|
|
 يا ..... عملتوا لينا شنو في موضوعنا ؟
|
محل النقاط دي اي واحد يخت العايزه :
- يا مجلس الهلال عملتوا لينا شنو في قصة مقاضاة الناس القالت البرير ضرب الحكم
- ويا الجمعية العمومية عملتوا لينا شنو في قصة محاسبة المجلس و رئيسه
- ويا ريّس عملت لينا شو في موضوع مفوضية الفساد و محاربته
- ويا ناس حريات عملتوا لينا شنو في حكاية المصداقية
- ويا لجنة تحقيق حادثة الفوكر عملتوا لينا شنو في التقرير
- ويا ناس اتصالات عملتوا لينا شنو في الـ B السنة دي 
|
|
  
|
|
|
|
|
|
|
 Re: يا ..... عملتوا لينا شنو في موضوعنا ؟ (Re: طارق الكوتش)
|
والله يا سمارت ما عملت حاجة وماناوي ما اكذب عليك
لينا خمسة سنة في البورد دا غالطناهن في اساميهن زاتها
كفاية كدا, يعني ح نغالط في زمنا وزمن غيرنا, الغلاط خليناه لناس قيقرا و صبري
ولاّ رايك شنو؟
يا معاوية عرفتك حتمشي لقصة الفوكر, ياخي ديك ما اتفقنا ننسى المصدر ونخلي الموضوع لغاية ظهور تقرير اللجنة
انا قاصد المصادر التانية
حاكم - يا قول عفيفي - مواضيعك كلهن خالي مصدر
يا كوتش علي اليمين سبب البوست دا رجعت قريت تعليقي في بوست التسجيلات اللتك, لقيتني أوف بوينت لمن بهناااك في قصة مجلس الهلال و اخوك طبعا بقى ما عندو حيل لفتح البوستات فقلت مرة واحدة المهن كلهن بي جاي
و بالمناسبة السعيدة دي عملتوا لينا شنو في برنامج العيد يا ناس الامارات
العين جوها بدا يزبط وجبل حفيت مبالغة بالنهار
تجونا تالت او رابع يوم نطلع الجبل نزبط شواشي و كشاتين الف
| |
|
|
|
|
|
|
|
|
|
Re: يا ..... عملتوا لينا شنو في موضوعنا ؟ (Re: سارة علي)
|
ود خليل يا حبيب وينك ياخ
عملوا نايمين دي هي زاتها المفقعة لينا الحاجات
يعني ما ممكن الاستهانة بعقول الآخرين للدرجة دي
مجلس الهلال استغبانا يا محمد وحقر بينا عديل كدا
شنو البرير ما ضرب وكان في المستشفى وح نقاضي, اها خلينا معاهن لغاية باب الدار
قاضيتوا منو إن شاء الله لأسي ؟
لا و لاّ كمان قصة مفوضية الفساد دي حاجة غير فقع الحاجات خلت أم حلتنا شكت وبكت من العليها
يعني ما ممكن طوب الارض بقى يتكلم ويحكي عن فساد ظاهر للعيان ولا قضية واحدة اتحركت ولا ملف واحد بالغلط اتفتح
ياخي ناس معاوية ديل من شدة ما الله اداهن بقوا يكتبوا بالاسم الثلاثي كمان ساي بالغلط واحد من الاساميهن وردن ديل ما عايز يشتكي اقلاّها يبرأ سمعتو
ياخي وصلنا مرحلة للاسف بقى الحديث عن الفساد معتاد لدرجة مهما عظمت الارقام لاتحرك ساكنا في الناس غير قولة الكيزان حرامية ويرجع الواحد يواصل الفي يدو
أو روغيم يا عمك - تصلوا بالسلامة إن شا الله
رغيم قولو ساكي لي درب يوصل للحتة الفيها النجيضة
اها عملتوا لينا شنو في موضوع مشاركة الحكومة في جنازة بحرها دي
سرور آي شواشي اسي القال مشاوي منو؟
وشواشي دي كلام رجال ما تساليني منها بالله
عملتي لينا شنو في الاستيتس ؟
| |
|
|
|
|
|
|
|
|
|
Re: يا ..... عملتوا لينا شنو في موضوعنا ؟ (Re: دينا خالد)
|
Quote: ,ويااااا بكرى عملتوا لينا شنو فى اللسته الناسا اتسربقوا كلهم ورجعو دى ؟؟
ياخ ديل ما عايزين يصبروا لحد ما نحل ليهم مشكلتهم جماعيا |
يا بت الناس انتي لمتين حتعملي كده؟
انتي لمتين حتتاجري بقضايا المفصولين وليه خليتي بوستيك بدون ما تطلعي بنتيجة.
