|
Re: أحسن مذيعة في الفضائيات السودانية قاطبة (Re: عادل عبدالرحمن إبراهيم)
|
سالي عثمان، خامة ممتازة تستحق التشجيع لكي تخلق شخصية مستقلة بعيدا عن النمطية ويتأتى ذلك بعدم استعجال الشهرة والنجومية، وبالمثابرة والمتابعة والاطلاع على التجارب العالمية
التلفزيون السوداني يحتاج إلى قدوات تأخذ بأيدي المواهب، وهذا غير متوفر. على المواهب أن تجتهد بنفسها خارج الوسط التلفزيوني
وكما قال الأخ عادل عبد الرحمن يفضل أن نتحاشى صيغ التفضيل والتعميم لكي يعرف الموهوب نواحي موهبته ويعمل على تنميتها
كل عام وأنت بخير يا ملاسي
| |
|
|
|
|
|
|
Re: أحسن مذيعة في الفضائيات السودانية قاطبة (Re: معاوية الزبير)
|
اعتقد اننا بنعانى من انعدام معدين البرامج اللى بتساعد المذيع او المذيعه لادارة حوار شيق وجميل وذو نفع للمشاهد بجانب قلة خبراء الديكور واحتمال قلة الامكانيات البتجبر الاستديو على ديكور معين غير مناسب لنوع البرنامج ومضمونه عموما مذيعين الاخبار افضل من مذيعين البرامج
| |
|
|
|
|
|
|
Re: أحسن مذيعة في الفضائيات السودانية قاطبة (Re: طارق الكوتش)
|
Quote: بالرغم من عدم معرفتي بأسماء معظم المذيعات ممكن تحدد أسم المذيعة وأحسن في شنو في المظهر في تمكنها من اللغة وإدارة الحوار حدد بوضوح أحسن في شنو |
أتوقع بيت القصيد من ( البوست ) هنا : Quote: و ذلك على الرغم من أن (أمدرمان) أسوأ فضائية سودانية بعد توقفت قناة (زول)! |
| |
|
|
|
|
|
|
Re: أحسن مذيعة في الفضائيات السودانية قاطبة (Re: malik_aljack)
|
عمران عيدك مبارك >>>
Quote: أتوقع بيت القصيد من ( البوست ) هنا : |
>>
Quote: و ذلك على الرغم من أن (أمدرمان) أسوأ فضائية سودانية بعد توقفت قناة (زول)! |
التلفزيون الناجح هو الذى يستفيد من الصورة قدر الامكان وذلك فى - الدراما الهادفة بكل انواعها - الاخبار الطازجة المصحوبة بالصورة الحقيقية من مكان الحدث - الغناء المقترن بالرقص المعبر وعلى حسب الايقاع - المنافسات الرياضية والنقاط اعلاه تحتاج لصور عالية الجوده و اخراج جيد
اها وبالرجوع لاغلب برامج الفضائيات السودانية ممكن بارتياح تغلق الصوره تماما وانت مستمتع بالحوارات و الغناء و الاخبار والذى منه
يعنى بالعربى كده المزياع ممكن يقوم بالواجب
| |
|
|
|
|
|
|
Re: أحسن مذيعة في الفضائيات السودانية قاطبة (Re: طارق الكوتش)
|
!!!
Quote: و ذلك بعد أن تحولت من (زول) ل(أمدرمان). |
والله يا ملاسي الزولة دي في قناة زول كان بيقدم معاها واحد موهوب جدا إسمو أحمد كاريوكي ..
الإتنين ديل كانوا متعة والله متعة الصباح ..
يا ريت لو حسين خوجلي جاب الزول دا برضو ..
إحتمال يغيروا ترتيب القناة من الطيش ليي تاني الطيش ..
