|
أزمـة مواصلات حادة ... و المواطنين يهتفون الشعب يريد مواصلات
|
المواطن مغلوب على أمره كل يوم تزداد معاناته ,,, غلاء فاحش في السلع الأساسية, قطوعات متواصلة في مياه الشرب و أشياء أخرى ما انزل الله بها من سلطان و الان يعاني من كيقية الوصول الي بيته
المكان : موقف الخرطوم "ميدان جاكسون" الزمان : من الساعة الرابعة عصرا و حتي هذه اللحظة النتيجة: هتافات تطالب بالمواصلات , ربما تكون القشة التي سوف تقصم ظهر البعير
الصور في السكة
|
|
|
|
|
|
|
|
Re: أزمـة مواصلات حادة ... و المواطنين يهتفون الشعب يريد مواصلات (Re: حسبو عكاشة)
|
سلامات , دكتور احمدQuote: الحاصل شنو في المواصلات كمان ؟؟!! وأين البصات الجديدة .. بين كل هايس وهايس تجد هايس .. اختفت وين ؟ |
المواصلات في العادة بتكون صعبة الصباح و اخر اليوم و الناس بتقيف في الشمس لمن حيله يبرد حتين تكابس و تعافر و تركب ليها حافلة لكن الليلة مافي حافلات يكابسو فيها , حافلة حافلتين و كم هايس و الموضوع انتهي ... الأُمة كلها في انتظاراللا شي
الله في
| |
|
|
|
|
|
|
Re: أزمـة مواصلات حادة ... و المواطنين يهتفون الشعب يريد مواصلات (Re: حسبو عكاشة)
|
الله يعينك يا شعبي من زحمة المواصلات الله يعينك يا وطنى ومن وجع الدفارات ومن الغيمة الراحة ماش تكب في الصحراوات الله عينك ويديك الفي مرادك يا شعبي يا شعبي انت المسكين والضائع بين الوالي والنواب والوزير البائع
كل امكانات الشعب السودان بحفنة دولارات يا وطني الليلة عيدك عيد وافرح مع المساكين شيل تيبانك وجرجر يا ما تجرجر في الصيوانات وتدقدق بيوت العزاء وتقول السمحة الليلة ضلمة سقطت من السماوات يا وطني يعينك الله على النواب نواب الشعب الكذبو وقالوا بنخدم الحبوبات وجات الكضبة الظاهرة و انفضحو في ميدان جاكسون وفي العربات العربات الكانت مالية الشارع لانو الشارع وسيع درجات دولارات البنك المالية السوق المالية وتوزع للموردين شان يمشو يجيبو بضاعة رخية للأخوات والبلد كانت راخية وسمحة لكن اليوم جحيم وغلاء اسعار ياربي تفرج ياربي تفرج كل المكروبين ياربي تفرج ياربي تفرج كل المكروبات ياشعبي سماح مننا نحن العشماني ياربي تسامح كل الناس ياربي عفوك ورضاك عشان الدمعة السالت وملت الوادي ملت الوادي ورائحة تدفق في الخيران وتملى كمان جدول ناس خالد وناس بركات عشان دي ياربي تغفر لينا وللنواب نواب السجم الركبو جميل عربات وسكنوا رحيب ساحات ياربي تفرج كل الكربات تفرج عن شعبي المحزون والمكلوم والمحزون ياربي وياربي ويالله
| |
|
|
|
|
|
|
Re: أزمـة مواصلات حادة ... و المواطنين يهتفون الشعب يريد مواصلات (Re: حسبو عكاشة)
|
تحياتي أخي حسبو: حتما الأسباب معروفة للحكومة أولا وللمواطن ثانيا : أسعار المحروقات ... والزيوت وقطع الغيار والصيانة ... وغلاء المعيشة أولا الجبايات التي لا تبدأ من باب السائق ولا تنتهي عند الموقف ... وما بين بيت السائق والموقف حدث ولا حرج ... وين الطفاية ؟ لابس شبشب كمان ؟ ومدنكل ليك سفة ومشغل ندى القلعة ؟ وكمان جوال ... أنزل .... أمشي قابل الضابط .... لا ياجنابو خليك حنين طيب هات سيجارة ؟ والله ما بدخن ؟ هات الرخصة وورق العربية والتأمين بسرعة يامواطن وقفت الحركة ... طيب ياجنابو (5)ج مع السلامة شكرا .... أعوذ بالله رشوة .. جنب هناك ... طيب ياجنابو جنبت .... أها بتدفع خمسين ولا تمشي المحكمة ؟؟؟ خذ الخمسين ... مئات بل ألوف من (جربندية) المرور يمين شمال وسط عاوزين حقهم من الحافلة دي ؟ هل يمكن أن يستمر عملهم في هكذا أوضاع ؟؟؟ التعويل على الولاية كمن يجري خلف سراب .... اللهم عجل فرج المواطن بزوال حكومة الكيزان اللئام ... الشفيع
| |
|
|
|
|
|
|
Re: أزمـة مواصلات حادة ... و المواطنين يهتفون الشعب يريد مواصلات (Re: Alshafea Ibrahim)
