كتب الكاتب الفاتح جبرا المتوفرة بمعرض الدوحة
|
|
 مرة أخري .. الخرطوم أغلي مدينة في العالم ... مغص مغص مغص
|
سبق وأن فتحت بوست منذ مدة ليست بالقصيرة في حوش بكري حول غلاء الخرطوم.
وسعدت بمشاركة ومداخلات الاخوة الأعزاء من أعضاء الحوش
بل وأمطرني الكثيرون هاتفيابآرائهم حول الموضوع
ومنذ ذلك التاريخ
وغول الغلاء في الخرطوم بصفة خاصة والسودان بصفة عامة ما زال يكشر عن انيابه.
وشعبنا العظيم لا حول ولا قوة له.
مرحبا بمشاركاتكم
ولا أدري : هل ستخفف من المغص أم ستزيده ؟؟؟؟؟؟؟
حسن ود البوب الممغوص
دمتم،،
|
|
 
|
|
|
|
|
|
|
 Re: مرة أخري .. الخرطوم أغلي مدينة في العالم ... مغص مغص مغص (Re: حسن طه محمد)
|
الأخ حسن طه,
هناك شبه اضراب غير معلن من اصحاب المركبات العامة لزيادة قيمة الترحيل مع ان نفس هذه القيمة قد ازدادت قبل شهور يسيطة عندما ازدادت اسعار الوقود, والآن وتحت موجة الغلاء الجامح مثالا لذلك (جالون زيت المكنة تابكو كان ب 35 ج الآن صار ب 65 ج) وعلى ذلك يمكنك ان تقيس الأسبيرات والأطارات والصيانة الخ.... ( لتزداد مغصا) .
ولسع القادم انيل بستين الف نيلة .
| |
|
|
|
|
|
|
|
|
|
Re: مرة أخري .. الخرطوم أغلي مدينة في العالم ... مغص مغص مغص (Re: قلقو)
|
Quote: لتزداد مغصا) .
ولسع القادم انيل بستين الف نيلة . |
قلقو العزيز
والله دا مغص شديد خلاس
وما أظن في طريقة لعلاجو مع دكاترة آخر الزمن ديل
بمناسبة الدكاترة :
سمع اضاني : طبيب في عيادته الخاصة ( لاحظ الخاصة دي ) جايبين ليه مريض بعربية الاسعاف
والاسعاف يعني حالةمريض متأخرة.
هذا الطبيب ( لا فض فوه ) قال : اذا عربية الاسعاف ما وصلت خلال عشرة دقايق لعيادتي انا حامشي !!
والقادم انيل بمليون نيلة
مع تحياتي وخليك مواصل
وما زال المغص مستمر
| |
|
|
|
|
|
|
|
|
|
Re: مرة أخري .. الخرطوم أغلي مدينة في العالم ... مغص مغص مغص (Re: حسن طه محمد)
|
سعادة المستشار برضو في بوست فتحته 26/7/2011
بعنوان
الخرطوم أغلي من لوس انجلوس وبيروت ...!!!
http://174.36.244.211/cgi-bin/sdb/2bb.cgi?seq...&msg=1311671179&rn=1
أظهرت الدراسة السنوية حول كلفة المعيشة في 214 مدينة حول العالم التي اجرتها
«Mercer Human Resource Consulting» ان بيروت تأتي في المرتبة 75 كأغلى مدينة في العالم
وفي المرتبة الرابعة بين 20 بلداً عربياً شملته الدراسة في 2011.
كما اعتبرت الدراسة ان بيروت تحتل المرتبة 15 كأغلى مدينة بين دول البلدان ذات الدخل المتوسـط الى المرتفع.
وجاءت بيروت في المرتبة 80 كأغلى مدينة في العالم وفي المرتبة الرابعة على مستوى العالم العربي عام 2010.
وأظهرت الدراسة، الواردة في نشرة «لبنان هذا الأسبوع» الصادرة عن مركز أبحاث بنك «بيبلوس»،
أنه على المستوى العالمي يمكن اعتبار أن بيروت ذات درجة غلاء تعادل تلك التي في سنتياغو في تشيلي،
واغلى من لوس انجلوس، وميونيخ ومنتريال، في حين اقل غلاء من كوتونو في بينين، فرانكفورت ولوكسمبورغ.
ومن بين الدول ذات الدخل المتوسط الى المرتفع، تبين أن بيروت وسنتياغو أغلى من الماتي في كازخستان،
وكوالا لامبور في ماليزيا وبورت لويس في موريشيوس، فيما جاءت قبل اسطنبول بوغوتا في كولومبيا وهافانا في كوبا.