واكيد الطيش في الحالة دي حا يكون فضائية ولاية الخرطوم ..!!
| |
|
|
|
|
|
|
Re: أحسن مذيعة في الفضائيات السودانية قاطبة (Re: طارق الكوتش)
|
Quote: - الغناء المقترن بالرقص المعبر وعلى حسب الايقاع - المنافسات الرياضية |
يا كوتش قناة قون قدمت هدية في فترة سابقة للفنان الكابلي ومعاهو أهلنا الحلوين من الأحباش أنا لي حسي بسمع في ( يا هلة تنوري ) بمتعة المشاهدة الأولى قناة الجزيرة الرياضية ( الإحترافية جداً ) أهدتنا القناة الإخبارية بتقنية HD والله يا كوتش حتى الإعلانات تستمتع بيها __ الجيد والجميل من الأشياء يفرض نفسه حتى من دون إعلان أو تجميل بالعبارات
| |
|
|
|
|
|
|
Re: أحسن مذيعة في الفضائيات السودانية قاطبة (Re: عمران حسن صالح)
|
ملاسي سلام انا غايتو ودي وجهة نظري الشخصية في فرق بين المذيعة ومقدمة البرنامج والمذكورات اعلاه كلهن بقدمن برامج مع اني غير متخصص صحافةلكن حسب معلوماتي في فرق المهم مافي مذيعة (مقدمة برامج سودانية) في المذيعات السودانيات قاطبة مؤهلة لأن تصبح مذيعة بالمقياس العالمي او حتى الاقليمي ..لاحظ انو القنوات الفضائية السودانية واصحابها ناس حسين خوجلي وغيرهم رغم تخصصهم بركزوا على الاوجه فقط ومدى تفاعلها مع الكريمات والمذيعات نفسهن همهن ثوب لماع ورقاش وبسمات واهم شئ يكون في فنان جنبها تتخارج بيه لما تحس بانه موضوعها انتهى او عجزت عن الكلام طوالي تؤشر للفنان وخلينا نستمع ونرجع عشان تفكر ليها في هبيب جديد يعني المذيعة السودانية غير مثقفة محليا ولا اقليميا ولا دوليا ولا تجيد اي لغة حتى اللغة العربية ناهيك عن اللغات الاخرى دي مسألة صعبة وبتزعل ناس كثير لكن دي الحقيقة لما تاخد المذيعات العربيات كنماذج من حولنا تلاقي المذيعة تجيد لغتين او ثلاثة لغات بطلاقة وتمتلك ثقافة تؤهلها ان تقدم برنامج كامل دون ان اصطحاب فنان او فنة لتخرجها من الورطات ....
| |
|
|
|
|
|
|
Re: أحسن مذيعة في الفضائيات السودانية قاطبة (Re: عاطف ابراهيم)
|
متابع يا عمران ياخ فعلا تقنية الـ HD مبااالغة خصوصا فى باقة ابوظبى ياخ تقارن بين مباراة فى الدورى الممتاز السودانى على قناة قووون و مباراة فى الدورى الممتاز الانجليزى على احدى قنوات ابوظبى الرياضية >>>>>>> بتقرب تنتحر من حيث الصورة و الاخراج .... و من حيث المستوى الفنى >> لا تعليق
| |
|
|
|
|
|
|
Re: أحسن مذيعة في الفضائيات السودانية قاطبة (Re: رانيه محمد الشيخ)
|
حسين ملاسى ..كل سنة وانت طيب ..
شاهدتها فى برنامجها الحوارى مع الاستاذ عبدالغنى كرم الله ... صراحة اشفقت عليها قبل الحوار ..خفت عليها من سرحان عبدالغنى فى الكلام وانو ممكن يغلبها (تلمو) ..لكن وضح لى بعد ان اكملت الحوار انها جاءت للبرنامج مذاكرة (عبدالغنى كرم الله) كويس جدا ..وقدمت برنامج تعريفى ممتاز لكاتب شاب ولد باسنانه ...البرنامج كتب عنو معاوية الزبير ووعدتو اجى راجع وماجيت لى اسى ..
بس قصة افضل واحسن دى مفروض يكون فيها معايير حتى لو معايير متابع ومستمع عادى ....
تحياتى
| |
|
|
|
|
|
|
Re: أحسن مذيعة في الفضائيات السودانية قاطبة (Re: رانيه محمد الشيخ)
|
حسين ملاسى ..كل سنة وانت طيب ..
