|
Re: قالوا السترة والفضيحة متباريات ! (Re: دينا خالد)
|
فاصل ونواصل !
Quote: شافع مشى لبتاع دكان رباطابى قال ليهو ابوى قال ليك ادينا جبنة بخمسين قرش قال ليهو امشى قول لابوك يجى يلحس السكين
مسطول مشى العيادة لاقاه امام الجامع سألو :ياشيخنا خيييير؟؟ الشيخ قال ليهو : جيت أحلل السكر.. ضحك المسطول وقال ليهو : دا من زماااااان حلال بس اجتهد لينا في البنقو
في واحد قال لمرتو انا بحب جالكسي قالت ليهو مدام بقيت صريح معاي انا بحب بكري قال ليها يا وليه جالكسي دي شوكلاته قالت ليهو بكري دا عسل عديييييل
زولة ركبت الحافلة وشايلة شافع شين السواق قال ليها لكن الشنا ماعندكم زعلت ومشت الكنبة الورا قعدت جمب مسطول ماسامع الكلام لكن شافها زعلانه قال ليها خلاص جيبي القرد الشايلاهو دا .. واصلو ما تخلي حقك
رباطابي أبوه مات .. مشى يطلع شهادة الوفاة .. الموظفة قالت ليهو: داير تعمل بيها شنو؟ قاليها : المرحوم قبلوه في جامعة النيلين ماشي اسجلو!
كمساري حافله مسطول بينادي الركاب (شعبي .. شعبي) شاف عربية البوليس بقي ينادي (وطني.. وطني)
ادروب سمع الفنان بيغني : نحن في الدمعات غرقنا قال : والله راهاااات .. نحنا فتة ما لاقين
واحد زعلالالالالان من مرته اتصل .. سألها: طابخة لينا شنو علي العشاء ؟ قالت ليه : سم! قال ليها : حلوووو .. اتعشي واتخمدي نومي لأني ح أتأخر
مرة واحدة قاعدة مع حبيبا قالت ليهو يا تري يا حبيبي حتفضل تحبني كده بعد العرس؟؟ قال ليها طبعا ده اذا راجلك وافق مسطول سال مرتو بتفكري في شنو قالت ليهو في نفس البتفكر فيهو المسطول قال ليها سجمي بتدوري تعرسي فوقي
واحد ماشي صلاة الجمعة ... لقى الناس طالعين من الجامع للتعترو ساْل ليهو رباطابي: الصلاة انتهت ؟ الرباطابي قال ليهو: لا .. رجعونا نجيب السبح
ﺭﺑﺎﻃﺎﺑﻲ ﺭﺍﻛﺐ ﺍﻟﻄيارﻩ ،،،،،،، ﺑﺮﺩ ﺷﺪﻳﺪ ﻣﻦ ﺍﻟﻤﻜﻴﻒ،،،،،، ﻗﺎﻝ ﻟﻠﻤﻀﻴﻔﻪ ﻱﺑﺘﻲ ﺟﻴﺒﻲ ﻟﻲ ﺑﻄﺎﻧﻴﺔ،،،، المضيفه ﺩﺍﻳﺮﻩﺗﺘﻈﺎﺭﻑ ﻗﺎﻟﺖ ﻟﻲ ﻱ ﻋﻤﻮ ﺑﺮﺩﺍﻥ؟؟؟ _ ﻗﺎﻝ ﻟﻴﻬﺎ ............... ﻻﻻ ﺩﺍﻳﺮ ﺃﻛﻮﻱ
ﻣﺴﻄﻮﻝ ﺷﻐﺎﻝ ﻓﻲ ﺷﺮﻛﺔ ﺩﺍﻳﺮ ﻳﺘﺼﻞ ﻋﻠﻰ ﺍﻟﺒﻮﻓﻴﻪ ﻭﺇﺗﺼﻞ ﻋﻠﻲ ﺍﻟﻤﺪﻳﺮﺑﺎﻟﻐﻠﻂ ﻭﻗﺎﻝ ﻟﻴﻮ ﺟﻴﺐ ﺍﻟﺸﺎﻱ ﺑﻲ ﺳﺮﻋﺔ ﻟﻮﻣﺎ ﺃﺳﺮﻋﺘﻪ ﺑﺸﻮﺗكـ ﻣﻦ ﺍﻟﺸﺮﻛﺔ ﺩﻱ .. ﺍﻟﻤﺪﻳﺮ ﻗﺎﻝ ﻟﻲ ﺇﻧﺖ ﻋﺎﺭﻑ ﺑﺘﺘﻜﻠﻢﻣﻊ ﻣﻨﻮ؟.. ﺍﻟﻤﺴﻄﻮﻝ: ﻻﻻ ﻗﺎﻟﻴﻮ ﺍﻧﺎ ﺍﻟﻤﺪﻳﺮ ......ﺍﻟﻤسطﻮﻝ ﻗﺎﻟﻴﻮ ﺧﻼﺹ ﺇﻧﺖﻋﺎﺭﻑ ﺑﺘﺘﻜﻠﻢ ﻣﻊ ﻣﻨﻮ ؟.. ﺍﻟﻤﺪﻳﺮ ﻗﺎﻝ ﻟﻴﻮ ﻻﻻ ﺍﻟﻤﺴﻄﻮﻝ ﻗﺎﻟﻴﻮ ﺍﻟﺤﻤﺪﻟﻠﻪ ﻭﻗﻔﻞﺍﻟﺨﻂ
