|
|
 ســــــــــــــــــــــــــريرة صاحــــــــــــــــــــــــــــــــــب
|
شفاف صديقي ... في متاهته
في الصباح
وعركي يُغني عن العشق والهوي
عن الوجع الخرافي
ونحن نكابر
وليلنا مشاتر
وعيوننا بكل سذاجة
تنظر عميقاً
عميقاً
في الدواخل
لكنها لا تستطيع
لا ..
لا عيونك تقرأ سريرة صاحب
و..
وأنت في كامل القرب و المحَنة
تمتطي الذكريات
مسرجة بذات البهاء
واللجام المهترئ
ترتدي وسامة الاصدقاء
تنتعل الأشواق
تخلعها
و تقدل حليقاً
و
حافي
بنفس الإبتسامة القديمة
ثم
تنطق عن الهوي
ولا تخشي في العشق لومة لائم
رغم ذلك
لا..
لا عيونك تقرأ سريرة صاحب
وقد ترجع البصر كــرَتين
وكــرَتين
وكــرَة
والسريرة بذات الصدود
والأمل يدغدغ
مرة
بعد مرةْ
ويجبرك علي التواصل
تلفون...
يمكن
محاولة قد..
طيب شوف عين..
مواعيد ذات سراب حالك
أحاسيس غامضة
تمتلكها الليالي القاسية
طويلة هي
بملامح الساحرة سونيا
تلوح بمقشتها بإتجاهي
لأدور حولي
داخل السريرة
و..
لا عيونك تقرأ سريرة صاحب
|
|
 
|
|
|
|
|
|
|
|
Re: ســــــــــــــــــــــــــريرة صاحـــــــــــــــــــــــــــــــ (Re: توما)
|
وسوف تبتتَلٌ السرائر ..
ثم تبتَلُ السرائر ..
يا ..
صاحبه
فى
الزمن
الصَعب ..
"هسع يقوم يجينا واحد من مساخيت البوست يقترح مطره تقيله لبل السراير أو .. !!"
المهم بوستك ده انا وقعت ليهو فى جرح ..
أخوك الايام دى عباره عن سريره وحايمه تفتش فى البقروها مره صاح ..
فد مره صاح
فد مرَه ومافى!!
سلامات يا توما ..
وسلام لصاحبى أبى ساندرا فى مقامه ذاك المحمود..
الواحد بقى ما بشوفو الا فى زقاقات حنينه زى دى ..
وينك آ زول !!
| |
|
|
|
|
|
|
|
|
Re: ســــــــــــــــــــــــــريرة صاحـــــــــــــــــــــــــــــــ (Re: محمد حيدر المشرف)
|
السراير دي باقيلي لحقت السرائر
بتدور البصلحا قبل يدخلا
ويشوف
بس كيفن كان ما دخل يصلح
صعبة موش
أها هي كان مستعدلة تب
فالخلل بكون في الداخل عليها
يعني والله حكاية السراير دي
حكاية صعبة خلاص
والمشكلة الأساسية فيها
أنك تبني على ما تتوقعه
فتباغتك بأنها (خارج نطاق التغطية أو تحيد عنها قليلاً)
فتعيد وتعيد
ولن تبلغ أبداً ود المشرف
حكاية والله
سلام توما
وسلام على أبي ساندرا
وود المشرف الباحث عمن
يقرأ السرائر مرة
ولو فد مرة
وطمعاً صاح...
| |
|
|
|
|
|
|
|
|
|
Re: ســــــــــــــــــــــــــريرة صاحـــــــــــــــــــــــــــــــ (Re: بله محمد الفاضل)
|
الدكتور محمد حيدر المشرف :
Quote: المهم بوستك ده انا وقعت ليهو فى جرح ..
أخوك الايام دى عباره عن سريره وحايمه تفتش فى البقروها مره صاح ..
فد مره صاح
فد مرَه ومافى!!
سلامات يا توما ..
وسلام لصاحبى أبى ساندرا فى مقامه ذاك المحمود..
الواحد بقى ما بشوفو الا فى زقاقات حنينه زى دى ..
