|
|
 مسادير جمعة الرووووب ...
|
يا جمهور الوصيف ادارتك السّاواك عُرة
لاعبين الكورة ؟ أو راجين الكتابة وطُرة
مريخكم شرد أياها الحقيقة المُرة
معروف السبق بتفوزبوا الخيول الحُرة
شن فايدة الصرف وجوقة محترفين
وقتين تجر وتقول لي ما دايرين
ووين ناس بمن حضر دوام حاضرين
ياجمهور تحنن يوت من الصابرين
و اعلامك يشيل يعوس ليك ني و فطير
وانت تغرف وتاكل وتدشا دون تفكير
فريقك عالمي و ملياري ضُمة خطير
والواقع يقول من قولة هه .. يطير
( )
|
|
  
|
|
|
|
|
|
|
|
Re: مسادير جمعة الرووووب ... (Re: سفيان بشير نابرى)
|
هلال شنو كمان !!! العندو معانا فصاحه !!!
ديمه عليهو صفر و مليان عجاج كتاحه
علا لسانو طويل اعوج نضم ولداحه
لا كاساً ملك و فضايحو طق فواحه .
الهليل تعبااان علوق في الشدا
ضربو انيمبا ومن ديك فد رقدا
جرى حفيان بينو بين الكاس جبدا
نهاهو بريرو ببنيه جامده وهبدا
| |
|
|
|
|
|
|
|
|
|
Re: مسادير جمعة الرووووب ... (Re: علاء الدين يوسف علي محمد)
|
وارغو بداية المحنة وطلع ماسورة
الحضري بلا أدب طيّاني في مطمورة
سوّالُم ضغِط و أمراضو بي ناسورا
يا الوالي ألحق تاخًد معاهو الصُّورة
سجمكم يا مريخاب
اها ناس المؤتمر الوطني قلبو عليكم
سجمكم سجم هو لاكن
والله يا علاء الدين
يا الوالي ألحق تاخًد معاهو الصُّورة
دي قلبت فيها هوبه في حق مرجان ده
| |
|
|
|
|
|
|
|
|
 Re: مسادير جمعة الرووووب ... (Re: محمد البشرى الخضر)
|
Quote: الخبر الأكيد النجمة شردت تاني
( قصيدة الهروب الكبير الذي قام به الوصيف أمام سيد البلد من مباراة كأس السودان للعام 2011)
الخبر الأكيد النجــــــــمة شردت تاني
يا عيبة الهروب المــــــافي ليهو معاني
شوف أهل الوصيف الوصفو دائما جاني
عارفنو الهـلال في الحارة سيفو يماني
يا أهل الوصيف الشغلة شغلة كورة
لا مال لا قروش لا نقة لا مقصورة
لاعبكم يمين مكشوف وجد ماسورة
وفي حمل الفضائح فرقة جد مشهورة
كيف بالله تشردو وانتو مرتبة أولى
ما قلتو الهلال ونتيجتو جد محلولة
ضحكتو الجميع من حلفا حتى الفولة
تيم المهزلات المــــافي ليهو بطولة
الممتاز كمــــــــان باكر بتشردو منو
تيم والله عجيب وادارتو فعــــــلا جنو
طوالي الهروب مشهور ومعروف عنو
الوالي اليقــــــــــــرِّر والطنابرة يغنو
يا والي القروش الكورة فن وادارة
ما لفة عمم ووجاهة ساي وحضارة
الخلا القلـــــــوب والله جد محتارة
شفتنة البرير الخلتك تتجـــــــارى
عمر قرافي
المصدر: منتديات سيد البلد
|
| |
|
|
|
|
|
|
|
|
|
Re: مسادير جمعة الرووووب ... (Re: محمد البشرى الخضر)
|
Quote: ناس الوصيف سكوا الدرب بالجمعة
خوافين عديل
لاخميس لاجمعة
يس صغير وعمو من غير سمعة
رايك ياوصيف
الليلة يحرس جمعة |
ناس الوصيف ساطوا الملاح و الدمعة
جرايين جري خايفين تفوت السبعة
الوالي ينجر ويقطع الليلة لاحق ابو لمعة
يس ما بطمن يتخاف عليه من جدعة
| |
|
|
|
|
|
|
|
|
|
Re: مسادير جمعة الرووووب ... (Re: حاتم محمد حاج المهدي)
|
شرّادة الوصيف ..الليلة كيف اصبحتوا؟
لسّة مع الجري .. ولاّ خلاص ارتحتوا
