|
Re: سكرتير الحزب الشيوعي السوداني نقد للحج هذا العام الف مبروك (Re: ahmed akasha)
|
** ود المسلمى.. ** سلام ,, وجُمعتك مُباركه..
Quote: سكرتير الحزب الشيوعي السوداني نقد للحج هذا العام الف مبروك |
## وما الغريب فى ذلك ؟؟
## الحزب الشيوعى السودانى به من يرتادون المساجد لوجه لله وليس بغرض السلطه والجاه.. وينفقون على الفقراء والمُحتاجين والأرامل أكثر من أدعياء الإسلام السياسى ,, ومنهم من يساعدون على إنارة المساجد وزراعتها بالأشجار الظليله والأزهار وأعرف العديد منهم يقدمون ذلك دون منِ او رياء .. (ببركات العشر الأواخر من هذا الشهر الفضيل أن يتقبل الله من الجميع أعمالهم)
| |
|
|
|
|
|
|
Re: سكرتير الحزب الشيوعي السوداني نقد للحج هذا العام الف مبروك (Re: عبدالكريم أحمد الامين)
|
Quote: ## وما الغريب فى ذلك ؟؟
## الحزب الشيوعى السودانى به من يرتادون المساجد لوجه لله وليس بغرض السلطه والجاه.. وينفقون على الفقراء والمُحتاجين والأرامل أكثر من أدعياء الإسلام السياسى ,, ومنهم من يساعدون على إنارة المساجد وزراعتها بالأشجار الظليله والأزهار وأعرف العديد منهم يقدمون ذلك دون منِ او رياء ..
|
والله ما عندي كلام بعد كلام أخونا عبدالكريم...
وبالطبع هناك فرق الليل والنهار بين من يرتاد المساجد لوجه الله دون هيلمانات ومناظر دعائية... ومن ينافق بإرتياد المساجد وحك الجبهة لزوم علامة الصلاة والتمتمة بهمهمات نفاقية أمثال مشينا لي ناس فلان المغرب وصلينا العشا في المكان الفلاني ولا لا ماتقدم لي شي لأني صايم وهي لله هي لله .... وطول اليوم شغال ظلم ونهب ورشوة غير السكرتيرة الحسناء إن أبت مافي مانع من إلقاء الحبل السري..........
الشايقي http://www.youtube.com/watch?v=WjNosdjuv7s
[email protected] http://alkatwah.com
.
| |
|
|
|
|
|
|
Re: سكرتير الحزب الشيوعي السوداني نقد للحج هذا العام الف مبروك (Re: حيدر حسن ميرغني)
|
الاستاذ نقد سيد نفسه يقوم الليل ،، يحج .. على كيفه .. لا مارق داعية ولا تاجر فى الدين .. ولا بخج .. اها عرفنا مصادر تمويل نقد ودى ما صعبه اى زول عارفها .. بكل الشفافية .. فعلى السودانى ان تكشف من اين يحج اكابر القوم واولياء النعمة ..
هذا افيد للعامة وقراء الصحف ,, الناس البحجوا من مصادرهم الخاصة ديل ما تشغلوا بيهم روحكم . شوفوا لينا الالاف المؤلفة البتحج بالمال العام !! فهذا هو عمل السلطة الرايعه الحقيقى .. مش عينك فى الفيل ..
ـــــــــــــــ قال رسول الله صلي الله عليه وسلم ( إن الله تعالى طيب لا يقبل إلا طيبا ، وإن الله أمر المؤمنين بما أمر به المرسلين فقال تعالى :{ يا أيها الرسل كلوا من الطيبات واعملوا صالحا } ، وقال تعالى :{ يا أيها الذين امنوا كلوا من طيبات ما رزقناكم } ، ثم ذكر الرجل يطيل السفر أشعث أغبر يمد يده إلى السماء : يا رب ! يا رب ! ومطعمه حرام ومشربه حرام وملبسه حرام وغذي بالحرام فأنى يستجاب له ؟. نشهد بان نقد عاش مطعمه حلال ومشربه حلال وملبسه حلال وغذى بالحلال ..