|
Quote: مش المرة الفاتت في بري جابو ليهم تناكر المطافي مليانة موية هسي احتمال كبير يكون الوالي في السوق الشعبي وجايب ليكم البصات السياحية وطبعا الركوب حيكون مجاني شعب مدلع ما تمشو كداري المش زاتو صحي او اشترو عربات ياخي زهجتو الوالي وكرهتو في عيشتو |
يا هندسة ناس بري ديل شكلهم واصلين, لمن جابو ليهم تناكر :) لكن نحن ما اشتغلو بينا الشغلة , لا بصات سياحية لا حافلات و بعدين ياخ نحن بنقطع كُبري , المسافة علينا بعيدة ثم دا حيل زول ممن يمشي كداري ؟ زمااااان زمن الناس كانت بتاكل فول كان ممكن نمشي كداري :) لكن طلب الفول ذاتو بقى بـ 3 جنية اها باقي ليك موية الفول دي بتوصلنا بيوتنا ؟
| |
|
|
|
|
|
|
Re: أزمـة مواصلات حادة ... و المواطنين يهتفون الشعب يريد مواصلات (Re: Alshafea Ibrahim)
|
Quote: تحياتي أخي حسبو: حتما الأسباب معروفة للحكومة أولا وللمواطن ثانيا : أسعار المحروقات ... والزيوت وقطع الغيار والصيانة ... وغلاء المعيشة أولا الجبايات التي لا تبدأ من باب السائق ولا تنتهي عند الموقف ... وما بين بيت السائق والموقف حدث ولا حرج ... وين الطفاية ؟ لابس شبشب كمان ؟ ومدنكل ليك سفة ومشغل ندى القلعة ؟ وكمان جوال ... أنزل .... أمشي قابل الضابط .... لا ياجنابو خليك حنين طيب هات سيجارة ؟ والله ما بدخن ؟ هات الرخصة وورق العربية والتأمين بسرعة يامواطن وقفت الحركة ... طيب ياجنابو (5)ج مع السلامة شكرا .... أعوذ بالله رشوة .. جنب هناك ... طيب ياجنابو جنبت .... أها بتدفع خمسين ولا تمشي المحكمة ؟؟؟ خذ الخمسين ... مئات بل ألوف من (جربندية) المرور يمين شمال وسط عاوزين حقهم من الحافلة دي ؟ هل يمكن أن يستمر عملهم في هكذا أوضاع ؟؟؟ التعويل على الولاية كمن يجري خلف سراب .... اللهم عجل فرج المواطن بزوال حكومة الكيزان اللئام ... |
صدقت يا الشفيع دا السيناريو الحاصل
| |
|
|
|
|
|
|
Re: أزمـة مواصلات حادة ... و المواطنين يهتفون الشعب يريد مواصلات (Re: حسبو عكاشة)
|
Quote: الله يعينك يا شعبي من زحمة المواصلات الله يعينك يا وطنى ومن وجع الدفارات ومن الغيمة الراحة ماش تكب في الصحراوات الله عينك ويديك الفي مرادك يا شعبي يا شعبي انت المسكين والضائع بين الوالي والنواب والوزير البائع
كل امكانات الشعب السودان بحفنة دولارات يا وطني الليلة عيدك عيد وافرح مع المساكين شيل تيبانك وجرجر يا ما تجرجر في الصيوانات وتدقدق بيوت العزاء وتقول السمحة الليلة ضلمة سقطت من السماوات يا وطني يعينك الله على النواب نواب الشعب الكذبو وقالوا بنخدم الحبوبات وجات الكضبة الظاهرة و انفضحو في ميدان جاكسون وفي العربات العربات الكانت مالية الشارع لانو الشارع وسيع درجات دولارات البنك المالية السوق المالية وتوزع للموردين شان يمشو يجيبو بضاعة رخية للأخوات والبلد كانت راخية وسمحة لكن اليوم جحيم وغلاء اسعار ياربي تفرج ياربي تفرج كل المكروبين ياربي تفرج ياربي تفرج كل المكروبات ياشعبي سماح مننا نحن العشماني ياربي تسامح كل الناس ياربي عفوك ورضاك عشان الدمعة السالت وملت الوادي ملت الوادي ورائحة تدفق في الخيران وتملى كمان جدول ناس خالد وناس بركات عشان دي ياربي تغفر لينا وللنواب نواب السجم الركبو جميل عربات وسكنوا رحيب ساحات ياربي تفرج كل الكربات تفرج عن شعبي المحزون والمكلوم والمحزون ياربي وياربي ويالله |
اميييييييييييييييين يا المكاشفي ربنا يسمع منك الحال بقى مايل , و الناس غلبتها الحيلة
| |
|
|
|
|
|
|
Re: أزمـة مواصلات حادة ... و المواطنين يهتفون الشعب يريد مواصلات (Re: حسبو عكاشة)
|