انتي قلبك مع المرفودين ولا عايزة تشمتي وعايزة بس؟؟
| |
|
|
|
|
|
|
|
|
|
Re: يا ..... عملتوا لينا شنو في موضوعنا ؟ (Re: Safia Mohamed)
|
لا حولا..
دندون خربت البوست او كادت 
يا بتي القصة حرية شخصية الوقف وقف بارادته و الرجع رجع بارادته و القفل الباب دا نهائيا كذلك بارادته
ومختلف المواقف دي لا تمس او تعني غير اسيادها, ما لنا غير العشم و الرجاء ان يعود كل من نفتقد
اها انتي عملتي لينا شنو في موضوع المعادل الانثوي لـ (ياخ)
أميرة والله لقيتك كدا 
والشوق بالأكتر الله يسألني
ببيعوه يا مسلمي ياعمك .. ببيعوه مش ديل!!
اها عملتوا لينا شنو في موضوع وهبة, ياخي فقدناه مع مراح الكان ربطوا ليهم ضنب بهنقوا ديل ياخ
سرور ... جيبي الباسويرد برجعوا ليك بعد تروقي
اهلا يا دكتورة صفية , وعليكم السلام
| |
|
|
|
|
|
|
|
|
|
Re: يا ..... عملتوا لينا شنو في موضوعنا ؟ (Re: omer osman)
|
ويا ناس حركة قرفنا شربتو ليمون ؟؟
ويا ناس شرارة وقوس قزح والجبهة العربضة وتحالف شنو كدا ما عارف أها إن شاء الله ما في عوجة .. محتاجين أي دعم ؟؟؟
ويا ناس الأمة والاتحادي .. رسيتو على بر ؟؟
سلامات ود البشرى وشريك معاك في الـــB .. 
| |
|
|
|
|
|
|
|
|
 Re: يا ..... عملتوا لينا شنو في موضوعنا ؟ (Re: ود الخليفه)
|
يا بكري عملتوا لينا شنو في موضوع المكتبة ياخي!؟
--------
كل ما قيل قضايا ميتة ساي
هلال شنو اتصالات بتاع الساعة كم .. و يا دينا لستة بتاع فنيلتك!؟
ركزوا معاي في موضوع المكتبة بتاعي دا بالله
اسي يا ود البشرى انا لو بعرف اغالط زي الناس، كان لي يوم الليلة برا مكتبة؟
امرق النصيحة .. الذمة دي بتخنق يوم غايتو انت!
| |
|
|
|
|
|
|
|
|
|
Re: يا ..... عملتوا لينا شنو في موضوعنا ؟ (Re: قيقراوي)
|
ابو الزهور دا كلام شنو؟ يعني البعيد من البلد ما يسال من احوالها
ما تراهم ناس سودانيز بنظّرو للعالم كلو و للمصريين و التوانسة كيفن يفوّزوا الكيزان
وليه يا الليبيين ما حاكمتوا القذافي و كيييف مصطفى عبد الجليل يبدا خطاب التحرير بالتكبير و الحمد و السجود - التقول عايزنو يبداهو ليهن بـ ماشين في السكة نمد 
بعدين تعال النسالك ياخوي, عرفناها الكتابة الزي الناس ما بتعرف ليها انت يا كافي البلا نجر الله و الرسول دا غالبك كمان
ثم عملت لينا شنو في موضوع الفحص الزمان داك
اوو ابو دياب ياعمك مرحب بيك تشرفنا والله
العيد بحضورك يكون عيدين إن شاء الله
ههههههههه
جنابو امنع الفوضى وقراءة ما بين سطور البوست
وانت كمان يا ود جبريل امنع شريكك, خلي اليجي هو اول ههههههههه
الاسابيع يا ود الخليفة بدورن ليهن وقت وحيل و بال ومزاج لا امتلكه حاليا
ولا والله اخوك اغترب بعد نظام الاسكيلات دا
قيقرا .. غايتو حسب النظرية انت مشاركاتك ديل على كترتهن اغلبهن مداخلات في بوستات الناس
فكتر من بوستاتك براك عشان تحصل المينيمم المطلوب
ثم النصيحة يا معلم يمكن زي ماقلت انت ما بتعرف تغالط لكن مع كدا بتغالط
بقن عليك اتنين غلاط وعدم عرفه
عملت لينا شنو ياخي في اللنك الشحدناك ليه
| |
|
|
|
|
|
|
|
|
|
Re: يا ..... عملتوا لينا شنو في موضوعنا ؟ (Re: محمد البشرى الخضر)
|
