|
|
 منصور خالد ... يرد على هشام هبانى !!
|
مستشار رئيس الجمهورية والقيادى البارز
بالحركة الشعبية د. منصور خالد يرتب حاليا
لصيانة مسجد جده بمنطقة ابو روف بامدرمان
والان يعد العدة لاطلاق عمل تنويرى ضخم من خلال
انشاء مركز ضخم للدراسات والبحوث
(الخبر بضبانته كما ورد فى اخيرة السودانى الصادرة صباح اليوم )
تانى عندك كلام يا عمو ؟؟
جامع دى ما بتقدر تقول اى حاجة ! سكتك ...
ــــــــــــــــ
طيفور ومنو ومنو داك مافى زول يجى يعد لى البوستات سمح؟
دى جمعة الرحيل ..
وهسه زهجانه وح تقرو معاى الجرايد دى صفحة صفحة وسطر
سطر وحرف حرف ... من انتم ؟ عشان تزهجو منى .. من انتم ؟
لم استخدم القوة بعد !!
|
|
  
|
|
|
|
|
|
|
|
Re: منصور خالد ... يرد على هشام هبانى !! (Re: Mahjob Abdalla)
|
Quote: (الخبر بضبانته كما ورد فى اخيرة السودانى الصادرة صباح اليوم )
|
ما اخشاه ان تتحول اخيرة السوداني لشارع الصحافة ايضا
ويلعب ملاسي دور المدافع حال علي ميرغني
ما علاقة انشاء مركز للدراسات والبحوث باعادة تاهيل مسجد شيخ الصاوي بابي روف؟
لم يكلف الدكتور منصور خالد نفسه الرد على الدكتور عبد الله علي ابراهيم( الذي يحوذ على الكثير من الادب والقليل منه) كما وصفه منصور
عنوان البوست على الطريقة الهشاميه
| |
|
|
|
|
|
|
|
|
|
Re: منصور خالد ... يرد على هشام هبانى !! (Re: ود الخليفه)
|
غايتو ياود الخليفة
بس جارى للشناف
اها كلامو دا ذاتو رد
وخلينى النصلحو ليك قال( الدكتور الذى توافر على قليل من الادب
وكثير من قلته )
بله موسى !
الرد بالسد
العوض
تانى ما تقول سمح ؟
محجوب عبدالله
محفوظة لمنو .... لى ولا ليهو ؟
حيدر ميرغنى !!!
البركة بالشوفة
ما عرفناه قول انت ...
| |
|
|
|
|
|
|
|
|
|
Re: منصور خالد ... يرد على هشام هبانى !! (Re: الصادق اسماعيل)
|
الاخت الصادق اسماعيل
انتى فهمتى صاح برافو عليك ...
منصور خالد قال لى عمو هشام
انو العندو ثورة يمشى يعملها والعندو كلام فى وجه الحكام يتفضل ...
انا ح اتفرغ لصيانة مسجد جدى العتيق بابروف !!
لو الاحوال هدات و البلد راقت ومزاجكم اتصلح
وبقيتوا شعب اسطى ... هدم وبنى
هو برتب لعمل مركز بحوث يعيش منو فالمعايش جبارة ...
والمراكز بقت الطريق القصير لاكل الباسطة
بالذات لو لقيت ليك اسم لامع ومدهش ذى اسم منصور خـــــــــــــــالد كدا
يا قول بشاشا عيييييييييييييييييك .. سرر مرفوعه ..
| |
|
|
|
|
|
|
|
|
|
Re: منصور خالد ... يرد على هشام هبانى !! (Re: دينا خالد)
|
الاخت دينا (آسفين للاستعجال اعلاه)
Quote: منصور خالد قال لى عمو هشام
انو العندو ثورة يمشى يعملها والعندو كلام فى وجه الحكام يتفضل ...
