|
أمرتني المدام بتغيير صورة ود الصايم في بروفايلي ... والله صحي
|
السلام عليكم ورحمة الله وبركاته وكل مصرع طاغية وأنتم بخير
لا أخفي إعجابي الشديد بصورة الأخ الحبيب محمد عبد الماجد الصائم من قبل انضمامي للمنبر وهي برأيي الصورة الأميز في سودانيز أون لاين ومن شدة إعجابي بالصورة قمت بعمل تعديل بسيط عليها ووضعتها في بروفايلي حتى إنو كتير من الناس بقوا يقولوا لي يا ود الصايم ^_^
المهم ده ما الموضوع ... الموضوع إنو المدام ما عاجباها الصورة دي خالص ومن زمان لمن أكون فاتح سودانيز وتجي صورة ود الصايم تقول لي: بسم الله .. ده شنو دا .. ده ^_^
أمبارح شافت الصوة الأنا خاتيها وقالت لي: هو ده ما داير يغير صورتو دي كلو كلو؟ قلت ليها ده ما هو .. ده انا ذاااااتي قالت لي لا لا .. لازم تغير الصورة دي!!
بالله يا جماعة وروني أعمل شنو؟
|
|
|
|
|
|
|
|
Re: أمرتني المدام بتغيير صورة ود الصايم في بروفايلي ... والله صحي (Re: محمد جلال عبدالله)
|
تحية طيبة
شكرا لانك تسمع لزوجتك وهذا فضل كبير
لان النساء شقائق لنا ورؤيتهن متقدمة عننا كثيرا
عقبال ان تغير ما تحمله من صورة سلفية لمفهوم الدين
ان تخلق من الدين مثلما فعل لاهوت التحرير بلاتين امريكا
من اجل انتزاع الحقوق والحريات
وان تعمل علي اشاعة المحبة بين الناس
العارف رحمه الله العبيد ود بدر قال
العندو محبة ما خلا الحبة
والعندو حبة محبة ما خلا الحبة
والماعندو مبة ما عندو الحبة
الله يجعل المحبة في القلوب والمعرفة في العقول
وان نسمع حديث النساء والرجال طالما فيه خير وحسن نية
تحياتي الطيبة
| |
|
|
|
|
|
|
Re: أمرتني المدام بتغيير صورة ود الصايم في بروفايلي ... والله صحي (Re: محمد جلال عبدالله)
|
Quote: تحية طيبة شكرا لانك تسمع لزوجتك وهذا فضل كبير لان النساء شقائق لنا ورؤيتهن متقدمة عننا كثيرا عقبال ان تغير ما تحمله من صورة سلفية لمفهوم الدين |
صبري صديقي اللدود ^_^ شكرا على مرورك الذي اسعدني
السلفيين ديل والله ما عارف عملوا ليك شنو ياخي السلفيين ديل بشر مثلكم .. لهم مشاعر وأحاسيس يحبون ويكرهون ويغضبون ويرضون فيهم الطبيب والمهندس والفقيه والمزارع والحداد وغير ذلك والفهم المأخوذ عنهم أنهم قساة القلوب وغلاظ متحجرون فهم مغلوط والله فيهم ناس يكبوا الحنان ده لزوجاتهم أكتر من أي محترف جكس ^_^
Quote: وان تعمل علي اشاعة المحبة بين الناس |
أتمنى أن تعمل أنت شخصيا بهذه النصيحة يا صبوري مافي داعي كل ما تشوف واحد من السلفيين في بوست تشبكو الارهابي الوهابي التكفيري وأنا ما داير أتقل عليك لأنك ضيفي في هذا البوست السلمي ^_^
تحياتي الطيبات
| |
|
|
|
|
|
|
|