اقليمياً، تبين ان ابو ظبي والخرطوم وجيبوتي هي المدن العربية الوحيدة ذات كلفة المعيشة الأغلى من بيروت.
يا وليد
بالله صاحبي وجد البوب عندو مال قدر داا ونحن ما عارفين؟؟؟
يا خاين!!!!
| |
|
|
|
|
|
|
|
|
Re: مرة أخري .. الخرطوم أغلي مدينة في العالم ... مغص مغص مغص (Re: طارق ميرغني)
|
Quote: اقليمياً، تبين ان ابو ظبي والخرطوم وجيبوتي هي المدن العربية الوحيدة ذات كلفة المعيشة الأغلى من بيروت.
يا وليد
بالله صاحبي وجد البوب عندو مال قدر داا ونحن ما عارفين؟؟؟
يا خاين!!!! |
صديقي العزيز طارق
ومن بين ابوظبي والخرطوم وجيبوتي .... بالتأكيد الخرطوم هي الأغلي
وبالتالي الخرطوم أغلي مدينة في العالم
شكرا علي هذه الاحصائية المفيدة .
نجي لكلام أخونا وليد
وانت سبقتنا في التعليق
وانا كنت عايز اتفرغ ليه
لانه كلام مفرح عندما يحسبك الناس صاحب مال ومبكي عندما يكون الواقع عكس ذلك.
ويا وليد من فمك لباب السما ... كما يقولون
وقالوا الصيت ولا الغني
شكرا ليك كتير رفعت من معنوياتي .. رغم المغص
المشكلة زي ناس طارق ديل يصدقوا ويطلبوا منك عزيمة عشاء في ال La Segal
ما زال المغص مستمر اب يخف
واصلوا ونسوني شوية المغص
| |
|
|
|
|
|
|
|
|
|
Re: مرة أخري .. الخرطوم أغلي مدينة في العالم ... مغص مغص مغص (Re: حسن طه محمد)
|
البنزين وما أدراك ما البنزين :
حسبت لتر البنزين في السودان.
لتر البنزين ال سيوبر في قطر ب ريال قطري واحد
ولتر البنزين العادي في السودان يعادل اكثر من 2 ريال
بعد ترددي الكثير للطرمبة:
سالت عامل الطرمبة : ليه البنزين بقي بيخلص بسرعة حتي ولو مليت التنك ؟
أجاب : قالوا الحكومة بتخت ليه مادة معينة بتخليه يكمل بسرعة!!!
وما زال المغص مستمر
نسال الله السلامة
| |
|
|
|
|
|
|
|
|
|
Re: مرة أخري .. الخرطوم أغلي مدينة في العالم ... مغص مغص مغص (Re: حسن طه محمد)
|
حمداً لله على السلامة.. بالرجوع.. ومن المغص..
ياخ انت الغلاء بسوي ليك شنو؟ شلت معاك العملة القطرية فد ريال واحد تفكو هناك بخلي ليك الجنيهات هبطرش
ياخ عشرة الف بعملتكم عارف تعمل ليك كم 12 مليون ج س بالقديم ودى عندنا بتجيب ليك عشرة بقرات حلوب و200 ضانية اي واحدة تابعاتنها انتايتان والانتاية الواحدة تعشر بعد ستة شهور وتلد بعد ستة شهور يعني احسب كويس شوف بعد سنتين بتكون عندك كم راس ؟
ياخ سيبك من الغلاء وتعال اشوف ليك راعي يسرح ليك بيها وانت كل شهر اشتري ليهو 50 زيادة . إيمين لما تجي السوق تبهل فيهو النعمة دي تنزل سعر الكيلو لعشرة .
ياخ دا بلد مضيع فلوسو في الاحتفالات والاستقبالات والمستشارين والوزراء الاكتر من ضانك دا
خليهم يشوفوا ليهم واحد راعي ساى من اهلنا ناس البادية شوف يمشهدهم كيف ؟ يمشهدهم يا خال تعني يديهم خارطة طريق استثمارية
شفت كيف ؟
| |
|
|
|
|
|
|
|
|
|
Re: مرة أخري .. الخرطوم أغلي مدينة في العالم ... مغص مغص مغص (Re: الطيب شيقوق)
|
Quote: ياخ انت الغلاء بسوي ليك شنو؟ شلت معاك العملة القطرية فد ريال واحد تفكو هناك بخلي ليك الجنيهات هبطرش
ياخ عشرة الف بعملتكم عارف تعمل ليك كم 12 مليون ج س بالقديم ودى عندنا بتجيب ليك عشرة بقرات حلوب و200 ضانية اي واحدة تابعاتنها انتايتان والانتاية الواحدة تعشر بعد ستة شهور وتلد بعد ستة شهور يعني احسب كويس شوف بعد سنتين بتكون عندك كم راس ؟
|
موش بالله ياشيقا
بعد دا مستكتر على صديقة طارق ميرغني عزومة كاربة
ياطارق ميرغني على بالايمان تمشي تقعد في سور عمك طه ( ودالبوب ) قدام الباب يجيك
اكل من حجة نفيسة اشكال والوان
قال مغص قال
كانه قاعد ياكل عنكوليب شيقا
.
