|
|
 احييييييي أنا
|
من منكم ( صبيان ) لم تزلزل تلك الجملة القصيرة ثباته و تتركه في حالة ارتباك يبحث عن خطاء ما فيه لم تبصره عينه ( و ما العيب في أخطائنا !! الطبيعي ان نخطئ حتي نتعلم و نستمتع بالحياة )
من منكن ( بنات) لم تشحذ تلك الجملة القصيرة قرون استشعارها باعتبارها جملة بذيئة و تقع تحت بند مقدمات الجماع، فولت الأدبار لا تلوي علي شي ؟
أدعوكم لسبر أغوار تلك الجملة التي ساهمت بشكل مباشر في ما نحن فيه كشعب سوداني
أدعوكم من اجل الأجيال القادمة لنزع فتيل هذه القنبلة اللفظية الصالحة لكل زمان و مكان
-
المضحك انها ما جملة فعلية و رغم ده بنتعامل معاها كلنا كسودانيين كجملة كاملة الدسم محتشدة بالفاعل قليل الحياء و الاف المفعول بهم.
|
|
  
|
|
|
|
|
|
|
|
Re: احييييييي أنا (Re: خدر)
|
سلامات يا فنان
تعرف يا خدر عبارة "احي انا" عندها استعمالات كتيرة جداً في العامية السودانية، وطبعاً في فرق كبير
بين "احي انا" و "احيييييييييي انا" و الأخيرة دي بيستعملوها النساء عادة ومعناها بيتغير حسب الموقف
البتتقال فيهو، يعني مثلاً ممكن المرأه تقول "احيييييييي انا" في بيت بكا وهي بتبكي وتوصف في المرحوم
او المرحومة يعني استعمالها بكون لوصف حالة حزن وبرضو ممكن تقولها اي امرأه لما واحد في اولادها يكسر
او يدفق حاجة مثلاً ودي بكون معاها عضة اصبع في الغالب وبكون الإستعمال هنا في حالة الغضب شديد و الزول
ما قادر يعمل حاجة.
لكن "احي انا" بدون جرة في الياء بستعملوها الأولاد في العادة كما ذكرت وبرضو استعمالاتها كتيرة لكن
الإستعمال الشائع لها هو ما كان على لسان الكثيرين عندما جرت المياه على مواسير بري بعد يوم واحد من
التظاهر والمطالبة بالمياه، وهذه "الأحي انا" تتبعها في الغالب عبارة "ما قلتو نوبة"، برضو كانت "احي انا"
تستعمل زمان لمعاكسة الفتيات في الشارع وطبعاً بتتقال معاها كلمات غزل كتيرة، غايتو الواحد ما عارف الشباب
الأيام دي لما يعاكسوا البنات بقولوا شنو!!.
"احي انا" عامل لينا فيها مثقف وبتكتب بوستات مفيدة اها تراكا فرشت بضاعتك في سوق البوستات الإنصرافية
كل سنة وانت و اسرتك بخير
| |
|
|
|
|
|
|
|
|
 Re: احييييييي أنا (Re: Kostawi)
|
أحييييي أنا
ومعاها جبده لليدين مضمومات لي وراء !
ولا معاها ترخيمة وقفلة عين واحدة ؟
__
ولّ "أحي انا" سريعة كده، نتجية طعنة مباغتة؟
| |
|
|
|
|
|
|
|
|
|
Re: احييييييي أنا (Re: elsawi)
|
Quote: و "احيييييييييي انا" و الأخيرة دي بيستعملوها النساء عادة ومعناها بيتغير حسب الموقف
البتتقال فيهو، يعني مثلاً ممكن المرأه تقول "احيييييييي انا" في بيت بكا وهي بتبكي وتوصف في المرحوم
او المرحومة يعني استعمالها بكون لوصف حالة حزن وبرضو ممكن تقولها اي امرأه لما واحد في اولادها يكسر
او يدفق حاجة مثلاً ودي بكون معاها عضة اصبع في الغالب وبكون الإستعمال هنا في حالة الغضب شديد و الزول
ما قادر يعمل حاجة.