ﻣﺴطول مشى ﻳأﻛل ﺑﻴﺘزﺍ ﻗﺎﻝ: ﻭﺍﻟﻠﻪ ﺍﻟﺒﻴﺘزﺍ ﺩﻱ ﻳﺠﻴﺒوﻫﺎ ﻟﻴك ﻣرﺑﻌﺔ ﺗﻔﺘﺤﻬﺎ تلقاها ﻣدﻭﺭﺓ .... ﺗﺄﻛﻠﻬﺎ وهي ﻣﺜﻠﺜﺔ ﺯﺍﺗو ﻣﺎﻋﺎﺭﻓﻴن ﺩﻱﺑﻴﺘزﺍ ﻭﻻ ﺣﺼﺔ ﺭﻳﺎﺿﻴﺎﺕ ....!!!؟؟؟!!؟
واحده قالت لزوجها امشي جيب لينا خروف نحتفل بزواجنا بعد مرور خمسه و عشرين سنه ! قاليها الخروق ذنبو شنو يدفع ثمن غلطه ارتكبتها أنا قبل خمسه و عشرين سنه ..؟
مسطول محتال قال لحبيبتو: سلفيني عشره جنيه أديني منها خمسة وخلي معاكي خمسة أكون داير منك خمسة وإنتي دايرة مني خمسة وكده نكون حبايب
مسطول بيشاغل في واحدة: ياعسل .. قالت ليهو: انت اهبل !! قال ليها: تلفونك !! قالت ليهو: انت اهبل !! قال ليها: افهميني .. داير اعرسك قالت ليهو: انت جادي! قال ليها: انتي هبلة !!
شايقية دايرة تمشي الحج قالوا ليها الحج بعشرة مليون قالت ليهم في شان شنو .. انا ذاتي ما عندي ذنوب قدر دا
بتاع ضرائب مسطول مشي لى تاجر خرفان داير الضرائب الزول حلف بي دينو وإيمانو إنو ما باع ولا خروف ... المسطول لقي اقرب خروف سألو: الزول ده باع ولا ما باع الخروف قال ليهو: باااااااااااع
مسطول عضتو نملة مشت وجات بعد مسافة عضتو تاني في نفس الحتة، قال ليها ما متأكدة ولا شنو
اسرة سودانية مشوا اجازة تركيا ابو العيال راح منهم في السوق المرا مشت لاقرب بوليس قال ليها اوصافو شنو !!! ردت: طويل وابيضاني .. شعرو اصفر وعينو زرقاء و ... و بتها عملت مداخلة: لكن يا ماما دي ما اوصاف بابا قالت ليها: اسكتي يا غبيانة .. يمكن يجيبوا لينا مهند
مسطول نزل من الطيارة شايل بنطلونو في كتفو الناس سألوه مالك يا زول قال ليهم: المضيفة كرهتنا .. اربط الحزام .. فك الحزام
|
ــــــــــــ اها كدا كويس ؟ !! اتفقنا ...
| |
|
|
|
|
|
|
Re: قالوا السترة والفضيحة متباريات ! (Re: دينا خالد)
|
صحفى امريكى واخر سوفيتى التقيا فى تغطية مشتركة ايام الحرب الباردة بين الدولتين الامريكى قال مزهوا للسوفييتى وهو راقد رافع رجل فوق رجل ويدخن ::: عندنا حريات انت فى امريكا يمكنك ان تعتلى قمة اعلى منبر وتشتم الرئيس الامريكى ! رد عليه السوفيتى وهو يرشف من قهوته الساخنة ::: ونحن ايضا نفس الحريات يمكنك ان تعتلى قمة اعلى منبر وتشتم الرئيس الامريكى !!!!!