لا بالجد كدا يا ناس الهلال Quote: - يا مجلس الهلال عملتوا لينا شنو في قصة مقاضاة الناس القالت البرير ضرب الحكم
- ويا الجمعية العمومية عملتوا لينا شنو في قصة محاسبة المجلس و رئيسه |
شنو يعني الموضوع دا يموت كدا و تاكلونا حنك ولاّ كيف؟
وبالمناسبة السعيدة دي :
- عملتوا لينا شنو يا ناس الوصيف في موضوع الحضري ما يلعب كورة بكرة
صحي عاملين مسيرة
هههههههههههههايكة
دي مبالغة اخير منها عرّيدة كاس السودان من الهلال
| |
|
|
|
|
|
|
|
|
|
Re: يا ..... عملتوا لينا شنو في موضوعنا ؟ (Re: محمد البشرى الخضر)
|
يا ود البشرى .. كل عام وأنتم بخير ...
وياخي إنت بتفتش للحساب والعدالة والمبادئ في عالم كرة القدم المبني على الظلم ...
ياخي بلاتر يقولوا ليهو لازم ندخل الكمبيوتر في المُباريات ... عشان مافي فريق ينظلم بتجاوز الكرة لخط المرمى من عدمه ...
يقول كُرة القدم لعبة شعبية ... وعييييييييك فلسفة خليها ساكت كدة ...
الحكم يظلمك والشمس ضُحى احتمال يعاقبوا الحكم واحتمال يطلعوها أخطاء فنية ... وما بيعيدوا المُباراة !!!
أنا كفريق كُرة انظلمت من الحكم في مُباراة مصيرية حأستفيد شنو من إيقاف الحكم ؟!
طالما أن قانون كُرة القدم مبني على الظلم وعدم إعادة الحقوق لأهلها فعلى الاتحاد السوداني ومجلس إدارة نادي الهلال وجماهير النادي التكتم على مثل هذه التجاوزات ...
ويزيدوها موية كمان ويقولوا أبداً زولنا ما ضرب الحكم ... دة واحد مجنون وحالياً في مستشفى المجانين ...
ـــــــ
شُفت كيف ؟!
| |
|
|
|
|
|
|
|
|
|
Re: يا ..... عملتوا لينا شنو في موضوعنا ؟ (Re: صبري طه)
|
وانت بالف خير يا صبري
Quote: طالما أن قانون كُرة القدم مبني على الظلم وعدم إعادة الحقوق لأهلها فعلى الاتحاد السوداني ومجلس إدارة نادي الهلال وجماهير النادي التكتم على مثل هذه التجاوزات ...
ويزيدوها موية كمان ويقولوا أبداً زولنا ما ضرب الحكم ... دة واحد مجنون وحالياً في مستشفى المجانين ... |
انت جاد يا صبري!!
عمرو كلامي ما كان عن عدالة او مبادئ في كرة قدم او غيرو
الإيشو هنا المصداقية الواحدة دي غض النظر عن كونها في موضوع يتعلق بكرة قدم او سلة او اي شيئ آخر
و تحديدا بتكلم عن بيان تصدرته آيات المولى عز و جل و يتحدث بلسان مبين لا لبس فيه ولا مجال للخلط او سوء الفهم ان البرير لم يعتدي على الحكم و انهم كمجلس ادارة سيقاضون كل من يردد هذا الاتهام
سمعنا بي فلان كذاب و فلان منافق و فلان مدلّس
لكن مجلس ادارة كامل .... لأ دي ما مبلوعة
ثم يا صبري حتى بمنطق مصلحة الهلال هل تظن ان من يهرب من تحمل مسؤولية افعاله ولا يواجهها كالرجال فيه خير للهلال و لمستقبله
وهل من يدلّس بآيات الله و يكذب و يتحرّى الكذب على رؤوس الأشهاد و بقوة وبياض عين لا يحسد عليها يؤمن على قيادة الهلال؟
لا تنظر للموضوع من زاوية هلال مريخ او من اي زاوية تانية غير المصداقية و الحقيقة كقيمة مطلقة يجب السعي لها و تحقيقها غض النظر عن العواقب
| |
|
|
|
|
|
|
|
|
|
Re: يا ..... عملتوا لينا شنو في موضوعنا ؟ (Re: محمد البشرى الخضر)
|
| Quote: لا تنظر للموضوع من زاوية هلال مريخ او من اي زاوية تانية غير المصداقية و الحقيقة كقيمة مطلقة يجب السعي لها و تحقيقها غض النظر عن العواقب |
أخونا ود البُشرى ...
