|
Re: المنتخب السوداني يلعب ويمتع.. والكاميرون تفوز!! (Re: الامين موسى البشاري)
|
Quote: فريق ماشي يلعب بطولة يتم تجميع اللاعبين في المطار فقط وبدون أن يجروا حتى تمرين واحد معقولة بس |
ده ما عذر ناس الكاميرون اى لاعب اتى من مطار مختلف
+ عندنا مشكله كبيييييرة يا البشارى ومتمثله فى الدفاع ومن فتره طوييييلة وده برجع ليها بالتفصيل ............
+ مازدا بقول هسع على التلفزيون : 1- اشركنا عدد كبير من اللاعبين الجدد >> ليس عدد كبير لاعب واحد شوطين + لاعب شوط وآخر الشوط التانى واتنين آخر الدقائق ( غير محسوبين ) يعنى المحصلة عدد 2 لاعب من 11 الباقى 9 >> 9 لاعبين قدام مقابل 2 فقط جداد >> يعنى مازدا ده يا بكضب على ناس تلفزيون المغرب عشان يبرر الهزيمة او هو ما عارف نفسو قاعد يعمل فى شنو ... وايضا مازدا قال : 2- الدورى السودانى فى نهايته وده اثر على اللياقة >> ده كلام خارم بارم اغلب منافسات المنتخبات الوطنية بتكون فى نهاية المواسم لاغلب البلدان : ... ابطال اوربا ... ابطال افريقيا .... الخ 3- التحكيم قسى علينا >> ده شماعة ساااى اها خالد المصطفى قال معقبا على كلام مازدا :
كلام مازدا كلام منطقى > وده مجامله طبعا او عدم فهم
| |
|
|
|
|
|
|
Re: المنتخب السوداني يلعب ويمتع.. والكاميرون تفوز!! (Re: Emad Mohamed)
|
اخونا البشاري تحياتي وعامك سعيد
ياخ مشكلة كورتنا السودانية لو كانت نسبتها 100% فانا اجد ان هذا المازدا يمثل فيها 80%
مازدا افشل مدرب مشى علي قدمين وغير فشله التدريبي دايما زول منحوس. منحوس بمعنى الكلمة
انا اعرف مدربين فاشلين ولكن احيانا تخدمهم الظروف ويعملو ليهم حاجة. اما هذا المازدا
فاشل ومنحوس والشي البغيظ جد اصرار اتحاد الكرة علي توليه امر الفريق القومي في كل مرة
والمحصلة هي المحصلة في كل عام فشل وهزايم وتبرات فطيرة للهزايم وهوان ما انزل الله به من
سلطان.... انا طبعا( كصفوة) وحفاظا علي صحتي العامة اقسمت ان لا اشجع المريخ تحت اي ظرف من
الظروف وفي اي وقت يتولي فيه هذا المازدا تدريب المريخ.
| |
|
|
|
|
|
|
Re: المنتخب السوداني يلعب ويمتع.. والكاميرون تفوز!! (Re: الخير محمد عوض)
|
**الأُستاذالأمين.. ** سلام.. ## تعرف علتنا فى هذا الكائن المُسمى مازدا ,, لايصلح لتدريب فريق روابط ناهيك عن فريق قومى ,, لايمتلك الشخصيه لقيادة فريق مرتبك ,, متردد ,, ضعيف فى توظيف اللأعبين داخل الميدان ,, لايوجد إى تكتيك لبناء هجمات أو الإرتداد عند فقدان الكره ,, ينظر الى اللأعبين بحسابات هلاريخ :- إذ لابد أن يتساوى عدد لاعبى الناديين فى الميدان خوفاً من جمهور الناديين والإعلام..
## وبما أنو النسور تابع للشرطه والخرطوم تابع لجهاز الأمن ,, بالله تبعو لينا الفريق القومى للجيش أو المؤتمر الوطنى وجيبوا لينا مُدرب أجنبى عندو شخصيه قويه. (ودام الود بين الجميع) (ابو محمد فؤاد)
| |
|
|
|
|
|
|
Re: المنتخب السوداني يلعب ويمتع.. والكاميرون تفوز!! (Re: Magdi Ahmed Elsheikh)
|
Quote: تعرف علتنا فى هذا الكائن المُسمى مازدا ,, لايصلح لتدريب فريق روابط ناهيك عن فريق قومى |
عبد الكريم حرام عليك هذا الكائن هو من أوصل السودان مرتين لنهائيات أمم أفريقيا بعد سنوات عجاف وفاز السودان في عهدة ببطولة سيكافا للأمم مرتين على التوالي المشكلة في اللعيبة وليس في المدرب فلو تم تعيين أفضل مدرب في العالم للمنتخب وبوجود لعيبة أمثال موسى الزومة وبلة وربيع والحارس المستهتر المعز محجوب لن تتغير النتيجة قبل مازدا تم تعيين عدد من المدربين الأجانب ولم يتغير الحال من حيث النتائج والإنجازات فإن مازدا هو الأفضل حتى الآن فتشوا عن الكائنات الأخرى سبب علة الكرة السودانية
| |
|
|
|
|
|
|
Re: المنتخب السوداني يلعب ويمتع.. والكاميرون تفوز!! (Re: الخير محمد عوض)
|
Quote: مازدا افشل مدرب مشى علي قدمين وغير فشله التدريبي دايما زول منحوس |
حبيبنا الخير