انا ح اتفرغ لصيانة مسجد جدى العتيق بابروف !!
|
أنا غايتو تبريري الوحيد (احتمال اكون غلطان) هو إنو منصور خالد (است###### على رأي البروف نوتة) هشام هباني في كتابه النخبة السودانية وادمان الفشل، يعنى هشام هباني (ممثل اللجان الثورية في تجمع 85) وناصر السيد ممثل الحزب الاشتراكي الاسلامي في ذات التجمع) قاطعوا اجنماعات كوكا دام بسبب مشاركة منصور خالد في وفد الحركة، اها قوم إنت يا منصور خالد اكتب عن ناصر السيد (وسلقه بألسنة حداد) وعمل ليك عدد واحد (استوساخ لهشام هباني) فلم يذكره (بخير او شر)ن وأنا اعتقد ايضاً (أن دكتور منصور قد أخطأ في ذلك) لكن يبدو أن هشام هباني (في نظري الضعيف) لم ينسى ذلك لمنصور خالد لذلك فهو يخصص (عدد واحد بوست لمنصور في كل ربع).
ربما كان التحليل اعلاه ليس صحيحاً ولكن هذا ما استخلصته من هذه المتابعة (الغبدالل علي ابراهيمية) من هشام لدكتور منصور.
| |
|
|
|
|
|
|
|
|
 Re: منصور خالد ... يرد على هشام هبانى !! (Re: الصادق اسماعيل)
|
Quote:
والمراكز بقت الطريق القصير لاكل الباسطة
|
ما في داعي للافلام الهندية يعني!؟
-------
يا الصادق اسماعيل ..
تعرف انو البروف دا يشبه لي د. منصور خالد شبه شديد ..
او في الحقيقة د. منصور خالد هو البشبه البروف
غير الاستوساخ .. د. منصور خالد بل كل (النخب) السودانية ..
و الحمد لله اهو امين ماشين في السكة نمد .. من سيرتو ؤ للجايين
و هشام هباني مجرد (نخباية) واحدة .. و لن تكون الاخيرة بالطبع!
| |
|
|
|
|
|
|
|
|
|
Re: منصور خالد ... يرد على هشام هبانى !! (Re: مريم بنت الحسين)
|
بت الحسين بجلالة قدرها تسطح ؟؟
حاشا لله ..
انتى فيرست كلاس ياخ ...
الحكاية انو عمو هشام كان معذبنا بالسؤال
عن د. منصور هو ويين؟ وبعمل فى شنو؟ وساكت لييه؟
وما يقول حاجة !
ويا جماعه وتلقى هسه بسوى وبسوى ...
قدر ما حنستو يا هشام خليهو خلى الراجل
عمل العليه بى خيره وبى شره
الدور والباقى على الشباب ..
اها اخيييييييييرا الدكتور رد عليه فى اخيرة
السودانى قلنا ننقل لى الخبر ...
| |
|
|
|
|
|
|
|
|
|
Re: منصور خالد ... يرد على هشام هبانى !! (Re: دينا خالد)
|
Quote: الحكاية انو عمو هشام كان معذبنا بالسؤال
عن د. منصور هو ويين؟ وبعمل فى شنو؟ وساكت لييه؟
وما يقول حاجة !
ويا جماعه وتلقى هسه بسوى وبسوى ...
قدر ما حنستو يا هشام خليهو خلى الراجل
عمل العليه بى خيره وبى شره
الدور والباقى على الشباب ..
اها اخيييييييييرا الدكتور رد عليه فى اخيرة
السودانى قلنا ننقل لى الخبر ... |
غايتو في جاه تسطيحة بت الحسين نلوك
يا داب وقعت لي القصة يا دندون
كمان كان وريتينا قصة الطماطماية تكوني ما قصرتي
| |
|
|
|
|
|
|
|
|
|
Re: منصور خالد ... يرد على هشام هبانى !! (Re: دينا خالد)
|
دندون يا عسل بتبالغي يا اخي
Quote: هو برتب لعمل مركز بحوث يعيش منو فالمعايش جبارة ...
والمراكز بقت الطريق القصير لاكل الباسطة
بالذات لو لقيت ليك اسم لامع ومدهش ذى اسم منصور
خـــــــــــــــالد كدا
يا قول بشاشا عيييييييييييييييييك .. سرر مرفوعه ..
|
زعاد هي داب باسطه!!اسكتي ساي يا دندون!
باسطه بالقشطه الهولنديه!!ضقتيها؟!طبعا لا !
اها صاحبتنا ديك شايفها مرقتها في لاهاي!!قادر الله؟!
عمو منصور قلتوا لي ماله؟!
كما الطماطم؟!
مالكم عليه عاد الطماطم اب 30 الف ده ان ما اكله منصور خالد ياكله منو يعني؟!
عالم هترش!!
