|
|
|
 Re: بعد مقتل شاب :شرطة المناقل تحاول فك حصار (كمبو )القفيل غرب الجزيرة (Re: معاذ منصور)
|
سلامات يا معاز منصور
طبعا من المعروف ان اهل الكنابي في الجزيرة
هم اقوام اتت بهم موجات نزوح قديمة من غرب السودان
فاستوطنوا في منطقة الجزيرة علي ضفاف الكنارات والبرقانات
ولكن لان امر التهميش والاقصاء لم يجد يوما الحساسية الكافية التي
تمكن من النظر الي هؤلاء البني ادميين عل انهم مواطنين سودانيين يحتاجون
الي ان تصان ابسط حقوقهم في ان يملكوا اراضي جتي لو تلك الاشرطة التي
يشيدون عليها بيتهم من القطاطي، او تقديم خدمات موازية لهم في الصحة والتعليم
فالكنابي وقد تجاوز عمرها الستين عاما لا يعامل سكانها علي انهم مواطنين ، اضافة الي
العنصرية البغيضة التي تمارس ضدهم من السكان المحليين كما يفعل اهل قرية القفيل الان
حينما يطالبون بطردهم عقابا علي جريمة منصوص عليها في القانون وطريقة التعامل معها
ويمكن ان تلاحظ مستوي الغطرسة والزج باهل الكمبو في امر صناعة الخمور كقضية للتاليب
الاجتماعي فهل طرد اهل الخرطوم سكان الديوم يوما لان هنالك بعض البيوت تبيع الخمور.؟
ان عدم وجود حساسية واحترام لحقوق هولاء المواطنين هو ما رسخ لدي مواطنيهم من امثال اهل
القفيل ان يجدوا شجاعة في التعامل معهم بهذا الاقصاء.
لاحظ كمية الارهاب والعشوائية والهلع الذي يتعرض له هؤلاء الابرياء واطفالهم بسبب هذا الحصار
في الوقت الذي يجدون اذنا صاغية من المسؤلين بدل اصدار اوامر بالقبض علي كل من يستخدم او
يهم باستخدام القوة الجنائية ضد الاخرين وفقا للقانون ومنع اي شكل من اشكال الحصار والتعدي
هذا التساهل هو ما قاد الي ما عرف بمذبحة الضعين التي احرق فيها عرب كردفان مواطنيهم من جنوب
السودان وبدم بارد. وهو ما قاد مؤخرا الي قتل مئات الاشخاص في قارسلا بدارفور علي يد المعتمد انقابو.
وكلها مرت دون حساب او عقاب
| |
 
|
|
|
|
|
|
|
|
Re: بعد مقتل شاب :شرطة المناقل تحاول فك حصار (كمبو )القفيل غرب الجزيرة (Re: على عجب)
|
الاخ عجب كل عام وانت بخير
تناولك لجذور المشكلة اكثر موضوعية
ولكن الا تتفق معي انه كان بامكان اولئك المهجرين الانخراط اجتماعيا مع المجتمع من حولهم
مجرد تركهم لمهددات المجتمع - المسكرات - يمكنهم خلق علاقة حميمية فقد افسدت هذه الخمور الكثير
من ابناء القري المتاخمة لتلك (الكنابي ) وفي قرية القفيل -ذاتها - يوجد كمبو اخر من البرقو
والشهادة لله انهم اهل تدين وقرآن انخرطوا مع اهل القرية في حياتهم العامة واستطاعوا ان يمتلكوا
(حواشات ) شروها بحر مالهم وعملوا على تعليم ابناء القرية القرآن لذلك لن يجرؤ احد يوما للمطالبة
بما طالب به اهالي القرية اليوم ..
اتفق معك ان هذا التصرف ليس الامثل فيجب الا يعاقب الجمع بجريرة قلة فاسدة ساهمت الشرطة يوما ما بتشجيعها
على هذا العمل وكانت باب رزق لبعض ضعاف النفوس من الشرطة والحديث طويييييييييييل
واعتقد ان قرار معتمد محلية المناقل بتحديد القضية في مواجهة صانعي الخمور فيه صواب واضح وربما يؤدي
الى حقن الدماء لاحقا اذا كان العقاب بحجم الجرم
لك مودتي
| |
|
|
|
|
|
|
|
|
|
Re: بعد مقتل شاب :شرطة المناقل تحاول فك حصار (كمبو )القفيل غرب الجزيرة (Re: معاذ منصور)
|
سلانم اخ معاز وكل سنة وانت طيب
شكرا علي التفهم
لكن الا تلاحظ انك تطالبهم بالاندماج في المجتمع من حولهم وهي دعوة عادة
ما يطالب بها المهاجرين وليس النازحين فهم مواطنين سودانيين قدموا الي هذه
المناطق من داخل السودان..الطريقة التي ينظر بها اليهم هذا المنهج هي نفسها الطريقة التي
تجردهم من حقوق المواطنة البسطة.