.
كل مره ياسعادة المستشار بقول الشعب السوداني طيب
مايستاهل يعيش عيشة الزل والهوان
مشيت وشفت ناس ماشى من غير روح
ناس ماشى وسارحة وراء همومها
زمان ممكن تلاقي واحد تقول عاين لي ومشى ماسلم وتظهر عتابك
ولكن الان تخيل انسان ماشي وغير مركز من الذي امامه
لاتستطيع العتاب لان الحال اصبح مايل ومنيل بستين نيله
| |
|
|
|
|
|
|
|
|
|
Re: مرة أخري .. الخرطوم أغلي مدينة في العالم ... مغص مغص مغص (Re: الطيب شيقوق)
|
Quote: انت الغلاء بسوي ليك شنو؟ شلت معاك العملة القطرية فد ريال واحد تفكو هناك بخلي ليك الجنيهات هبطرش
ياخ عشرة الف بعملتكم عارف تعمل ليك كم 12 مليون ج س بالقديم ودى عندنا بتجيب ليك عشرة بقرات حلوب و200 ضانية اي واحدة تابعاتنها انتايتان والانتاية الواحدة تعشر بعد ستة شهور وتلد بعد ستة شهور يعني احسب كويس شوف بعد سنتين بتكون عندك كم راس ؟
|
اول حاجة حمدا لله علي ظهوركم
قال هبطرش قال
تعرف يا شيقا
كل من استمعت اليه في السودان ... يقول ليك :
" والله لو عندك مال قارون ... كلو يكمل "
طبعا كناية عن الغلاء المفحوش الفاحش
ومع كلام زي دا اول حاجة تعملها في اجازتك الجاية ان شاء الله
من المطار الي مبني جهاز النهب ( آسف المغتربين )
تدفع الاتاوات في الاول وتضمن تاشيرة الخروج
ولو فضل ليك شئ بعد داك .. اعمل العايزو .. كان بتقدر
شيقا
شوية حاجيك راجع لموضوع الضان ... وكلامك بالحيل دخل الراس رغم ايماني القاطع الجازم المؤكد ان مجرد التفكير في اي استثمار يدخلك في خانة المهووسين ان لم يكن في خانة العقلاء بالمقلوب.
وآخ يا وطني اللي كان
| |
|
|
|
|
|
|
|
|
 Re: مرة أخري .. الخرطوم أغلي مدينة في العالم ... مغص مغص مغص (Re: طارق ميرغني)
|
| Quote: مرة أخري .. الخرطوم أغلي مدينة في العالم ... مغص مغص مغص |
** ود البوب..
** سـلام ومساءك خير..
## بتبالغ .... ياخى الناس ديل أكلونا مما زرعو ولبسونا مما صنعو .. وخلو الدولار فى الواضه أمام الدينار والجنيه الإسلامى ,, وإنتهوا من حاجه إسمها فساد وإفساد ,, والبلد بقت رخيه ,, وبرضو تقول لى الخرطوم أعلى مدينه فى العالم وماحيسلموها إلا الى عيسى ..
(اللهم أنقذنا مِن من أتوا لإنقاذنا)
(ودام الود بيننا)
| |
|
|
|
|
|
|
|
|
|
Re: مرة أخري .. الخرطوم أغلي مدينة في العالم ... مغص مغص مغص (Re: حسن طه محمد)
|
الخال ود البوب
| Quote: ولو فضل ليك شئ بعد داك .. اعمل العايزو .. كان بتقدر |
لا حول انا هسع قلت غنيت خلاص مع ارتفاع الدولار يا خال مالك قاهمنا
صحي اكان وقعت منك ربطة قروش في الخرطوم ما بتتعب تدنقر ليها ؟
Quote: شيقا
شوية حاجيك راجع لموضوع الضان ... وكلامك بالحيل دخل الراس رغم ايماني القاطع الجازم المؤكد ان مجرد التفكير في اي استثمار يدخلك في خانة المهووسين ان لم يكن في خانة العقلاء بالمقلوب. |
ههههههههههههها علا تشوف ليها راعي من اهلك الرطانة لكن اكان لهمتها واحد من عربنا عييييييييك بحسب فلوسك مال سائب ساااااااااى
| |
|
|
|
|
|
|
|
|
|
Re: مرة أخري .. الخرطوم أغلي مدينة في العالم ... مغص مغص مغص (Re: وليد عبد اللطيف)
|
مساء أمس وبالنشرة الاقتصادية لقناة الجزيرة
كلام عن
" مراكز للبيع المخفض للحوم "
والكلام كان كتير عن التضخم المتصاعد بالركود التضخمي وفوضي الاسعاروانخفاض مستوي دخل الفرد باكثر من 50 % بسبب الغلاء
وأن الاقتصاد السوداني يمر باصعب مراحله.