انت يا هباني ماك مواكب؟
وملا عارف انه الطماطم بالسودان صار اكل الملوك اقصد متقاعدي الثورات!(ههههه)!
| |
|
|
|
|
|
|
|
|
|
Re: منصور خالد ... يرد على هشام هبانى !! (Re: Tragie Mustafa)
|
هىىىىىىىىىىىىىىى يا تراجى امنعى الفوضى
صاحبتك محرجا على .. قالت لى بسسسسسسسسس لو هبشوك
ولحد هسه مافى زول هبشنى .. كلام صالونات وقطايع ساى
دا انا ما بدخل فيه .. بحب مواجهة الشجعان ..
انتى وين اراضيك ياختى ؟؟
الناس فى الجناين ووسط الزهور انتى مشيتى الميدان
الميدان ذاتو سيستغيث .. لوووووووووووووب
| |
|
|
|
|
|
|
|
|
 Re: منصور خالد ... يرد على هشام هبانى !! (Re: دينا خالد)
|
الفاضلة : دينا خالد ،،،
نخرج من الموضوع ... ، ونلتف على الملف ،
أعلمُ أن الدكتور منصور خالد يعُد سِفراً عن " أم درمان "
ومنذ سنوات ،،،،
أتمنى أن يخرج هذا السِفر للعلن ، فالدكتور باحث وفي مكانة عالية ،
وله باع في التوثيق ،، ولا يكتب إلا ما يريد ،
ويسكت عما يعرف ،، وينشر القليل .
وهنالك الكثير من الأسئلة التي " لم نسألها " ، وقادرة على
استدرار قلمه ليكتُب .
*
تعرفت على الدكتور منصور خالد عن قُرب وقد التقينا في زيارة
لواجب عزاء لزميلتنا ورفيقة دروبنا الفاضلة
المهندسة " منيرة حمد النيل ضيف الله " عند رحيل
الباهر " حمد النيل ضيف الله " منذ عقودٍ خلتْ
كان اللقاء الأول والأخير .
*
شكراً لكِ سيدتي وله ...
*
| |
|
|
|
|
|
|
|
|
|
Re: منصور خالد ... يرد على هشام هبانى !! (Re: الصادق اسماعيل)
|
ووووووووووووووو ( يمكن ان تقرأ باضافة با)
ضياء البلال الوااااحد دا ؟ بكتب معانا هنا ؟
الولد الذى يثير الجدل اينما حل واينما وجد ..
ياخ نووور بيتنا وشارع بيتنا ..
هجمتنى ! ( بالنسبة لصورة البروفايل وكدا)
من الليلة رشاد دا ختينا لى القدرو
لووووووووووب
تبدلونى بى منو ؟ خليك حلو انت كمان يا ضياء !
الطاهر وحسين ديل الا تبدلوا بيهم العدة !
ديل دايرين مراجعات قبلية
بكتب .. بكتب .. لكن لو( قيمتونى) باقل من السراج بكتلك !
ـــــــــــــــــ
انت ذاتك لو كتبتا وبطلت لهلهة الجرايد دى
الما جايبا ليك غير النبذ ح تكون منصور خالد الاخر ..
| |
|
|
|
|
|
|
|
|
|
Re: منصور خالد ... يرد على هشام هبانى !! (Re: دينا خالد)
|
Quote:
بدون مقدمات.. يا دينا نفسك في الكتابةخطير تكتبي معانا في السوداني في مقابل التنازل عن مساهمات المدعو ملاسي والمدعي الطاهر ساتي؟! الوسطاء يمتنعون
! |
كيف الوسطاء يمتنعون!؟
الحضر القسمة يقسم طوالي .. انت ما سمعت بالماسنجر؟
انت بس اي حاجة تنشرا هو!؟
-----
دينا الحجل بالرجل
كان كمان عملتي قسم الله للغلة .. الفاضي يكتب منو ذاتو!؟
| |
|
|
|
|
|
|
|
|
 Re: منصور خالد ... يرد على هشام هبانى !! (Re: قيقراوي)
|
| Quote: بدون مقدمات.. يا دينا نفسك في الكتابةخطير تكتبي معانا في السوداني في مقابل التنازل عن مساهمات المدعو ملاسي والمدعي الطاهر ساتي؟! الوسطاء يمتنعون |
بختك يا دندنون ...لو منك أعملها ..بس كيتا فى ملاسى ..
