|
|
 نصائح مهمة قبل شراء الخروف + أسعار الخرفان + كاريكاتير
|
كل عام والجميع بخير وربنا يعيد عليكم العيد وأنتم بأتم صحه وعافيه
وللحجيج نقول
ربنا يكتب سلامتكم ويجعله حجاً مبروراً وذنباً مغفوراً
أغلب الناس ماعندهم أي فكره عن كيفية إختيار الخروف المناسب وغالباً يستعينون بأشخاص ذوي خبره ليختاروا لهم
دي خطوات بسيطه شديد بتخليك تقدر تختار خروف ممتاز و(لحمو طاعم ورخص) وياريت برضو لو أولاد جزارين أو ناس سرحو بي بهايم في الطفوله يزيدونا أكتر وأكتر
أولاً بالتبادي ماتدي التاجر إحساس بإنك لورد ووضعك كويس شديد عشان مايطمع فيك
ثانياً أول ماوقفت قدام المراح تعاين وتشوف أكتر خروف نشيط وبنطط ويفرفر كتير ، يعني اي خروف تلقاهو راقد ومكسل تبعد منو
بعد كده برضو لازم تحدد عمر الخروف ، بالنسبه للخرفان الضكور الأفضل ماتشتري خروف عمرو أكتر من سنتين نهائي لأنو لحمو بكون قوي شديد في الحاله دي وعشان تحدد العمر تشوف الأسنان الفي الفك السفلي فكلما كانت الأسنان حجمها صغير ولونها أبيض شديد بتعرف إنو ده خروف عمرو صغير أما الخروف الكبير فسنونو بتكون صفر ومرات بتلقاها متباعده عن بعض
تاني حاجه تفحص فتحة الشرج ولو حسيت إنو فيها آثار إسهال طوالي تشوف خروف غيرو وبعديها تفحص عيون الخروف للتأكد من عدم وجود حمار أو إفرازات
وأهم خطوه فحص الضهر لأنو الضهر بوضح ليك كمية اللحم الموجوده في الخروف فمثلاً لو هبشت الضهر وحسيت بالعضام فده معناهو إنو الخروف كحيان ولحمو بسيط
|
|
 
|
|
|
|
|
|
|
 Re: نصائح مهمة قبل شراء الخروف + أسعار الخرفان + كاريكاتير (Re: محمد فرح)
|
Quote: كل عام والجميع بخير وربنا يعيد عليكم العيد وأنتم بأتم صحه وعافيه
وللحجيج نقول
ربنا يكتب سلامتكم ويجعله حجاً مبروراً وذنباً مغفوراً
أغلب الناس ماعندهم أي فكره عن كيفية إختيار الخروف المناسب وغالباً يستعينون بأشخاص ذوي خبره ليختاروا لهم
دي خطوات بسيطه شديد بتخليك تقدر تختار خروف ممتاز و(لحمو طاعم ورخص) وياريت برضو لو أولاد جزارين أو ناس سرحو بي بهايم في الطفوله يزيدونا أكتر وأكتر
أولاً بالتبادي ماتدي التاجر إحساس بإنك لورد ووضعك كويس شديد عشان مايطمع فيك
ثانياً أول ماوقفت قدام المراح تعاين وتشوف أكتر خروف نشيط وبنطط ويفرفر كتير ، يعني اي خروف تلقاهو راقد ومكسل تبعد منو
بعد كده برضو لازم تحدد عمر الخروف ، بالنسبه للخرفان الضكور الأفضل ماتشتري خروف عمرو أكتر من سنتين نهائي لأنو لحمو بكون قوي شديد في الحاله دي وعشان تحدد العمر تشوف الأسنان الفي الفك السفلي فكلما كانت الأسنان حجمها صغير ولونها أبيض شديد بتعرف إنو ده خروف عمرو صغير أما الخروف الكبير فسنونو بتكون صفر ومرات بتلقاها متباعده عن بعض
