|
ثمَّ شنوووووو أنا قمت جيتكم بجاي .. أها شِن الشوره يا شباب
|
قد أكون أو لا أكون عارف وإني ماني عارف كيفن بقيت بجاي ... غير شكراً ليك أخوي ود عمي بكري أبو بكر بإني جيت داخل هني تووووشك بلا إحِم ولا دستور دستور يا اسيادي ويا أولاد ماما وماما مالها زعلانه الزعلها منو ثمَّ إنو الواحد زي التقول ماسكاه أفريحانه إنَا لله ياخ من أُم فِريحانه دي وكتين تمسكك ... ممكن تودرك أو ما تودرك أو كما قال الشاااااااااااعر رب شخص مسكتو أُم فِريحانه فقام فكَ البيرق وقام يا فكيك وأنا البفكني فوووووو منو في هذي الوسيعهوأنا الما زلت جوووووه الجك في داخل رواكيب الغلابي في هذا الوطن السودان الشقيق ويا ناس المهاجر قولولي المهاجر كيفنها سلمو لي عليها وقولولها جاييكي زول فِتر من فلترة الروح وغربلة الحياة هناك في الوطن الشقيق آآآآآي والله بقي شقيق راسو عدييييييل كدي ثُمَّ ياخي إكتشفت ليكم حاجه مهمه خلاس إكتشفت ليكم بإني مجرد زول ساي زول الله وماشي علي ضل الحيطَه ساااااااي وإني براي بشكل ... عييييييك أسكتو خلوه ساكت أها .. أنا زي داير أمشي ولو لقيت لي حق ركشه .. بجيكم راجع صاد فُتَكم بعافيه
|
|
|
|
|
|
|
|
Re: ثمَّ شنوووووو أنا قمت جيتكم بجاي .. أها شِن الشوره يا شباب (Re: فتحي البحيري)
|
أهلا بالصديق والعزيز والدفعة ناصر يوسف حسن التوم
صديقنا القديم والذي جمعتنا به أجمل الايام في مدرسة
عبدالكريم حسين جعفر المتوسطة وحي البترول
وفصلتنا الظروف لسنوات طوال
سعيد جدا بوجودك معنا في هذا المنبر
فأنت أضافة حقيقية ونوعية لمساحة الفكر والأدب والفن
فالمنبر في حوجة لامثالك من المبدعين
شكرا عزيزي بكري ابوبكر على هذه الهدية الفخمة
ولكم كل الود والتقدير
| |
|
|
|
|
|
|
Re: ثمَّ شنوووووو أنا قمت جيتكم بجاي .. أها شِن الشوره يا شباب (Re: فتحي البحيري)
|
Quote: السلام عليك في العالمين يا صديق
فرحون نحن والله
وما انكرت من جميل صفاتك وابداعاتك اثبتناه هنا
ليحلك من حلك عن بينة
المخرج التلفزيوني ناصر يوسف بيننا .. أهلا وسهلا به
ولك المساحة .. فاسترح |
ثم إنه وعليكم السلام وكثيف المودةِ وبعضُ فتاتِ الخُبزِ لعيالك هذا إن وُجِدَ عندي بعضاً منه ثم ياخي انا ذاتي زول مُفللللللللللللللس وجيعااااااااااااااااان ما بلقي لي عند جنيه ونص أشرب لي بيهن كباية شاي وحرفاية عيييييييش فتحي البحيري ياخي أحبك في الله ساااااكت كدي بلا أيتُها شَغَلَه
| |
|
|
|
|
|
|
Re: ثمَّ شنوووووو أنا قمت جيتكم بجاي .. أها شِن الشوره يا شباب (Re: ناصر يوسف)
|
ثم ياخي أنا هسي ظاتي فتراااااااان .... ماشي علي ضُل النيمه ديييك آخد لي إنجمامه (حلوه إنجمامه دي مش ؟؟) أه يا بقية أفراد العائلة الصديقة ألقاكم إحتمال بعدينك ولا باكر ولا بعدو ولا قد أتأخر فشنوووووو ... لو تأخرت أو تأخرت بي السُبُل .. أعملو نايمين عليكم الله أها فتكم بعافية التلاقي والأمنيات بسقوط النظام لووووول
| |
|
|
|
|
|
|