المضحك المبكي أن أحد المسئولين قال أن هناك برنامج لتخفيف الاعباء المعيشية وبرنامج لخفيف الانفاق الحكومي وكلام من النوع دا اللي ما يخش الراس.
طبعا لا تعليق
كان ما يلفت النظر ان جميع من تم الاستطلاع معهم بدت الزهجة في وجوههم
واحدة قالت : اللحمة غالية شديدة
أعقبتها الأخري : اي شي غالي
وانا اعقب : شنو الرخيص ..... الا الانسان السوداني
| |
|
|
|
|
|
|
|
|
|
Re: مرة أخري .. الخرطوم أغلي مدينة في العالم ... مغص مغص مغص (Re: حسن طه محمد)
|
يا مولانا...
لا يشتكي من غلاء الخرطوم...الا الرجل النزيه...الذي خرج منها ايام
كان المغني...يغني....(يا جمال النيل...والخرطوم بالليل)
وشوارعها معروفة...وباراتها مسقوفة...
اخلع ثوبك وحلمك ونزاهتك بي قلب قوي لو تستطع لذلك سبيلا
او اعصر علي نفسك شوية...وحاول ادخلها...مرة اخري...
الخرطوم يجب ان تدخلها كشخص آخر...غير الذي خرج منها...
وان تؤمن علي كل ما تملك من خلق لدي اقرب شركة تأمين
قبل ان تخطط للسفر لها....صدقني لن تشتكي بعدها من غلاء
او ضيق...ولا يمكن ان تستغرب من تصرف...
فما نراه فيها مدهشا...صار عندهم...عادي لدرجة اندهاشهم
من دهشتك...(في شنو يا ابن العم؟؟؟) دي عادي تسمعها
| |
|
|
|
|
|
|
|
|
|
Re: مرة أخري .. الخرطوم أغلي مدينة في العالم ... مغص مغص مغص (Re: حسن طه محمد)
|
Quote:
هذا الرجل مما استوزروه وبقي مسئول عن قروش البلد وخلا عيالو في لندن
ونزل فندق المريديان... ورفض حتي يسكن في بيت حكومي
عرفنا انو الحكاية بايظة
والنتيجة ظهرت.. قبل مثلثو بتاع برمودا |
الوقت داك اقتنعت تماما البلد ما حتقوم ليها قايمة
.
.
ياسعادة المستشار امس في ونسة دقاقة مع شقيقك المغيرة
قلت ليهو سعادة المستشار حسن الليله جاب لينا خبر صعب خلاص قال السودان اغلى مدينة في العالم
ضحك شديد جدا جدا جدا
ياريت لو تفسر لينا سر الضحكة دي شنو
ياخي خوفتنا وشيلتنا هم ياسعادتك يعني تاني صواني الامداد والوصلات في الحلة ح تنقطع
اها انا قاعد هنا في حلتكم جاتنا اكتر من خمسة او سته صواني من الحله
تاكل بخياراتك ممكن تهبش في صحن واحد وترجع تاني لانك متوقع صينية اخرى
.
.
ياودالبوب المليون جنية يساوي مليم في السودان الناس تاكل وتشرب بي شنو وللا العلاج
تمشي الصيدلية يكون عندك تامين وتشتري من غير تامين
تاخد فاتورتك بعدين تفتش في قروشك من ناس التامين ( تامين شيكان )
الى ان تنقلب بعاتي على قول استاذنا ابو امنه حامد وانت جاري تبحث عن حقك وقروشك
ياخي كنت بشتري حقنة من صيدلية بسعر ومن صيدلية اخرى بسعر اخر ولايبعدون عن بعض 100 متر
السودان مسكون ياود البوب
.
.
