|
سماية "السهروردي" أول فرحة الأحباب "محمد السني" و"أحلام": نهز الكوانين ونشد القوازين..يللا سريع
|
سعادة لا نهائية فرحة كبرى بحق "محمد سامي الدين السهروردي" أول عنقود الذرية الصالحة للأحباب الغاليين محمد السني دفع الله وأحلام وهبي فرحة كبرى أكبر من إنها تتوصف سادت القلوب وسادت منبرنا فرحتنا دي مستدامة ومن شدة الفرحة لازم نعمل للسهروردي الغالي الحبيب سماية هنا من الليلة لغاية الربع الجايي نففففففففففففففرح مع والدينه وننصب الخيام ونهز الكوانين ونشد القوازين ونعمل ليهو أجمل سماية ونقسم الشغل بورداب قطر عليهم التيران بورداب الإمارات الخرفان الخدار شوفو بيجيبوهو بورداب وين الفواكه والتحلية الخيم لاستقبال الأعداد المهولة من الضيوف الجايين من كل الدنيا جايباهم سعادة حقيقية ومشاركة لاغلى الناس شوفو ناس المديح بيجيهم منو وناس الغنا برضو وناس المراسم البستقبلو الضيوف ديل طبعاً لازم يكونو شباب يعني ناس أعمامنا بدر الدين الأمير وهارون دياب ومل لف لفهم ديل بنخليهم للشياب يونسوهم لغاية ما الغدا يطلع(:(: أما أنا فمن حسة ماشة أفتش لي تيبان جديدة أحضر بيها السماية(:(: بالجد فرحة حقيقية يا حبيبي يا السهروردي يا قرة عين والدينك ربنا يحفظك ويخليك ويحميك ويكبرك لينا ونشوف فيك ما يسرنا ويفرحنا... مليوووون مبروك
|
|
|
|
|
|
|
|
Re: سماية "السهروردي" أول فرحة الأحباب "محمد السني" و"أحلام": نهز (Re: نادية عثمان)
|
Quote: لنوية ؟؟
شنو قاعدة تتونسي لي هنا ؟
ياحبيبة البرندة الغربية مليانة نسوان مافي كباية موية ولا حلاوة إتقدمت ليهم لي هسة !
أنا مع حلة الكمونية مافاضية ياخ ! |
ندوية معليش توما دي شغلتني بي موضوع الشطة وأظن ناقصة ليها حاجات.. بركة الشديتي الكمونية أنا كنتا شايلة هم لي نفخة الفشفاش وحالتي جهزتا لي موية ملح عشان أكبها في قصبة الفشفاش وأنفخو ليكي لاكين شكلك دبرتي حالك(:(:(:(:(: أنا كلمتا الوليد يجيب ليكي فرع شجرة سغير ناعم عشان تقلبي بيهو المصران...الولد دة جابو ليكي ولا كالعادة ماسك طرف جلابية أبوهو ومباريهو؟؟؟(:(: قلتي لي ضفرتي المصران؟أححححسن حاجة عملتيها والله جني وجن الكمونية المصرانها مقصقص سغار سغار زي المكرونة المقصوصة!! ناس البرندة الغربية زماااان أدوهم الموية والحلاوة والخبيز...بس شايفة في نساوين بنقنقو قالو ما عملنا حسابهم عندهم سكري والموية سكرها كتير...في برتكان كفاية يعصروهو ليهم فريش؟؟؟
| |
|
|
|
|
|
|
Re: سماية "السهروردي" أول فرحة الأحباب "محمد السني" و"أحلام": نهز (Re: توما)
|
Quote: لنو صحبتي (المسحلبه)
فرحنا بإبن الذين نحبهم ده جداً جداً
أنا غايتو عليّ الشطه بالدكوه و... الزغاريد |
توما الحبيبة الغالية غايتو موقف يومتا داك دليل سحلبة وكمان دقسة ههههههههه المهم كتري الليمون وكتري الشطة زاااتا لأنو الجايين بالآلاف وما تنسي تختي على جنب خلطة شطة ملحها خفيف عشان ناس الضغط(:(:(:(: لو نقص شي كوركي لي محمد عادل قال لو في شي ناقص بيتمو لينا سريع من السوق(:(:(:
| |
|
|
|
|
|
|
Re: سماية "السهروردي" أول فرحة الأحباب "محمد السني" و"أحلام": نهز (Re: manal eltahir)
|
Quote: انا غايتو احسن اتخارج من هنا قواااااام قبال ما لنا وناديه يرزعوني بي مفراكه ولا كنش....بس جينا نبارك....ما لازم يكون في ناس تتضيف....صاح؟اها انا الضيوف ديل...يلا يا لنا جيبي الببسي والخبيز والماكنتوش ... |
يا منال بس معقولة؟ من صباح الرحمن بنكورك ليكي ورسلنا ليكي مليون زول قلنا ليكي غيري وتعالي محل الخدمة عاملة فيها ضيفة وكمان منتظرة البيبسي والخبيز والماكنتوش؟ يختي السهروردي دة ضيافتو باتشي عديييييييييل ما ماكنتوش(:(:
| |
|
|
|
|
|
|
Re: سماية "السهروردي" أول فرحة الأحباب "محمد السني" و"أحلام": نهز (Re: نادية عثمان)
|
Quote: Quote: Quote: وحالتي جهزتا لي موية ملح عشان أكبها في قصبة الفشفاش وأنفخو ليكي لاكين شكلك دبرتي حالك |
يازولة لا دبرت حالي ولا حاجة !
