|
|
|
 Re: يا حمامة مع السلامة .. (Re: عصام دهب)
|
يا حمامة مع السلامة ..
طايرة أنتي
مع الغرامة ..
طيري من دوريك المفضل
ياتو يوم كنتي أفضل ؟؟
بس شلاقتك هي البتفضل
تحكي عنك للندامى ..
يلا شتتي مستواكي بايخ
الرشاشة نومتيهو دايخ
وأبو الهل شاب و شايخ
بس يمرمط في الكرامة
أشحديهو يديك حبة
من المحمولة التي أحبه
عرق جبينو يوم هبّ
خدمة يمينو يا حمامة
فقد المنطق رئيسك ..
و أندفن بالليل فطيسك ..
خمي صري أملي كيسك ..
و الصفر أفضل علامة
كلمينا عن مقبرة غزاتك
البقت معبر لذاتك
لو ما الذمم مرات لساتك
من زمان مع السلامة
البطولات يا حمام صعيبة
غيرو مين يقدر يجيبها
الزعيم جاييك في الزريبة
يلا أرجاها القيامة ..
| |
  
|
|
|
|
|
|
|
|
Re: يا حمامة مع السلامة .. (Re: عصام دهب)
|
صباحو يا باش
ههههههههههه
والله دي شماتة عينة
أقلاهو
ورتنا شاعريتك المدسوسة
ولا دي شاعرية مؤقتة
أخرجها للعلن
روح الشماتة
يا زول
أضحك هو حد واخد منها حاجة
بس باكر فيهو المناكر
أوعك تندسا اليوم داك
هههههه
| |
|
|
|
|
|
|
|
|
|
Re: يا حمامة مع السلامة .. (Re: عصام دهب)
|
و أحلى صباحو يا راش
Quote: ههههههههههه
والله دي شماتة عينة
أقلاهو
ورتنا شاعريتك المدسوسة
ولا دي شاعرية مؤقتة
أخرجها للعلن
روح الشماتة |
شاعرية شنو و فذلكة منو..
أنا زول الله ساي ياخي ..
أنا قدركم !!
دي أم فريحانة ساكت بس ..
Quote: يا زول
أضحك هو حد واخد منها حاجة |
هو نان جنس ضحك ..
Quote: بس باكر فيهو المناكر
أوعك تندسا اليوم داك |
و الله يا بلة بيني و بينك الثعلب مكااااار ..
عشان كدة خلينا نجازفوا من هسي و التجي تجي ..
تحياتي و الجايات أكتر ..
| |
|
|
|
|
|
|
|
|
|
Re: يا حمامة مع السلامة .. (Re: عصام دهب)
|
هو انتا ما دام ما بتعرف ترفع اغنية من اليوتيوب اللداحة العليك شنو كمان
كلكم كيشــة مع بعض ...
معطلنى ساعة واجى القى الموضوع حمام و طار و فرفور ..
يعنى شنو واحد صفر هسه دى بتستاهل يفتحو ليها بوست .
| |
|
|
|
|
|
|
|
|
|
Re: يا حمامة مع السلامة .. (Re: عبد الدائم سيد أحمد)
|
النضيف ..إزيك .. و
عبرك سلامنا و شوقنا لصاحبك الزايغ من أمس ما معروف ليهو مكان ..
و أنا ما كنت قايلك رشاشة للدرجة دي ..
| Quote: هو انتا ما دام ما بتعرف ترفع اغنية من اليوتيوب اللداحة العليك شنو كمان |
أنا ما بعرف أرفع أغنية عادي .. بكرة بتعلم و بمشي حالي ..
أهة أنتا بتعرف تطير ؟؟
| Quote: معطلنى ساعة واجى القى الموضوع حمام و طار و فرفور .. |
كويس الما لقيت ليك بونية بتاعت أولاد راحات ..
و أنا ذاتي ندمت على الرصيد الصرفتو من غير فايدة ..
هسة لو كان جيتك بالدرب مش كان أحسن ..
| |
|
|
|
|
|
|
| |
عصام دهب
بله محمد الفاضل
عبد الدائم سيد أحمد
فيس بوك
تويتر
انستقرام
يوتيوب
بنتيريست