|
يا فنان ،
كر علي و ووووب علي لغوهم ولا شنو ؟ 
استخدامات احييييي أنا واااااضحة يا معلم
-
يكفي ( احيييييي أنا ) سطوة انها الجملة السودانية الوحيدة ألما محتاجة لسياق لفهمها 
| |
|
|
|
|
|
|
|
|
|
Re: احييييييي أنا (Re: خدر)
|
Quote:
كر علي و ووووب علي لغوهم ولا شنو ؟
استخدامات احييييي أنا واااااضحة يا معلم |
لا ابداً ما لغوهم ولا حاجة
لكن "احييييييي انا" بتتقال بعد (كر علي) و (ووووووب علي)
وبعدما المرأه تستغفر وتتمخط وقبال ما ما تبدأ كرة اخرى
من الـ (كر علي) والـ (وووووووب علي)
| |
|
|
|
|
|
|
|
|
 Re: احييييييي أنا (Re: elsawi)
|
احييي ...أنا
وتلحقها سريعا دون فاصل زمني(عضة لشفة السفلية)
وتختلف في المعني عن تلك التي تلحقها(عضة للأصبع)
و أعتقد انك تقصد الأولي و التي تنم عن رغبة شهوانية
كدي واصل النشوف أخرتها
| |
|
|
|
|
|
|
|
|
|
Re: احييييييي أنا (Re: elsawi)
|
اول مره اعرف ان لاحى جوانب مخجله
:)))))))
غايتو انا من جيت بلدنا وسمعتها فى بيوت البكى ومواقف الغضب والغيظ
هى وكر عليه بيجوا قطعيه وحده المفروض
| |
|
|
|
|
|
|
|
|
|
Re: احييييييي أنا (Re: Hussein Mallasi)
|
| Quote: أياً كان مدلولها فكأنها صنعت لتقال للمريخ جراء الانسحاب الأخير |
100/100
مولانا خدر...كل سنة وانت بخير
أحييييي أنا... مما الله خلقنا لقيناها متداولة في كلامنا وفي غنانا
وفي مناحاتنا...ونقولها في مناطقنا المهمشة بمعاني مختلفة وفي
مواقف وصور وتعابير مختلفة بكل براءة...قدّام
الحريم وامام الجامع زاتو وهي كلمة صوتية...اظنها جات بالفطرة
هسي خلي اي شافع يهبش ليه جمرة....طوالي بقول اححححح
حتي قبال ما يعرف معاني الكلام وتشترك جميع معانيها في
الالم او الحرقة...(تكونوا مربعين كوتشينة حريق وانت في
الزون ويرموا ليك الفتوح...طوالي بتقول بي صوت عالي أحييي انا)
وما مهم مين حواليك ...دلالة علي مشروعية الاحي هنا...
وهنا تجدها بمعني تنفيس الغبينة والكربة والحرقة من الخصم
العامل فيها منقطا وبرمي دو وتريس ويجلي...
ما دايرالك الميتة ام رمادا شح
دايراك يوم لقا بي دميك تتوشح
الميت مسولب والعجاج يكتح
أحييي علي سيفو البسوي التح
وهي برضها أحيييي أنا...بس حذفت الانا للضرورة الشعرية
وهنا معناها...وا وجعي علي فقده...
ومثلا في...وما بتطفيه آه وأحي....لاحظ الاتنين الآه واحي
ربطوهن بطفي النار..القبيل ديك...
فاذن هي تعبير لدفع الاحساس بالالم والغبينة والمرارة
والحرقة وفي بعض الاحيان المواساة...
أما أحيي انا الحديثة...فلم تخرج من ذاك التعبير
القديم كثيرا ولم تتشوه...علي الاقل في مناطقنا
فنفس احساس (المحيّ انا) عندما تعجز قامته ان تطول
Chكسا كلونيتو فايحة...ويقول ليها
أحييي انا )فهي هنا بمعني (أندب حظي أم أمالي)
وبرضها حرقة لكن علي النفس...