| |
|
|
|
|
|
|
Re: سكرتير الحزب الشيوعي السوداني نقدللحج هذا العام الف مبروك (Re: محمد على حسن)
|
Quote: سيقوم اثريا الحزب الشيوعي |
وفقا لما ورد اعلاه وعلى ذمة اخونا المسلمي فقد وردت كلمة اثرياء والحزب الشيوعي في سطر واحد دا مش حزب الطبقة العاملة والكادحين والبروليتاريا ومحمد احمد الاغبش؟ كلمة اثرياء تعني تراكم راس المال والصفقات ولغة المصالح والإستغلال الطبقي...الخ يعني الحزب اصبح يحتضن البرجوازية بداخله ورئيسه ناوي يحج، طيب ايه باقي في (المشروع الحضاري) للحزب؟
| |
|
|
|
|
|
|
Re: سكرتير الحزب الشيوعي السوداني نقدللحج هذا العام الف مبروك (Re: خدر)
|
العبادة امر فردي ولا يحتاج للجهر به
الان هذا المسلمي كانه وجد في الخبر ان نقد
عايز يتوب او انه مشرك او او
ماذا فعل الحج للمجرم البشير ولعصابة الجبهة الحاكمة ما كل سنة ماكلين قروش الشعب وماشيين للحج
الحج لله لا يحتاج لاعلام وشخبطة
الله يتم للاستاذ نقد ما يتمناه ويعود معافي
| |
|
|
|
|
|
|
Re: سكرتير الحزب الشيوعي السوداني نقدللحج هذا العام الف مبروك (Re: Sabri Elshareef)
|
المسلمى سلااامات ورمضان وعيدية حقيقى دقست دقسة عمرك فى البوست دا لانو فى اسئلة لجد صعبة تحتاج لتبيان وشرح وكمثال توضيحى حج الجماعة ( ابهين دقون )من وين ؟؟؟ القروش قروش الحج هل من المال الحر ام من المال الحرااام هنا مربط الفرس ؟؟؟ ولا المال العام ضمن غنائم الحرب اقصد( الانقلاااب ) الانقاذى المنتهى الصلاحية والتاريخ ولا كــــــــــــــــــــــــــيف ...؟؟؟؟
قاسم المهداوى
| |
|
|
|
|
|
|
Re: سكرتير الحزب الشيوعي السوداني نقدللحج هذا العام الف مبروك (Re: قاسم المهداوى)
|
Quote: الغريبة انو الجماعه بفتكروا انو الحج دا بتاعهم .. جزء من عدة الشغل تبعهم .. وما دايرين منافسه فيها ! |
منافسة حتى مننا نحن خليك من الشيوعيين مع انو انا شخصيا بشوف نفسي ان الحج والعبادات وتعاليم ديننا بتاعي اكثر منهم لاني على الاقل ما سرقت ولا نهبت ولا عذبت ولا قتلت ولا افسدت ولا اكلت حرام يا حرامية يا فاسدين يا قتلة يا مجرمين
| |
|
|
|
|
|
|
Re: سكرتير الحزب الشيوعي السوداني نقدللحج هذا العام الف مبروك (Re: Sabri Elshareef)
|
Quote: ## وما الغريب فى ذلك ؟؟
## الحزب الشيوعى السودانى به من يرتادون المساجد لوجه لله وليس بغرض السلطه والجاه.. وينفقون على الفقراء والمُحتاجين والأرامل أكثر من أدعياء الإسلام السياسى ,, ومنهم من يساعدون على إنارة المساجد وزراعتها بالأشجار الظليله والأزهار وأعرف العديد منهم يقدمون ذلك دون منِ او رياء .. (ببركات العشر الأواخر من هذا الشهر الفضيل أن يتقبل الله من الجميع أعمالهم) |
استاذنا عبد الكريم ( الما كيكي )
في ناس الواحد من يسمع كلمة (شيوعي) دي، طوالي ملامحو تتغير لوش الشفقة عليك و بئيس مصيرك .. لأنو في عقل بالو طوالي بكون فتح ليو جنة و نار قطاع خاص .. تخصه تماماً! و أقام نفسو في مقام ليس مخصصاً لبشري، و حكم عليك بحشرك في نار خيالو دي!
معقولة بس!؟
الرهيب لو كان ( كوز ) عدييييل ( قاتل و سارق ، و مغتصب محصنات، او على اقل تقدير مؤيد للظلم ) و يدخل نفسو الجنة و انت يكبك في لظى و جحيم من صنع خيالو!! فتأمل .. و تجهم.. و ادي ربك العجب!!