هيا بياض العين حت للشراد سمّحتوا
سمّيتوهوا موقف و بالكضب صرّحتوا
شرّادة الوصيف.. سيبوا الهلال في حالو
سوّيتوا العيب عديل لا بعدو لا قبّالوا
لا ورقة لا توقيع كل الحجج ناس "قالوا"
قلت الكاس ضعيف..مو هو الدوام تسعالوا؟
شرّادة الوصيف.. الليلة حالكن حال
الحضري السغيل ابا يدي صورة جمال
كان للحول سنة.. نعرض نشيل الحال
ما اخير كان لعبتوا لو تمرقوا بشوال
( )
كل عام والجميع بخير و عافية و سعادة
| |
|
|
|
|
|
|
|
|
|
Re: مسادير جمعة الرووووب ... (Re: Magdi Ahmed Elsheikh)
|
الليلة أب صفير بالحيل كِتر درابو
قال هرب الزعيم حاشاهو مي اسبابو
أسمع يا اللخو وأسأل برير واصحابو
الناسي الرجوجوه وبي هنو مسحو ترابو
ساكواها كيف ينساه البيهو طار أربابو؟
جعاع أب صفير إن شاء الله كاسك شلتو
اريتك يالسميح كان بالضراع انجزتو
أو باقل القليل ام بدة جات حللتو
ألا على عجل ادوك تلات اضعاف تلتو
لكن يا الحريف "تلت التلاتة" عرفتو
.
| |
|
|
|
|
|
|
|
|
|
Re: مسادير جمعة الرووووب ... (Re: abdelwahab hijazi)
|
يا اخوي الكلام اقصرو بي غيبتنا انتو فرحتوا
لسه مطمبرين و لا خلاااص ارتحتوا ؟
العينو من القزاز زيك بقوله مدحتو
يشكر في خبوبو وفي طينو يسوي سمحتو
نحنا اسياد مهابة افريقيا ضايقه لدغتو
شن معناها كان سبنا الهليل في حالو !!؟
ما تعبان و لا بد من سترت افعالوا
نهديهو كاس شلناهو بالسنين قبالو
ينقر سنو و ينبسط في منالو
بالكاس الهليل نفش الريش سوى مسور
فرحان منبسط دنياهو بهجة حبور
ناسي الكان دوام بديهو بالساطور
يا حليلك زمن ضباحنا ايداهور
الهليل إن لقيتو اضربو اصلو ما ترخيلو
لا تاخدك بيهو رآفة لا تحسِن تاويلو
ياهو ضبعة افريقيا و سط الغاب وزايرو
قمحان صادي ديمة منفزر بارم ديلو
الهليل يسوي العوا سااكت يجووط
يشتري في الكور و بالرشاوي يسوط
فاكره حرفنه يضحك جزل مبسوط
يوم انيمبا و الترجي سمعنا الطووط
شن جاب الهليل لمريخ النجم في سعودو !!؟
و شن خلى الرخم يقدل يفوته حدودو!!؟
نحنا درق الوطن جالبين كؤوس لبلودو
يوت سوداني يفخر يبتهج ببهوجو
مريخاب أنحنا في السماء داك مكانا يظهر عالي
من زمناً قديم نحنا اسياد شرف فرسان رهان طوالي
ما ادهنسنا يوم لا بلينتي لا رشوة لا شيك مالي
و بنعرف نفرق بين 2 وبين 12 فى اسوء الاحوالي
اسالوا افريقيا مننا كيف ساعة نقوم اخوان
تيمنا صاقعة ما بتتقابل قلوبهم حجر صوان
فرتاقين صفوف جالدين الضهور سيطان
في شان اسمنا ما بنرضي بالحقران
و كل الفينا بيفتخر باصلو في السودان
مريخاب انحنا و يوم الشكر نتضارى
ما بنتفشر لا بنتفوجج لا بنتمارى
تيمنا بسيط سوهو مسلمين و نصارى
مريخنا وطنا و لى خدمتو بنتبارى
عيدكم سعيد يا الفرحانين بالكاس
| |
|
|
|
|
|
|
|
|
|
Re: مسادير جمعة الرووووب ... (Re: سفيان بشير نابرى)
|
شرّادة الوصيف السوّوا ووووب وأحي
الحضري شتت وياسين حلاتو صِبَي
باسكال معوّق ودفاعي قاعد صَي
من ناس ساسا ديل كان يمرقن كرعي
شرّادة الوصيف مالكم الليلة فلسفتوها
الجري ياهو الجري مش أكان زنتوها
عِرّيد الرجال شين و الشينة سوّيتوها