غايتو انا اصلو ما بخليها
(أحيي أنا)
| |
|
|
|
|
|
|
|
|
|
Re: احييييييي أنا (Re: nazar hussien)
|
أنا ما عارف كيف
- الصاوي و رانيا و أبوالنيز مصرين علي خلو الجملة من الضحايا
- و الكرمبا و ابتفة و حبيب الكل التقطوا المعني سريع جداً
-
ملاسي يا خلبووووووص
| |
|
|
|
|
|
|
|
|
|
Re: احييييييي أنا (Re: nazar hussien)
|
Quote: أما أحيي انا الحديثة...فلم تخرج من ذاك التعبير
القديم كثيرا ولم تتشوه...علي الاقل في مناطقنا
فنفس احساس (المحيّ انا) عندما تعجز قامته ان تطول
Chكسا كلونيتو فايحة...ويقول ليها
أحييي انا ) فهي هنا بمعني (أندب حظي أم أمالي)
وبرضها حرقة لكن علي النفس...
غايتو انا اصلو ما بخليها
(أحيي أنا) |
هههههههههههههههههه
خلي الخرخرة يا نزار ياخ 
| |
|
|
|
|
|
|
|
|
|
Re: احييييييي أنا (Re: خدر)
|
اطار نظري
يا اخوانا, احيييي انا المقصودة هنا هي احييييي انا بتاعت البذاءة ديك
- احيييييي انا تجروا يا خوافين ( معاها وش ميت و عيون شامتة)
- احيييييي انا (معاها عضة شلوفة و تغيرات في شكل الحواجب و العيون و شوية ريالة كده )
- احيييييي انا منك ( معاها نفس التغيرات الفي الوش اعلاه)
ملحوظة:
كل (احييييي انا) مما ورد في المثال اعلاه تصاحبها عادة حركات تختلف في استصحاب يد واحدة او اليدين الاتنين لكنها جميعا تتفق في ضم قبضة او كف اليد
| |
|
|
|
|
|
|
|
|
|
Re: احييييييي أنا (Re: خدر)
|
اي كلام عن برأة (احييييي انا ) في حالة انها اتت كجملة منفردة و خلوها من الضحايا ببقي كلام متفائل لانو تحديد مرامي (احيييي انا) دايما بتوقف علي الكلمة البعدها. (احيييي انا ) السودانية القصدوها اخوانا الصاوي و نزار حسين و رانية مثلا لم ترد علي الاطلاق في سياق بيت البكا السوداني منفردة , تأتي دائما متبوعة بكلمات علي شاكلة يا بت امي , ود امي, ..الخ في اشارة للفقيد او المريض.تأتي ايضا في كون انها متبوعة بحركة, نحو عضة اصبع او يد و تقال للطفل - طفلة شقي/ة و عادة لا تأتي منفردة لكن تتبعها ايضا كلمة منك. تأني ايضا في اطار الغيظ او الحنق علي شي ما, احيييي انا من الكرسي ده , الكتاب , الموبايل , ..الخ.
إذن احيييي السودانية (بمعني الالم و الاسي و التوجع) و المصاحبة للموت و المرض ليست المعنية في بوستنا ده, انا قصدت (احييييييي انا) الشوارعية و مدلولاتها و تأثيراتها علي من تربوا وسط ازيز حروفها و قصف قائليها.
| |
|
|
|
|
|
|
|
|
|
Re: احييييييي أنا (Re: خدر)
|
أحييييي أنا.. فترنا من غسيل العدة ده..
أحييييي أنا.. الله يصرفك ياشوم يافقر ياهباش..
أحييييي أنا.. ياود أمي يا الجاهل نففففففف إستغفر الله..
أحييييي أنا.. الإمتحانات قربت..
أحييييي أنا.. ما قلتو نوبه..
أحييييي أنا.. العسل ده إلا ينقط..
أحييييي أنا.. التي يقصدها خضر.