الا تلاحظ ايضا ان عاملتهم كاهل ذمة حينما نطالبهم بترك الخمور او تغيير سلوكهم
مهما كان بغرض الانخراط في مجتمع القري..ومن قال انهم يريدون الانخراط ولماذا
نطالبهم بالانخراط اليسوا احرارا في ان يعيشو كما يرغبون. والخمور البلدية التي يصنعونها
ويبيعونها هي حزء من ثقافتهم وتراثهم فهم لاينظرون اليها كمفسدة بل هي جزء اصيل من
تكوينهم والثقافي والغذائي.
اذا كان حزء منهم يحفظ القران لذلك تم الرضا عنهم وشكل لهم ذلك حماية فلا يجوز ان نطالب
شقهم الاخر بهذا النوع من الاندماج.
عموما طالما انك لاتختلف معي في اصل وجزر المشكلة دعنا نمض الي الاما ونترك هذه القشور
فهم مواطنين يجب ان تقدم لهم الخدمات والحماية اسوة بغيرهم من المواطنين.
| |
|
|
|
|
|
|
|
|
|
Re: بعد مقتل شاب :شرطة المناقل تحاول فك حصار (كمبو )القفيل غرب الجزيرة (Re: على عجب)
|
Quote: اقدم احد المخمورين امس السبت من قرية مجاورة على قتل الشاب الراحل كمال البشير حامد من مواطني قرية القفيل
غرب المناقل دون اية اسباب واضحة حيث كان الراحل يعمل في (بقالته )بالقرية عندما اعتدى عليه الجاني .
وفور وصول نبأ مقتل الراحل تجمهر اهالي القرية واتجهوا لمحاصرة (الكمبو ) الذي ما زالت بعض الاسر فيه تعمل على
صناعة الخمور البلدية التي اصبحت مرتعا للمتعاطين من القرى المجاورة .
وتحاول شرطة محافظة المناقل منع سكان القرية عن خطوتهم لطرد ساكني (الكمبو |
وتقول لي "دون أسباب واضحة"؟
يجب طرد ساكني "قرية القفيل" وترحيلهم للحجاز ... وفوراً ...
وكل عام وانتم بخير ...
... المهم ...
| |
|
|
|
|
|
|
|
|
Re: بعد مقتل شاب :شرطة المناقل تحاول فك حصار (كمبو )القفيل غرب الجزيرة (Re: تبارك شيخ الدين جبريل)
|
| Quote: يجب طرد ساكني "قرية القفيل" وترحيلهم للحجاز ... وفوراً .. |
قلتو يرحلو سكان القفيل ام سكان الكمبو
بعدين ما في حل وسط يعنى ما ممكن يعيشوا مع بعض والعدالة تاخد مجراها
وليه جارين وراء الترحيل
كلمة (الترحيل) فيها ارهاب لينا ارجوكم ما ترهبونا
في تقديري
بداية الحل امير المؤمنين في المحلية يتفقد سكان الكامبو تكل تكل
المهم
الترحيل كلمة مخيفة لينا فارجوكم ما ترهبونا ايام العيد
وخلونا ناكل رزقنا الطيب الحلال ان شاء الله
| |
|
|
|
|
|
|
|
|
|
Re: بعد مقتل شاب :شرطة المناقل تحاول فك حصار (كمبو )القفيل غرب الجزيرة (Re: علاء الدين صلاح محمد)
|
Quote: قلتو يرحلو سكان القفيل ام سكان الكمبو
بعدين ما في حل وسط يعنى ما ممكن يعيشوا مع بعض والعدالة تاخد مجراها
وليه جارين وراء الترحيل
كلمة (الترحيل) فيها ارهاب لينا ارجوكم ما ترهبونا
في تقديري
بداية الحل امير المؤمنين في المحلية يتفقد سكان الكامبو تكل تكل
المهم
الترحيل كلمة مخيفة لينا فارجوكم ما ترهبونا ايام العيد
وخلونا ناكل رزقنا الطيب الحلال ان شاء الله |
انتو عرب كاسرين فيزا من 1405 "تأشيرة دخول العرب السودان" ...
... كفيلكم - العوض - زاتو اتلحس عليهو العوض ومنو العوض ...
