|
معتصم محمد صالح ..... ان الذهب لا يصدأ
|
الاخ معتصم شاب في قمة الادب و الاخلاق اذا قابلته لا تملك الا ان تحترمه و بوستاته في هذا البورد كانت و ما زالت محل ثقة و مصداقية لعل عنوان بوسته الاخير عن المظاهرات لم يكن موفقا ولكنه قطعا لم يكن كاذبا و ماشهد الا بما راي و لم يكن للغيب حافظا "استعجل شوية" ستظل بوستات الاخ المحترم معتصم و الاخ المحترم واصل مصدرا للمعلومات الصادقة شئنا ام ابينا سرتنا المعلومات ام اغضبتنا
رفقا بمصداقية منبرنا ... لا توجد مظاهرات في الخرطوم
شكرا للاخ المحترم الخلوق صلاح عوض الله "صاحب البوست "
والشكر اجزله للاخ حيدر حسن ميرغني علي الرد الكافي الشافي
|
|
|
|
|
|
|
|
Re: معتصم محمد صالح ..... ان الذهب لا يصدأ (Re: عمر موسي منجي)
|
الاخ الجميل معتصم محمد صالح من اصدق الناس اخبارا اثق تماما فيما يأتي به من أخبار .. المظاهرات احيانا تأتي في دقائق وساعات محدوده وقد لا يراها او لا يسمع عنها كل الناس اضرب مثالا بمظاهرات الرياض شارع الجزار الذي اسكن فيه ولم اراها ولم اسمع بها فقد كانت مجرد دقائق محدوده كما علمت لاحقا ولم تترك اي اثر يدل علي مظاهرات بعدها لك ولمعتصم التحايا والتقدير
| |
|
|
|
|
|
|
Re: معتصم محمد صالح ..... ان الذهب لا يصدأ (Re: طارق جبريل)
|
Quote: بل معتصم اصدق من رات عيني في هذه الدنيا معتصم صدق يمشي علي رجلين وليس هذا فحسب بل كل الفضائل فيه ولا نزكيه علي الله |
صدقت أخي الزعيم العوض المسلمي ..
معتصم محمد صالح رجل والرجال قليل فعلاً ..
وكان ما مصدِّقيني أسألوا منال
إلتقيته أكثر من مرة .. وفي كل مرةٍ يزداد تقديري وإحترامي ومعزتي له
لم يقصد سوى التنبيه لتحري الصدق في المنبر ..
ولا أظنه يفعل ذلك وهو غير واثق من موقفه ..
مصداقيتك يا ابا نون لم ولن تكون أبداً.. محل شكْ
شكراً ليك يا عمر .. وتسلموا إنت ومعتصم من كل شر يا رب
| |
|
|
|
|
|
|
Re: معتصم محمد صالح ..... ان الذهب لا يصدأ (Re: عبد الخالق امن الله)
|
معتصـم محمد صـالح
كن بخير
عبد الخالق لا داعي للاعتذار
معتصم يريد ان لا تنقل صوره مضخمه عما حدث فقط لا اكثر.
وإن كنت أنا أريدها كما السادس والعشرين من مارس 1985 م
تذكرونها جميعآ اليس كذلك ؟
فقد كنت حينها في شارع النيل بإتجاه أمدرمان بالكبري الصغير وكلفنا العبور لأمدرمان قرابة الساعة ونصف . وكما كان يقول صديقنا عادل فيصل أسعدت أوقاته
الثورة آتيه.. إني أشتم رائحتها..
بلا ريب آتية هي ثورة شعبي .
تحياتي لصاحب البوست .
