|
عجبي يا بعض الهلالاب.... لماذا انتم فرحين
|
كل عام والكل بخير،
فرقيكم تعبان ومنتهي والحال من بعضو، وما فاضل تاني إلا مجدي شمس الدين يلبس فانلة ويلعب معاكم في الميدان. المريخ اعلنها منذ كم يوم انو ما حيلعب، وطالما انو المريخ اعتذر عن اداء المباراة فكان الاولى ان يتم استدعاء الهلال في مباني الاتحاد او في اي فندق ويتم تسليمه الكاس والمداليات.
ما احترت اكثر من ان الاتحاد كان عامل ليهو فريق اسبير حتى الهكر يواصل المسير ودي سابقة غريبة جدا.
تخيلو انا في اعتقادي انو قيادات المريخ الحكيمة فضلت عدم اللعب، لان المريخ لو لعب كان فاز وشال الكاس، وكانت تلك ستكون بمثابة رصاصة الرحمة في جسد الهلال الذي لم يعرف سوى الخسران في الفترة الماضية.
والله من هذا المنطلق ادعو فريق المريخ العظيم، بان ينسحب ايضا الدوري الممتاز حتى يفرح ايضا اخواننا في العرضة شمال، وحتى يلتئم الجرح وينجبر الكسر.
|
|
|
|
|
|
|
|
Re: عجبي يا بعض الهلالاب.... لماذا انتم فرحين (Re: عمران حسن صالح)
|
Quote: المريخ اعلنها منذ كم يوم انو ما حيلعب، وطالما انو المريخ اعتذر عن اداء المباراة فكان الاولى ان يتم استدعاء الهلال في مباني الاتحاد او في اي فندق ويتم تسليمه الكاس والمداليات. |
للدقة فقط... اعلان الانسحاب كان في الصحف و التصريحات لم يرسل المريخ خطاب رسمي يعلن فيه انسحابه لذا كان على الاتحاد الالتزام بالقانون و الاعلان عن المباراة و القيام باجراءاتها ومنح الهاربين المهلة القانونية المطلوبة فما معروف ممكن لغاية آخر لحظة مزمل يغيّر رايو أو الحضري يفتح تلفونو فيقوم المريخ يجي الملعب
| |
|
|
|
|
|
|
Re: عجبي يا بعض الهلالاب.... لماذا انتم فرحين (Re: محمد البشرى الخضر)
|
شنو يا محمد البشرى
الموضوع اخدتو بي منظور سياسي بحت وبعدين ليه حارم المريخ بأن يعلن قراراتة عبر التصريحات. ياخ انحنا رئيسنا بياخد قرارتو وبيعلنها عبر التصريحات، ويشبكنا طلاقات سااااااااااااكت :)
طيب الاتحاد لو ما اخد الموضوع بعين الجد ليه كان مجهز ليهو فريق اسبير. ولو قانون ولا ما قانون ، مفروض الحكم يصفر للكورة ولو ما جا المريخ طوالي الحكم ينهي المباراة ويتوج الهلال بكاس السودان المحمول جوا
| |
|
|
|
|
|
|
Re: عجبي يا بعض الهلالاب.... لماذا انتم فرحين (Re: عبدالعزيز عبدالله محمد)
|
عليك الله لو قدرت تجيب لينا روابط فوز الهلال بالبطولات الخارجية، وخاصة في بطولته الآخيرة. لما غلب الترجي وفاز
انت اسي فرحان بي دي
جوه الراكب منو قول البطوله الضعيفه الجريتو منها دي سيد البلد كان خاليها ليكم عشان هو عارف انها ضعيفه عرفت
الدوري الممتاز اسي شنو البخلينا نقول انكم ما بتجرو البضمنا شنو عدم جريكم
والله زولكم ماشي شكلو وعاوز يجيب ليكم القضائح
مرجان ده تاني قعدتو معاكم بخليكم جاريين طوالي
قال منافسه ضعيفه عرفتو كيف سيد البلد الاسد خاليها ليكم ليه
| |
|
|
|
|
|
|
Re: عجبي يا بعض الهلالاب.... لماذا انتم فرحين (Re: عبدالعزيز عبدالله محمد)
|
Quote: مفروض الحكم يصفر للكورة ولو ما جا المريخ طوالي الحكم ينهي المباراة ويتوج الهلال بكاس السودان المحمول جوا |
طيب ما دا الحصل فعلا وكونوا الاتحاد اتصرف - للدقة كان ح يتصرف - بطريقة مخالفة للقانون دا لا ينفي حقيقة ان المريخ لم يقدم خطاب انسحاب رسمي وكان ممكن في آخر لحظة يجي المباراة عادي لولا الخوف من الفضيحة مع ياسين الما بنستر
| |
|
|
|
|
|
|
Re: عجبي يا بعض الهلالاب.... لماذا انتم فرحين (Re: محمد البشرى الخضر)
|
Quote: طيب ما دا الحصل فعلا وكونوا الاتحاد اتصرف - للدقة كان ح يتصرف - بطريقة مخالفة للقانون دا لا ينفي حقيقة ان المريخ لم يقدم خطاب انسحاب رسمي وكان ممكن في آخر لحظة يجي المباراة عادي لولا الخوف من الفضيحة مع ياسين الما بنستر |
ياخ اتصرف شنو، هو مناسبة اجتماعية، بس ذكرتي انو الواجد في المناسبات لما التلج بتاع البيت بيقطع بيمشي يجيب من الجيران ، او يمشي يشتري من اخر محطة ..
| |
|
|
|
|
|
|
|