::::::::::::::::::::::
إخناتون نزل من عليائه وتونس مع المتونسين ، البركة فى بوست عوض محمد أحمد .
| |
|
|
|
|
|
|
|
|
|
Re: منصور خالد ... يرد على هشام هبانى !! (Re: Bashasha)
|
خلاس وووووب على بشاشا جانى
يطير منى الفرصة .. ظلامى .. وصحافة بمبية
وكحلية .. والله ماخاتى عليكم يا امنة مختار
ما موضوعيين وكلامكم كعب ولواييق النصيحة لى الله ..
ـــــــــــت
دا حالتو قبل ما امشى .. الناس ديل لو ختوا عينهم
فى الزول بكتفوا كتيف شديد ..وبنضم كتر
عليكم الله اسكتوا شوية ..
| |
|
|
|
|
|
|
|
|
|
Re: منصور خالد ... يرد على هشام هبانى !! (Re: دينا خالد)
|
عزيزتى دينا
شكرا لحسن العزاء فى الراحلة المقيمه سعاد مكى شبيكه. وجودى فى بيروت
فى العامين الماضين مكننى من التواجد فى السودان عدد من المرات والمكوث
معها. الحمدلله انها ادت رسالتها كامله تجاه اسرتها ومجتمعها.
رغم اننى لست من انصار ومعجبي منصور, وقد سمعت من معاصيره الكثير عن
ادواره اثناء دراسته فى كلية الخرطوم الجامعيه وبعضهم معارف مشتركين لنا
لايشك أحد فى مصداقيتهم,وتابعت ماكتب عنه وماذكر عن ادواره السياسبه والاجتماعيه وعلاقته بمؤسس صحافة الاثاره والابتزاز السياسي ,المرحوم محمد مكى" مكى الناس",صاحب صحيفة الناس فى النصف الثانى من الخمسينات,والبك
عبدالله خليل, الا اننى لااعتقد اطلاقا إنه يبحث عن المال والباسطه وقد بلغ
الثمانين من العمر. اظن انه وكعادته يبحث عن المجد Glory.
اختلفنا ام اتفقنا فقدلعب منصور ادوار مهمه فى السياسىه السودانيه,وقد حان الوقت ليكتب عن مذكراته متبعا منهج جدنا معلم الاجيال بابكر بدري أو
مدرسة الرباطاب التاريخيه كما اسماها الاستاذ عبدالعزيز الصاوي.
مع ودى وتقديرى
| |
|
|
|
|
|
|
|
|
|
Re: منصور خالد ... يرد على هشام هبانى !! (Re: MAHJOOP ALI)
|
Quote: خلاس وووووب على بشاشا جانى
يطير منى الفرصة .. ظلامى .. وصحافة بمبية
وكحلية .. والله ماخاتى عليكم يا امنة مختار
ما موضوعيين وكلامكم كعب ولواييق النصيحة لى الله .. |
شايف يا بشاشا دينا باعتنا سريع كيف .. عشان الود التقيل أبو بروفايل ..:)
أثبتى يا دندون ما تبقى ريشة ..
| |
|
|
|
|
|
|
|
|
|
Re: منصور خالد ... يرد على هشام هبانى !! (Re: AMNA MUKHTAR)
|
Quote: يا دينا ياخ فال الله ولا فالك
د. منصور شاف للدنيا شنو؟؟؟؟ |
ذكرتيني يا بت المجمرودطه انو يوم اتصل أخونا صلاح ارتولي بصديقه(شقيقي) جعفر, فرفعت السماعة المدام قائلة انو" جعفر مشى الصلاة"
فرد عليها" انتي جعفر دا كمان بقا للجوامع "
والبقيان للجوامع نسبي يعني في ناس بتخش الجامع من سن السابعة
وكذلك منصور شكلو بقا للجوامع في سن متأخرة.
المهم( ياقول تبارك)
منصور لو لم يقل:
" وما أغتال محمود دهر خئوون, ولكن انتاشته سهام صدئة أطلقها قضاة عاطبون ودعاة عاطلون وحاكم معتل العقل آن له أن يلجم"
لكفاه
مع ان سهام الحمراء ليست بت المجمر
تحياتي موصولة للجميع
| |
|
|
|
|
|
|
|
|
|
Re: منصور خالد ... يرد على هشام هبانى !! (Re: دينا خالد)
|
| Quote: امنه مختار امنعى الفوضى اقيفى لما نفهم حاجة ! |
بالجد ؟
الزمن ده كلو انا قايلك بتفهميها وهي طايره يا دينا !