Re: ثمَّ شنوووووو أنا قمت جيتكم بجاي .. أها شِن الشوره يا شباب (Re: عادل الباهي عبدالرازق)
|
Quote: الاخ ناصر يوسف
حللت أهلا ونزلت سهلا في حوش بكري من محاسن الصدف شخصي الضعيف أيضا درست الثانوية بمدرسة وادي سيدنا غايتوا شكلك كدة مقرم بس ماتكون مريخابي |
ياخي علي باليمين مرحبتين حبابك إنتَ ده ... ويا حليل وادينا وسيدنا ظاتو ياخ قلت لي من خريجيييييييي وادي سيدنا .. هو واديه كان مالو وثم ثانياً سيدنا ده ظااااااتو هو منو ... ياخي مرحب بيك ترحيب يلخبط حواسك السِتَة ... والسادسة دي مني أنا ده مجرد هواده ... تسلم يا رفيق وادي سيدنا ودراستنا وبيك نعيد الذكريات بس ما نبكي ماصضيها لووووووووول مرحب ياخ .. مرحب تب
| |
|
|
|
|
|
|
Re: ثمَّ شنوووووو أنا قمت جيتكم بجاي .. أها شِن الشوره يا شباب (Re: إبراهيم عبد الحليم)
|
أهااااااااااا وثم إني وقد أخدت لي إنجمامه في ضُل لانيمه ديك فإذا بعمي البوليص يصحيني ويقول لي قوم يا زول هوي ... إنتَ هوامِل ولا شنو فقلت ليه لع ... أنا حَوامِل لوووووووول
دفعتي د. أحمد القرشي عبد الرحمن ...
ياخي ما أشتقنالك يا الحبيب .. ياخي عاوزك تمشي علي السلطان قابوس راسو عدييييل كدي وتقول ليه ... دفعتي الزول الشييييييين السنيح اللديح الإسمو ناصرده ... عاوز يجيني هنا ده .. أهااااااااا يقوم يقول ليك جدددددددداً ناصر ده ظااااتو نحن محتاجين ليه ياخ (نظام زول مهم وفاكيها في نفسو وكده)... أحمد يعلم الله مشتاق ليك يا الحبيب
الأمين البشاري
إزيك يا هندسة كيفنهو حالك ... الموضوع الذي بطرفكم داك وقفو ياخ لأنو مشروع ما جميل والله ... وما بقول ليك ما بشبهك .. علا إنت مَخَيَر
عبد الدين سلامة ... قلت شنو ؟؟ أستاااذك راسو عديييل كدي ؟؟؟ يا زول هه أنا قدرك ولا لحم سدرك .. قوم لِف بالله كده ولا كده .. قال أٍتاذي قال ... هسي عليك الله وكتين شلت مُخلايتي دي وجيتك في أمارات الجمال بتاعتكم دي ... قِدَرتَ ألمَّ فيك ؟؟؟ شئ سكرتير أول وتاني وتالت والسكرتير الرابع يقول لي ... إتفضل أجلس إنتظر هنا النعمنو كدي الأستاذ عبد الدين سلامة بي سلامتو عندو إجتماع مهم خااااالِس خالِس مع الشيخ الدكتور القاسم أمير إمارة الشارقة ... تقول لي أستاذك ... لووووووووول
د. محمد الطيب يوسف ...
يا زول يا شَرَاااااااااد .. تشرد تخليني بهناك ؟؟ أها البُدَر كيييييف ياخ ؟؟
السيد أحمد إبراهيم ...
داير الجد ولا ود عمو ؟؟ إن كان داير كمان ود خالتو يبقي أقول ليك شنوووووووو ... داير أطرشششششششق منك .. كدي ساااااااكت بلا أيتُها شغله .. داير لي معاك موضوع يساكِت كدي .. ما ياكا حيطتي القِصيره نان أسوي شنو ... علا تِحِت تِحِت كدي ... مشتاقين يا صاحب
أمينووووووووف بت عمي عيسي ...
المساطِب الجانبية ما بناباها عِلا الفيك إنعرفت ترا ...لقيت ليك الموضوع المأرقك داك .. ألاقيك أون لاين في السموه إسكايب داك .. غايتو الخواجات دي قصرولنا المشاير جِنِس قِصَير .. يقصِر المِلِح عاد
توتا بت عمي النوراني ...