إلخ إلخ إلخ
.
.
.
.
.
.
.
.
.
ملحوظة: تعابير الوجه وحركات الجسم تلعب ٧٥% في إيصال المعنى المراد.
| |
|
|
|
|
|
|
|
|
|
Re: احييييييي أنا (Re: حاتم محمد حاج المهدي)
|
أنا غايتو أول مره أعرف إنو الكلمه دي عندها معاني غير بريئه هنا في البورد دة ...لما زمان ميادة كمال كتبتا عنوان بوست وقامو عليها بلعوها ليها ...وأكيد ما كانت قاصده بيها حاجة ...
المعني .. الكلمه على حسب نية مستعملا..
| |
|
|
|
|
|
|
|
|
|
Re: احييييييي أنا (Re: سارة عيسى أحمد)
|
قلت لى كيف ياأب تفة (طعنة مباغتة) لوووووول
يااخى انتو بتجيبو الكلام دا من وين ؟
خدر ازيك (بدون أى احى )ههه
______________
ياياسر تعال بى هناك ,
صاحبك البندر عازمنا باربيكيو فى جوخ الخشب ..
| |
|
|
|
|
|
|
|
|
|
Re: احييييييي أنا (Re: سارة عيسى أحمد)
|
نحن فى البورد نقعد نتابع ناس خدر وابو تفة ديل لما يبوظو اخلاقنا...
غايتو احيى انا البنعرفا نحن ياها حقت مشاغلة البنات العاديه..
لووووووووووووول،،،
| |
|
|
|
|
|
|
|
|
|
Re: احييييييي أنا (Re: عبداللطيف حسن علي)
|
| Quote: إذن احيييي السودانية (بمعني الالم و الاسي و التوجع) و المصاحبة للموت و المرض ليست المعنية في بوستنا ده, انا قصدت (احييييييي انا) الشوارعية و مدلولاتها و تأثيراتها علي من تربوا وسط ازيز حروفها و قصف قائليها |
يا خدر ....
إنت معنون البوست (أحيييييي أنا)، وكاتبها في أكتر من مداخلة بي نفس الطريقة.
بس (الشوارعية) القلت عليها فيها ياء واااااحدة .... (أحي انا). ومرات كمان بتبقى (حي انا).
ما تلخبت لينا المعاني بالله.
| |
|
|
|
|
|
|
|
|
|
Re: احييييييي أنا (Re: محمد أبوالعزائم أبوالريش)
|
مممممممممممم
أحيييييييي انا يا ابو الريش من حوش البكري ومساطيلو
يعني ناس خدوري ديل فاكرننا احنا ناقصين يقعدو يقلبوا لينا في المواجع
في ناس زي حالاتنا كدي .. بزازو في سقط لقط من زمن حفرو البحر ... وعربيهم بقي زي عربي جوبا
يجو ينكتو لينا كلام زمان والناس الحنان
| |
|
|
|
|
|
|
|
|
|
Re: احييييييي أنا (Re: ShiningStar)
|
Quote:
إذن احيييي السودانية (بمعني الالم و الاسي و التوجع) و المصاحبة للموت و المرض ليست المعنية في بوستنا ده, انا قصدت (احييييييي انا) الشوارعية و مدلولاتها و تأثيراتها علي من تربوا وسط ازيز حروفها و قصف قائليها.