يا شباب - المتدينين - تعالوا الى كلمة سواءاً بيننا الا نعبد إلا الله و ندين له بكامل الربوبية .. و نكف عن التأله على بعض .. الاله الواحد الذي حرّم الظلم على نفسه .. وحده لا شريك له ..
الدين لله و الوطن للجميع فكفوا عما انتم فيه من غي! يرحمكم الله و يرحمنا
------
و قديماً قيل (في سياق مقارب) :
البيان اركز اركز لاتجيب رخوة الحجر الاسود ما هو البروه وماها مكاوي الكعبة تجيها حين يتكرفس توب التقوى والمشروع الديني الخالص ما محتاج لدراسة جدوى
( الشاعر محمد الحسن سالم حميد )
| |
|
|
|
|
|
|
Re: سكرتير الحزب الشيوعي السوداني نقدللحج هذا العام الف مبروك (Re: طه إبراهيم عبد الله)
|
علي الاقل الاثرياء في الحزب الشيوعي السوداني لم يتم خداعهم علي ان الحزب سوف يتبني مصالحهم ويقدمها علي مصالح الكادحين..........ولكن بالمقابل من يخدع البسطاء والكادحين بان دعم السكر سوف لن يكون في مصلحتهم فهو الكاذب الحقيقي، ويكفي اثرياء الحزب الشيوعي فخراً انهم لم يستخدمو اموالهم في تخزين السلع وشراء مؤسسات القطاع العام، فالواقع انهم يستخدمونها في علاج المرضي .......وربما يستخدمونها في حج المعسرين ...
Quote: : كلمة اثرياء تعني تراكم راس المال والصفقات ولغة المصالح والإستغلال الطبقي...الخ يعني الحزب اصبح يحتضن البرجوازية بداخله ورئيسه ناوي يحج، طيب ايه باقي في (المشروع الحضاري) للحزب؟
|
طيب منو القال ليك ان الحزب الشيوعي سعيد بان يرى كل عضويته فقيرة ؟ طيب لماذا يقف الحزب الشيوعي ضد الفصل السياسي من الخدمة المدنية والعسكرية ،مش دي وسيلة مناسبة وعلي الاقل رسمية لجعل كل عضوية الحزب فقيرة؟ ولماذا يقف الحزب ضد افقار الشعب؟ ماهي دي برضو وسيلة مناسبة لجعل الشعب كله فقير ومن ثم تكون ارضية مناسبة ليتوجه لهم الحزب ببرنامجه؟
| |
|
|
|
|
|
|
Re: سكرتير الحزب الشيوعي السوداني نقدللحج هذا العام الف مبروك (Re: علي جلاس)
|
Quote: نسأل الله أن يتقبل من الأستاذ نقد و ينعم علينا جميعا بالهداية و يرزقنا حسن الخاتمة |
اثرياء الحزب يتكفلون بعلاجه هذا حقـه على كل المنتمين لحزبهم فقد افنى الرجل عمره فى خدمة هذا الحزب .. مقبولة ومبلوعة اثرياء الحزب يتكفلون بحجــه ( دا حقو يراجعو فقه الحج ) الاستطاعة الشخصية من ماله شرط وجوب وعمنا دا ما عندو مال فلا تثريب ولا حرج عليه ..
الا اذا اراد حــجه وزوغــة ..
ترمة : اثرياء الحزب الشيوعــى ديل مالم ومال العبادات الشخصية لافراد الحزب ( رعايتها والتكفل بها ) دا جزء من اهداف وبرامج الحزب
| |
|
|
|
|
|
|
Re: سكرتير الحزب الشيوعي السوداني نقدللحج هذا العام الف مبروك (Re: عبد اللطيف السيدح)
|
عندما سئل ذلك الصحفى ..الملزوز .او.المدفوع..مع سبق الاصرار السكرتير العام للحزب الشيوعى نقد ..(انت بتصلى )..لم يكن يقصد شخص نقد وانما قصد الحزب الشيوعى الذى دائما ما يستلز الاسلاميون بتكفير كل من ينتمى لهذا الحزب ..
يكفى هذا الرجل فخرا ..انه قاد الحزب الشيوعى فى احلك الظروف ..فلن تستطيع صحافة النظام مهما بلغت من ولاء للحركة الاسلامية من تشوية هذا الرجل ..القوى ..الصامد ..