خالتو تيسير .. ياخ مشتهي لي عصيدة بي ملاح أُم بُكبُك بي كَوَل ... وعفوص بالدكوة والشطَه ما بلقاهِن عندك ؟؟
صبري الشريف صاحبي الزمانك والهسي ...
كيفك وبلاد العم سام حارق للغاية .. لووووووول ... وعروستنا الجميلة كيفنها معاك أو كيفنك إنتَ ده معاها إنشاء الله منستر مع بت الناس دي .. غايتو الله يصبِرها عليك .. ثُمَ إنو ...مشتاقين ياخ
نوفل ...
حولااااااااااااا ... أها جوبا كيييييييييييف ؟؟؟ ياخي ما تعال نمشي سوي نزور أهلنا هناك ياخ ... ورببببما تقدر تسوي المشروع داك .. ولا شنو بالله
أبو حازم ...
كيفنك يا أبو النسب ..
ياخي رحيق دي ما خلااااص كِبرتَ وعنست وعفنت عديييييل كِدَه .. فشنووووووو خليك واضح يا جميل .. البت دي ولدكم حازم ده دايرها ولا ما دايرها .. عشان لو دايرها اليجي يستلمها من هسي دي وإن ما دايرها كمان يقول لينا عديل كدي في شان نكلمها ونخليها تَكَمِل تعليمها بدل نُص دينها ياخ
بدر الدين إسحق
كيفنك ياخي .. قلت لي كيف .. المسرح وشنو شنو داك ؟؟؟ ياخي ياتو مسرح ممكن يكون في السودان القيق ده ... كدي خلي جماعتك ديل كيزان الله والرسول ديل اليمشو يشتتو من سُدَة الحكم ده .. وبعدين المسرح بيجي وببقي والله ... وعبرك تحياتي لأستاذي الجميل محمد السني دفع الله عثمان
وييييييينو بــــلًه .. الدقَّ الجرس جلي ... هي وييييينو بله .. ياخي أقول ليك شئ يا أيها القديم المُعَتَق هِنِي ده ... الرصيد مااااااااا ما وصلنا وكدي ... أها الريال البدخل جووووه تِكة السروال داك قلت لي ما بشم الهواء تاني بتاااااااتاً ؟؟ لووووووووووول
فناننا المغني .. إبراهيم عبد الحليم ..
كيفنها الغناوي يا زول وكتين النشيد البقي كيف كيف ده في سائر المهنقاتيه الفي الخرطوم دي ..
| |
|
|
|
|
|
|
Re: ثمَّ شنوووووو أنا قمت جيتكم بجاي .. أها شِن الشوره يا شباب (Re: منال)
|
Quote: سلامات ياناصر نورتنا ونورت البورد
ليك وحشة كبيره والله ,,,, |
ثم شنوووووو ثم إني والله معجبٌ بوصفٍ جميلٍ بليغ قد أطلقه فيكي ذاك الفتي الرباطابي يوماً ما في ساعة تألق فكري حميم حين قال لي: تعرف يا ناصر .. منال دي عامله كده زي شنو ؟؟؟ زي حبوباتنا الزماانك ديلك بس بي شكل حضاري شوية فشنو يا بت العم فأنا بحبك حب راسو عديييييييل كدي عندك مانع ولا في أيتها زول عندو مانع ؟؟
| |
|
|
|
|
|
|
Re: ثمَّ شنوووووو أنا قمت جيتكم بجاي .. أها شِن الشوره يا شباب (Re: عبدالكريم الامين احمد)
|
Quote: سجمنا والله وناصر يوسف هجمنا ياخ مشتاقين شوق السحابة الماشة وووين كده ماعارف وياخ كنت تجيب معاك الزول الفنان والخالو فنان الاسمو يوسف سعد يوسف
وحبابك والفين مرحب يا ناصر يااخ |
عبد الكريم سيد الدوحه الجميله دوحة الجميع داك ظاااتو ولا زولاً تاني ؟ إن كنت هو فواااااااا حلااااالي وا حلالي وبلالي ظاتو ياخ وإن كنت غيره فبرضو نفس الحلال والبلال وأما إذا جاز سعالك عن ذاك الفتي (بن الوز عوام )؟ فما ظنيتو هسي فاضي لينا ياخ الود عريييييييييس مبروك عليه
| |
|
|
|
|
|
|
Re: ثمَّ شنوووووو أنا قمت جيتكم بجاي .. أها شِن الشوره يا شباب (Re: محمد سنى دفع الله)
|
Quote: يا سلام الفنانين زادو مراحب يازول يافنان مودتي |
نزل المطر وبرد الجو وكب المطر شووووو شو شو حضر الماء قبطل التيمم
وفي حضرتك أنا أنكتم خااااالِص خالِص تأدباً أقفُ منحي الرأٍ حاسراً خالعاً نِعليَّ فأمامك سيدي أبدو قزماً
لك الإحترام والتأدب أمامك وكثيفاً من شوقٍ بائن علي المُحيَا مبروك المولود وإن جاءت التباريك متأخرةً خيراً من أن لا تأتي
| |
|
|
|
|
|
|
Re: ثمَّ شنوووووو أنا قمت جيتكم بجاي .. أها شِن الشوره يا شباب (Re: Nola)
|
Quote: ثم ما الذي اتى بك الى هنا ؟؟؟ ...