نرجع لكلام الظريف شيقا وكلام البقر والضان وما ادراك ما الضان
ياود البوب كما تعلم والدتنا رحمة الله عليها كان تقول البيت لازم يكون فيهو سعية غنم ضان
بقر حمام دجاج المهم لازم يكون فيهو حاجة من الشكل دا
وزي ماعارف بنات واولاد الزمن دا الحاجات دي مابرستيج بالنسبة ليهم
لكنها حاربت كل الظلم والاستبداد واصرت ان تعمل مزرعة ابقار
اشترت بقرتين والبقرتين اصبحو اربعة
الحال مشى تمام الحمد لله لكن تعال شوف التعب وتغلب الامور كل يوم
سعر لوري القصب اليوم يختلف عن سعر امس الى ان اقنعتها تبيع البقر
ياشيقا مافي شي ثابت في السودان الاسعار متقلبه لاتسطيع حتى ان تستثمر قروشك
من الطرائف ياشيقا
قلت الى صديقي التاجر على الكوارتي تعال نبيع ليك البقر بتاعنا دا فترنا ياخ
قال : اعفيني من جنس الحاجات دي كل شيء ولا حاجة تاكل وتشرب
بالله الزول دا ما حضرمي
| |
|
|
|
|
|
|
|
|
|
Re: مرة أخري .. الخرطوم أغلي مدينة في العالم ... مغص مغص مغص (Re: حسن طه محمد)
|
سعادة المستشار:
أول خطوات الحل هي الاعتراف بوجود مشكلة كبيرة تهدد حياة الناس..
لا بد أن نترك (المكابرة) جانباً.. ونقر بأن ما يحدث اليوم من انهيار، على درجة عالية من الخطورة..
إذا فقد الناس الأمان على معاشهم فتوقع منهم كل شيء.. وثورة الجياع لا ترحم..
المسألة في نظري تحتاج إلى قرارات ثورية أخطر من قرارات الرابع من رمضان بحل البرلمان وإعلان حالة الطواريء..
مسألة الإنفاق الحكومي (وزراء ووزراء دولة ومستشارين ومجالس تشريعية) تستنزف الكثير الكثير الكثير جداً من موارد البلاد..
ولا أثر ولا نتيجة ولا شيء يدل على أن هناك مقابل..
الموارد الموجودة في البلد (زراعية ومائية وحيوانية ومعدنية) تجعلنا في أعوام قليلة من الميسورين.. جميعاً بدون استثناء..
أنانية الساسة وقصور العقلية التي تدير البلاد ومؤسساتها.. هي التي أوردتنا إلى هذا الدرك السحيق من الإحباط والهموم..
وطن ممزق تنتاشه سهام التقسيم والعنصرية.. ولا تلوح في الأفق القريب أو حتى البعيد أي ملامح لأي حلول مطمئنة..
نحتاج للكثير.. والكثير.. حتى (نتفق).. على أن تكون مصلحة (السودان) هي الهم الكبير لكل مسؤول ومواطن..
ارهاصات التغيير الوزاري بوجود نفس الوجود وانتقالها (كقطع الشطرنج) من خانة لأخرى لا يبشر بحلول على المدى القريب..
عفواً سعادة المستشار.. فقد داهمني المغص.. والله المستعان.. وهو الشافي والكافي..
| |
|
|
|
|
|
|
|
|
|
Re: مرة أخري .. الخرطوم أغلي مدينة في العالم ... مغص مغص مغص (Re: حسن طه محمد)
|
ليسمح ويأذن لي الأستاذ بابكر فيصل بابكر بانزال مقاله الرائع عن الغلاء في هذا البوست
أصل المقال موجود في حوش بكري " المقالات والتحليلات ".
شكرا أخي بابكر فقد أصبت كبد الحقيقة .
__________________________________________________________________________
الشعب لم يتسبب في الغلاء والبلاء يا شيخ عبد الحي بابكر فيصل بابكر
بابكر فيصل بابكر
[email protected]
الغلاءُ الذي تشهدهُ البلاد حالياً لم يهبط من السماء فجأة, ولكنهُ كان أمراً متوقعاً منذ فترة طويلة بسبب التوجهات الإقتصادية والسياسية الخاطئة. وبدلاً عن الإعتراف بالأخطاء التي أدت للضائقة المعيشية غير المسبوقة, فإنَّ الحكومة ومؤيديها – كالعادة - قررَّوا إتباع نهج التخدير وإلقاء اللوم على الآخرين وصرف الأنظار عن القضيِّة الأساسية.
