|
|
 أبحثوا معي عن استاذي للغة الانجليزيه والشاعر صلاح سليمان من ود رملي
|
ابحثوا معي
ايها الاصدقاء الاحباب
عن استاذي المربي الجليل
والشاعر المجيد
الاستاذ صلاح سليمان
من ابناء ود رملي
تتلمذنا علي يديه اللغة الانجليزية
بمدرسة شيخ الجيلي حسن صلاح الثانوية العامة للبنات
بحي الدباغة بمدينة ودمدني
وكان يسكن حي شندي فوق
كان بالنسبة لنا الاب الروحي
وكنا اربعة صديقات احبة
الاستاذة المحامية نجوي دفع الله
ردالله غربتها وهي تعمل الآن بدبي
واخلاص حسن
وابتسام جلال
وشخصي
كنا طالبات مشاغبات جدا وقي نفس الوقت نجيبات
نحب الغناء والرقص والتمثيل
وابتسام ونجوي كانتا تتمتعان باصوات جميلة
احتفلنا بثورة اكتوبر وتغنينا بملحمة الشاعر الثوري
الاستاذ هاشم صديق
وقام استاذ صلاح سليمان بتحفيظنا لها عن ظهر قلب
واشتركنا بها في مسابقة المدارس
وتنبأ لنا الاستاذ صلاح بمستقبل مشرق
وكتب قصيدة لنا ذكر فيها اسمائنا الاربعة
والقصيدة بتقول
|
|
 
|
|
|
|
|
|
|
|
Re: أبحثوا معي عن استاذي للغة الانجليزيه والشاعر صلاح سليمان من ود رمل (Re: عفاف ابوكشوه)
|
قصيدة للشاعر الاستاذ صلاح سليمان
المادرسكم انتو عمرو ما علم قرايه
يا نجوي وعفاف يومين تمام غالبني الكلام
عنكم وعن اخلاص وابتسام
غريبه لما اشوفكم بطري فوتكم
ويغلبني شوقكم
لانكم انتو سكنتو اعماقنا نحنا
وبفراكم بنعيش كل ايامنا محنه
انتو املنا والبزيدو فرحنا
والمادرسكم انتو عمرو ما علم قرايه
عاد يا كريم ويامنان ليكم الفوز
في كل شأن في دروسكم ومع الحبان
وتبقو منارة للسودان وللاخوات هداية
والما درسكم انتو عمرو ما علم قرايه
كتب الاستاذ صلاح هذه القصيدة
بمناسبة انتهاء امتحانات الشهادة
الثانوية العامة
وكانت بمثابة وداع لنا
وكنت كلما زرت اسرة خالي بمدني
اذهب وازوره بالمدرسة
هذا جزء من قصيدة طويلة تذكرناها مبعثرة هكذا
وفي احدي المرات علمت بانه انتقل
الي مدرسة اخري وانقطع التواصل بيننا
والتقيت بصديقتي نجوي دفع الله عبر الفيسبوك
واجترينا الذكريات
وحاولنا تذكر هذه الابيات بعد عصف ذهني كبير
ونحن نبحث عنه
ارجو مساعدتنا لنرد له قليل من الجميل الذي ظل يطوق
رقابنا .
ونواصل
تحياتي وودي
| |
|
|
|
|
|
|
|
|
|
Re: أبحثوا معي عن استاذي للغة الانجليزيه والشاعر صلاح سليمان من ود رمل (Re: عفاف ابوكشوه)
|
سلام ياعفاف
لسه ما جمعتي ؟!
ما عارف ليه اساتذة الانجليزي ما بتنسوا
في الثانوي العام ايضا كنت شاطر في اللغة الانجليزية
والسبب استاذ متمكن وانيق اسمو فتحي
يا ريت اعرف هسه وين
يوم مشينا للتصحيح في مكتبو
انا ومعاي واحد من الفصل
انا حجمي قليل التاني سمين
واذكر انو مشينا نصحح حرف الـ O
انا كنت كاتب الحرف بي خط جميل ومتناسق
صاحبي المعاي كتب حرف الـ O بي خط كبير جدا
يعني زي " سبعة " O ملو الصفحة
استاذ فتحي عاين وقال ليهو :
في زمتك الـ O دي
كان قعدت فيها ما بتشيلك !
لو جمعتي كلمينا
| |
|
|
|
|
|
|
|
|
Re: أبحثوا معي عن استاذي للغة الانجليزيه والشاعر صلاح سليمان من ود رمل (Re: احمد العربي)
|
أ/ عفاف ... صباخاتك خير ....
أنا من مدني ... وبالتحديد كمان من (المزاد ) يعني بين شندي فوق و114 ...
وتقريباً (كنت) بعرف ناس شندي فوق كلللهم ..
وبقول (كنت) بسبب الغربة جوة السودان وبرة السودان ...
هل الأستاذ المعني ... هو شقيق بروف/ بشير سليمان - أشهر معلمي اللغة الأنجليزية في مدني ؟؟؟؟؟؟
إذا كدا ... الأمر بكون سهل ...يمكنني الإتصال بصديقي أشرف بشير سليمان ... وتوفير المعلومة لك...
أما إذا كان الإسم لـ شخص آخر ..سأحاول برضه التواصل مع الشباب من شندي فوق لمعرفة عنوانه الحالي ..
وشندي فوق حي صغير جداَ ... يمكن الوصول للمعلومات فيه بسهولة ...
وأعتقد أنه يوجد أكثر من عضو في البورد من قدامى سكان شندي فوق كـــ سبف بشير - وغيرهم ...