يعني اعني في ما معناه ... كانت ناقصه ...
ناثر ... يا ناثر ...
يعني مرحب بيك كتتتتير يا ود امي ...
والبتاع دا نور نور شديده وحات زمتي المافي دي ... |
وضعت يدها علي صفحتها وأنفنست زييييين وقالت له: أجي باااااا بنات أمي ؟؟ فأصلح من نظارته ونظرها شرراً وقال لها: لأ ما تجي خليكي في بكانك ده .. ثم أنه مشتاقين يا أيتها البندوله ... أها .. البوره كيف والشوره كيف والفوره 100 يا بت معجونه بي دمي .. مشتاقلك يمكن ولا الروح متشحتفه لي رؤاك سنه ياااااااااا أنا
| |
|
|
|
|
|
|
Re: ثمَّ شنوووووو أنا قمت جيتكم بجاي .. أها شِن الشوره يا شباب (Re: ناصر يوسف)
|
Quote: ثم شنوووووو ثم إني والله معجبٌ بوصفٍ جميلٍ بليغ قد أطلقه فيكي ذاك الفتي الرباطابي يوماً ما في ساعة تألق فكري حميم حين قال لي: تعرف يا ناصر .. منال دي عامله كده زي شنو ؟؟؟ زي حبوباتنا الزماانك ديلك بس بي شكل حضاري شوية فشنو يا بت العم فأنا بحبك حب راسو عديييييييل كدي عندك مانع ولا في أيتها زول عندو مانع ؟؟ |
ماعندى مانع
الا يكون فى زول تانى عندو
| |
|
|
|
|
|
|
Re: ثمَّ شنوووووو أنا قمت جيتكم بجاي .. أها شِن الشوره يا شباب (Re: منال)
|
Quote: عبد الدين سلامة ...
قلت شنو ؟؟ أستاااذك راسو عديييل كدي ؟؟؟ يا زول هه أنا قدرك ولا لحم سدرك .. قوم لِف بالله كده ولا كده .. قال أٍتاذي قال ... هسي عليك الله وكتين شلت مُخلايتي دي وجيتك في أمارات الجمال بتاعتكم دي ... قِدَرتَ ألمَّ فيك ؟؟؟ شئ سكرتير أول وتاني وتالت والسكرتير الرابع يقول لي ... إتفضل أجلس إنتظر هنا النعمنو كدي الأستاذ عبد الدين سلامة بي سلامتو عندو إجتماع مهم خااااالِس خالِس مع الشيخ الدكتور القاسم أمير إمارة الشارقة ... تقول لي أستاذك ... لووووووووول |
الشيخ الشاطر دايما بينتج عنو ( الحوار الغلب شيخو ) ولا مش كدا ؟؟؟ ( وجه ضاحك )
| |
|
|
|
|
|
|
Re: ثمَّ شنوووووو أنا قمت جيتكم بجاي .. أها شِن الشوره يا شباب (Re: عبدالدين سلامه)
|
Quote: نوفل ...