وينك آ زول !! |
الأيام دي بس ؟
أشهد مذ ان التقيتك في ذاك النزل الحميم الضاجي بالأغنيات والصحاب و المؤامرات
شفت سريرتك بيضاء ونقية و واضحة ، وكم من زول شافها ، وقراها كما يجب
كتااااار القارين لسريرتك صاح ،، والمطالعين لكلامك المباح
ومبذول هنا كتابة عميقة ،، ومشهود هناك شعر رصين ، ومعروف في كل فج عميق و حميم
مشتاقك والله ،،
وليك مني السلام ما غنا شادي أو رطان
وليك مني السلام ما حن مفارق الأوطان
اها انا مفارق هذا الوطن البديل الجميل ، لوطن كما السمندل ، على حافة الضياع
ايام وبين طيات السحاب ، شهر و اعود
لمقامي ، ذاك المحمود
و أواصل اعتكافي ، المسنود برفقة بنات زي عصير الدهشة الأولى
كنت لا امنحهن من وقتي إلا النذر اليسير وجله ضائع في الذي لايسوى
عصرت بيتي وحضنت بناتي وامهن ،، وعرفت
عرفت انني كنت مودر وما ادركت اهمية وحميمية الملاذات الآمنة
إلا ضحى الغد ، وبلطافتهن قالن لي : ما فاتك شييء ، يا أب يا صاحب
وحتمآ سوف نلتقي في الزقاقات الحنيني ،، وما ح يودر مشوار سفرنا تاني
بس انت جهز لي مشروع ونسة حوارية مع سعادة الجنرال وله ولك كل الحب
| |
|
|
|
|
|
|
|
|
 Re: ســــــــــــــــــــــــــريرة صاحـــــــــــــــــــــــــــــــ (Re: أبو ساندرا)
|
Quote: شفاف صديقي ... في متاهته
في الصباح
وعركي يُغني عن العشق والهوي
عن الوجع الخرافي
ونحن نكابر
وليلنا مشاتر
وعيوننا بكل سذاجة
تنظر عميقاً
عميقاً
في الدواخل
لكنها لا تستطيع
لا ..
لا عيونك تقرأ سريرة صاحب
و..
وأنت في كامل القرب و المحَنة
تمتطي الذكريات
مسرجة بذات البهاء
واللجام المهترئ
ترتدي وسامة الاصدقاء
تنتعل الأشواق
تخلعها
و تقدل حليقاً
و
حافي
بنفس الإبتسامة القديمة
ثم
تنطق عن الهوي
ولا تخشي في العشق لومة لائم
رغم ذلك
لا..
لا عيونك تقرأ سريرة صاحب
وقد ترجع البصر كــرَتين
وكــرَتين
وكــرَة
والسريرة بذات الصدود
والأمل يدغدغ
مرة
بعد مرةْ
ويجبرك علي التواصل
تلفون...
يمكن
محاولة قد..
طيب شوف عين..
مواعيد ذات سراب حالك
أحاسيس غامضة
تمتلكها الليالي القاسية
طويلة هي
بملامح الساحرة سونيا
تلوح بمقشتها بإتجاهي
لأدور حولي
داخل السريرة
و..
لا عيونك تقرأ سريرة صاحب
™
|
| |
|
|
|
|
|
|
|
|
|
Re: ســــــــــــــــــــــــــريرة صاحـــــــــــــــــــــــــــــــ (Re: عبدالله ود البوش)
|
سلامٌ
لعركى وتوما والأصدقاء ..
سلامٌ لسفيان عند الدخول للبوست بالأغنيه ..
وسلامٌ عليه عند المغادره برسم الحضور ..
وسلام لبلَه ..
ولتبلى السراير ..
"الراقدنلها شنو يا بلَه !" ..
ولتبتَل السرائر ..
ولسوف تبتَلُ السرائر ..
وسلامٌ "كبير أوى" لأبى ساندرا
ولعصافيره المغادره نحو الديم ..
ولعصافيره الهابطه فى هذا البوست الحنيَن ..
ولعصافيره ال .. هنا والهناك
ومنذ رشيده ..
وذات بناتها الجميلات ..
وسلامٌ لودالبوش وقد يستشرف هنا أعيادا قادمه ..
وحضورا إنسانيا كان وسيكون بهذا الزقاق الإسفيري الرحيم
سلامٌ علينا وعلى توما وعلى عركى أجمعين ..
| |
|
|
|
|
|
|
|
|
|
Re: ســـــــــــــــريرة صاحــــــــــب (Re: محمد حيدر المشرف)
|
| Quote: مواعيد ذات سراب حالك |
حالة تكون انك مواعد سراب حالك !!
او تشخبط على جدار الروح ..
لربما
الاتكاء على دهليز للحنين
متسع الاشتهاءات ببراح خاص
قد
لا يكون كما نظن أو قد يكون !؟
تقعد تنقد في الحكاوي
وتشتاق تمد يمناك
تعصر على الفيك من يقين
أأي
كل شبابيك الصباح
جدول ..
تتلب؟
او ترص طوبات مواعيدك ..
تخوض
المهم في أقصى ثانيه من الوصول
تطبق
ملايات الانتظار
تتوهطه
وبينك وبين البتلقاك غنا ..!!
يا الله ..
تقرأ ..!
وما يزملك غير رفقتك ..!!
ــــــــــــــــــــــــ
ود السر!
| |
|
|
|
|
|
|
| |
توما
أبو ساندرا
محمد حيدر المشرف
بله محمد الفاضل
محمد عبدالرحمن محمد
سفيان بشير نابرى
عبدالله ود البوش
Aymen Tabir
فيس بوك
تويتر
انستقرام
يوتيوب
بنتيريست