أنا لم أنظر للموضوع من زاوية هلال مريخ ... بالعكس حتى ولو كان طرف القضية هو المريخ كلامي للمريخاب ما كان سيخرج من باب المداعبات وما يُصاحبها ...
ولكن النجيضة: لو رأيت أنا رئيس نادي المريخ يضرب لاعب من فريق الترجي وكُنت أنا الشاهد الوحيد لما تكلّمت يا ود البشرى ...
ودي الكورة كدة لو لعبتها الأشياء دي كلها بتكون شفتها ... ولو ما لعبتها أسأل اللعبوها ... والمبادئ لا تتجزأ ... أن تمثّل على الحكم كلاعب أو تضرب لاعب ثمّ تتوارى حتى لا يراك الحكم ... أو أن ينكر مجلس إدارة أن رئيسه ضرب الحكم !!!
مسألة الآية القرآنية دي ما تدخلني فيها لأنو كدة بنخش في الدين وحتة حلال وحرام وليس بمفتي في هكذا المقام ...
ولكن البيان كعرف أؤيده في عالم المستديرة التي لا تعترف بالمصداقية التي تتحدّث عنها ...
الفساد ينخر في جسدها من أعلى هرم وهو الفيفا ... وما تصريحات رومنيجا الألماني الأخيرة إلاّ دليل واضح على ذلك ... بل ذهب بعده بلاتر في تصريحات دبلوماسية إلى سعي الاتحاد الدولي لإصلاح الحال ...
ــــــــــ
يا ود البُشرى عوِّض لي الهلال بكأس إفريقيا الشالو منّو الأهلي على حسب قانون الكُرة ...
بعدها تعال أسألني عن المصداقية !!!
| |
|
|
|
|
|
|
|
|
|
Re: يا ..... عملتوا لينا شنو في موضوعنا ؟ (Re: صبري طه)
|
| Quote: ولكن البيان كعرف أؤيده في عالم المستديرة التي لا تعترف بالمصداقية التي تتحدّث عنها ... |
كان كدا يا صبري نحن ما على نفس الصفحة
وكل منا بتكلم في موضوع مختلف تماما
بالمناسبة منطقك دا اشبه بمنطق ناس هرّيات و انصارها هنا في البورد
طالما الكذبة ضد الحكومة و الكيزان - فاقدي المصداقية - فلا غبار عليها
على اية حال
هل ستثق في رئيس الهلال و مجلس ادارته مستقبلا في اي تصريح يصدر منهم او بيان او وعد في شان يخص النادي ولاعبيه و كدا؟
______________________________
Quote: يا ود البُشرى عوِّض لي الهلال بكأس إفريقيا الشالو منّو الأهلي على حسب قانون الكُرة ...
بعدها تعال أسألني عن المصداقية !!! |
ما خلاص عوّضوك بفرصة تانية في نهائي اتنين وتسعين الما كان مفروض الهلال يلعبه لإشراكه لاعب مطرود ومفروض يخسر المباراة بالشكوى
| |
|
|
|
|
|
|
|
|
|
Re: يا ..... عملتوا لينا شنو في موضوعنا ؟ (Re: صبري طه)
|
أوكي يا صبري دي قناعاتك ونظرتك لأمر كرة القدم والهلال وليس لي تغييرها
فقط اشير لإختلافها عن رؤيتي و تقديري للموضوع
Quote: يا ود البُشرى يا لذيذ في زول بجيب النجيضة بي نفسو عشان تقيف ضدو ؟!
مُش دة ياهو ذاتو كلامي في عالم المستديرة ...
يشتروك الليلة وتشتري بكرة ...
وعايز مجلس الهلال يشتكي ...