تقعد بالسنين و العجب اكان عدتوها
شرّادة الوصيف زين الحديث في قصرو
الحضري سفهكم و شتت لبد في مصرو
وخايفين بلاهو تتبهدلوا و تتعصروا
قتوا اخير نجر نفوّت على الند نصروا
()
| |
|
|
|
|
|
|
|
|
|
Re: مسادير جمعة الرووووب ... (Re: محمد البشرى الخضر)
|
يا أخوي الكلام ساااهل و ديمة نضمكم ني
المريخ بتعرفوهو بيخلف و يطبق الكي
كم فرتق شملكم ساكواها بي فد تي
و راجي داك سواها و نهاركم ضي
فلسفناها نحنا اصلنا اهل آدب و ثقافة
ما زريباب و سوق قش ولقافه
اصلنا ثابت في الجذور بشرافه
اسأل كان بتعرف ياخ نحنا قيافه
قلناها قبييييييل كُتر الكلام اقصرو
ما تطرطش تنبهل تلوي الحديث وتلفو
يرمولك نضم تكسر رقبتو تشفو
تلخبت كومو و تسرقو تشفو
اركز ما تنفزر عادتك دي تب انساها
كرب خطوك و الهوشه اتلافاها
جاينك انستر ما تنطقش تتساها
ضربنا قرييييب طربيدنا بس ساكواها
| |
|
|
|
|
|
|
|
|
|
Re: مسادير جمعة الرووووب ... (Re: محمد البشرى الخضر)
|
ياخي تكون الدنيا عيد ضحيَة ، وتجي بعد كوز الشربوت الماخمج تلقى مسادير الهروب
وتديها تكية وبي مزاااااااااااااج تضحكـ ..
ياخي مساديركـ في السلك بس ناقص حاجة مهمة جدن جدن
انتو ما شايفين السيد الوالي صوتو بقى عالي
ونظام بقى يهرش كمان
الموضوع ده ما يمر سااااااااي كده بلاهي :)
| |
|
|
|
|
|
|
|
|
|
Re: مسادير جمعة الرووووب ... (Re: عمران حسن صالح)
|
شرّادة الوصيف نعيد الحديث من تاني
جريتو جري السواد وشردة التاباني
عارفنكم تقليد لا اصلي لا ياباني
ترديد بدون تفكير وكلامكو خالي معاني
شرّادة الوصيف الجكّة بساعدوها بي ياسين
مو بالكضب و النفخة و باقي الحجج ميتين
سبب الجري ما موقف و الناس جميع عارفين
امرقوا النصيحة اخير و قولوا السبب ياسين
شرّادة الوصيف هاكم خلاصة القول
جريتوا جري النعام وكتين يهشّها زول
وعارها متحمّدكم من يومها داك للحول
ومتل سيك القبول ح نشختها في الـ wall
()
| |
|
|
|
|
|
|
|
|
|
Re: مسادير جمعة الرووووب ... (Re: محمد البشرى الخضر)
|
Quote: الحمُد ليك يا الله الليله الصفيراب طلع ليهم صوت
من زمن الترجي قفلوا موبايلاتم لامن ذكرونا الموت
أحييا من رشة العرضه و (هرمنـــا ) الخجَّلت بنَّوت
قوة عينكم يا زريباب أدهشت (آيه) وحيِّرت (حتحوت) |
يا مولانا نحمد سيدنا صوتنا دايما عالي
هلالانا فوق في السما و في الارض مركزو مالي
خليني من رشّتنا و سوق النضم في التالي:
التعريدة من كورتنا و تصوير عصام و الوالي
| |
|
|
|
|
|
|
|
|
|
Re: مسادير جمعة الرووووب ... (Re: محمد البشرى الخضر)
|
Quote: الليلة أب صفير إتذكر الضباح
داير يجيب التار.. أحسن يجي بالصاح
بي حضري بي يس ما بتندملو جراح
أصلو الجرح غوار وساكواه يسوي التاح
الناسي ناس راجي بي هنو كيف يرتاح؟ |
حجازي الأخو .. هدي النصيحة يا صاح
جريتوا جري الوحوش و بالطريقة الصاح
دوّرتوا زين لفلفتوا وقلتوا حقنا راح
و القصة واضحة وباينة متل الصباح إن لاح
| |
|
|
|
|
|
|
|
|
|
Re: مسادير جمعة الرووووب ... (Re: محمد البشرى الخضر)
|
الليله الوصيف السواها تب منكوره..