تاني حاجه تفحص فتحة الشرج ولو حسيت إنو فيها آثار إسهال طوالي تشوف خروف غيرو وبعديها تفحص عيون الخروف للتأكد من عدم وجود حمار أو إفرازات
وأهم خطوه فحص الضهر لأنو الضهر بوضح ليك كمية اللحم الموجوده في الخروف فمثلاً لو هبشت الضهر وحسيت بالعضام فده معناهو إنو الخروف كحيان ولحمو بسيط |
الله انورك وينور قلبك
تحياتي
امين
| |
|
|
|
|
|
|
|
|
|
Re: نصائح مهمة قبل شراء الخروف + أسعار الخرفان + كاريكاتير (Re: محمد فرح)
|
بالنسبه لأسعار الخرفان
بالرغم من الهيلمانه الكبيره التي يثيرها الناس حول هذا الأمر إلى أن أسعار الخرفان هذا العام لاتختلف عما سبقه كثيراً
حيث تتراوح أسعار الخرفان مابين 290 - 690 جنيه (بالجديد) ، قبل شهر من الآن كان أكتر من كده بكتير لكن الوارد الكبير جداً الجا من الغرب خلى الأسعار تنزل شديد ولولا إرتفاع اسعار العلف لكان السعر إنخفض أكتر من كده
| |
|
|
|
|
|
|
|
|
|
Re: نصائح مهمة قبل شراء الخروف + أسعار الخرفان + كاريكاتير (Re: عمر عثمان)
|
عمر عثمان
أوريك
معروف إنو النسوان بعجزو أسرع من الرجال والحاجه دي برضو بتنطبق على الحيوانات (مايجونا ناس الجندر حسي)
ذكرت سابقاً إنك لو إشتريت الخروف ضكر لازم تتأكد إنو عمرو مايكون إتجاوز السنتين
أما لو الخروف الحتشتريهو إنتايه فحاول فلازم عمرها مايتجاوز السنه لأنو لحمها حيكون قوي في الحاله دي برضو
مؤونة عام من الود
| |
|
|
|
|
|
|
|
|
|
Re: نصائح مهمة قبل شراء الخروف + أسعار الخرفان + كاريكاتير (Re: فايزودالقاضي)
|
Quote: محمد فرح ..كل عام وانت بخير ...
الماعايز يضبح اصرار وترصد عليه ذنب ؟!!!
شكراً على النصيحة .. |
أخ فايز
تحياتي
ماعليه أي ذنب لكنها مكروهه فالأضحيه سنه (مؤكده) لكنها ليست واجبه ، المذهب الحنفي فقط من يقول أنها واجبه
وأنصحك لو كنت مقتدر وثمن الخروف ماحيخرب ميزانيتك إطلاقاً إنك تضحي
هذا والله أعلم
مؤونة عشرة أعوام من الود
| |
|
|
|
|
|
|
|
|
|
Re: نصائح مهمة قبل شراء الخروف + أسعار الخرفان + كاريكاتير (Re: عمار عبدالله عبدالرحمن)
|
محمد فرح عيدكم مبارك
هههه قلت سننو بيض ههههه .... علي الطلاق لو أنا بائع خراف ومعاي أنت لأبيعك الخروف بضعف سعره وأنت فرحان ... آه زول ما بتعرف (الجضدع ... والتني ) التاء مكسورة عشان ناس ودشيقوق ومن لف لفهم ... ما بتعرف البلدي من الوتيش والحمري ؟ غايتو نصائحك دي معانا ما بتقسم .... شوف ليك محل بيع فيهو خرافك ....
زول جزيرة نجيض
الشفيع
| |
|
|
|
|
|
|
| |
محمد فرح
الامين جبارة الله التوم
فايزودالقاضي
عمر عثمان
د.محمد حسن
عمار عبدالله عبدالرحمن
فيس بوك
تويتر
انستقرام
يوتيوب
بنتيريست