كمان بتحاصروا أسياد البلد ... ودايرين ترحّلوهم؟ من أنتم؟ (يا قول المرحوم!)
آن الأوان ندق ليكم خروج نهائي بدون عودة ... ونرحّلكم بالكـلبشات لحجازكم الجيتوا منها ...
بلاش كلام فارغ ... رزقكم الطيب الحلال - حواشات وبقالات - رفستوهو بى قلة ادبكم ...
أمير المؤمنين لو طلع "أهل العوض"؛ هو ظاطو بنرحّلو معاكم ...
... المهم ...
| |
|
|
|
|
|
|
|
|
|
Re: بعد مقتل شاب :شرطة المناقل تحاول فك حصار (كمبو )القفيل غرب الجزيرة (Re: على عجب)
|
شكرا عجب
الارض التي اقيم عليها الكمبو في الاصل حيازة لبعض اهل القرية
تنازلوا عنها للسكان الجدد من باب التسامح العفوي اولا
وجانبها الاخر اقتصادي متمثل في الشراكات الزراعية بالغيط
يعني اذا اتت الشراكة بما يسئ فالكل مضطر للعودة لدفاتر قديمة
وفي النهاية هناك شبه اجماع لحقن دماء الطرفين
والحل في منتهى البساطة اذا احتكم الجميع لصوت العقل
لك تقديري
| |
|
|
|
|
|
|
|
|
|
Re: بعد مقتل شاب :شرطة المناقل تحاول فك حصار (كمبو )القفيل غرب الجزيرة (Re: معاذ منصور)
|
الاخ معاذ
تحياتي
Quote: الاخ ابنعوف - تحياتي -
الحكمة في النهاية هي الغالبة
ودماء الطرفين -محقونة - باذن الله |
معليش لكلامي الجاي دا، انا مع دولة الكيزان بكون متشائم دائما
اذا كان الامر فعلا متعلق بحادثة وخلاف بين اهل الفريقين "ساااااكت كده" كان ممكن نطمئن لكلامك
الجزيرة فيها حراك سلفي من النوع "ابو كديس"، وما الدعوة الى ترحيل اهل الكمبو الا و ورائها
دعوه لتطهير الارض من المحرمات والموبقات وبؤر الفساد وعيييك جهاد في سبيل الله والله اكبر وافلام لم تشاهد
من قبل الا في ايران
عشان كده قلت ليك الحريق ممكن يطال كل شبر في الجزيرة، المتشددين ديل لو قبلوا على كنابي الجزيرة بالطريقة دي
بلحقوا المشروع امات طه على السوتو فيهو الانقاذ
في اجازتي الفاتت دي، حصل لي موقف مع واحد منهم، عمي ببني ليهو في بيت ومشينا نشوف الصبه تاني يوم ونطمئن
على السقايه، المسئول منها واحد مولانا، دقن طويلة، وبصلي في الجامع ساعتين لكل صلاة وباقي اليوم بقرأ في المصحف
تحت الضل، لمن وصلنا لقينا الغفيرة ماسكة الخرطوش براها وترش في الصبة ودي مسالة حساسة، الصبة ممكن تبوظ
لو ما لقت موية في اول يومين تلاتة، الراجل راجل شنو شاب والله يطق الحيطة يرميها، قال الدنيا حارة شديد وما بقدر
اشتغل بعدين الرمله بعيدة وما قدرت انقلها عشان اعمل احواض للموية، قلنا ليهو اخجل ياخي، المرا واقفة تسوي في البتتجرس
منو دا زاتو (طبعا هي من اهلنا البسكنو الكنابي)
المهم، عرفنا ليك مراكبنا اتحرقت معاهو وقلت الا اصرف ليهو عربي تقيل، جمبنا عمارة، فيها نوبه وجنوبيين شغاليين صبة
في سخانة شهر 7 في الطابق التالت، ويغنوا ومندمجين، قلت ليهو شايف الرجال ديل، مالكم اتسلطوا عليهم وطردتوهم يا ابات
دقون، مالكم قررتو انهم كفار ويجب ان يذهبوا عشان تجو تنوموا في الضللة دي
اسفين للاطالة، لكن الداير اقولوا لو المتشددين ديل قبلوا على الكنابي في الجزيرة بغرض تطهير رجز الشيطان
ففي سبيل الله قومنا والقصص دي، بسقطوا ليك من حساباتهم ال ح يدق العيش منو، البلم الفول منو، البلقط القطن منو