كل عام يحج قادة الحركة الاسلامية من اموال الشعب ..ومن عرق الكادحين ..وما فساد هيئة الحج والعمرة ببعيد يسرقون اموال الحجاج ويبيعون لهم الدولارات باعلى الاثمان ثم يذهبون ليطوفوا بالبيت العتيق اين هنا الاسلام ...كفا هترا ..وبخ ثم بخ ...
يكفى ايضا الحزب الشيوعى فخرا ..ان اثريائه هم من تكفلوا بعلاج نقد ..وليست باموال الشعب من غير وجه حق ...فاثرياء الحركة الاسلامية يكتنزون الذهب والفضة من قوت الشعب ..وعندما يمرضون ويحجون ...يهرولون الى منح الحج ومنح العلاج ..التى تهب لهم من غير حساب ولا حسيب ..
الحج والصلاة .. من الفرائض ..فى الاسلام ..الله سبحانه وتعالى هو من يجزى بها عبيده وليس انتم ..ايها الاسلامويون ..
ايها الصحفى المبجل ارحم نفسك فانك ليس بخطير ...
| |
|
|
|
|
|
|
Re: سكرتير الحزب الشيوعي السوداني نقدللحج هذا العام الف مبروك (Re: نوري بطة)
|
Quote: وباب التوبة مفتوح لكل من انتمي لهذا الحزب الشيطاني الذي افل نجمه بدعاء الصالحين. |
وماذا عن توبة الذين سرقوا/يسرقون ونهبوا /ينهبون وافسدوا /يفسدون وقتلوا/يقتلون وعذبون /يعذبون وما قولك في االتوقف في دور بعثة الحج بجدة للتزود بالريالات والافساد باموال الحجاج واذا قيل لهم لا تفسدوا في الارض قالوا انما نحن مصلحون الا انهم هم المفسدون ولكن لايشعرون
| |
|
|
|
|
|
|
Re: سكرتير الحزب الشيوعي السوداني نقدللحج هذا العام الف مبروك (Re: Nazik Eltayeb)
|
Quote: وباب التوبة مفتوح لكل من انتمي لهذا الحزب الشيطاني الذي افل نجمه بدعاء الصالحين. |
** السيد \ السيد"ح".. ( صحاف النظام رقم "2") ## بما أنك أصبحت مسؤولاً عن توزيع صكوك الغُفران ,, بالله ماتقفل باب التوبه على مُنتمى الحزب الشيوعى والآخرون الذين عرفوا الإسلام بمقدم جحافلكم فى يونيو 1989 !!!!؟؟؟ ## (وبدعاء الصالحين والمظلومين ندعو الله أن يُريحنا من الميم \ نون) (ودام الود بين الجميع)
| |
|
|
|
|
|
|
Re: سكرتير الحزب الشيوعي السوداني نقدللحج هذا العام الف مبروك (Re: Barakat Alsharif)
|
Quote: QUOTE]الاستاذ نقد سيد نفسه يقوم الليل ،، يحج .. على كيفه .. لا مارق داعية ولا تاجر فى الدين .. ولا بخج .. اها عرفنا مصادر تمويل نقد ودى ما صعبه اى زول عارفها .. بكل الشفافية ..
فعلى السودانى ان تكشف من اين يحج اكابر القوم واولياء
هذا افيد للعامة وقراء الصحف ,, الناس البحجوا من مصادرهم الخاصة ديل ما تشغلوا بيهم روحكم . شوفوا لينا الالاف المؤلفة البتحج بالمال العام !! فهذا هو عمل السلطة الرايعه الحقيقى .. مش عينك فى الفيل .. |
شكرا دينا
| |
|
|
|
|
|
|
Re: سكرتير الحزب الشيوعي السوداني نقدللحج هذا العام الف مبروك (Re: Abdel Aati)
|
كدي لحدي ما نجي نعافر قصة التاريخية و الديالكتيك يا عادل هاك تقرير المؤتمر الخامس الاخير حول موقف الحزب الشيوعي السوداني من الدين.