المشكله تاني ما في طريقه لي فهم مع ناس بشاشا ديل .. وطارت القمريه ووراها الزنكيه وما فضل غير القضيه والزينا ديل
تابر
| |
|
|
|
|
|
|
|
|
|
Re: منصور خالد ... يرد على هشام هبانى !! (Re: Aymen Tabir)
|
تابر !!
امنع الفوضى انت الاخر
ما ح تقدروا تحوشونى ما ح تقدروا تحوشونى !
فقد سبق ضياء العزل ...
نشوفكم بخير يا تابر .. وابقوا عشرة ..
ح امشى واجى القاكم لسه بتشوفوا فى الاسباب الذاتية
والاسباب الموضوعية والعلمانية بالملوخية ...
ـــــــــــــ
مش قالوا المفارق عينو قوية ؟
لووووووووووب
مفيش فايده غطونى يا تابر وصوطوا !
| |
|
|
|
|
|
|
|
|
|
Re: منصور خالد ... يرد على هشام هبانى !! (Re: دينا خالد)
|
Quote:
انا غايتو مشكلتى مع كتابات منصور
انها كبيرة بتكسلك منها
والعربى بتاعا صعب ,, دايرا ليها اعراب
خللص ,, المدغمسين ديل ما بنفعوا وما بقدروا يقروها,,,
|
انت قاصدة د. منصور خالد الواااحد دا و لّ و احد تاني!؟
-------
أي ياهو بتاع الطماطم ذاتو
كان ياهو ..
دا غايتو اللغة بتكون ابسط مشاكل مع كتاباتو!!
في رأيي انو أكتب من مشى على ارض السودان الشغيغ
| |
|
|
|
|
|
|
|
|
|
Re: منصور خالد ... يرد على هشام هبانى !! (Re: دينا خالد)
|
Quote: أنا أعتقد أن الملف من الأفضل
له أن يتناول سيرة الدكتور منصور خالد
وكتبه وأسفاره ، وحياته السياسية
وتقييمها بموضوعية ، .....
ونخرج إلى لغته في الكتابة ، مراجعه ومصادره ،
الخيارات السياسية منذ مايو وإلى الحركة الشعبية
وخبو نجم السودان الجديد ،
.......
هذه أراها أهم من الآراء الفردية .......
وتقبلي شكرى والتقدير
* |
هذا الاقتراح قدم من العزيز الشقلينى
واذا وافق زوار البوست عايزين نتبناه
ف دكتور منصور خالد شخصية مثيرة للجدل وجديرة بالبحث
والنقاش دعوة هنا وتثنية لاقتراح الشقلينى بفتح حوار
يتلمس الجوانب الثرة من حياة الرجل .. بالاراء المختلفة طبعا
فمعظمنا سمع بمنصور
كاسطورة وكتاريخ ولم يحظ الكثيرين بالاستماع اليه او قراءته
الدعوة مقدمة للعزيز الشقلينى بافتراع النقاش ,,,
| |
|
|
|
|
|
|
|
|
|
Re: منصور خالد ... يرد على هشام هبانى !! (Re: دينا خالد)
|
سلام يا دينا وسلامات لضيوفك وكل عام وكلكم بخير
Quote:
مستشار رئيس الجمهورية والقيادى البارز
بالحركة الشعبية د. منصور خالد يرتب حاليا
لصيانة مسجد جده بمنطقة ابو روف بامدرمان |
اهديك وضيوفك بعض الصور لجامع جدي الشيخ محمد عبدالماجد بأبي روف الجميلة
 هذه الصورة تم التقاطها من امام منزل جدي المرحوم خالد محمد عبدالماجد والد الدكتور منصور  يظهر في هذه الصورة بهو الجامع الذي تقام فيه صلوات المغرب و العشاء كل مساء بالإضافة لصلوات العيدين، اما بقية الصلوات تقام داخل السجد  صورة لمئذنة جامع الشيخ محمد عبدالماجد بحي ابي روف بأم درمان  عناق حار بين الدكتور منصور خالد وعمه المرحوم عليش محمد عبدالماجد بعد عودة الدكتور منصور للخرطوم بعد اكثر من ثمانية عشر عاماً. لقد كان الدكتور منصور خالد معجباً جداً بعمه عليش طيب الله ثراه ولقد تحدث عنه وعن مآثرة في كتابة "الثلاثية الماجدية"
| |
|
|
|
|
|
|
|
|
|
Re: منصور خالد ... يرد على هشام هبانى !! (Re: elsawi)
|
ووووووووووو يا الصاوى
وانا اقوووول كتابتك دى من وييين ؟
العرق دساس والله
يعنى نعمل ساتر البوست محروس ؟
غايتو لو جانى الشقلينى وبدا الكتابة
بنتفاهم معاك ..