حولااااااااااااا ... أها جوبا كيييييييييييف ؟؟؟ ياخي ما تعال نمشي سوي نزور أهلنا هناك ياخ ... ورببببما تقدر تسوي المشروع داك .. ولا شنو بالله |
طوااالي نمشي المافي شنو ؟ بس نشوف لينا كفيل من هسي .. انا حاجز صاحبي دوت مجاك غايتو ههههههههههه وانت شوف دينقمع انه لسه مجهجه مع ناس ابييي في انهم شمال ولا جنوب
.................... بيني وبينك كده الاستثمار بقي مستقر ومضمون في الجنوب نتوكل ونمشي
| |
|
|
|
|
|
|
Re: ثمَّ شنوووووو أنا قمت جيتكم بجاي .. أها شِن الشوره يا شباب (Re: نوفل عبد الرحيم حسن)
|
بيتنا نور..ترررن ....نور بيتنا للاااااالا .... المفروض نكون مشغلين في الحته دي ديجيي ...لحفل الاستقبال ..... انا مقدمة الحفل .....والله يا ابو النصر جيتك هنا زي لمن كان يجينا خال ولا عم والله حبوبة من البلد الواحد بنوم فرحان بعد ونسة بالليل حلوة
دي خطرفة برضو من ام فريحانة ....شكرا لحضورك البهي بيننا ويحق لنا الاحتفاء بك .......
شكرا بكري .... اتوهط يا جميل
| |
|
|
|
|
|
|
Re: ثمَّ شنوووووو أنا قمت جيتكم بجاي .. أها شِن الشوره يا شباب (Re: نعمات حمود)
|
ناصر يوسف دا منو!؟ و مخرج!؟ .. اخرج كم حديث يعني!؟
ام ام ام!!؟
ما قدرت اتذكر ..
من انتم!؟
او كما قال .. او قالت، البت التي لم تفارق سمرتها بعد!
ياخ مرحبتين .. تلاتة .. بل مؤنة كمين سنة ضوئية بنورك اباهي ياخي
-------
هنا الفتل على اصولو عاد!! و مفيش يمة ارحميني .. و انت حسااااااس شديد بمنسابة القتل دا، ما تجيبوا مهند بعد جيت انت و الكبير؟ المافي شنو!؟
| |
|
|
|
|
|
|
Re: ثمَّ شنوووووو أنا قمت جيتكم بجاي .. أها شِن الشوره يا شباب (Re: نهلة محكر)
|
يوسف ناصر جد رحيق
ياخ كيفنك عرفت من مداخلة صديقك اللدود بدر الدين اسحاق انو النور ظااااااااااااتو جا متلب بي جاي ... وانا اقوووووووووووول نشاطو قل بي هنوووووووووووووك ليه
المهم طالما جيتو كان تجيبو معاكم بقية العقد الفريد.
يلا اقول ليك قول ابو اماني
تشاااوووووووووو
مرحب بيك وبي النور زاتو
فتلة: ناصر يوسف انت النور يوسف بيبقى ليك شنو ... بس اوعى تقول لي قريب غطا
| |
|
|
|
|
|
|
Re: ثمَّ شنوووووو أنا قمت جيتكم بجاي .. أها شِن الشوره يا شباب (Re: عبدالعزيز عبدالله محمد)
|
كالعادة يا سعادة .. ضغوطات في العمل تأخري البني آدم من إنو يكون هنا علي الدوام عشان يرد علي الناس الطيبين
نعمات حمود
شكراً ليك يا بت يا سجمانه يا رمدانه ... أفوت منكم وما تشتغلوا بي الشغله ؟؟ ما قلنا ليكم بندور نكون معاكم وكدي .. بندور نغترب أو نقترب منكم ومعاكم .. كيفنك يا أختي الصديقه .. تحياتي لكل المعاك هنووووووووك
قيقراوي
أوووووووو يا قيقا وكم كيلو بايت القَوَي .. قيقراوي الحبوب
مشتاقين بالجد ياخ .. قلت لي المخرج ده أخرج كم حديث ؟؟ لووووووووول ياخي دي بقولوها لعماء أجلاء أمثال الشيخ البخاري وبن ماجه والترمزي ... أنا وييييييييين منهم ديل يا الحبيب ؟؟ أنا ما بسوي غلامة ظفرٍ منهم ... أنا ما مجرد زول ساي ياخ ...