حضريهم شرد ووارغو زول ماسوره..
وقالو الإنسحاب أخير من كشفة المستوره..
لا لميتوا في الإخلاق وفارقتوا درب الكوره..
فالحين في الحديث وبس في بنا المقصوره..
الكاس وإنتهى في الممتاز ورونا كيف الشوره..
| |
|
|
|
|
|
|
|
|
|
Re: مسادير جمعة الرووووب ... (Re: حاتم محمد حاج المهدي)
|
لو عِدته الحديث مرة و مراير مُرة براك بتعاني
هليلكم تعيبان يرفس و ديمه عليهو كمان وراني
عارفنكم في الصنف تتشابو بين الاصلي و الياباني
و اصلكم منقطع النظير لا اندنوسي لا تيواني
التاريخ مسجل من القديم و ذاكر الجكات
و الخيل الاصيلة سيدة فرزه في الحوبات
نذكرو هسي تالله بتكتر الجرسه و الفزرات
كم كم هليلكم في يوم الدواس كبر اللفات ؟
خلاصة القول قلناهو بالصوت و بالمكتوب
حرسنا نضمنا اصلنا ما ضريناهو فوق لهبوب
الدورة ملعوبه و مليانه طين و خبوب
و مانا ناس قريعتاً رايحة نحنا تيم مهيوب
ما عندكم غير تمسكو ها النضم من هنا للحول
ياهو فالكم سوي حديث هوان لا فعل لا قول
عاركم للبلد دائماً داوي و شرحوا يطول
سيك شنو ياناس و فضايحكم عرض و طول!!؟
يا (مولاهم) يحمدو سيدهم بالضرب طوالي
هليلم من زماااااااان زامنو بها الافعالي
مرشوش و محروق بور مسورو شمالي
لا دهباً حصد لا كاس يعدل الحالي
ايوة تمام نحمد الله الليلة طلع للهليل صوت
خليهو الترجي انساهو و ارجع وراء كم فوت
حيحيهم كتييير ومسيخ يتقلو وصلو الموت
قلنا ننعشم بالكاس ما يخرتو بلالي يكبو زيوت
الهليل ما عندو شئ غير يقول نضمو
خجلان من زمان ممزوع لحم فى عضمو
يحوم افريقيا سست يرجع كمان في سجمو
لا دهباً بلغ لا كاساً ستر لي لحمو
يا ها فصاحتو و حججو دي الملويه
يجعجع في كل شئ و شغلتو ما دغريه
رشاوي ساى من خلقو في البريه
اخر الامِر دايرنو بالبنيه و الإديه
الما عندو كاس ياهو بمسك في الحديث الطاش
يصبح و يقيل و يمسى و شوفو كلو طشاش
خليكم ناس نجيضه و ما تكتروا الهتراش
السؤدد اسم مسجل بأسمنا لوح هاشي و باش
ماكم ناس نصيحة تقطعوا ساي و تواسو
تاريخكم من زمان نضمي من غير رأسو
انتو اهل الانسحاب ناجرنو وعارفين ساسو
و يومنا النلتقي الفارس بيفرزو بلباسو
إن كترت همومك يا الهليل نووم
اصلك منطقش ناقع عليك البوم
لا عزاً ملكته لا اتغشرته ليك بيوم
دائماً مبرراتي و عندك عذر بالشؤم
نضميكم كتر و نحنا اسياد نزال في الحوبة
اقصروهو الحديث قلناها في اول نوبة
لسانا طويل بس افعالنا بتحكوبة
نلتقي في النزال و بنعرف المقلوبة
| |
|
|
|
|
|
|
|
|
|
Re: مسادير جمعة الرووووب ... (Re: عبدالعزيز عبدالله محمد)
|
آ ناس الهليل بعد الروحه و الخذلان
ودر خلاس طشه وضهب هلكااان
يفتش في الدروب يمسحبها الخوران
طمبر منبسط بكاسنا في السودان
ما قلتو الهليل بطل افريقيا مالو حدود !!
