما عاشرته وشاهدته عشان كده بستبعد كل الفترات دون 76 فانا من مواليد نهاية السبعينات -ما نهاية شديد :-) -. اخونا احمد الريح واخونا معاوية حسين وديل من ابناء جيلي برصثو عندهم إسهامات بي الإحصائيات تدعم الموضوع ده وبتجيب ليك اطور مستوى السودان حسب الفيفا..فياريت يدونا طلة أو زول ينبههم.. جيلنا حقق نتائج ممتازة على مستوى الأندية والمنتخب والتأهل الأخير ليس تمومة عذ فالسودان لم يخسر سوى مباراة واحدة فاز 4 تعادل مرة وخسر مرة ودي ما حصلت قريب إلا من قبل سنتين لما فزنا خمسة مرات وتعادلنا مؤة.. التطور بالنتائج ونتائج المنتخب في تطور ملحوظ
11-15-2011, 10:32 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: على قاقرين مثل الفنان إبراهيم الكاشف كلاهما سابق لآوانه مع إختلاف المقصود. فالكاشف سابق لآوانه بإبداعة الفريد فى موسيقاه وألحانه، فنافس من بعده من آجيال تطورت فى خلالها الموسيقى بالسودان. وعلى قاقارين بكورته بتاعة ضربو رما وسط عباقرة الكرة فى جيله فقد سبق آوانه، بينما آوانه اليوم حيث تواضع مستوى الكورة فهو نسبياً الأفضل من ناس ضربو رما اليوم أمثال كاريكا والمدينة، فخانته شاغرةً اليوم. والخطة ياها خطة يانكو الدفاع المستميت، بحارس ودفاع متواضيعى المستوى، والله كريم!
ياخي حرام عليك طلعت قاقا لايملك اي موهبة وشغله شغل عتاله على كل حال ان ذكرت هنا قصة هدفين وممكن في الهدف المسجل في التلفزيون تقدر تستخلص بان قاقرين يمتلك موهبة واتفق معك بان الموهبة لاتقاس بعدد الاهداف وكل مباراه لها ظروفها ولكن ممكن نمسك بحساسية التعامل مع الشباك ودي موهبة لايمتلكها اي شخص
11-16-2011, 06:44 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
اسلوب عقيم في تنفيذ ضربات الجزاء بطريقة امشي شوت ووديها محل ماتوديها لم يعلم مازدا بان ضربات الجزاء لها ترتيب في اللاعبين دخل الملعب تعامل معها بسزاجه وممكن قبل خمسة دقائق من نهاية المباراة تدخل لاعبين من الاحتياطي لاجل تنفيذها الغريبة قبل كدا ميشو اخرج سادمبا ومهند قبل دقائق من نهاية المباراة والمباراة ماشى الى ضربات جزاء ودي ثقافة لايعرفها اي مدرب مهما كانت خبرته ...
11-18-2011, 04:07 AM
نادر الفضلى نادر الفضلى
تاريخ التسجيل: 09-19-2006
مجموع المشاركات: 7022
Quote: ياخي حرام عليك طلعت قاقا لايملك اي موهبة وشغله شغل عتاله على كل حال ان ذكرت هنا قصة هدفين وممكن في الهدف المسجل في التلفزيون تقدر تستخلص بان قاقرين يمتلك موهبة
وليد تحياتى انا ما محتاج اشوف لى تسجيل لعلى قاقارين، شوفناهو شوف العين لسنوات كورتو جرى ومدافرة وشوت عشوائى. لا بعرف يستلم كورة أو يمرر باص أو يسوق كورة أو يراوغ .. وجوده يعنى ما فى باصات أو بناء هجمة ملعوبة. وعن اللقطة بالفيديو، دى حالة شاذة وصدفة ورزيق فى مبارة مصر (زملائه بالفريق القومى كانوا بيسموه على رزق) .. لو تذكر قبل سنتين تقريباً فى مباراة للفريق القومى مدثر كاريكا عمل ليهو لقطة كده كورة باص عرضى وهو جارى لعبه بالكعب أمامه وجاب منها قون .. أها دى لمن يعتزل ما بعملها تانى .. ياها تثبيتة قاقارين بالفيديو الما بتشبه كورتو الأحسن وصف لها كما قلت (عتالة) مع الحظ
Quote: واتفق معك بان الموهبة لاتقاس بعدد الاهداف وكل مباراه لها ظروفها ولكن ممكن نمسك بحساسية التعامل مع الشباك ودي موهبة لايمتلكها اي شخص
لم تكن له حساسية مع الشباك، والحساسية تقاس بإرتفاع نسبة التهديفات السليمة بين الخشبات، وحتى إن أنقذها الدفاع والحارس. زولك دا بشوت ليهو فى الشوط الواحد سبعة شوتات .. ستة طاشات وواحدة بالصدفة بين الخشبات. ولعشوائية تهديفه ذكرت فى مداخلتى السابقة، برغم قوة تسديداته ولكنه لم يشوت فاول بره التمنتاشر .. بينما المبدع الفنان عزالدين عثمان الدحيش كان يمتع الجمهور بلعب الضربات الثابتة بإتقان .. وكذلك الفاضل عثمان سانتو .. ديل ناس جيله ومعاهم نصر الدين عباس جكسا وكمال عبد الوهاب .. كان قاقارين نشاذاً بينهم عشان كده قلت أنه سابق لأوانه ..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
وليد عبد اللطيف
khaleel
عمر الفاروق
عبدالكريم أحمد الامين
الصادق صديق سلمان
Sayed Bekab
يوسف محمد يوسف
نادر الفضلى
الطيب شيقوق
ايهاب
فيس بوك
تويتر
انستقرام
يوتيوب
بنتيريست