دا مش الجامع المقابل البحر ولا جووة فى ابروف ؟
ــــــــــــــــ
هو الجامع براه العتيق يا الصاوى ؟
| |
|
|
|
|
|
|
|
|
|
Re: منصور خالد ... يرد على هشام هبانى !! (Re: دينا خالد)
|
سلامات يا دينا وشكراً على الإطراء الذي لا احسب انني استحقه
Quote:
يعنى نعمل ساتر البوست محروس ؟
غايتو لو جانى الشقلينى وبدا الكتابة
بنتفاهم معاك .. |
ابداً ما تعملي ساتر ولا حاجة واخدوا راحتكم بالكامل انتي و الشقليني
منصور خالد شخصية عامة ومن حق اي شخص ان يتناول اسهاماته
الفكرية و السياسية و الأدبية ونقدها و تشريحها
Quote:
دا مش الجامع المقابل البحر ولا جووة فى ابروف ؟ |
ده الجامع الجوة ابروف وقريب من محطة الهجرة
وبرضو قريب من جامع الأنصار بودنوباوي
Quote:
هو الجامع براه العتيق يا الصاوى ؟ |
مالك عايزة تجيبي لينا الهوا ياخ
لكن بيني وبينك الجامع ما براهو ونسال الله ان
يطول في اعمارنا جميعاً ويمتعنا بنعمة العافية
| |
|
|
|
|
|
|
|
|
|
Re: منصور خالد ... يرد على هشام هبانى !! (Re: saif massad ali)
|
دينا ومعاوية ... وللجميع تحياتى
Quote:
بوست جميل. والمتداخلين فيهو وعنهم من أجمل الناس
ربنا يحفظكم، والبقية |
«وبأضدادها تتميز الأشياء» ويتميز البشر أيضا
| Quote: طيب الجامع ده ماعايز صيانة لكن نفوس الناس العايزة صيانة |
-------------------------------------------------
شوية وكادة هدت فينا !!
| |
|
|
|
|
|
|
|
|
|
Re: منصور خالد ... يرد على هشام هبانى !! (Re: Kostawi)
|
امير عثمان وكوستاوى ومعاوية الزبير
لقيتكم حقاريييين .. اصبروا !
سيف مساعد عدل الدرب !
الراجل شغال صيانة فى نفوسكم بالالف
والالفين ورقة كتابة ... ما نفع فيكم ..
خلو يصين المسجد دا بعد كدا ...
ومن هسه وصى لينا الجماعة بالله
قول ليهم لما يدخلو امدرمان ويكونوا بفتشوا
فى الاذاعة .. يلفوا بالشارع التانى من المسجد دا بالله ..
مش نحن نصين وانتوا تكسروا !!! لووووووب
ـــــــــ
النفوس ديك اصلو فات فيها الفوات ,,
| |
|
|
|
|
|
|
| |
دينا خالد
Balla Musa
Elawad
Mahjob Abdalla
حيدر حسن ميرغني
ود الخليفه
أمين محمد سليمان
Hadeer Alzain
قيقراوي
الصادق اسماعيل
Siham Elmugammar
مريم بنت الحسين
محمد البشرى الخضر
Tragie Mustafa
عبدالله الشقليني
Murtada Gafar
ضياء الدين بلال
Bashasha
Elmoiz Abunura
MAHJOOP ALI
MOHAMMED ELSHEIKH
Aymen Tabir
elsawi
معاوية الزبير
saif massad ali
أمير عثمان
Kostawi
محمد فرح
فيس بوك
تويتر
انستقرام
يوتيوب
بنتيريست