والله السقف الاستلاكي ارتفع ووصل السماء ،،،زمان الناس بالكرعين (كدر ) وندخل البصات بالشباك لاهايس ولاركشات ولابصات ولاية الناس عندما ترى بصا قادما الى المحطة يصيبها الذعر يجلسون في الرصيف في الزمهرير الى قريب الفجر ويهيمون في العاصمة المظلمة من شارع الى شارع ونصف العربات الهالكة وقفة في صف البنزين منتظرة جالون الصباح اسع الحكاية فيها دلع والعاصمة تريفت مئات الالاف حايمين في الشوارع من وين وعلى وين مامعروف وتوجد ميادين للمواصلات وركشات وهايسات وبصات مكيفة ومظاهرات لحاقا بالربيع العربي الذي انتهي بفتنة طائفية في ميدان ماسبيرو او ميدان جاكسون ( كلو عند العرب صابون) ملعون ابوكي بلد
| |
|
|
|
|
|
|
Re: أزمـة مواصلات حادة ... و المواطنين يهتفون الشعب يريد مواصلات (Re: عبد الملك يوسف الملك)
|
Quote: صمة تريفت مئات الالاف حايمين في الشوارع من وين وعلى وين مامعروف وتوجد ميادين للمواصلات وركشات وهايسات وبصات مكيفة ومظاهرات لحاقا بالربيع العربي الذي انتهي بفتنة طائفية في ميدان ماسبيرو او ميدان جاكسون ( كلو عند العرب صابون) ملعون ابوكي بلد |
خلاص ياعبدالملك ؟ قنعتو من خيراً فيها ؟ الشعب دلعتوه وبرضو ما اخلص ليكم ؟ الي أين ياعبدالملك تودون ان توصلو هذا الشعب؟ شعب نزعتو منه حق العلاج باعتباره دلع ؟ثم حق التعليم امعاناً في تاديبه حتي يرعوي ثم شيذتم له بيوت الاشباح لاذلاله وتركيعه ،ثم اذليتم نساءه بالجلد والضرب ،ثم سلطتم عليه فاسدين سرقو كل ثرواته وشبعو وتخمو واسرفو وتدلعو وبرضو بتفتكر انه انتفاضته دي عبارة عن دلع ؟ اي تجهيل وتغيب لوعي المواطن اكثر من كلامك هذا ياعبدالملك؟ كانك تقول ياخي لو موصلات مافي يعني شنو ؟ ماتمشو بكريعكم ؟ طيب لو علاج مافي يعني شنو ماهو الناس تتعالج بالاعشاب ؟ لو تعليم مافي ،يعني شنو التعليم مش مهم .. الي الامام شعبنا الي الامام ضد التخذيل وتثبيط الهمم
| |
|
|
|
|
|
|
Re: أزمـة مواصلات حادة ... و المواطنين يهتفون الشعب يريد مواصلات (Re: عبد الملك يوسف الملك)
|
سلامات أخ عبدالملكQuote: زمان الناس بالكرعين (كدر ) وندخل البصات بالشباك
الناس عندما ترى بصا قادما الى المحطة يصيبها الذعر |
الأُمه كلها بقت فاقده لياقه, زمان ما شاء الله ضاربين اللحوم الرخيصة و الخضروات الما خمج و ممكن تتصرف و تمشي أميال :) إنت شكلك بره البلد أو ما قاعد تركب مواصلات ياخ الناس هسة بتنط بنفس الشبابيك انت بس ادينا طلة في ميدان جاكسون و انا بضمن ليك تركب في الكرسي الجنبي بعد ادخل بالشباك و احجز ليك بالجريدة او الشنطة الشايله :) المواطن بالإضافة للاسعار الطايرة السما انهتكه حرارة الشمس و الوقوف لساعات طوال في انتظار خلعة الحافلة التي تلوح من بعيد و الناس كلها تتجارى عليها
بعدين تصرف القوات النظامية مع الحالات الزي دي هو البزيد النار إشتعال يعني مواصلات ماف , و لمن تستهجن و تطالب بالمواصلات يجو ناس الشرطه يملوك بمبان و كبيع حالة ذي دي مفروض طوالي باصات الوالي و باصات الجيش و الشرطه تتوجه لميدان جاكسون و ترحل الناس لبيوته, و يا دار ما دخلك شر لكن واضح إنو الثغرات كتيرة
| |
|
|
|
|
|
|
Re: أزمـة مواصلات حادة ... و المواطنين يهتفون الشعب يريد مواصلات (Re: Mohd Ibrahim)
|
Quote: Share8 تظاهر المئات بالعاصمة السودانية الخرطوم مساء امس الثلاثاء ضد ارتفاع أسعار الغذاء وللمطالبة بتحسين وسائل النقل العام بحسب ما نقلته وكالة رويترز نقلا عن شهود عيان. وقال الشهود إن الاحتجاجات جرت في المحطة الرئيسية لحافلات النقل وسيارات الأجرة بالخرطوم للمطالبة بتحسين وسائل النقل العام، وانضم إليهم طلاب جامعيون للاحتجاج على تضخم أسعار الغذاء. وبحسب أحد الشهود فقد ردد الطلاب هتافات من بينها "لا لارتفاع الأسعار والخبز، الخبز للفقراء"، مضيفا أن الشرطة وصلت إلى موقع الاحتجاج لكنها لم تتدخل.