التخديرُ كان واضحاً في التصريحات التي خرج بها بعض الشيوخ والأئمة من مناصري النظام الحاكم, ومن ذلك ما قال به الشيخ عبد الحي يوسف في خطبة الجمعة الماضية حيث عزا هذا البلاء لإبتعاد الناس عن الله وقال : " إنَّ البلاء والغلاء والوباء والكوارث التي نعيشها من ذنوينا ومعاصينا وأعمالنا السيئة", وكان قبل ذلك قال انَّ ما : ( نزل على البلاد من بلاءٍ وغلاءٍ يدعونا إلى التقرُّب لله كي يُبعد عنا هذا البلاء والكرب).
إنَّ التقرُّب إلى الله مطلوبٌ في كل الأحوال والأوقات ولكننا هنا نبحث عن البرامج والسياسات التي أدَّت إلى هذه النتائج البائسة, وهى سياسات من صنع البشر الحاكمين. وكما ذكرت قي مقال سابق فإنَّ هذا النوع من الكلام ينقل تفسير ظاهرة الغلاء إلى (السماء) هرباً من إستخدام العقل لتفسير أسباب ( الأرض).
إلقاءُ اللوم على الآخرين ظهر جلياً في حملة مقاطعة اللحوم التي دعت لها جمعية حماية المستهلك, وهى من أنشط مؤسسات المجتمع المدني ويقودها رجالٌ أكفاء يعملون في ظروف بالغة التعقيد لخدمة الإنسان السوداني عبر نافذتهم المهمِّة. ولكنَّ الهدف النبيل الذي سعت إليه الجمعية تمَّ الإلتفاف حوله من قبل الحكومة التي ركبت موجة المقاطعة و جندَّت كل أجهزتها ومؤسساتها السياسية والإجتماعية والإعلامية للتهرُّب من مسئوليتها ولتصوير مُنتجي الماشية والجزارين وكأنهم "الغول" الذي يجب على الشعب الإنقضاض عليه حتى تنفك الضائقة.
أمَّا صرفُ الأنظار فقد تمثل في التصريحات المجَّانية التي تكفل بإطلاقها السيدان محمد مندور المهدي نائب رئيس الحزب الحاكم بالخرطوم, والدكتور نافع على نافع واتهَّما فيها أحزاب المعارضة باستغلال ارتفاع الأسعار لتحريك الشارع. وقال الدكتور نافع كلاماً مكروراً ما عاد ينطلي على الناس : " إنَّ المظاهرات التي خرجت ببري أدارها شيوعي ثري مع بعض أعوانه من أمدرمان".
وبإفتراض أنَّ الأحزاب قد فعلت ذلك ( وهما يعلمان علم اليقين أنها لم تفعل) فإنَّ هذا حقها الذي كفلهُ لها الدستور الذي وضعتهُ الحكومة. ولماذا يتخوَّف المسئولان من تحرُّك الشارع ما دام حزبهُما هو حزب (الأغلبية) وحزب (الجماهير) الذي يُسيطر على مجلس نيابي فريدٍ من نوعه مُنتخبٌ بشفافيةٍ غير مسبوقة ويتفوَّق على كل برلمانات الدنيا والديموقراطيات العريقة , وكيف لا وهو برلمانٌ لا توجد به معارضة !!
ذلك – يا شيخ عبد الحي - هو الطعنُ في الظل, أمَّا من أراد معرفة الأسباب الحقيقية للغلاء والضائقة المعيشية فعليه أنْ يوِّجه إصبعهُ للفيل : الحكومة.
ليعلم الشيخ عبد الحي أنَّ ذاكرة الشعب ليست بالسوء الذي يتصوَّرهُ هو وأهل الحكم, إذ ما تزال تحفظ كلام العميد صلاح كرار عضو مجلس قيادة الإنقاذ وهو يقول : ( لو ما جينا الدولار كان بقى بعشرين جنيه). وكان سعر الدولار حينها في السوق الموازي إثني عشر جنيهاً. وبحساب بسيط يفهمهُ كل إنسان فإنَّ المليون جنيه وقتها كانت تساوي 83,000 دولار ( ثلاثة وثمانون ألف دولار).
وبعد مرور عشرين عاماً أصبح المليون جنيه ( بعيداً عن التلاعب بقيمة الجنيه الحقيقية بسحب صفر وتسميته دينار) اليوم يساوي 250 دولار ( مائتان وخمسون دولاراً ), وهذا يعني أنَّ الجنيه فقد قيمته بالكامل. وهذا وحدهُ كفيلٌ برفع الأسعار (التضخم) إلى مستويات عالية للغاية. وشاءت الأقدار أن يتم التغطية على ذلك عن طريق صادرات النفط التي ما ان توارت حتى عادت الأوضاع إلى حقيقتها.