،،،،،،،،،،،،،،،،،،،، هكذا الحال فى سودانيز يمكنك ان تنتقد حتى الرئيس الاميركى !!!
| |
|
|
|
|
|
|
Re: قالوا السترة والفضيحة متباريات ! (Re: Siham Elmugammar)
|
Quote: ولدنا قيقا والله فترنا نقول مشتاقين دحين مش كان بينا ونسة مفقودة؟؟؟
|
انت يا سهام (مهندسة)!؟
دي ما نبزة .. عاوز اعرف بس!؟
-----------------
امس التايسا وصلت .. و عرفنا الفيها! جبتو آخر .. و قالت الدكاترة و بس
المهم المهندسين عملوا مظاهرات سلمية .. اتحولت لاعمال شغب بعد انضمام البزانسة و الاقتصاديين، للثورة!
اها بعد سجلتك في كشوفاتنا .. تاني شككني قولة " بيير" الشابك فيها كيكي دي
الحمد لله !! اتونسنا لي دينا هنا في بوستها دا في امان الله!
| |
|
|
|
|
|
|
Re: قالوا السترة والفضيحة متباريات ! (Re: دينا خالد)
|
بمناسبة الروس و الامريكان الفي بوستك. يحكى ان سفينتين صيد واحدة رووسية و التانية امريكية متشابهات في التقنية و ادوات الصيد . و ربطا بالقرب من بعض. بعد فترة امتلات السفينة الامريكية بالسمك في حين السوفيتية امتلات لنصفها .استغرب السوفيت من الوضع وسالوا الامريكان لماذا امتلات سفينتهم ولم تمتلي السفينة الروسسية . فرد الامريكان عليهم بانهم اذا جاءات شبكتهم فاضية رموها مرة اخري في البحر في حين انكم اذا جاءات شبكتكم فاضية تعقدون اجتماع تناقشون فية لماذا جاءات الشبكة فاضية
| |
|
|
|
|
|
|
Re: قالوا السترة والفضيحة متباريات ! (Re: فيصل محمد خليل)
|
Quote: فرد الامريكان عليهم بانهم اذا جاءات شبكتهم فاضية رموها مرة اخري في البحر في حين انكم اذا جاءات شبكتكم فاضية تعقدون اجتماع تناقشون فية لماذا جاءات الشبكة فاضية |
--------------
يا دينا
هذا الغرب منافق جداً ( او كما قال علي المك) مواقف روسيا كلها مخزية جداً .. و وصمة عار في جبين الانسانية .. لكن الامريكان ياهم الخلاس زينين يعني!؟
لو الشغلة (انسانية) و بعدد الضحايا .. مفروض تكون دارفور هي الاولوية الاممية حالياً دون اي تأخير او تلكؤ!!
ما هو وجه المقارنة بين 2700 و 300 الف!؟ مفروض فلسطين لا ليبيا و قبل سوريا ذاتو اليمن الطالقين فيو يد الشاويش الكضاب المستهبل الطالح دا!!؟
ياختي عوسي عوسك ساي ما شايف لي شعرة ذاتو .. الفضيحة فاتحة على السترة الزي دي مشرع و طاقتين!!
| |
|
|
|
|
|
|
Re: قالوا السترة والفضيحة متباريات ! (Re: قيقراوي)
|
العزيز فيصل خليل هههههههههههههههههههه حلوة نواصل يعنى فى قصة السوفييت مع الروس دى ؟ قصدى الامريكان مع الروس دى !
لوووووووووب
قيقا يا قيقا قيل ثم من قال قيقا .. اقعد ساى اصلو كلو منك انت دا ...
| |
|
|
|
|
|
|
Re: قالوا السترة والفضيحة متباريات ! (Re: قيقراوي)
|
فاصل اذنــــــــــــــــــــــــــــــــ
القاهرة (رويترز) - ذكرت وكالة أنباء الشرق الاوسط أن القضاء العسكري المصري فتح تحقيقا في انتهاكات ارتُكبت ضد مُحتجزين في مركز للشرطة شمالي القاهرة بعد بث شريط فيديو للواقعة المزعومة على مواقع التواصل الاجتماعي.
وتظهر اللقطات المنشورة التي تعيد الى الأذهان قسوة الشرطة مع المواطنين خلال عهد الرئيس المخلوع حسني مبارك ضباطا من الجيش والشرطة يصفعون ويضربون شخصين مُحتجزين مُقيدين بالأغلال.
ووضع رجل شرطة صاعقا بجوار آذان المحتجزين.
وقالت الوكالة ان المشير محمد حسين طنطاوي رئيس المجلس الأعلى للقوات المسلحة أمر باحالة ما نشر على الانترنت الى رئيس هيئة القضاء العسكري للتحقيق فيه.