Quote: الفصل الثامن
قدسية الدين ودنيوية السياسة
1) لانؤسس لموقف جديد، بشأن مسألة الدين والدولة، بقدر ما نسعى لتطوير رؤيتنا التي تبلورت مع الإرهاصات الأولى لنشأة حزبنا، ونسجل في الوقت ذاته نقداً ذاتياً لتقصيرنا في تطويرها خلال العقود الأربعة الماضية، وفق ما كنا ألزمنا به أنفسنا في المؤتمر الرابع.
2) تتأسس هذه الرؤية على احترام حزبنا لمقدسات شعبنا وأديانه: الإسلام والمسيحية والأديان الإفريقية، باعتبارها مكوناً أساسيا من مكونات وعيه ووجدانه وهويته، وبالتالي نرفض كل دعوة تتلبس موقف حزبنا لتنسخ او تستهين بدور الدين في حياة الفرد والاسرة، وفي تماسك لحمة المجتمع، وحياته الروحية، وقيمه الأخلاقية، وتطلعاته للعدالة الاجتماعية، ونعتبرها دعوة قاصرة وبائنة الخطل.
3) فوق ذلك يستلهم حزبنا ارفع القيم والمقاصد الكلية للتعاليم الدينية، لنصرة المستضعفين وشحذ هممهم وحشد قواهم من اجل الديمقراطية والتغيير الاجتماعي وذلك على قاعدة الاحترام والتسامح الديني في بلادنا متعددة الأديان والمعتقدات، كنزوع فطري يتوجب علينا الإعلاء من شأنه، وتطويره، وتخليصه من علل الاستعلاء به، كما وبالثقافة او اللغة او العرق، وما يتولد عن ذلك من مرارات متبادلة بين مكونات شعبنا.
4) هذا الاحترام نفسه للدين يفرض علينا ان نناضل من اجل وضعه في مكانه اللائق به من حياة شعبنا، بما ينزهه عن ان يكون عظمة نزاع في سياق الصراع الاجتماعي، وان نتخذ لهذا السبب بالذات، موقف المعارضة الفكرية والسياسية الحازمة ضد أي مسعى، من أي قوة اجتماعية، لاستغلاله في تحقيق أي مغانم دنيوية.وننطلق في موقفنا هذا، من حقيقة ان معيار الأغلبية والأقلية معيار سياسي لا ينسحب على قضايا الفكر والثقافة والمعتقد الديني والتي لا تحسم بالتصويت.
5) لا يرى الحزب الشيوعي في الدين عائقاً أمام التقدم الاجتماعي، وإنما يبحث عن أصل استلاب إنسان بلادنا وعذاباته في عمق الصراع السياسي والاجتماعي حول علاقات الإنتاج الاجتماعية. ويتخذ هذا الصراع في الوقت الراهن، مثلما ظل يتخذ منذ عقود طوال، شكل ومضمون المواجهة بين مشروعين متمايزين تماماً : مشروع الدولة الدينية، من جهة، والذي تقف وراءه وتدعمه القوى الظلامية التي تتخذ من قدسية الدين دثاراً ودرعاً آيدلوجياً لتحقيق مصالحها الاقتصادية السياسية الدنيوية الضيقة، ومشروع الدولة المدنية الديمقراطية،من جهة اخرى، والذي ترفع لواءه قوى الاستنارة والعقلانية السياسية التي تتطلع الى نظام حكم يراعي خصائص التعدد والتنوع الذين تتميز بهما امتنا، بما يصون وحدتها الوطنية، واستقلال بلادنا، وسلامة أراضيه.
6) ويطرح الحزب أمامه مهمة قيام منبر واسع لتوحيد قوى الاستنارة في النضال من اجل الدولة المدنية الديمقراطية، ومواجهة التطرف والهوس الديني استناداً الى الخلاصات التي راكمتها خبرات شعبنا حول المخاطر الناجمة عن الدولة الدينية وإقحام قدسية الدين في السياسة.