وذكر شاهد آخر أن مظاهرة أخرى جرت في محطة للحافلات في أم درمان، مشيرا إلى أن المحتجين عبروا بعد ذلك جسرا على نهر النيل يربط أم درمان بالخرطوم وبدؤوا في رشق السيارات الخاصة ومركبات الشرطة بالحجارة.
بيان للشرطة وقالت الشرطة في بيان إن مجموعة من المواطنين رشقوا سيارات تعبر الجسر بالحجارة مضيفة أنها منعت وقوع "أعمال تخريب".
وتضرر كثير من السودانيين بصورة كبيرة بسبب التضخم الذي بلغ 20.7% في سبتمبر/أيلول نتيجة ارتفاع أسعار الغذاء بينما هبط سعر صرف الجنيه السوداني في السوق السوداء في الأسابيع الماضية.
وردت الحكومة بحزمة من الإجراءات تشمل إعفاء واردات السلع الغذائية الأساسية من الرسوم الجمركية بصورة مؤقتة لكن خبراء اقتصاديين يشكون في أن التضخم سيتراجع كثيرا مع فقد السودان معظم احتياطياتها النفطية بعد استقلال جنوب السودان وهو ما أدى إلى انخفاض تدفق العملات الأجنبية اللازمة لسداد قيمة الواردات.
ويعتمد الاقتصاد السوداني على صادرات النفط وعلى الذهب في نطاق محدود وتسعى الحكومة لتنويع مصادر الاقتصاد لكن التقدم يسير ببطء وهو ما يلقي خبراء باللوم فيه على عقوبات تجارية تفرضها الولايات المتحدة وسوء التخطيط.
وفي السياق أصيب 10 اشخاص في حادث مروري بجسر الإنقاذ إثر اصطدام حافلتي ركاب داخل الجسر، 8 منهم في حالة خطرة تم نقلهم على إثرها إلى مستشفى السلاح الطبي بأمدرمان لتلقي العلاج. وأدى الحادث لعرقلة الحركة أمام المركبات القادمة من وإلى الخرطوم لما يقارب الساعة، وكانت الحافلتان تسيران في اتجاه معاكس حيث خرجت الحافلة القادمة من أمدرمان عن مسارها واخترقت المسار الآخر لجهة أن السائق فقد السيطرة على العربة بسبب عطل في الفرامل |
| |
|
|
|
|
|
|
Re: أزمـة مواصلات حادة ... و المواطنين يهتفون الشعب يريد مواصلات (Re: ahmed akasha)
|
Quote: بالله يا حسبو انت شغال مصور في جريدة الصحافة ومالقيت غير الصورة دي تنزلها |
ههههههههههههههه عليك الله يا احمد شوف المحن دي الصور دي انا صورتها بداية الأزمة و الناس كانت واقفة و ماف مواصلات لحدي المغرب و الناس بدت تهتف و قفلت الشارع المؤدي إلي جسر جامعة السودان هسة ناس الصحافة ديل ما ببالغو , عينك يا تاجر يشيلو الصورة و ينفو إنو ما كان في احتجاجات !! هي الصحافة دي ما عندها مصور !!! ميدان جاكسون دا بعيد منهم عشان يجو يصورو صور المظاهرة ؟
| |
|
|
|
|
|
|
|