وبخلو ليك اصحاب الحواشات ديل خشمهم ملح ملح، ابات دقون ديل لا بلقطو، لا بلمو لا بدقو
| |
|
|
|
|
|
|
|
|
|
Re: بعد مقتل شاب :شرطة المناقل تحاول فك حصار (كمبو )القفيل غرب الجزيرة (Re: أحمد ابن عوف)
|
Quote: ولكن الا تتفق معي انه كان بامكان اولئك المهجرين الانخراط اجتماعيا مع المجتمع من حولهم
مجرد تركهم لمهددات المجتمع - المسكرات - يمكنهم خلق علاقة حميمية فقد افسدت هذه الخمور الكثير
من ابناء القري المتاخمة لتلك (الكنابي ) وفي قرية القفيل -ذاتها - يوجد كمبو اخر من البرقو
والشهادة لله انهم اهل تدين وقرآن انخرطوا مع اهل القرية في حياتهم |
سلام لصاحب البوست و المتداخلين
ابناء المنطقه البخليهم يمشوا الكنابي و الندايات شنو؟ ما افتكر ستات الاندايه بيجبروا زول يسكر عندهم و كل زول عقله في راسع يعرف خلاصه الحكاية وازع ديني و قناعات شخصيه في امريكا دي البارات مفتوحه و اي زول فوق سن واحد و عشرين ممكن يمشي يسكر مالنا ما سكرنا الرك علي الاخلاق و الزول زاته . نعالج المشكله من اساسها و ما نمسك في القشور بدون ظلم لزول و بون عنصريه تغطس حجر السودان اكتر و اكتر ممكن ناس الحله ببساطه يقاطعوا الانادي.
| |
|
|
|
|
|
|
|
|
|
Re: بعد مقتل شاب :شرطة المناقل تحاول فك حصار (كمبو )القفيل غرب الجزيرة (Re: Elbagir Osman)
|
Quote: الجاني من قرية (ام ذكرى ) المجاورة وهو في قبضة الشرطة تمهيدا لمحاكمته
لكن الناس هناك على ما يبدو يفكرون في دواعي الجريمة السكر
ويودون قفل هذا الباب تماما
|
Quote: الحل الوسط هو الذي يتم الاتفاق عليه مع المعتمد وبمبادرة من بعض حكماء (الكمبو )
اما ان يقلع المخالفون -16 - عن عمل الخمور او ابعادهم عن ارض مملوكة للخصم - سكان القري- وملك حر مثل الحواشات تماما
|
Quote: الحكمة في النهاية هي الغالبة
ودماء الطرفين -محقونة - باذن الله
|
الأخ / معاذ منصور
السلام عليكم ورحمة الله وبركاته
أولا :
أسأل الله سبحانه وتعالى بأن يرحم إبننا الراحل الشاب/ كمال البشير حامد
ويلهم اهله واقاربه الصبر وحسن العزاء.
ثانيا:
في تقديري أن الاقتباسات أعلاه تمثل حل القضية بالحكمة والعقل
وهي حكمة اهلنا بالمناقل الذين نعرفهم.
والحمدلله بان المتهم أو الجاني في قبضة الشرطة والعدالة.
أما الذبن تناولوا الموضوع من جوانب عرقيه او دينية أو ثقافية
فهولاء يصطادون في المياه العكره وأنهم لا يعرفون المناقل والجزيرة
حيث أنهما يمثلان التسامح والسلام الاجتماعي الحقيقي الذي اتصف به الشعب السوداني.
وللذين لا يعرفون الجزيرة والمناقل اقول لهم بأن كثير من اهلنا سكان الكنابي
قد أقلعوا عن صنع الخمور البلدية وبيعها وتركوها بمحض إرادتهم منذ عام 1983م
ولكن بعض ضعاف النفوس مثل كمبوا القفيل لا زال يصنع ويبيع الخمور ســراً
ولا بد لأمثال هؤلاء من أن يمنعوا من صنع وبيع أم الكبائر وفقاً للقانون الذي إرتضته الأغلبية.
المناقل حظيت بمعتمد حكيم ورشــيد فنسأل الله سبحانه وتعالى له التوفيق
وأن يجعل له بطانة خير تعينه على الحــق وتدله عليه.
اللهم احفظ أهلنا في الجزيرة والمناقل والسودان عامة
وأغفر وأرحم ابننا الراحل الشاب/ كمال البشير حامد .