7) نزع قناع الزيف عن البرنامج السياسي المعادي، باسم الدين، لطموحات الملايين من أبناء وبنات شعبنا، والرامي لوأد تطلعاتهم الوطنية والاجتماعية،وهو البرنامج الذي طالما ذاقت جماهير شعبنا ويلاته تحت دكتاتورية الجبهة الإسلامية، متحالفة مع الطاغية جعفر نميري، او منفردة بالسلطة منذ انقلابها عام 1989، ابتداءً من قوانين سبتمبر البغيضة، الى قوانين النظام العام والأمن والقوانين الجنائية المختلفة، حتى الجهاد باسم الإسلام ضد الشعب تقتيلاً وتعذيباً وتفرقة وقهراً. |
____ قالوا في الامثال الحزب (و سكرتيرو) بقبضوهم من تقارير مؤتمراتهم
| |
|
|
|
|
|
|
Re: سكرتير الحزب الشيوعي السوداني نقدللحج هذا العام الف مبروك (Re: خدر)
|
Quote: سوار الدهب بعد تراسو للمجلس الانتقالى الاسقط عمليا نظام نميرى كان بصف نميرى بالمخلوع وبصف نظامو بالبائد ولما نميرى اتوفى فى تشييعو وصفه بالبطل وغيرا من الاوصاف التمجيدية يعنى من النقيض للنقيض |
Quote:
اما نقد فا السنة الفاتت طلع فى التلفزيون و قال انو ما بصلى والسنة دى ماشى الحج انا تعليقى كان حول سهولة الانتقال من الموقف الى ضده فى السودان |
رغيم كل سنة و إنت طيب
سوار الدهي كان رئيس الاركان قي وقت كان فية عراب السلطة(مايو) هو الترابي
و قي فترة المجلس نفذ مخطط الترابي بالكامل و قبض الثمن بعد تنحية ( رئيس منظمة الدعوة الاسلامية)
فأحمد زي حاج أحمد
أما ذكر نقد لعدم الصلاة فلا اعتقد ان تفوت على فطنتك و انت السياسي المحنك فهل يعقل ان يحرق
محمد إبراهيم نقد نفسه سياسيا بهذه الاجابة المنزوعة من صياغ الكلام ؟؟؟
عندما سؤل عبدالخالق محجوب في اعثقاله الاخير عن ماذا يشرب (من اصناف الخمر) قال: اشرب ما تيسر.
فماذا تفهم من هذه الاجابة اخي رغيم ؟؟
دام الود
| |
|
|
|
|
|
|
Re: سكرتير الحزب الشيوعي السوداني نقدللحج هذا العام الف مبروك (Re: domdom)
|
تعرفوا في السبيعينات و في الزنازين المعروفة بالغربية كنا نفر من الشيوعيين و الديمقراطيين داخليين في اضراب عن الطعام بعد المعاملة الغير لائقة من ادارة سجن كوبر و ترحيل بعض من الرفاق ( بلغة الزمن داك) الي شالا و كنا في حبس في الزنازين الغربية كان ذلك في يويلو 1975 و كنا في اولي جامعة ( علشان ما تقولوا عجوز ( مش كده يا Nasr) يوليو دي اتذكرتها لاننا احتفلنا بي يوليو في السجن . لفت انتباهي الاستاذ الجامعي و الموجود الي الان بمعهد الدراسات الافريقية بجامعة الخرطوم و هو قريبي و كان اول مرة الاقيه . المهم لفت نظري و نظر الكثيرين مواظبته علي اداء صلواته في اوقاتهاو بعد ان التقيتة في قريتي مع احد زملائه في الجامعة و الحزب الشيوعي بعد سنوات ( اخينا بتاع الحلة اتصوف )( و البصلي في كوبر متمرس لسع) اها بدوا حكاوي عن لقاءتهم بالرفاق في المدينة المنورة علي ساكنها ا افضل الصلاة و اتم التسليم. بعدين يا اخونا مرة واحد من الوهابية الكان زميلي دراسة في الثانوي لاقاني في مكة قام قال لي ( و الله انا خايف ترجع تاني ) الداير اصل ليه يا اخي المسلمي. الشيوعين ديل اقرب ليكم انتو المتصوفة في اشياء كتيرة