وبمقارنةٍ بسيطةٍ مع سعر الصرف في مصر في ذات الفترة نجد أنَّ الدولار مقابل الجنيه المصري في عام 1989 كان يساوي 3,3 جنيه ( ثلاثة جنيهات وثلاثين قرشاً), وهو اليوم يساوي 5,9 ( خمسة جنيهات وتسعين قرشاً). أى أنَّ الزيادة في سعر الصرف هنا زيادة مقبولة ناتجة عن معدلات التضخم الطبيعية خلال عشرين سنة.
إنًَ فقدان الجنيه لقيمته بهذه الصورة كفيلٌ لوحده (دون أسباب إقتصادية أخرى) بإطلاق مارد الغلاء, وهذا أمرٌ ناتجٌ عن سياساتٍ حكوميةٍ خاطئة و ليس بسبب إبتعاد الناس عن الله كما يحاول الشيخ عبد الحي يوسف تصوير الأمر, وهو ليس عقوبة من الله على شعب السودان المغلوب على أمره, أو بسبب جشع الجزارين ومنتجي الماشية, أو بمؤامرة من أحزاب المعارضة كما تريد الحكومة أن توهم الناس.
الضائقة المعيشية وإرتفاع الأسعار ووقوف الإقتصاد على حافة الإنهيار ( وهذه قال بها وزير الخارجية مخاطباً أعضاء نادي باريس) ناتجة عن السياسات الحكومية وليس بسبب الأعمال السيئة للناس كما يقول الشيخ عبد الحي. فقد تجاهلت الحكومة المورد السوداني الأكبر (الزراعة) وأهدرت عائدات النفط, وهو ما نبَّهنا لهُ ونبه له الكثيرين في الماضي, وكان مما كتبنا في السابق حول هذا الأمر مخاطبين محافظ بنك السودان السابق الذي قال بعد فوات الأوان بضرورة تفعيل الصادرات غير البترولية :
( يعلمُ الجميع أنَّ الزراعة هى قاطرة الإقتصاد السوداني والمصدر الرئيسي لنموِّه, ومع ذلك فشلت كل الخطط الحكومية في الإرتقاء بها, فمع كثرة الحديث والضوضاء عن ( النفرة ) و ( النهضة ), ومع وجود عشرات الوزراء ( مركزيين وولائيين ), تدهورت الزراعة بشقيها المروي والمطري تدهوراً مريعاً, وانهارت الصناعة المرتبطة بها وهي صناعة النسيج (99 % من مصانع النسيج متوقفة ), وأصبح البترول يشكل (95 %) من صادراتنا بحسب تقارير صندوق النقد الدولي, فكيف يمكننا بعد ذلك تفعيل صادراتنا غير البترولية ؟ وهل لدينا يا سيادة محافظ بنك السودان صادرات غير منتجات الزراعة حتى نفعِّلها ؟ ).
تقولُ تقارير صندوق النقد الدولي – يا شيخ عبد الحي - أنَّ عائدات البترول السوداني في الفترة (1999 – 2009) بلغت حوالي (50 مليار دولار), فكم من هذه الأموال تمّ توجيهه للزراعة أو البنيات الأساسية ؟. إنَّ أكبر مشروع أنجزتهُ حكومة الأنقاذ منذ مجيئها وهو "سد مروي" تم تمويلهُ بقرضٍ واجب السداد فأين اذاً ذهبت أموال البترول ؟ لقد كبَّلت الحكومة الشعب السوداني والأجيال القادمة بالديون حتى بلغت خدمتها السنوية مليار دولار مما جعل وزير الخارجية يسأل دول نادي باريس إنقاذ إقتصاد الإنقاذ من الإنهيار.