وسلام معتصم
| |
|
|
|
|
|
|
Re: معتصم محمد صالح ..... ان الذهب لا يصدأ (Re: مني التجاني)
|
Quote: الاخ الجميل معتصم محمد صالح من اصدق الناس اخبارا اثق تماما فيما يأتي به من أخبار .. المظاهرات احيانا تأتي في دقائق وساعات محدوده وقد لا يراها او لا يسمع عنها كل الناس
|
اخونا المحترم نوفل عبد الرحيم شكرا علي المرور و هنا مربط الفرس
| |
|
|
|
|
|
|
Re: معتصم محمد صالح ..... ان الذهب لا يصدأ (Re: عمر موسي منجي)
|
Quote: ياخي قريبي دة رشو ياخي رشو رش تقيل ولا تأخذك به رحمة |
ود جبريل هي نان ما تقول لي الزول "هيئة دبلوماسيي" ومن منظمة " شايقست انترناشيونال " قال رشو قال .... اصلا البوست ده فتحناهو عشان " الرش " البهناك
هنيئا لك بهذه القربي " لكن شكلك مابتستاهل " ههههه
| |
|
|
|
|
|
|
Re: معتصم محمد صالح ..... ان الذهب لا يصدأ (Re: عمر موسي منجي)
|
Quote: معتصم اخطأ في حق المنبر واعضاء المنبر ووصف كل من كتب عن المظاهرات بالكذب وجب عليه الاعتذار |
لم يخطئ رجل صادق ذكر ما رآه و لكن ما رآه لم يوافق ما تتمناه لذلك تريدون أن تنصبوا له المشانق و صوتك نشاز في هذا البوست...
له كل الإحترام أخونا معتصم لم نراه يوماً يكذب
و يكفيه شهادة الرجال و النساء
| |
|
|
|
|
|
|
Re: معتصم محمد صالح ..... ان الذهب لا يصدأ (Re: منال)
|
معتصم زول أكتر من كويس و ما حصل شفنا منو حاجة غلط من ما جينا المنبر ده ..
أي نعم أتسرع شوية في فتح البوست لكن حسن النية متوفر بشدة في حالتو دي أتمني إنو الحاجة دي ما تأثر عليهو و يظل يرفد المنبر بأخبار قاع المدينة التي لا يوردها أحد سواه في أي وسيلة إعلامية أخري ..
أمثال معتصم في البورد ده مفروض نعض عليهم بالنواجذ
| |
|
|
|
|
|
|
Re: معتصم محمد صالح ..... ان الذهب لا يصدأ (Re: حيدر حسن ميرغني)
|
سلام يا أبو عبدالله و لعلك طيب ياخي ..Quote: أتمني إنو الحاجة دي ما تأثر عليهو و يظل يرفد المنبر بأخبار قاع المدينة التي لا يوردها أحد سواه في أي وسيلة إعلامية أخري ..
أمثال معتصم في البورد ده مفروض نعض عليهم بالنواجذ |
و دي النقطة الأساسية هنا ... لو معتصم وقف تقاريرو دي بنتضرر نحنا القاعدين بره ديل ...
أحكي ليك حكاية ... قبل اسبوعين أيام الدولار جايط و سعرو كل يوم في حته ... اتقابلت مع شباب في المدينه القاعد فيها في شكل عشاء و نقة ... واحد من الشباب قال يا اخوانا الدولار بكدة ... نطيت ليه في حلقو إنو الدولار ما بالسعر ده و ذكرت السعر الختاهو معتصم في بوستو قبل ساعات... حبيبنا ده قال لي إنو كان بتكلم مع زول في السوق و عارف سعر الدولار ( الكلام القالو كان بعيد جدا مما قالو معتصم ) و رغم اني ما بتاع غلاط دخلت لزولنا ده بطنو علي ثقة في كلام معتصم ... الراجل تاني يوم ضرب لي تلفون قال لي كلامك امبارح صاح و إنو اتاكد الليليه ... في قصة المظاهرات ... معتصم نقل الشافو بالتفصيل و كلو حقائق ... الخطأ في تقديري إنو نفي وجود المظاهرات في عنوان البوست و دي أدي لفهم بعض الناس إنو ما كان في مظاهرات في اليوم داك أصلا في حين إنو فعلا كان في مظاهرات ...