Quote: يعني التصوف كما يقول اعلامه تربية و التربية تربية النفس اها الشيوعيين ديل عندهم النقد الذاتي من قولة تيت يعني نفسهم كاتلناها تانيا حب المساكين يعني الشيوعين بعد البروستكريا بتاعة جورباتشوف انفكو بورستريكا صوفية في السودان لكن نادر جدا تلقا شيوعي بقا وهابي و لا كوز يعني انتا يا شيخنا حقوا لعبك يكون معاهم مش ضدهم الا تكون بتاع قروش لان انا و الله علي ما اقول شهيد كلام الكيزان فيكم و قالوا الاخ امين حسن عمر انهم ما بختلفوا عن الشيوعين بل اضل الحكاية دي كانت سنة 76 في سجن دبك و اتذكر انو في واحد من الاخوان اسمه مصطفي من الهندسة زعل من الكلام و قرب يدور شكلة طبعا الحكاية بتاعتكم معاكم دايرن يخموكم ساكت لانو انا الان محسوب عليكم بس القضية انو حكاية الشيوعية ممكن تكون فيها اشياء كتيرة بدأت فيها المراجعة فعلا بس التراجع جماعة ديل من النهب و الحرام شنو بالواضح كتير من اهل اليسار كان فيهم الدين اصلا و و الكان جايط في مسالة الدين اسع راق لانهم من البداية عندهم راي في مسالة طرح ال راي الديني بطريقة تفارق الواقع جماعاتكم ديل فارقوا الدين و بقوا بتاعين نهب اها رايك شنو؟؟ |
الاخdomdom شكرا للمرور
| |
|
|
|
|
|
|
Re: سكرتير الحزب الشيوعي السوداني نقدللحج هذا العام الف مبروك (Re: محمد المسلمي)
|
رغيم : Quote: اما نقد فا السنة الفاتت طلع فى التلفزيون و قال انو ما بصلى والسنة دى ماشى الحج انا تعليقى كان حول سهولة الانتقال من الموقف الى ضده فى السودان |
ما قال كده يا رغيم قال: هسع ما بصلي أي في اللحظة الراهنة ،، وفي ظني قصد انه لم يصل المغرب تحديدآ هذا بشان الواقعة
اما بشأن سهولة الإنتقال افضل اغير عبارة انتقال ،ن إلى هداية هذا إذا وقر في خاطر اخونا رغيم أن نقد كان في حال وإنتقل إلى حال بمعنى ، إنتقل إلى الهداية ف ما الذي يمنع مهتدي صلى ، من ان يحج
| |
|
|
|
|
|
|
Re: سكرتير الحزب الشيوعي السوداني نقدللحج هذا العام الف مبروك (Re: محمد المسلمي)
|
يا مسلمي والله دخلت روحك في حتة اصعب من بتاعت الوزة ديك
اسه نحن كللللللنا منتظرين إنتهاء شعائر الحج عشان تجيب لينا صور الحاج محمد ابراهيم نقد و بالعدم صورة باب بيتو مضروبة جير و مكتوب فيها بالاخدر حجا مبرورا و سعيا مشكورا
___ زول جاب خبر اجتماع في بيت صلاح قوش بعد الاقالة ما بتغلبو صورة لابراهيم نقد بالاحرام
| |
|
|
|
|
|
|
Re: سكرتير الحزب الشيوعي السوداني نقدللحج هذا العام الف مبروك (Re: محمد المسلمي)
|
بعد ثلاثة شهور من بداية هذا البوست لصاحبه (الشيخ محمد المسلمي) كتبت الدكتورة إحسان فقيرى في بوست الإحتفاء بنهاية الحزب الشيوعي نسبة لحج الأستاذ نقد التالي :
Quote: طبعا انتي عارفه اني حجيت اكثر من مره فلا اري في ذلك مشكله وبصراحه في السعوديه سكنت جنبنا اسره (انقاذيه ) ورمضان علي الابواب فبدا يتحدثو عن الصيام والعقاب والحساب وباب الريان --الخ باعتبار اننا ملحدين وما بنصوم --في الاسبوع الاول من الشهر الكريم اول من قابل الدكتوركانت تلك الاسره يشتكي --شنو الكلي قامت علي لزوم الافطار --تصوري
اما عن موضوع نقد وجيتو من الحج معقوله يا نجاة صدقتي الجماعه ديل
يا زوله كنا قاعدين معاهو في العيد بس الظاهر نقد بين ليهم في عرفات والحرم او الجماعه جاتم الهلوسه --الشافي رب العالمين |
Quote: اما عن موضوع نقد وجيتو من الحج معقوله يا نجاة صدقتي الجماعه ديل