يصول و يجول كابر شِبل لي جدود
قلتوا اللعيبة ثابتين جنان قلب و إسوود
مالكم انبرشتو و ######كم بدورلو برود!!؟
يا ناس الفصاحة اصلكم انتو ليها اسياد
و التيم الهلكان الاضينة ما على شان لبلاد
فالحين في الداحة وجلب الصِفرِ في الميعاد
فالحييييين في الخيابة و حرقة الاكباد
يا ناس الهليل مستواكم تب ما بشرف
افريقيا ما شبهكم شمسكم ديمه تصيف
تحرق في حشاكم وليكم اهي بتليف
انمهلو يا حبان عياركم اصلو خفيف
| |
|
|
|
|
|
|
|
|
|
Re: مسادير جمعة الرووووب ... (Re: سفيان بشير نابرى)
|
الليلة المسادير هليلا فرتق خايب
راقد منطرح زي الزويل العايب
تندله لحمة ما اصلو شغلو زرايب
سوق قشو فاتح و سيد لبناً رائب
اكتب يا الاخو افرح و جرو غناك
طال ما لقيتلك فسيحه سو سواك
معروف الظروف باكر تلف بحواك
ترجع تنضرب يوووت في قفاك
فرصة و جاتك افرح طمبر ما اظن تتكرر
كمل نضمك ست و الف اوعه لا تتودر
شوية نجيك بواسوقنا داك تجرر
نعصرك عصرة لزينا لمن بالخلف تتخرر
| |
|
|
|
|
|
|
|
|
 Re: مسادير جمعة الرووووب ... (Re: سفيان بشير نابرى)
|
شمتان في الوصيف ومن الضحك بدور إنشقه
طيش أفريقيا الضعيف الفي سيكافا ماخد علقه
سفيان ياوصيفنا أركز وسيب كتر الكلام والنقه
معروف الوصيف شرد يوم الجمعه خوف يندقه
أياهو الهلال دوام سيد البلد وأصلو مافي سواهو
رافع الرايه في أفريقيا والنزال ضمه مابيخشاهو
فرتاق الصفوف مابينسحب عاشقنو ودوام نهواهو
شوفو الوصيف يوت محرجنا والتمهيدي مابيختاهو
| |
|
|
|
|
|
|
|
|
|
Re: مسادير جمعة الرووووب ... (Re: حاتم محمد حاج المهدي)
|
شوف بالله نضمو الكلو ما بيسدلو فرقه
زمنو المركلس ساكت ساو المريخ درقه
جاي الليلة تتفاخر التقول سيد درقه!!
ما كل يوم في افريقيا ماخد العلقه
يا هو المريخ جاب الكؤس من مافي
شق افريقيا كم قطعلوا فيها فيافي
تهواهو القلوب تكتبلو ديمة قوافي
مو زي الهليل شغلو كلو اسافي
| |
|
|
|
|
|
|
|
|
|
Re: مسادير جمعة الرووووب ... (Re: سفيان بشير نابرى)
|
يا رشاشات انقرعو ما تكتروهو فرحكم
صرو نضمكم لي يوم اللقاء و ملمحكم
يمين الله يوم داك نلويكم تب نطرحكم
و إن درتو اليقين قاطعنو نحنا رحطكم
تروا بعيد ما تجونا تب في وشينا
استروا عرضكم احجوهو من درشينا
لو دقه النحاس بتعرفوهو كيف دقشينا
رحمناكم خلاص اقعدوا بس تانينا
| |
|
|
|
|
|
|
|
|
|
Re: مسادير جمعة الرووووب ... (Re: محمد البشرى الخضر)
|
عيدكم تب مبارك و الاهل طيبن تمام في تمام
علا بس لقيتولكم كؤيس جنازة و كترتو فيهو كلام
فاكرين خلاااااص كعبكم عالي قادرين على الإقدام!؟
منفوخين تهوش تهرشو بنفسكم عجلكم و نام
اقروها الحروف وما تبقوا ديمة حمام
ما عايزنكم تنخدعوا تعيشوا في الاوهام
سيبوها الخيالات شطحت هنود وافلام
بنكتم نفسكم لا طنه لا هبة لا نسام
| |
|
|
|
|
|
|
| |
محمد البشرى الخضر
محمد المرتضى حامد
العوض المسلمي
Magdi Ahmed Elsheikh
سفيان بشير نابرى
حمد عبد الغفار عمر
علاء الدين يوسف علي محمد
حاتم محمد حاج المهدي
abas
Yassir Tayfour
Ahmed musa
عمران حسن صالح
عبدالعزيز عبدالله محمد
فيس بوك
تويتر
انستقرام
يوتيوب
بنتيريست