وأضافت أن طنطاوي قرر "اتخاذ كافة الاجراءات القانونية حيال المنسوب اليهم تلك الوقائع في حالة ثبوتها."
وقالت الوكالة "قرر رئيس هيئة القضاء العسكري اللواء عادل المرسي فتح التحقيقات مع عدد من ضباط الجيش والشرطة المدنية أمام القضاء العسكري في واقعة التعدي على بعض المتهمين بالاتجار بالاسلحة والذخائر بمحافظة الدقهلية."
ونقلت عن مصدر عسكري قوله ان المرسي "تلقى بلاغات بقيام عدد من ضباط الجيش والشرطة بالاعتداء على بعض المتهمين بالاتجار بالاسلحة والذخائر في قسم شرطة الكردي التابعة لمدينة منية النصر بمحافظة الدقهلية.
وتابع المصدر ان المرسي "قرر على الفور استدعاء الضباط للمثول أمام النيابة العسكرية للتحقيق."
وتقول منظمات تراقب حقوق الانسان ان الانتهاكات شاعت خلال حكم مبارك الذي استمر 30 عاما.
وكان موت الناشط خالد سعيد بعد القبض عليه في مقهى للانترنت بمدينة الاسكندرية العام الماضي من أسباب قيام نشطاء عبر شبكة الانترنت بالدعوة لمظاهرات 25 يناير كانون الثاني التي تحولت الى انتفاضة استمرت 18 يوما وأسقطت مبارك.
وقالت وكالة أنباء الشرق الاوسط ان المجلس الاعلى للقوات المسلحة ناشد كل من لديه "معلومات بشأن وقائع تقع تحت طائلة القانون (ارتكبها ضباط شرطة أو جيش) أن يبادر بتقديمها فورا لهيئة القضاء العسكري لاتخاذ الاجراءات القانونية حيالها."
(شاركت في التغطية دينا زايد وأحمد طلبة)
http://news.maktoob.com/article.php/6525834/%...B6%D8%A8%D8%A7%D8%B7
| |
|
|
|
|
|
|
Re: قالوا السترة والفضيحة متباريات ! (Re: دينا خالد)
|
سلام يا دينا وكل الذين أدلوا بدلوهم ما عدا بورداب جدة فأنا منهم براء
قالو الساعدي ود القذافي في النيجر وهنالك إتصالات بينه وبين بعض مبيضي الأموال (ناس غسيل الأموال) أوع يكونوا من السودان العاوزين يغسلوا ليهو أموالو ديل
يا خبر بفلوس بكرة ببلاش (بعد الغسيل)
| |
|
|
|
|
|
|
Re: قالوا السترة والفضيحة متباريات ! (Re: Abuzar Omer)
|
Quote: ياقيقا سهام دى مهندسة دفعة صلاح قوش وبكرى ! |
الليلة ووووووووووووووووووووب يا قول اختنا فى اللستة اعادها الله عاد يا بلة دحين ما هجمتنى اها النقول لك كلام قوش وبكرى تب ما عندنا فيهم كلام والجمع على مسئولية جامعه بس قصة العمر دى قصرت معاى فيها شديد كمان يجيك طاير قيقا ويقول ليك قال دفعة كسر الله ياخ بلاهى زولك ده يا قيقا صحبة جبر عديييل وكمان هو القى دفعتى انا مشيت فى امانة الله فعلا كان الله كسرو فى سنه كدى لووووووووووووووووووووول
دينا خالد نوهائى فت زى ده ما معانا
هسه بلاهى تعالى امرقنى من بوستيك الختونى فيهو سوا سوا مع قوش
الله غالب امانه الدنيا ما سداية ورضاية الكلام ده ليك يا بلة
يا قيقا انا خريجة كلية اقتصادو أأل ية وعلوم اجتماعية دفعة حاج ماجد سوار لوووووووولييييييييييييييييييييين افتكر ما مشيت بعيد من قوش
| |
|
|
|
|
|
|
Re: قالوا السترة والفضيحة متباريات ! (Re: Siham Elmugammar)
|
Quote: بلاهى هوى يا زول ها اركز وجيب دليل انى كنت دفعت قوش والمدعو بكرى
المافى شنو؟؟ (شكرا قيقا) |
غايتو عالم قدر ما تعمل ميت يفتحو ليك أضنينك ويشيلوهن يختوهن في صدرك تسمع دقات قلبك تقوم ناطي ومنطط عيونك
بعدين مين قروش دا جار ناس بكري في كلية الدباغة ومين بكري دا
هو أنا عارف حاجة ولا جيت من أصلو
| |
|
|
|
|
|
|
|