|
يازول خروفك ده أصلو ماسي فيرجسون
|
نزل سعرك القاطعو من رأسك ده . الزول شابكني اليوم كلو دي خرفان لها ايقاع . دي خرفان بتتسوك بي ال sensodyne . .. يا جماعة وين قصص ناكل من ما نزرع . ؟؟؟؟ وين الصرار والخلال وبحر الروب وبركيب الصباح ؟ وين أيام . البارح جيت مفلق .. و لقيت عشاي معلق بي ملاح بربور .. من الليدين ينزلق . وين زمن الكرارة الكتموتو ؟ وين زمن ربيت الحجاج وقرقوش السفر ؟ ..
وين ديك الأيام الطاعمة ؟؟ يازول خروفك أبو شفشوفة ده الا تختو في كرتلة يا صاحب . حنضحي بي علبة فول مدنكلة من أحد النواصي .
|
|
|
|
|
|
|
|
Re: يازول خروفك ده أصلو ماسي فيرجسون (Re: Osman Musa)
|
صديق صومالي شافني ساعة كنت علي التلفون مع السودان وسمع بعض الحديث عن أسعار خرفان الضحية في السودان . الصومالي ضحك وقال : ياخ برضو كويس بتمشي وتشتري الخروف الدايرو وعلي كيفك . وتضبح علي كيفك . في ولاية منسوتا الخروف يجيك ملفوف زي الكيبل . والخروف يجيك بعد ما تكون عملت ال REGISTER ONLINE
| |
|
|
|
|
|
|
Re: يازول خروفك ده أصلو ماسي فيرجسون (Re: احمد محمد بشير)
|
عزيزنا أحمد بشير سلامات وعيد مبارك عليك وعموم الاهل . نوع خروفك الفوق ده لو هناك يكون للصادر فقط . عندنا ده خروف دعول . معلوف ومكلوف . الجو يا أحمد . الجو الحلو يحول الخروف فيل . وبرضو الحقنة 66 M . ياخ دي حقنة تنفخ الضب زاتو . علي كل حال يا أحمد . أحسن الماسي فيرجسون بي سعرو داك .
| |
|
|
|
|
|
|
Re: يازول خروفك ده أصلو ماسي فيرجسون (Re: Osman Musa)
|
عزيزنا حيدر سلامات وعيدك مبارك والله أنتو حظكم في ديك البلاد الطيبة . بعض المسلمين يا حيدر في الغرب تعبانين في قصة الضحية . وأحد قال السنة الفاتت في نورث كارولاينا ضحيتو جلت . والسبب بتاع مزرعة الخرفان قال ما عملو SCHEDULING . شايف ؟
| |
|
|
|
|
|
|
|