شاهدتها فى برنامجها الحوارى مع الاستاذ عبدالغنى كرم الله ... صراحة اشفقت عليها قبل الحوار ..خفت عليها من سرحان عبدالغنى فى الكلام وانو ممكن يغلبها (تلمو) ..لكن وضح لى بعد ان اكملت الحوار انها جاءت للبرنامج مذاكرة (عبدالغنى كرم الله) كويس جدا ..وقدمت برنامج تعريفى ممتاز لكاتب شاب ولد باسنانه ...البرنامج كتب عنو معاوية الزبير ووعدتو اجى راجع وماجيت لى اسى ..
بس قصة افضل واحسن دى مفروض يكون فيها معايير حتى لو معايير متابع ومستمع عادى ....
تحياتى
| |
|
|
|
|
|
|
Re: أحسن مذيعة في الفضائيات السودانية قاطبة (Re: Hadia Mohamed)
|
تحياتى يا ملاسى و الحضور.
بسأل، المعاير شنو؟
أو ببساطة، أنت شخصياً العجبك شنو؟
و نحن جميعاً، ماذا نتمنى أن نرى فى مقدمى البرامج و المذيعيين؟
أتمنى رؤية، معايرة حقيقية و شفافة، يُشرك فيها المشاهد فى هذا الصدد..
فمن يشارك فى تطوير فكرة تلبى التطلعات؟
| |
|
|
|
|
|
|
Re: أحسن مذيعة في الفضائيات السودانية قاطبة (Re: صلاح شكوكو)
|
Quote: لكنني وددت من داخلي لو أنني وجدت عنوانك يقول (( أحسن مذيعة سودانية )) ثم وجدت في البوست فوجدت أمامي صورة الأستاذه القديرة .. |
لو لم "تتخارج" زينب البدوي الى بريطانيا منذ نعومة أظافرها لكانت مثلها مثل من نفاضل بينهم الآن ولما كان لها حظٌ فى إطراءكم هذا
| |
|
|
|
|
|
|
Re: أحسن مذيعة في الفضائيات السودانية قاطبة (Re: khaleel)
|
الاخ صلاح شكوكو
أولا كل عام وأنتم بخير
بصراحة أنا معجب بأداء المذيعة البريطانية السودانية الأصل زينب بدوي ومعك جق تضع صورتها فوق، الزولة دي ليها مقدرة عالية في إدارة الحوار ولباقة في إختيار مفرداتها حتى عندما تضطر لمقاطعة ضيفها تعطي لمسة أنيقة على الحوار
لوشاهدتها في برنامجها Hard Talk تصل لقناعة من تمكنهاومقدرتها في إدارة حوار بمهنية عالية للأسف أن عدد كبير من مذيعات الفضائيات السودانية يعتمدن على مظهرهن ويحتمين خلف الجمال والأناقة، أنا مع أختيار المذيعات على أسس الثقافة واللغة وتمكن المذيعة من أدائها المهني أولا ثم المظهر ثانياً، لو لاحظت معظم المذيعات الأوروبيات جمالهن عادي ولكن ثقافتهن عالية ويمتعن بمهنية عالية
هنالك مئات السودانيات المتمكنات في مجال اللغة والثقافة والمهنية تأتي بالدراسة والتدريب وليأتي المظهر أخيرا ليتنا نغير المفاهيم والأسس التي بموجبها يتم أختيار المذيعات ليتنا نفعل وسترون النتيجة
| |
|
|
|
|
|
|
Re: أحسن مذيعة في الفضائيات السودانية قاطبة (Re: عادل عبدالرحمن إبراهيم)
|
عادل عبدالرحمن إبراهيم
Quote: الاخ صلاح شكوكو
أولا كل عام وأنتم بخير
بصراحة أنا معجب بأداء المذيعة البريطانية السودانية الأصل زينب بدوي ومعك جق تضع صورتها فوق، الزولة دي ليها مقدرة عالية في إدارة الحوار ولباقة في إختيار مفرداتها حتى عندما تضطر لمقاطعة ضيفها تعطي لمسة أنيقة على الحوار