|
والله غايتو مرمي الله اصلو ما بترفع
قدر ما حاولنا نباصر ليك بوستك ده ونمرقو ليك
من الحتة بتاعة البوستات الجنسية و الإرتعاشية
الحايمة اليومين انت مصر تجيبو راجع تاني
| |
|
|
|
|
|
|
|
|
|
Re: احييييييي أنا (Re: elsawi)
|
كل سنة و انت طيب يا خدر
(احييييييي انا) دايماً بتستخدم للتشفي في شخص ما بعد ان يزاق مرارة الهزيمة او يفشل في ادراك شيء معين
و تدور عليه الدوائر و غالباً ما تسبقها او تلحق بها كلمة زووووط , اها كلمة زوووط دي هي البذيئة لكن (احييييييي انا) في نفسها كدة عادية
و اليات التلفظ بـ (احييييييي انا) كثيرة كما سبق و زكرتوها منها برضو دنقيرة الراس و بعد داك يبدا يرجعو لوضعو الطبيعي بتزامن مع لفظ (احييييييي انا )
خصوصاً في الحتة بتاعت (احييييييي) مع سحب اليدين للوراء (دي حركة بذيئة)
انا غايتو قاعد اقولها لكن بدون حركة اليدين دي و برضو بدون (زووووط) لانو هي الاساس للتدوير و الاغاظة بس , و حمانا الله و اياكم من البذاءة
| |
|
|
|
|
|
|
|
|
|
Re: احييييييي أنا (Re: تبارك شيخ الدين جبريل)
|
خـــدر
أحيييي أنا دي لو جابت الأميرة شايننق ستار
ومرقتا من جخنونا بس يبقى تستاهل عليها الأوسكار
حبيباً لينا في أيام الطفولة استحق العقاب
أها قامت الحاجة والدته رحمها الله ادتو قرصة عقربية في وركو
من النوع البخلي الواحد يهوي لي فوق داك
حبيبنا صرح : ( أحيييييي أنا يا علوية قطعتي قلبي )
فصارت لازمة تقال وسط الشلة خاصة عند حصول شاكوش أو ما شابهه
شايننق ستار
ما عافي ليك
| |
|
|
|
|
|
|
|
|
 Re: احييييييي أنا (Re: singawi)
|
احى انا زاتى يا خدر
فى القاهرة فى عام جميل من اعوام ربنا
كنت رفقة اصدقائى من "عقد الجلاد "
عملنا الغدا وواقفين بنتغدى لانه المحل صغير والناس كتار
جات بنية زى القشطة سمحة لمن تخلعك
عزمناها تاكل معانا
لكنها حلفت بالتقطعا كان تاكل
واحد من المسلطين واول حرفه عمر بانقا
قام قال ليها
ـ تاكلى معانا مالك ؟ مولودة فى هولندا واتربيتى فى الامارات وبتقرى فى جامعة القاهرة الام
تاكلى معانا ليه زاتو ؟ احى انا الابوى سواق كارو ومات
شفت احى انا دى سمحة كيف ؟ تعجبك
هسى عمر بانقا يجى يقول ليك ما حصل
احى انا
| |
|
|
|
|
|
|
|
|
|
Re: احييييييي أنا (Re: elsawi)
|
Quote:
والله غايتو مرمي الله اصلو ما بترفع
قدر ما حاولنا نباصر ليك بوستك ده ونمرقو ليك
من الحتة بتاعة البوستات الجنسية و الإرتعاشية
الحايمة اليومين انت مصر تجيبو راجع تاني
|
لووووووووول :)
الوشوش الضاحكة أبت لي كلو كلو :)
| |
|
|
|
|
|
|
|
|
|
Re: احييييييي أنا (Re: خدر)
|
أذكر أن أحدهم صاح منتفضاً "أحيّيي أنا" سبقها بإخراج صوت نتج عن سحب بعض الهواء الى الداخل مع بلع للريق
وذلك عندما شات مهند الطاهر كرة علت العارضة بقليل فى آخر دقيقة
فأين يقع تصنيف هذه "الأحييي أنا" ؟
على أن لا يكون هذا التصنيف بمعزل عن الصوت المشار إليه أعلاه
| |
|
|
|
|
|
|
|
|
|
Re: احييييييي أنا (Re: walid taha)
|
| Quote: أبو حسين ...ما قصدي والله إنو خدر ما بريء ...أنا قصدي عموماً يعني ... |
الحليفة في شنو يا سارة....!!!
هو خدر زات نفسو عارف إنو هو ما برئ ...
بعدين خدر دا لو قلتي ليه أي حاجة ما بزعل
زول طيب شديد و بتقبل النقد بي صدر رحب..