وللجميع تقديري
صلاح حمد
| |
|
|
|
|
|
|
|
|
|
Re: بعد مقتل شاب :شرطة المناقل تحاول فك حصار (كمبو )القفيل غرب الجزيرة (Re: حسن محمود)
|
Quote:
فالكنابي وقد تجاوز عمرها الستين عاما لا يعامل سكانها علي انهم مواطنين ، اضافة الي
العنصرية البغيضة التي تمارس ضدهم من السكان المحليين كما يفعل اهل قرية القفيل الان
حينما يطالبون بطردهم عقابا علي جريمة منصوص عليها في القانون وطريقة التعامل معها
|
عمرها ستين عام ولا يعاملوا كمواطنين؟
Quote:
الارض التي اقيم عليها الكمبو في الاصل حيازة لبعض اهل القرية
تنازلوا عنها للسكان الجدد من باب التسامح العفوي اولا
وجانبها الاخر اقتصادي متمثل في الشراكات الزراعية بالغيط |
اهو النظام الاقطاعى؟ ام ان الاراضى ملك للدوله
حسناً تنازل السكان تنازلاً عفوى من قبل ستين عاماً
اوليس للمواطنين الجدد حق الحيازه مثلهم مثل كل المواطنيين
وكيف يمكن لهولاء العمال النازحيين ان يعيشوا عمرهم كله على اراضى مملوكه والدوله لا تهتم بان تملكهم الاراضى؟
Quote:
الجاني من قرية (ام ذكرى ) المجاورة وهو في قبضة الشرطة تمهيدا لمحاكمته
لكن الناس هناك على ما يبدو يفكرون في دواعي الجريمة السكر
ويودون قفل هذا الباب تماما |
معروف ان الاعراب عندما يقتل لها فردا تاخذ ركبها اولا الى ديار القاتل ثم احتمال الى من حرض او عاون القاتل
الا يجوزان هذا القاتل شرب خمر صنعها بنفسه
ولكن
Quote: وفور وصول نبأ مقتل الراحل تجمهر اهالي القرية واتجهوا لمحاصرة (الكمبو ) الذي ما زالت بعض الاسر فيه تعمل على
صناعة الخمور البلدية التي اصبحت مرتعا للمتعاطين من القرى المجاورة . |
اذاً فهى الخمر وكأن من صنع الخمر امسك بفم القاتل عنوة وسقاها له وطالبوه بقتل المرحوم
على الوالى او المعتمد عمل كبير لا يتطلب الحكمه فقط وانما العداله والمساواة
شكراً صاحب البوست والمتداخلين الذين اثروا هذا البوست بالمعلومات
فقد فتحت باباً كان متوارياً بالكثير من المسكوت عنه فيما يخص المواطنه والعدل والمساواة واشكال التهميش والعنصريه وليس فى اقاصى دارفور وانما فى المركز نفسه
انها فرصه لنعكس ولنتناول قضايا المواطنيين المهمشين فى الكنابى والقرى حول المناطق الزراعيه من منطقه الجزيره الى حلفا الجديده وغيرها من المناطق
| |
|
|
|
|
|
|
|
|
|
Re: بعد مقتل شاب :شرطة المناقل تحاول فك حصار (كمبو )القفيل غرب الجزيرة (Re: معاذ منصور)
|
Quote:
بكل اسف الكمبو لامي ناس القرى حوالي القرية وهاك ياشراب ومشاكل وسرقة
|
تعرف يا معاذ ناس الكمبو لو خلوا صناعه المريسه والكجومورو والعسليه والابيض ضميرك ناس القرى ح يصيبهم اكتئاب نفسى على المشاكل العندهم
ياخ الناس بتحاول ترفه عن نفسها وتخفف همومها وتنسى الواقع
يا حليل بساطه الناس زمان الناس تمشى تشرب وتمشى الضحويه وتجى تصلى الضهر وتمشى بيوتها ولا مشاكل ولا جوطه بالعكس كمان بتعاونوا
عموما خطاء ان تكون هنالك سلطه وحكومه والناس تمشى تحاصر ليها كمبو وتسبب لهم الرعب والارهاب
ابحثوا عن حل جذرى عادل واهم خطوه هو الاجتماع والجلوس مع اهل الكمبو ومعاملتهم بكل بساطه واحترام للتحدث والنقاش عن ما لهم وما عليهم
| |
|
|
|
|
|
|
| |
معاذ منصور
تبارك شيخ الدين جبريل
علاء الدين صلاح محمد
محمد إبراهيم علي
ياسر مكاوي
أحمد ابن عوف
Dania Elmaki
Elbagir Osman
صلاح حمد
حسن محمود
محمد زكريا
فيس بوك
تويتر
انستقرام
يوتيوب
بنتيريست