لوشاهدتها في برنامجها Hard Talk تصل لقناعة من تمكنهاومقدرتها في إدارة حوار بمهنية عالية للأسف أن عدد كبير من مذيعات الفضائيات السودانية يعتمدن على مظهرهن ويحتمين خلف الجمال والأناقة، أنا مع أختيار المذيعات على أسس الثقافة واللغة وتمكن المذيعة من أدائها المهني أولا ثم المظهر ثانياً، لو لاحظت معظم المذيعات الأوروبيات جمالهن عادي ولكن ثقافتهن عالية ويمتعن بمهنية عالية
هنالك مئات السودانيات المتمكنات في مجال اللغة والثقافة والمهنية تأتي بالدراسة والتدريب وليأتي المظهر أخيرا ليتنا نغير المفاهيم والأسس التي بموجبها يتم أختيار المذيعات ليتنا نفعل وسترون النتيجة |
لك التحية والود أخي عادل لعلك قد أجملت نيتي وبواحي في مداخلتك التي تجعل إستزادتي تخل بالمراد .. ولعل جزئية المفاهيم والمعتقد المهني لهي كارثة الكوارث في شخصياتنا المهترية والمشكلة من خلال فناعات واهية تجعل مخرجاتها أمام الآخر فيه قدر من التصور الخاطيء الذي يعيد إنتاج ذات المفاهيم الحاطئة بنوع من التمادي والسباق المجنون الذي يقود الى مالانهاية فينتج مسخا منبتا عن الواقعية المهنية .. ليبقى المطهر خلاف الجوهر .. وتبقى المهنية ليست هدفا بل مجرد خاطرة نلوذ لها عند النقاشات .. وهذا يمكن القياس على كل أساليبنا المهنية في كل المجالات فمن المؤكد أننا سنرى العجب العجاب .. أما إذا ما حاولنا قياس ذواتنا بالآخرين فإن الأمر سيكون مجحفا في حق الآخرين.
حتى الجمال له مفهومه الخاص فبينما هو عندنا نحور مكشوفة وعكش ملبوس وجير يملأ الوجه فيجعله مسخا وعيون مؤطرة بألوان وبهرج يجعل المرأة مسخا شيطانيا.. فهو في بيئات التوازن مجرد لمسة بسيطة تطفي لمحة لا تخدش الشكل والمضمون .
أكرر شكري الجزيل لك أخي الفاضل والتحية والتقدير للقديرة زينب بدوي
وتحية خالصة للموهومات من مذيعاتنا اللآئي نشفق عليهن من أنفسهم ولولئك الذين يجملون لهن هذا المسخ حتى أصبحن مدلسات في آتون المسخرة
وكان الله في عوننا
.
| |
|
|
|
|
|
|
Re: أحسن مذيعة في الفضائيات السودانية قاطبة (Re: Hussein Mallasi)
|
ملاسي إزاى الحال
عليك بكلام khleel - رغم هلاليته:) - ففعلا سلمي شاااطرة حضور وقدرة على إدارة الحوار يبهرك وثقافة عالية جدا وتمكن لا تخطئه العين فى حضرة مُستضافين عمالقة. لو لم تقدم سلمى سوى (ياأعز الناس) لكفاها
فى إعتقادي أن الحكم على نجاح المذيعة / المقدمة أو فشلها يعتمد بقدر كبير على من هم المُستضافين __ مع التحية - بدون تعليق- لمن أفرد لها البوست و صاحب البوست
| |
|
|
|
|
|
|
Re: أحسن مذيعة في الفضائيات السودانية قاطبة (Re: walid taha)
|
Quote: أحسن مذيعة في الفضائيات السودانية قاطبة |
ما ليك أمان نسرين نمر أوعك تجي تقول لي إنك استهللت ذلك البوست ب ( لعلها أفضل مقدمة برامج تلفزيونية سودانية في الوقت الحاضر) لأن الوقت الحاضر ما زال مستمرا حيث لم يتغير شئ في نظري..
- هذه المذيعة ، أو أيا كان مسماها الوظيفي ، شاهدتها في قناة توقفت عن الإرسال بمعية عدد من المغنين والمغنيات وكانت صورتها تظهر بما يعادل 119% من زمن الحلقة لدرجة أنني في إحدى المرات لم أر الضيف كلو كلو..
| |
|
|
|
|
|
|
|