كل سنة وانت طيب ياااخ أتفق معك في نحس مازدا وخصوصاً مع المريخ ولكن بالرغم من ذلك يجب أن لانبخس الرجل حقه فهو أحسن الموجودين في الساحة وآخر تأهلين للفريق القومي لنهائيات افريقيا كان بفضل الله ثم بفضل جهوده
تحياتي
| |
|
|
|
|
|
|
Re: المنتخب السوداني يلعب ويمتع.. والكاميرون تفوز!! (Re: طارق الكوتش)
|
Quote: ده ما عذر ناس الكاميرون اى لاعب اتى من مطار مختلف
+ عندنا مشكله كبيييييرة يا البشارى ومتمثله فى الدفاع ومن فتره طوييييلة وده برجع ليها بالتفصيل ............ |
طارق الكوتش
سلامي وتحياتي... المقاربة بين لاعبينا ولاعبي الكاميرون عسيرة المنتخب يحتاج لوقفه كبيرة إن اردنا الظهور بمظهر مشرف هناك مشكلة في الدفاع والهجوم ولا بد لمازدا مراجعة ذلك عيبنا من زمان ما بنعرف ندافع ومعظم الاهداف تلج من اخطاء المدافعين منتظرين عودتك يا حبيب مازدا بدأ بتشيكلة خاطئة وعندما استدرك ذلك تحسن أداء الفريق ولكن مع الاسف بعد فوان الآوان حيث سجلت الكاميرون هدفين في الشوط الثاني كنا الافضل وكنا قريبين من التعادل
| |
|
|
|
|
|
|
Re: المنتخب السوداني يلعب ويمتع.. والكاميرون تفوز!! (Re: الامين موسى البشاري)
|
Quote: وبفضله تأهل السودان مرتين للنهائيات |
في دي بالغت عديل كدا نقول الكلام دا صاح.. طيب اها (فصله) دا مالو وقف في الادوار التمهيدية وشايفك كمان كاتب المعز ضمن نجوم المباراة رغم انو دخلن فيهو ثلاثة اهداف يعني لو ماكان نجم كان لي اسع بيجيب الكور من جوة الشبكة القون التاني سببو المعز لانو خرج غلط ولا بقى في قونو ولا قطع الكورة ـــــــــــ مازدا زول متررد وماعارف يعمل شنو واي زول شاهد المباراة عرف انو دخول كاريكا كان مهم لانو بكري المدينة الاطرش دا جهجه دفاع الكميرون
| |
|
|
|
|
|
|
Re: المنتخب السوداني يلعب ويمتع.. والكاميرون تفوز!! (Re: على ميرغني)
|
علي ميرغني
كيف حالك .. أنت شفته المباراة ولا بتتكلم من منازلهم؟ كتبت ما يلي:
Quote: شايفك كمان كاتب المعز ضمن نجوم المباراة رغم انو دخلن فيهو ثلاثة اهداف يعني لو ماكان نجم كان لي اسع بيجيب الكور من جوة الشبكة |
ياااخ ال 3 أقوان المعز لا يسأل عنهم بل القون التاني المعز مرقوا وصد الكورة 3 مرات ومهاجم واحد وسط 3 مدافعين تابع الكورة وجابها قون أها المعز يعمل ليهم شنو الرمم ديل؟
Quote: القون التاني سببو المعز لانو خرج غلط ولا بقى في قونو ولا قطع الكورة |
خرج ولا ما خرج المهاجم لعب الكورة ودقت في العارضة ولعبها تاني المعز صداها وتاني صداها وصداها أها المعز يسوي ليهم شنو في الحالة دي خرج غلط اتفق معاك فيها لكن الكورة ما جات قون وصداها مرتين او ثلاثة ... مدافعينك ديل قاعدين يسوا في شنو؟ المعز صد أكتر من كورة غير ال 3 أقوان ديل
Quote: واي زول شاهد المباراة عرف انو دخول كاريكا كان مهم |
أووووووووووووف بوينت أنت من الاستديو التحليلي قالوا كاريكا مصاب وعشان كده ما لعب يا علي ميرغني .. ماف أي مدرب ممكن يتجاوز كاريكا ويلعب زول تاني مكانه كده ارجع شوف كويس وتعال لي راجع
تحياتي
| |
|
|
|
|
|
|
Re: المنتخب السوداني يلعب ويمتع.. والكاميرون تفوز!! (Re: الامين موسى البشاري)
|
Quote: خرج ولا ما خرج المهاجم لعب الكورة ودقت في العارضة |
لا تفرق يا حبيب.. لو كان ماخرج وقعد وسط الخشبات كانت الكورة في متناول يدو شخصياً اتفرجت عليها من مكاتبهم.. معليش ما حضرت الاستديو التحليلي.. لكن دا يمابنفي انو مازدا متردد في متابعة مجريات الملعب.. وكدا قول لي لماذا لم يلعب مهند من قولة تيت عموماً نعم شكل الفريق السوداني كان ند للكاميروني.. بس مافي بصمة مدرب وحتى البنلتي تثبت رعونة بكري المدينة الاصر على تخطي ثلاثة لاعبين رغم الفارق الجسماني الظاهر وفي الحتة دي.. كنا شلة بنتفرج على الكورة كل الحضور اجمعوا على ضرورة تفادي اللعيبة السودانيين الاحتكاك الجسماني.. لكن الوضع استمر طيلة المباراة.. يعني مازدا كان متفرج ومتفرج سلبي كمان ةبقية المباريات ح تثبت ليك انو مازدا ما حيستفيد من اخطاء كورة امس والعك ح يستمر وكل لاعب وامكانياتو
| |
|
|
|
|
|
|
|