يعني أخدي راحتك
| |
|
|
|
|
|
|
|
|
|
Re: احييييييي أنا (Re: ABUHUSSEIN)
|
أبو حسين ...بهزر أنا ..إنت ما شفت الوش البي الجمبه ...أنا جديده في الكتابه في المنبر لكن قارئه ومتابعه قديمه وعارفة إنو خدر حا يجي ينفي عن نفسو تهمة البراءه ...
| |
|
|
|
|
|
|
|
|
|
Re: احييييييي أنا (Re: سارة عيسى أحمد)
|
يا سارة وشوش شنو ...
قلت ليك الزول دا طيب شديد و قلبو أبيض و لو قلتي ليه أي حاجة ما بزعل
يعني عادي جداً ممكن تقول ليه إنت زول شين و دمك تقيل و زول بايخ...
تصدقي برضو ما بزعل ...
يعني أخدي راحتك ...
| |
|
|
|
|
|
|
|
|
|
Re: احييييييي أنا (Re: ABUHUSSEIN)
|
مرحب بيك يا سارة في مطعم اباشا
Quote:
أبو حسين ...بهزر أنا ..إنت ما شفت الوش البي الجمبه ...أنا جديده في الكتابه في المنبر لكن قارئه ومتابعه قديمه وعارفة إنو خدر حا يجي ينفي عن نفسو تهمة البراءه ...
|
كان كدا ارجعي تابعي من اول ..
و يا حبذا لو تابعتي البوردات المجاورة كمان!
بتعرفي ترسمي!؟
ابقي على كلام ابو حسين شديد ..
-------
خدوري
امبسبول!!
احييييييي انا زاتو ياخ!
اما بعد
كل سنة و انتو طيبين ياخي
| |
|
|
|
|
|
|
|
|
|
Re: احييييييي أنا (Re: سارة عيسى أحمد)
|
| Quote: أبو حسين ...بهزر أنا ..إنت ما شفت الوش البي الجمبه ...أنا جديده في الكتابه في المنبر لكن قارئه ومتابعه قديمه وعارفة إنو خدر حا يجي ينفي عن نفسو تهمة البراءه ... : |
هههههههه هذه احدى المواضع التي يمكن استخدام احي انا بكل اريحية لوووووووووولز بعد تكرار كلمة بهزر انا او الوش البي الجمبه او جديدة في الكتابة
ياخدوري كل سنة وانت طيب ياخي بس انا قبل كده شفت مرة عجوزة طلعتها من عضم الشيطان كانت ماشه في الشمش وجات في ضل شجرة وختت يديها في صفحتها وقالت احي ياركبيني
تحياتي
زاتوووو
| |
|
|
|
|
|
|
|
|
 Re: احييييييي أنا (Re: ALZOLZATOO)
|
يبدو إنو صَفَقْ هولندا اللَخَدٌر إسكيلو أعلا من الواو [وِش مرخْم خالِس]*
-
يا طارق والله مشتاقين
المطرطش
ـ
الوشوش غالباني ذاتي اللنا كت فيها شاطر [وِش كيفِنّو كيفِنّو]
طرطشايي أخيره:
حَدِّ يشوف لي بكري بكان يشتري منو [حزام عفه] للمنبر [وشوش الدنيا والعالمين]
| |
|
|
|
|
|
|
|
|
|
Re: احييييييي أنا (Re: سارة عيسى أحمد)
|
سارة عيسى الاخرى
بركة في الشوفة يا صديقة
فرحت شديد بانعتاقك من المتاوقة بالرقراق .. ؤ جيتك بالدرب
طريقك اخدر ان شاء الله
ؤ بديلك اخضر
اما بعد
Quote:
قيقراوي يا صاحب ...كل سنة وإنت طيب ياخ ..
بالحيل بعرف ارسم ..المافي شنو :)
|
وكت كدا سن قلمك ساي ..