النصيحة لي الله الفشاش زهجني وحلف مايتنفخ قمت رميتو في أقرب صفيحة زبالة !!
ضروري هو ؟ |
بالغتي يا ندوية والمرارة بس حتكون كبدة وكرشة؟؟ والكمونية البديها طعمها ياهو الفشفاش غايتو بالغغغغغتي يا ندوية كدي شوفي زول يمش الجزر يجيب لينا فشفاش(:(:
| |
|
|
|
|
|
|
Re: سماية "السهروردي" أول فرحة الأحباب "محمد السني" و"أحلام": نهز (Re: عبدالله ود البوش)
|
Quote: النحاس ضرب واللنصار مكابرين اميرتن لنا لفرحتا بود اخونا السني واختنا احلام وفرحانين بفرح اميرتنا بفرحة احبابها السني واحلام وادونا صرة محمد ندفنا في القبة جيبيها براحة يا الاميرة واديني ليها عشان اطلعو ليك محمد المهدي كررررررررر . . مليون مبروك السني عشرة مليون مبروك احلام وشكرا جزيلا اميرتنا الغالية لنا مهدي |
الحبيب ود البوش والله فرحة كبرى بالجد دخل السهروردي الفرح لي قلوبنا وملاها سعادة ورضا داير تدفن الصرة في القبة؟؟ هو من أمو وأبوهو كمان حيطلع استثنائي ههههههههههههه
| |
|
|
|
|
|
|
Re: سماية "السهروردي" أول فرحة الأحباب "محمد السني" و"أحلام": نهز (Re: manal eltahir)
|
Quote: بسم الله يا لنا ...كدي اول شي إديني حاجه أشربها انشالله عصير منقه وبعدين نزليني شغل....اها البيض سلقتو ولا راجيني بيه؟ وناديه دي شايفااااها ...ما صدقت لقت ليها مناسبه...هديك يا لنا تبيع في بضاعتها ..اها سامعاها يا لنا...دكان مجرود وسيدو مطرود.... |
منال إنتي ما نصيحة؟ بيض مسلوق شنو؟(:(:(: بعدين ديك الحفاظة وفوقها الكباية أشربي الموية الحلوة ملحوقة في كمية توم راجياكي تقشريها وتخلطيها عشان الخدمة كتييييييييرة بعدين ناس البرندة الغربية دايرين قهوة ونادية دي ما عارفاها مشت وين تراها بتروج في بضاعتها؟؟ يا نادياااااااااااااااااااااااااا حلتك حرقت (:(:(:
| |
|
|
|
|
|
|
Re: سماية "السهروردي" أول فرحة الأحباب "محمد السني" و"أحلام": نهز (Re: خالد عويس)
|
الأخت الفاضلة لنا مهدي
تحايا كبيرة
سعادة لا نهائية فرحة كبرى بحق "محمد سامي الدين السهروردي" أول عنقود الذرية الصالحة للأحباب الغاليين محمد السني دفع الله وأحلام وهبي فرحة كبرى أكبر من إنها تتوصف سادت القلوب وسادت منبرنا فرحتنا دي مستدامة ومن شدة الفرحة لازم نعمل للسهروردي الغالي الحبيب سماية هنا من الليلة لغاية الربع الجايي نففففففففففففففرح مع والدينه وننصب الخيام ونهز الكوانين ونشد القوازين ونعمل ليهو أجمل سماية ونقسم الشغل
نشارك محمد و أحلام الفرحة و نزف لهم التهاني و ربنا يحفظه ليهم و يحفظهم ليه
بورداب قطر عليهم التيران بورداب الإمارات الخرفان الخدار شوفو بيجيبوهو بورداب وين الفواكه والتحلية الخيم لاستقبال الأعداد المهولة من الضيوف الجايين من كل الدنيا جايباهم سعادة حقيقية ومشاركة لاغلى الناس شوفو ناس المديح بيجيهم منو وناس الغنا برضو
بورداب الرياض عليهم شنو ؟ غايتو بعد المشاورة و الأخد و الرد قررنا أنو دكين ممكن يمثلنا في الإحتفالية و يتحمل كافة ما يترتب علينا و عليه
شكرا لنا على إيراد هذا الخبر المفرح
تحياتي للأسرة
| |
|
|
|
|
|
|
Re: سماية "السهروردي" أول فرحة الأحباب "محمد السني" (Re: manal eltahir)
|
Quote: وتماضر دي عميانه من الحفاظه؟اشربي وتعالي ساعديني في التوم ده وكمان عليك سلطة الاسود وسلطة الروب لكن ما تخافي انا بساعدك في السلطه الخضرا...يلا يا حبيبه وكمان لازم ترضي ندويه بي لبسه ولا لبستين ...وما تنسي حق اللبن....
|
زي ما قلنا يا أحباب دي فرحة كبرى وسماية ممتدة عبر الأرباع غدا شنو دة يا منال الحبيبة الغالية البيقعد كم شهر ما يطلع؟^___^
| |
|
|
|
|
|
|
|