ألم الفراق أبكي ولي مين أنا أشكي !!! (الأغنية هدية) ... |
عاد دي بس ما فهمتها ؟
اي نجيضة انا جبتها ووين وقفت ضدي ؟ وكيف وقفت ؟
لكن ما مشكلة المافهمتو من قبل كتير بقت على دي
فلا تعذّب حالك بالشرح
لكن مادام دا عالم المستديرة يبيح الكذب لمصلحة النادي مالك حاكّيها مع الوالي كدا في قصة برمجة الموسم
ما تخلّيه يكذّب بي راحته لمصلحة ناديه في عالم المستديرة :)
| |
|
|
|
|
|
|
|
|
|
Re: يا ..... عملتوا لينا شنو في موضوعنا ؟ (Re: محمد البشرى الخضر)
|
Quote: لكن مادام دا عالم المستديرة يبيح الكذب لمصلحة النادي مالك حاكّيها مع الوالي كدا في قصة برمجة الموسم
ما تخلّيه يكذّب بي راحته لمصلحة ناديه في عالم المستديرة :) |
حكّيتها مع الوالي لأنو عندي برمجة الموسم ... ولو هو عندو برمجة غير دي حتبقى الغلبة معاهو في حالة كونو برمجتو هي الطلعت صاح ...
ولمّا يكون عندك لاعب منذر وموقّف حتقيف مع إدارتك حتى لو إنت مقتنع بإيقاف لاعبك ... إلخ السيناريو يا ود البُشرى ... وحتعمل نايم إذا كسبت معركتك مع اتحاد الكرة وإنت عارف إنو الحق مع الاتحاد ....
يا ود البُشرى عشان ما أخش معاك في حتة فهمي وفهمك وغبائي أو طشاشي للشبكة بأختصر ليك المسألة دي كلها في عبارة: المبادئ لا تتجزأ يا تاخدها كلها يا تخلّيها كلها ...
Quote: أوكي يا صبري دي قناعاتك ونظرتك لأمر كرة القدم والهلال وليس لي تغييرها
فقط اشير لإختلافها عن رؤيتي و تقديري للموضوع |
وإنت يا ود البُشرى بمثاليتك والمصداقية العايزها في عالم يفتقد للمصداقية بل ويشجّع على الظلم ...
بقول ليك تابع دوريات كرة القدم في المدينة الفاضلة ...
ـــــــــــــــــــــ
حتى أفضل لاعب كُرة في تاريخ اللعبة (مارادونا) لعب بالمُنشطات في فترة من الفترات ويحدثونك عن المصداقية !!!
فهل نتائج نابولي الإيطالي والمنتخب الأرجنتيني في عهد منشّطات مارادونا كانت بمصداقية ؟!
| |
|
|
|
|
|
|
|
|
|
Re: يا ..... عملتوا لينا شنو في موضوعنا ؟ (Re: صبري طه)
|
ويا ود البُشرى عشان أخش ليك في الموضوع تووووووووشك ومن الآخر ...
لن يُقاضي المجلس الذين اتهموا البرير بالاعتداء على الحكم إذا كانوا متأكّدين من أنّ البرير ضرب الحكم ...
السبب: ببساطة لأنهم سيخسرون القضية !!!
. نقطة
سطر جديد .....................................
ولن أسألك ماذا أنت فاعل ؟
| |
|
|
|
|
|
|
|
|
|
Re: يا ..... عملتوا لينا شنو في موضوعنا ؟ (Re: صبري طه)
|
| Quote: السبب: ببساطة لأنهم سيخسرون القضية !!! |
لسة يا صبري ما قدرت اوصل ليك فهمي و نظرتي للموضوع
المسألة ما قضية تكسب او تخسر
الحكاية ببساطة لماذا يكذب المجلس ببيان - اي يوثق كمان لكذبته - يعني غير نقيصة الكذب لم يسلموا من نقيصة الغباء !!
