|
|
 بابكر سلك .. كلامك فعلا فى السلك ..
|
نيجيريا انيمبتنا
• نيجيريا طلعت زي انيمبا ولدها
• لكن دقست
• انيمبا صعد حتي ساق ناسنا معاهو
• لكن ام انيمبا دقت الدلجه وصعدنا نحنا
• مبروك للبلد التأهل
• ولكن !
• وستين لكن كمان
• المهم
• لعبنا في ارض مباركه
• ارض استاد الهلال المشهوره بانها تأهل الاجانب دوما
• وتأهل حتي المهزوم
• شكرا غينيا انيمبتنا الحقيقيه
• لكن البضمن لينا شنو ما نقابل الترجي في النهائيات
• اقصد مانقابل تونس ست الترجي في النهائيات
• ايها الناس
• غينيا ساقتنا
• ودي حقيقه
• ونيجيريا ساعدت في سواقتنا
• ودي حقيقه
• وماحانجيب حاجه لو دي طريقتنا
• ودي حقيقه
• يجب ان نعد انفسنا جيدا
• مازدا ماقصر
• لكن المرحله القادمه دايره شغل تاني
• وممكن مازدا يكون من ضمن الجهاز الفني للمدرب الاجنبي الجديد
• هذا ان اردنا ان نتخطي مجرد شرف المشاركه
• لن نكتفي بالظهور في طابور العرض
• عند الافتتاح
• ثم نذهب في ذيل الطابور للمطار
• عشان نرجع السودان
• ونفتح خشومنا
• ونتفاصح
• ظهرنا في النهائيات
• الظهور في النهائيات ليس غايه
• ويجب ان لا نكتفي بمجرد الظهور في الطابور
• واذا كنا نريد اكثر من ذلك
• يجب ان نفعل الآتي
• جهاز فني جديد
• نديهو (لاند كروزر 2012 ) من حقات الحكومه المظللات الحايمات اليوم كلو ديل
• يجوب الوطن الحدادي المدادي ده
• يختار بنفسه الفريق الذي يريد
• دون تأشير ودون تحديد
• ونحتاج لدوله توفر كل ما يطلبه الجهاز الفني
• اعداد
• معسكرات
• مباريات علي اعلي المستويات
• دي ماحته بنفع معاها علوق الشده
• ولا معسكرات اثيوبيا التي يقولون عنها انها ناجحه ولا يشارك في المباراه من شارك في المعسكر
• لزوموا شنو معسكر اثيوبيا مادام جل المعسكرين كانوا من كشف المباراة مستبعدين !!!!
• ايها الناس
• هناك في النهائيات لا تجدي الصدفه
• ولا ينفع الحظ
• ولا نبقي كثيرا بعد الافتتاح اذا واصلنا المسير بنفس الهرجله والبرجله وعلوق الشده ده
• ايها الناس
• ليس بالضروره ان نشارك بالفريق الحالي
• ايها الناس
• اين رمضان عجب وامير بابكر والطاهر حماد من المبارة الاخيره ؟؟؟؟؟
• وناس فريد اهلي شندي واولاد منتخب الشباب ؟؟؟؟؟؟
• وغيرهم !
• ايها الناس
• لايعقل ان نبحث عن نصر في ارضنا ونحن نلعب بمهاجم واحد وبسته مدافعين في وسط الملعب
• حتي المهاجم الواحد يفتقد لمهارة الاستلام والمراوغه والتخزين
• مجرد برطعه
• الكوره تجيهو من الجهه اليمين
• يثبتها بالرجل اليمين
• خلونا صريحين
• من من لاعبي الوسط في المباراه الاخيره كان يعرف كيف يصنع تمريرة الهدف ؟؟؟
• خلونا صريحين
• هل لايوجد مدافع افضل من الربيع ؟؟؟؟
• ولا يوجد مدافع (اصلي ) افضل من مساوي (المولف ) والذي افتقدناه في الوسط ؟؟؟؟
• وهل بله ومصعب هما الانسب للاطراف في حال ان تكون طريقة اللعب هي الهجوم بمهاجم وحيد ؟؟؟؟؟؟؟
• ايها الناس
• طارت نيجيريا وطارت جنوب افريقيا وطارت مصر
• وركينا نحنا
• لكن بصراحه افضل منو ؟؟؟؟؟
• جنوب افريقيا لوقابلتنا تفتكروا الكوره بتطلع كم ؟؟؟؟
• ايها الناس
• تأهلنا بقدرة قادر
• وحتي يعطي القادر
• يجب ان يجتهد عبدالقادر
• ايها الناس
• التجديد سنة الحياه
• فكونا من الوجوه المعروفه والمألوفه
• حواء والده
• خلونا من علوق الشده
• وتعالوا نشتغل بالجد مره واحده
• ايها الناس
• هل لو كنا في مجموعة مصر وجنوب افريقيا والنيجير كنا حانصعد ؟؟
• حتي ولو كانت فرصة الصعود لافضل (طيش )
• كنا حانصعد ؟؟؟؟
• ايها الناس
• مبروك
• ولكن نتمني ان لا نكون (رز ) المجموعه
• ونطلع خلف طابور العرض وقبل ناس الموسيقي
سلك كهربا
ننساك كيف ووسطنا فيهو سته باكات
والي لقاء
سلك
|
|
 
|
|
|
|
نور الدين عثمان
فيس بوك
تويتر
انستقرام
يوتيوب
بنتيريست