لكن يبقي معتصم و واصل أكثر الأعضاء مصداقية في هذا المكان لانو تماما زي ما قال حيدر انهم شغالين بمبدأ Fox news : We report, you decide
| |
|
|
|
|
|
|
Re: معتصم محمد صالح ..... ان الذهب لا يصدأ (Re: أمين محمد سليمان)
|
Quote: لخطأ في تقديري إنو نفي وجود المظاهرات في عنوان البوست و دي أدي لفهم بعض الناس إنو ما كان في مظاهرات في اليوم داك أصلا في حين إنو فعلا كان في مظاهرات |
لا المشكلة انه عنوانه استفز كل الناس وقال رفقا بمصداقية المنبر يعني الناس الباقين كضابين وهو الوحيد الصح معتصم بلع كلامه وما تحاولوا تدافعو عن الزول عشان صاحبكم انت يا امين الشخص دة لو واحد تاني بتقيف ليه في حلقه
معتصم ارتكب غلطة كبيرة
| |
|
|
|
|
|
|
Re: معتصم محمد صالح ..... ان الذهب لا يصدأ (Re: أمين محمد سليمان)
|
عبدالخالق يا حبيبنا ..سلام يا قريبي Quote: لا المشكلة انه عنوانه استفز كل الناس وقال رفقا بمصداقية المنبر يعني الناس الباقين كضابين وهو الوحيد الصح
|
كلام جميل باعتبرو رأي ممكن ناخد و ندي فيه
Quote: وما تحاولوا تدافعو عن الزول عشان صاحبكم
|
في الموضوع ده تحديدا أنا بدافع عنو لانو صاحبي ... و لانو الكلام و الهجوم عليهو جاي في مصداقيتو اللي أنا بعرفها أحسن منكم ... ما قاعد أدافع عن راي إلا أكون مقتنع بيهو سوي جاء من صحبي ولا غيرو لكن الكلام هنا عن مصداقية معتصم و دي الأنا بدافع عنها لانو بعرفها أحسن من الناس البتهاجم فيهو.
| |
|
|
|
|
|
|
Re: معتصم محمد صالح ..... ان الذهب لا يصدأ (Re: Bashasha)
|
Quote: امين سليمان دايما مغزوز في وسط الجماعة، هل برضو ده صدفة؟
|
الشهود كلهم كيزان ...كلامك صاح .... العوض و طارق و ناصر جبريل و شبكه و مني التجاني و خالد محمود و حيدر ميرغني ... مالن كيزان السرور ؟!!
--------------- عاين يا كمال ... داير اديك نصيحة - لوجه الله - لمن تكون داير تبلني كرب شغلك لانك عارف كويس كان قبلت عليك و بقيت اسكك بالبوستات زي ما بتعمل لي ... المنبر ده ما بشيلك !!
| |
|
|
|
|
|
|
Re: معتصم محمد صالح ..... ان الذهب لا يصدأ (Re: محمد عبد الماجد الصايم)
|
Quote: الاخ معتصم شاب في قمة الادب و الاخلاق اذا قابلته لا تملك الا ان تحترمه
|
معتصم محمد صالح من خيرة شباب هذا المنبر . قابلته لأول مرة وتعرفت عليه خلال إجازتي السنوية في العام الماضي ومن طيب حفاوته وترحيبه بي أشعرني كأنني أعرفه منذ سنوات . التحية لمعتصم ولأسرته الكريمة.