يا زوله كنا قاعدين معاهو في العيد بس الظاهر نقد بين ليهم في عرفات والحرم او الجماعه جاتم الهلوسه --الشافي رب العالمين |
| |
|
|
|
|
|
|
Re: سكرتير الحزب الشيوعي السوداني نقدللحج هذا العام الف مبروك (Re: عاطف مكاوى)
|
الاخ المسلمي سلام سانقل مداخلتي في هذا البوست:الحاج/ مُحمّد إبراهيم نُقُدْ .. ممنوع الإقتراب والتّصوير!!!؟ الي هنا بعد اذنك علها تخصلك ،ولعلي اجد عندك رد لاني وجدت انك عامل دعاية للبوست اياه Quote: ربما عمر صديق يرمي لشي اخر ، وهو ان نقد قد اختار طريق المؤتمر الوطني "الاسلام " وهم القائلين ساعة البروستريكا ان قورباتشوف قد ترك الشيوعية ليختار الاسلام ، وهذا القول يستهدف الشيوعين ويرسخ فكرة ان الشيوعية فكرة تحارب الاديان ، وان الفرد مصيره ان يسلم يصبح مؤتمر وطني وهي فطرة الله التي فطر الناس عليها " التينقذ" . والعصفورة الاخرى التي ينيش عليها سهامه ، هي تبرئة ساحة الصحيفة وودالمسلمي التي نشرت الخبر. اذ انه اذا استعصت علي امن الانقاذ إنقاذ الرئيس من التصوير الباذخ ساعة الاحتفال ، وانقاذ فضيحة جلد فتاة الفيديو ، وانقاذ صورة الصحفي ابوذر وهو يتلقي صربات الكهرباء والمكواة داخل اسوار الامن ، فيسيصبح من المستحيل انقاذ صورة المسلم الحديث محمد ابراهيم نقد من كاميرات جولات خسمة مليون حاج في عرفة واكثر من ذلك العاملين والموظفين ومنسوبي وزارة الداخلية السعودية والتجار من الحيلولة دون تصوير الحاج محمد ابراهيم نقد ......اللهم الا ان كان للتنظيم الماركسي السوداني قدرة تفوق الموساد والسي آي ايه . وان هؤلاء الماركسين قد استطاعو ان ياخذو الحاج نقد في سيارة مصفحة ضد التصوير والاقتراب . وبهذا يكون الاخ عمر صديق بنظري كما الذي يقول ان طارت عنزة ،يعني نقد لو كان في السودان او بلغاريا فهو قد حج .......ولكن قدرة التنظيم الماركسي حالت دون تصويره ، ياله من تنظيم ماركسي قوي وبديع ويمتلك وسائل قوية في تضليل المؤتمر الوطني وعامة الناس ويمتلك قدرة فائقة في تعطيل كاميرات البلاك بيري والنوكيا والسامسونج.........فتنظيم ماركسي يهذه القدرة لماذا لا يعجل في ازاحة المؤتمر الوطني ؟ ولماذا تستخدم كل هذا الطاقات في إخفاء حج حاج سوداني ؟وللعلم فان التصوير داخل الشعائر المقدسة غير ممنوع البتة ......ويتم دون اي استشارة للحاج ، دعك من وسائل الاعلام ......... الصحيفة كاذبة ياعمر صديق ولو اني كنت اتمني ان يحج محمد ابراهيم نقد لو هو اراد ذلك، ولا اتصور ان حج محمد ابراهيم نقد شي مخجل ، حتي يتجتهد التنظيم الماركسي المزعوم في اخفاءه ..............علي الاقل ان الخبر الذي اتي في الصحيفة جاء علي صورة تصريح من الاستاذ محمد ابراهيم نقد كما زعمت الصحيفة الصفراء آنذاك. ولعلمك الحجاج السودانين جيمعاً موثقون في موقع الحجاج السودانين منذ اكثر من عشرة اعوام .........وفي الصفحة تجد السكن والحملة والامير ........ومواعيد القدوم والسفر ودخول المدينة المنورة ومكة والفناديق التي سيقيم في الحاج ومدتها........فيمكنك ان تثبت ان نقد اتي الي الحج عن طريق تذاكر الطيران والفندق الذي اقام فيه وهكذا ،بدلاً من الكلام الغير مقنع علي شالكة ان ممنعكم من تصويره هو التنظيم الماركسي ، او محاولة اخفاءه المزعومة. |
| |
|
|
|
|
|
|
|