قد كان أولى بالشيخ عبد الحي قبل أن يرمي الشعب بالسوء والبعد عن الله أن يسأل الحكومة الأسئلة الحقيقية مثل : لماذا لم يتم توجيه الموارد وتحديد الأولويات طيلة السنوات الماضية بينما يتم الحديث عنها بعد فوات الأوان ودخول الفترة الحرجة ؟ ولماذا أهملت الزراعة طوال العقدين الماضيين ؟ وكيف صُرفت أموال البترول ؟
على الضفة الأخرى من النهر, وقف الشيخ المُحترم يوسف الكودة في منبر الجُمعة يخطبُ في المصلين, ويُخاطب الحكومة بكلام في غاية الوضوح والشفافية قائلاً : ( مقاطعة السلع ليس حلاً ناجعاً لمكافحة الغلاء. ويجب على ولاة الأمر إيجاد الحلول ومعالجة شاملة للوضع الإقتصادي . وأنَّ سياسة التحرير و الخصخصة لاتعني تنصل الحكومة عن مسؤولياتها وواجباتها تجاه المواطن. ويجب تخفيض الصرف على الدستوريين والأمن حتى يستعيد الإقتصاد عافيتهُ ويجب دعم السلع الضرورية ). إنتهى
إنَّ كثيراً من المجتمعات الغربية (أوروبا) والشرقية (آسيا) والعربية مليئة بالذنوب والمعاصي كما يفهمها الشيخ عبد الحي, ومع ذلك فإنها تعيشُ في رفاهية وسعادة وكفاية, ولا تعاني من الغلاء والوباء والكوارث, فهل يعني هذا أنَّ الله راضٍ عنها ؟ وهل الذنوب والمعاصي والأعمال السيئة التي يتحدث عنها الشيخ عبد الحي تنطبق على الشعب فقط أم أنها تشمل أهل الحكم ؟ وهل يستقيم أن تكون هذه هى أعمال الشعب الذي يعيش تحت رايات المشروع الإسلامي والشريعة منذ عقدين ونيف من الزمن ؟
إنَّ الذين يُحمِّلون الشعب مسئولية الغلاء والبلاء والوباء والكوارث يتجاهلون عن عمدٍ الطعن في "الفيل", ويُريدوننا – كما يقول الشاعر عبد الرحمن أبودومة – أن نصدِّق كل ما يهواهُ خاطرهم, وننكر شمس قلب الصيف, ونصيح ملء الكون : آمينُ. ولكنَّ بسطاء الناس يرون المخبوء, وإن بدا غير ذلك :
تتحلق الآذان حول تنحنح الفقهاء باللاشىء
غير مواعظٍ ممجوجة التلفيق,
تدعمُها أسانيدٌ من التأويل,
أصدقها كأمحلِها ..
تخاريفٌ " لأكل العيش",
والفتوى بها قولان.
أو كما قال هذا الشاعرُ المعرىُّ الكبير.
ولا حول ولا قوة الا بالله.
| |
|
|
|
|
|
|
|
|
|
Re: مرة أخري .. الخرطوم أغلي مدينة في العالم ... مغص مغص مغص (Re: حسن طه محمد)
|
Quote: يا مولانا...
لا يشتكي من غلاء الخرطوم...الا الرجل النزيه...الذي خرج منها ايام
كان المغني...يغني....(يا جمال النيل...والخرطوم بالليل)
وشوارعها معروفة...وباراتها مسقوفة...
اخلع ثوبك وحلمك ونزاهتك بي قلب قوي لو تستطع لذلك سبيلا
او اعصر علي نفسك شوية...وحاول ادخلها...مرة اخري...
الخرطوم يجب ان تدخلها كشخص آخر...غير الذي خرج منها...
وان تؤمن علي كل ما تملك من خلق لدي اقرب شركة تأمين
قبل ان تخطط للسفر لها....صدقني لن تشتكي بعدها من غلاء
او ضيق...ولا يمكن ان تستغرب من تصرف...
فما نراه فيها مدهشا...صار عندهم...عادي لدرجة اندهاشهم
|
اخي نزار حسين
تلك ايام خلت .... يا ليت يوما تعود
ما داعني لكتابة هذا البوست ما شاهدته بنفسي من ضيق كل الناس من الغلاء.
واصبحو هم المندهشين أكثر
وما كان عندهم عادي اصبح غير عادي
لان الامر اصبح لا يضاق
لك كل الود
| |
|
|
|
|
|
|
|
|
|
Re: مرة أخري .. الخرطوم أغلي مدينة في العالم ... مغص مغص مغص (Re: حسن طه محمد)
|
| Quote: هذا الطبيب ( لا فض فوه ) قال : اذا عربية الاسعاف ما وصلت خلال عشرة دقايق لعيادتي انا حامشي !! |
وجع دي الاخلاق المهنية ولا بلاش وجع دى الانسانية المهنية ولا بلاش
تاني اسمع لي خليجي يقول السودانيين ديل سذج وإضانات - تاني اسمع لي واحد يقول السودانيين ما بيحترموا الزمن
سيبك ياخ من اخلاقيات المهن وين مروة عولنا الزمان؟
الوليد
قلت لي قال زولك قال حالف ما بسعى ليهو حاجة بتاكل او تشرب
اوع ينسحب هذا على ام العول ذاتا
| |
|
|
|
|
|
|
| |
حسن طه محمد
وليد عبد اللطيف
عمار محمد ادريس
قلقو
منتصر عبد الباسط
الطيب شيقوق
عبدالكريم أحمد الامين
هشام المجمر
nazar hussien
فيس بوك
تويتر
انستقرام
يوتيوب
بنتيريست