و ركزي على اللون الاخدر
و لّ بترسمي بالفحم هو!؟
------
خدوري امبسبول دا لا يمانع انو يترسم نما نمل
بس ما تنسي العود
هذا مع تحياتي و الشوق لكليكما
| |
|
|
|
|
|
|
|
|
|
Re: احييييييي أنا (Re: قيقراوي)
|
بالله أنا عضو جديد وعملت بوست عن ماذا تريد امريكا من السودان
عاوزين نستفيد من المثقفين والسياسين من شتى المنابت والاصول
علشان العاوز يحكم السودان يشوف امريكا عاوزة شنو ويصّرف.
بس أحييييييييييينى انا ما فى زول عبرنى
وياخدر احييييييييييي انا منك
وانتو العملتو مداخلات احيييييييييي انا منكم
واحييييييييي انا منكم ومن الجابنى البوست دا
| |
|
|
|
|
|
|
|
|
|
Re: احييييييي أنا (Re: صلاح الدين نزلاوى)
|
الله يجازي محنكم ...
بذاكر مع وليدي و مزرزراه و مزرزرني قمت قلت ليه "أحييييييييييييي أنا" بس إنتهيت من الكلمة كده إتذكرت خدر و البوست بتاعه :) و ياربي دي تقع تحت ياتو تصنيف و ضحكت كما لم أضحك من زمن بعيييد ...
الحياة Sudaneseonline
| |
|
|
|
|
|
|
|
|
|
Re: احييييييي أنا (Re: Tayseer Elmobarak)
|
| Quote: ياربي دي تقع تحت ياتو تصنيف و ضحكت كما لم أضحك من زمن بعيييد ... |
راجعي صفحة الملاحق و الشروحات يا تيسير
___
في العموم و من سياق الرواية تقبل منك كـ(احيييي انا) بريئة
| |
|
|
|
|
|
|
|
|
|
Re: احييييييي أنا (Re: قيقراوي)
|
يا سارة شايف ابو حسين الحاقد أتكلم بلساني
و قيقا الاحسد منو ما قصر
لمن احترت اقول شنو
لو قلت الاجابة الصحيحة وووووووب
و كان وافقت علي كلامهم ووووبين. :)
| |
|
|
|
|
|
|
|
|
|
Re: احييييييي أنا (Re: خدر)
|
| Quote: يا سارة شايف ابو حسين الحاقد أتكلم بلساني |
اها هنا أحسن تعبير أقولو أحـيـيـيـيـيـيـيـيـيـيـيـيـي أنا ........
| |
|
|
|
|
|
|
|
|
|
Re: احييييييي أنا (Re: ABUHUSSEIN)
|
Quote: اها هنا أحسن تعبير أقولو أحـيـيـيـيـيـيـيـيـيـيـيـيـي أنا ........
|
بتاعت ( الزول زاتووو ) ...
حدد نوع الأحي قبل إستعمالها يا أبو حسين ..
| |
|
|
|
|
|
|
|
|
|
Re: احييييييي أنا (Re: سارة عيسى أحمد)
|
Quote: بتاعت ( الزول زاتووو ) ...
حدد نوع الأحي قبل إستعمالها يا أبو حسين .. |
يا سارة الزول زاتووو دا بتاع مشاكل ....
و خدر دا بتاع محن...
و قيقا دا بتاع فِتن .....
و أنا زول بريئ
| |
|
|
|
|
|
|
| |
خدر
elsawi
Kostawi
Yassir Tayfour
7abib_alkul
Hussein Mallasi
nazar hussien
طارق جبريل
حاتم محمد حاج المهدي
سارة عيسى أحمد
الجيلى أحمد
ABUHUSSEIN
صديق الموج
عبداللطيف حسن علي
محمد أبوالعزائم أبوالريش
محمد مصطفي مجذوب
غباشي
تبارك شيخ الدين جبريل
سلمى الشيخ سلامة
قيقراوي
ALZOLZATOO
محمد عبدالرحمن محمد
صلاح الدين نزلاوى
فيس بوك
تويتر
انستقرام
يوتيوب
بنتيريست