فوق انا تساءلت سمعنا بفلان كذاب و فلان مدلس لكن مجلس ادارة كامل - هيئة اعتبارية لعمل طوعي كذّاب , ليه؟
لا يشرفني يا صبري كهلالابي ان يقود النادي الذي احب و احترم و افاخر به مجموعة كذّابين
ثم يا صبري كرة القدم في الاساس هي لعبة و منافسة تعتمد على عرق و بذل وجهد ومهارة احد عشر شاب في ميدان اخضر لمدة تسعين دقيقة
تؤازرهم آلاف الحناجر العاشقة
يعني الاساس فيها المتعة البقدموها الحداشر ديل بتنشنتها و تحديها بل و بإخفاقاتها احيانا
ولا تكتمل متعتها إلاّ بالمنافسة القوية الشريفة
و البطولات تكسب داخل الملعب لا خارجه - البطولات الحقيقية اعني
لي يوم الليلة اي هلالابي بدون تفكير يقول ليك هلال سبعة وتمانين و نهائي القاهرة ولاراش
العقل الباطن للهلالي يتجنب ذكر نهائي اتنين وتسعين, عارف ليه ؟ للاحساس بالعار و الخجل من التزوير و السبة التي التصقت بنا
الحمدلله ان خسرنا النهائي يومها ودي ما مثالية يا صبري
لي يوم الليلة براي بستمتع وانا براجع شريط الشوط التاني لكورتنا مع الاهلي في المقبرة الفين وسبعة
وكورتنا مع الاتحاد الليبي الفين وتسعة
مع اننا ما فزنا بالبطولة لكن اتمتعنا, قوة المنافس متّعتنا , جهد وبذل اولادنا متّعنا
عودة للموضوع الرئيسي
في رايك لماذا كذب المجلس ببيانه
ماهو الضرر الواقع على مصلحة الهلال وتجنبه البيان الكاذب
ماهي الفائدة التي جلبها ؟
ما ضرّ البرير لو كان شجاعا و تحمل مسؤولية فعلته و اعترف بها مع الاعتذار
الآن وبعد الكذب على رؤوس الاشهاد و التدليس بآيات الله و التلفيق و التزوير هل انقذوا البرير من العقوبات التي تنتظره؟
عن نفسي ماذا سافعل - حتى ولو لم تسالني يا صبري - ساظل اكتب هنا و في منتدى الهلال وساقول رايي في اي مكان يتاح لي
واول حاجة ح اعملها ان شاء الله في الاجازة ساقدم لعضوية النادي
وساحرص على حضور الجمعية العمومية القادمة ما امكن و ساطالب بفرصتي لاثارة الموضوع
وساعمل جاهدا على عدم اعادة انتخاب هؤلاء
| |
|
|
|
|
|
|
|
|
|
Re: يا ..... عملتوا لينا شنو في موضوعنا ؟ (Re: محمد البشرى الخضر)
|
| Quote: الحكاية ببساطة لماذا يكذب المجلس ببيان - اي يوثق كمان لكذبته - يعني غير نقيصة الكذب لم يسلموا من نقيصة الغباء !! |
عشان نتلاقى يا ود البُشرى ...
هل اعتراضك على بيان يوثق للكذب لم يُطلب منهم .. أم على الكذب عموماً ؟
مثال: إذا كان الإنكار فقط عن طريق الإجابة على أسئلة الصحفيين مثلاً ... هل سيكون موقفك كما هو أم سيختلف عن موقفك من البيان الذي يوثّق للكذب ؟
| |
|
|
|
|
|
|
|
|
|
Re: يا ..... عملتوا لينا شنو في موضوعنا ؟ (Re: محمد البشرى الخضر)
|
Quote: الاعتراض على الكذب يا صبري سواء ببيان ام تصريح
التصريح للصحافة مثل البيان طالما يسجل و يعتبر حجة على قائله مالم ينفه
بعدين نتلاقى وين يا معلم
واضح انو زوايا الشوف مختلفة |
حنتلاقى أو لا نتلاقى في السؤال القادم وعايز إجابة مُباشرة:-
إذا رأيت لوحدك البرير يُضرب حكم المُباراة بين الشوطين وقام حكم المُباراة بسؤالك أنت يا ود البشرى من الذي ضربني .. هل ستقول له إنه رئيس الهلال ؟
ــــــــــ
اختر الإجابة:
1- سأخبره.
2- لن أخبره.
| |
|
|
|
|
|
|
| |
محمد البشرى الخضر
معاوية عبيد الصائم
smart_ana2001
mohmed khalail
osman righeem
سارة علي
دينا خالد
عبد الخالق امن الله
العوض المسلمي
Safia Mohamed
زهير عثمان حمد
haroon diyab
omer osman
محمد عمر جبريل
ود الخليفه
قيقراوي
محمد حيدر المشرف
فيس بوك
تويتر
انستقرام
يوتيوب
بنتيريست