| |
|
|
|
|
|
|
Re: معتصم محمد صالح ..... ان الذهب لا يصدأ (Re: طارق الجبلابى)
|
Quote: لم اتشرف بمعرفته شخصيا.. لكن دعونا نشغل العقل الذى وهبنا به اللة.. اولا..المصداقية للمنبر..هى من مصداقية الكاتب . الكثير كان يكتب...من غير مصادقية من الكيزان واذنابهم ومن يكتب غيرهم عن الوطن...يأتك من له الدور يسألك وبراءة الذئب من دم ابن يعقوب....انا الان فى موقع الحدث... وغيره..ماهو مصدرك؟ ان جلهم ...حرقااوراقه هنا والارشيف جاهز...هذا كتابك بشمالك. إإإ معظم المغالطات كانت فى اخبار الوطن وقلة كانت بغيرها السؤال هنا...من من تبقى...يتحلى بقدر من المصداقية..ينفى امرا ...وغدا...خمر إإإإ الريس.....يقسم مغلظا..وياتى صباحا دون ورع..كانه اقسم بهبل؟ والرجرجة والدهماء...تردد...هى للة. فتجلت العبقرية..فى حرق هذا الطيب..ولايمكنه قولا غيرة..فالخيرة ما اختار...الامن. الدولار...كل المدياتردد فى اللحن..وياتى طيب الذكر.. يشدو بغيره..وانه هبط من عليائه كهبوط ادم عليه السلام ومن يقل غير انشودته....ينفى بانه فى سويداء المعركة... وليس كمن سمع كمن ..رأءى. برهة..ارئ كا يرئ النائم...قلب الخرطوم يشتعل فياتى طيب القوم يهذنى ..بعنف..إستيقظ مالى ارئ بان اضغاث الاحلام تتناوشك.. وهنيهة..يطرق سمعى..وتكتحل عينائ..بصور المظاهرات تجتاح المسار...فياتى غيره على استحياء..فى بوست أخر انا اكتب بالموبايل الان..فى قلب المنطقة..لاتوجد اى ارهاصات بمظاهرة. اخى الطيب...غيرك قداطلق عليه النفاى الاكبر... انت لست مجبرا..على تكذيب الواقع..غيرك كثر.. يسترزق بها.. واراك فد ذادك اللة بسطة فى الرزق..فلما...؟ ان لم تكن المواقف معقدة؟.. السلطة تمتلك كل ادوات النفى...فلما..؟؟ اغلقت الجريدة لخبر...استبقت به الاحداث.. وبعده...يومين فقط قالها الناطق بإسم القوات المسلحة.,إإإ لما...؟ ياصديقى...تنفى خبرا الان.. وبعده ياتى ناطقهم مؤكدا حدوثه... فقف الان...حيث انت ..ولا اقول كما قال جبرئيل..لمحمد.. هذا مقامى..فلو تقدمت خطوة...لإ احترقت فطب عينا. |
أعــــد
| |
|
|
|
|
|
|
Re: معتصم محمد صالح ..... ان الذهب لا يصدأ (Re: السيد المسلمي)
|
صدقنى...اعد هذه قليلة.. ليس عندى كى بورد عربى التقط الكلمات بالماوس ولكن قل لى.. مارايك بالكلام..بعد اعد..؟ هذاالدور قد مارسه قبلك ملاسى....فلم يجدى رد على المنطق ...واترك الاملاء هو كاذب ومنافق وانت مثله من يخفى قول الحق من اى ملة انتم من البشر.. ماسحى حذاء السلطان.. ..
| |
|
|
|
|
|
|
Re: معتصم محمد صالح ..... ان الذهب لا يصدأ (Re: السيد المسلمي)
|
ابو حنيفة..له الحق ولكن انت..امدد وجهك المشوه باكل السحت والدفاع عن الظلمة وقال رسول الله صلى الله عليه وسلم: "إذا رأيت أمتي تهاب أن تقول للظالم يا ظالم فقد تودّع منهم" ولكن..نرجع للإملاء التقط...يلتقط...التقاط فاين الخطأ هنا... صحيح..انتم من درستم بمنهج الانقاذ...مالك والاملاء ودعتك اللة
| |
|
|
|
|
|
|
Re: معتصم محمد صالح ..... ان الذهب لا يصدأ (Re: طارق الجبلابى)
|
Quote: ولكن..نرجع للإملاء التقط...يلتقط...التقاط فاين الخطأ هنا... صحيح..انتم من درستم بمنهج الانقاذ...مالك والاملاء ودعتك اللة |
طيب نرجع للإملاء .. التقط .. يلتقط .. إلتقاطاً .. جميل جداً أوضح ليكـ بالرسم البياني
من الصورة أعلاه يبدو أن مشكلتكـ لاعلاقة لها بالإلتقاط ( المدعي عليه ) .. ! وأعتقد إنو الفهم بقي واضح بالنسبة ليك حول تكويت كلمة إلتقاط وتحميرها
ـــ وبعد ما تحل مشكلتكـ الإملائية أوعدكـ ( إن وجدت متسعاً من الوقت ) أن أنظر في إتهاماتكـ المجانية أعلاهـ ! ودعتكـ الله
| |
|
|
|
|
|
|
|