أبو الحسين صاحبي وأخوي .. الله يكرمك في الدارين إنتَ برضو وحقيقي ليك شوق السنين .. عِلا بس ما خِبَرتَ جملتك دي ... (مُتوسِملِي صلاحاً فيك ) .. الزهايمر ما فعل فعلتو فينا وشَتَت يا أخوي وبيقنا بندورلنا فهامه .. ههههههههههه
عمار عبد الله
حبابك أخوي .. ويا الحبيب خت في بطنك بطيخه شبه صيفي ... أنا لاني هلالابي ولا مريخابي .. أنا برشلونابي ولاني كوز ولاني شيوعي ... أنا زول ساي يعلم الله ... أها شِن قولك ... أقوم ألف برضو ؟؟
دوت مجاك
يا صديقي الجميل ... وينك إنتَ ياخ ... مما السياسيين ديل عملو عملتهم السوداء دي وبقيت ما لامي فيك .. بالمناسبة دي .. قبل أيام كنا محتفلين بأخونا وحبيبنا وزميلنا الزول الفناااااااااان إستيفن أفير أوشيلا في معهد جوته .. كانت لمه حلوة بالحيل وكانت فاقده وجودك .. تحياتي لأهلنا في كل جنوب السودان الحبيب وأبقي طيب
جمال خِضِر ..
إزيك إنتَ برضو يا زول ... عِلا بس ختام مداخلتك ما قدرت أفهم منو التكتحني ... بتاع المطبلاتيه وشنو شنو داك .. لكن ممكن الزول يِكَسِر ليك تَلِج ويقول ليك .. أياااا جمال يا بن خضر أيا صاحب اليد الممدوووده ويا غتاي البنيات ويا سيد الكرم والجود ويا ياااااااااا يا شنو تاني ... ياخي الكيبورد ظاااتو ضِحِك فيني ياخ ... أبقي طيب
الشفيع وراق أخوي
سلام الله يغشاك في بكانك .. وما ضاقت بيك دنيا يا زول ... الحوش ده وسيع بيكم إنتو وبي مِداد أقلامكم
نهلةمُحكَر
يا بت مُحَكَرَه في القلب ومتوهطه جوه الروح ترياق للفرح ... كيفنك يا زوله وكيفنها قراطيسِك وغنيواتك ... قلتي لي أٌوم ألف ؟؟ اللف ده ظاتو ما أنواع أو كما قال الشاااااااعر ... هو ظاتو الشاعر ده كان لافيها بي كم كرت يا ربي .. لوووووووووول
عليش .. يا ود يا كفش
وياكا صغيري الذي يكبرني بآلاف السنين الضوئية فناً ووعياً .. ياخي أحبك ظاتو .. ثمَّ إنو ياخ مشتاقين .. تعرف يا كفش أنا في الحته دي زولاً كرت كرتونه .. جديد لنجي أو كما قال .. وحقيقي زي محتاج لي لدرس عَصُر أو عَصِر في شان أقدر أعرف تفاصيل الناس الهِنا ديل مع فائق إحترامي للجميع .. متفقين معاهم أو مختلفين .. وكلنا لآدم وآدم من تراب .. ولا شنو ؟؟
سميه قسم ..
حولاااااااااااااا .. كيفنك وكيفنهو ود عمنا إبراهيم وكيفنهم العيال ... علا بس حأقول للود طراوه بت دفعتك دي الليله لميت فيها .. تحياتي لمنعم والعيال
عبد العزيز عبد الله كيفنك يا الحبيب ... ليك شوق ياأبو النسب ... النور يوسف وناصر يوسف أخوان في الإسم وأخوان في الله وأخوان في الجمال والحُب ... إنتَ داير ياتو واحده فيهن ؟؟ ههههههههه
| |
|
|
|
|
|
|
Re: ثمَّ شنوووووو أنا قمت جيتكم بجاي .. أها شِن الشوره يا شباب (Re: سمير شيخ ادريس)
|
Quote: زي يتخيل لى ما عارف لكن عنوان بوستك زى كان يكون كما كدة : : يلا ثم زى شنوووو يلا أنا زى قمت جيتكم تماما بيجاى .. يلا زى بعداك شن الشورة يا شباب . . . . يلا دة بس عشان شكل الحاجات تماما كما الأشياء |
الأخ سمير شيخ إدريس سلاماً واحتراما
وزي التقول إنو الحاجات ممكن تكون كويسه أو كما قيل ولا زي العاوز أقول ليك في الحته دي ياخي مااااا شكراً تمام ولا شنو
حبابك تب يا زول
| |
|
|
|
|
|
|
|