كتب الكاتب الفاتح جبرا المتوفرة بمعرض الدوحة
|
مديت يمينى بلا سلام.
|
..كلمات حزينة فى وفاة فقيد البلاد الفنان المرحوم زيدان إبراهيم..جادت بها قريحة ألأستاذة ألأخت..آسيا ربيع أبشر...
............................................................. Asia Rabie Abasher ما قدرت قدامك اكون إتيبس الدم في العيون والعبره مالياهو الوريد مابين خيالك والجفون يا زول جميل يا زول اصيل والله بعدك مابنكون كيفن نكون ؟ والعبره مالياهو الحلق امطار حزن لسعة جنون واحسرتي واحسرة الايام معاي وين نلقا في الليل السكون يا الكنتّ بتلون دروب العتّمة بالنور والفنون يا الكنت ماليها العيون ومستف الايام غنا فارد جناحك احلى لون يا الكنت بتطوع نغم يرسم فرح معسول حنون والليلة فارقنا الصباح عمّ الحزن يبست غصون مديت يميني بلا وداع ما قدرت قدامك اكون .
|
|
|
|
|
|
|
|
Re: مديت يمينى بلا سلام. (Re: ismeil abbas)
|
فى الليلة ديك عم الحزن فى كل دار... إتباكوا لوداع زولآ عزيز ساب الديار وإتوشح النيل السواد والعتمة كانت لأمدر شعار فى الليلة ديك ماهان على الوطن الفرح لى كل كبير حتى الصغار.(إسماعيل)
| |
|
|
|
|
|
|
Re: مديت يمينى بلا سلام. (Re: ismeil abbas)
|
الحلوة غيرك يارقيق من غير طعم.
والفرحة فى وجوه الحزانا ..إحساس خالى من النغم.
والدنيا دار من غير قرار..نبنيها بخيوط الوهم.
وما أظن نخون ذكراك أبدآ مرسومة فى أعماقنا بالناى والقلم.
ألأخ/سامى أبو القاسم.....مرسلة بالبريد اللأكترونى.
| |
|
|
|
|
|
|
Re: مديت يمينى بلا سلام. (Re: بله محمد الفاضل)
|
أخى الكريم بله محمد الفاضل.....لك التحية على مرورك..
ألأخت/آسيا هى نفسها كنوز من محبة للجميع....وعلاقتها بزيدان ومعظم الفنانين مميزة .. لذلك تجد بين السطور إحساس الكلمة الصادقة والشعور بالحزن.
تقديرى وإحترامى.
| |
|
|
|
|
|
|
|