..
| |
|
|
|
|
|
|
|
|
|
Re: أبحثوا معي عن استاذي للغة الانجليزيه والشاعر صلاح سليمان من ود رمل (Re: عفاف ابوكشوه)
|
استاذة عفاف
سلام وتحايا
طبعاً أنا متابع البوست بتاعك دا ولمن ذكروا إحتمال إنه ممكن يكون شقيق أستاذ الإنجليزي المخضرم أيضاً بشير سليمان
والذي كان أستاذي في مدني الثانوية أصبحت أيضاً منتظراً ظهور معلومات عنه
لكن لقيت موقعه في السعودية بعيد شوية
يعني ليس في المدن الرئيسية (جدة - رياض - خبر - مدينة- مكة)
ونحنا منتظرين أن تجدي أستاذك
كل الدعم المعنوي لكم
عاصم فقيري
| |
|
|
|
|
|
|
|
|
|
Re: أبحثوا معي عن استاذي للغة الانجليزيه والشاعر صلاح سليمان من ود رمل (Re: Asim Fageary)
|
أ/ عفاف ... سلام ..
أولاً أنتا آسف على الخطأ والخلط غير المقصود (بسبب تشابه الأسماء)...
تاني يوم طوالي ... أتصل علي الصديق / محمد نهرو ... والذي يمت بصلة القرابة للأستاذ/ بشير سليمان ..
ونهرو .. نفسه كان يسكن في 114 ... وصحح لي الخطأ .. ووعد بتوفير معلومات عن أ/ صلاح سليمان ...
فــ لك العتبى ... ويديك العافية يانهرو ..
____
أخونا/ عاصم فقيري ... بالله أنت ممن درسوا على يد البروف / بشير سليمان ...
البروف ... درسنا ... ودرسنا أخواننا الكبار ..وأبنائه أصدقائنا ... ومازال يدرس (كما أعتقد ) الآن في جامعة الجزيرة ...
..
| |
|
|
|
|
|
|
|
|
|
Re: أبحثوا معي عن استاذي للغة الانجليزيه والشاعر صلاح سليمان من ود رمل (Re: Asim Fageary)
|
Quote: سلام وتحية يا حاتم
أليس أنت شقيق الشهيد طه يوسف العبيد ؟
نعم درست على يد البروف/ بشير سليمان
وهو رجل ضليع في اللغةالإنجليزية |
أخونا ود فقيري ... سلام ..
تشابه في الأسماء مع فرق بسيط جداً .. الشهيد / طه يوسف عبيد (وليس العبيد) كان من سكان حي الدرجة .. وأنا من سكان حي المزاد ..
وأعتقد أن الشهيد كان صديق شخصي لـ دكتور/ خالد كودي (عضو البورد) ...
____
من أصدقاء العمر والدفعة في مدني الثانوية في جده .. صديقي العزيز المهندس / أحمد التجاني (عضو البورد)
__
| |
|
|
|
|
|
|
|
|
|
Re: أبحثوا معي عن استاذي للغة الانجليزيه والشاعر صلاح سليمان من ود رمل (Re: عفاف ابوكشوه)
|
وتعظيم سلام
وباقة ورد حمراء
للدكتور ولي الدين - زميلنا بالمنبر
علي اتصاله بي عبر الهاتف وتوفير المعلومات
ورقم التلفون
والشكر اجزلة للاستاذ التشكيلي محمد نهرو
للاتصال بالهاتف ومدنا بالمعلومات هنا
وعبر الفيسبوك
وتوفير التلفونات
والتحية والتقدير لكل من ساهم برفع
البوست بالمداخلات والاطلاع والدعم
وتوفير المعلومة والاحتفاء معنا
ولكم جميعا منا الحب والتقدير والعرفان
ونجن مدانين ومطالبين برد الجميل لكم
مودتي وحبي بلا حدود
| |
|
|
|
|
|
|
|
|
|
Re: أبحثوا معي عن استاذي للغة الانجليزيه والشاعر صلاح سليمان من ود رمل (Re: عفاف ابوكشوه)
|
العزيزة عفاف...
أسعدتني جداً هذه النهاية السعيدة للرواية!
كمعلمة
أعرف تماماً احساس الاستاذ صلاح الآن
وأحييه على هذا النجاح الباهر في تأدية رسالته التعليمية
الذي انعكس في هذه المحبة الجارفة والوفاء النادر من أربعتكن.
ومن خلالك وزميلاتك...
إذ تمثلن نفس الجيل الذي درسناه-
أحيي كل طالباتي وطلبتي في المراحل المتوسطة والثانوية والجامعية وتدريب المعلمين
وأقول للكل انني رغم ظني انني امتهنت التدريس مصادفة
إلا انني لن أبدل سيرتي الذاتية بكنوز الأرض
لي ابن وابنة في كل بيت أطرقه في السودان والسعودية!!
ولا أبالغ
ومن الطرائف
انني كنت في متجر ضخم في السعودية ومعي أولادي..
فإذا بشابة مغطية تماماً تصرخ بوالدها: ما أقدر هادي أستاذتي؛
فأطلق يدها قائلاً : يلة روحيلها طيب..هلا استاذة..
فكشفت البنت وجهها لتحييني وسط جمهور من المتفرجين على مسرح اليرومارشية!!
ومن يعرف كشف الوجه لبعض الأسر بالسعودية يدرك عظمة الوسام الذي منحني له ذاك الأب!
هنيئاً لكم بمعلمكم
وهنيئاً لنا بكم
وقد سعدت مع نجاح النساء ليلة البارحة
مودتي.
| |
|
|
|
|
|
|
| |
عفاف ابوكشوه
خالد العبيد
نوفل عبد الرحيم حسن
محمد فضل الله المكى
احمد العربي
Asim Fageary
عائشة موسي السعيد
فيس بوك
تويتر
انستقرام
يوتيوب
بنتيريست